Morgunblaðið - 13.09.1996, Blaðsíða 7

MORGUNBLAÐIÐ
FÖSTUDAGUR 13. SEPTEMBER 1996 7
FRÉTTIR____________
Doktorsritgerð um
Björn Sigurðsson og
stöðina að Keldum
Tryggingastofnun og
„frekari uppbótin“
Uppbótin
ekki skert
vegna
lækna-
deilunnar
LÍFEYRISÞEGAR, er fá greidda
svokallaða „frekari uppbót" vegna
lyfja- og sjúkrakostnaðar eða
umönnunar, hafa langflestir skilað
Tryggingastofnun ríkisins vottorð-
um vegna sjúkra- eða lyfjakostn-
aðar. Örfáir lífeyrisþegar hafa
ekki getað skilað inn umbeðnum
vottorðum vegna læknadeilunnar
og verða þeir ekki fyrir skerðingu
eða niðurfellingu uppbótarinnar
af þeim sökum, segir Karl Steinar
Guðnason forstjóri Trygginga-
stofnunar ríkisins.
Karl Steinar Guðnason segir að
nýtt frítekjumark sé ákveðið af
heilbrigðis- og tryggingamála-
ráðuneyti hinn 1. september ár
hvert, samanber ákvæði laga um
bætur almannatrygginga. Hækk-
unin um síðustu mánaðamót á frí-
tekjumarkinu var 1,7%. Karl
Steinar segir að nýjar tekjur séu
skráðar inn á tölvukerfi TR á bóta-
þega úr skattframtölum síðasta
árs hinn 1. september hvert ár.
Bótaflokkur endurskoðaður
Óháð frítekjumarkinu hefur far-
ið fram endurskoðun á bótaflokki
sem nefndur er „frekari uppbót“
og hefur sú endurskoðun staðið
yfir frá því í byijun sumars. End-
urskoðunin er framkvæmd sam-
kvæmt breytingu á reglugerð, sem
sett var á þessu ári og átti endur-
skoðuninni að vera lokið fyrir síð-
ustu mánaðamót.
Við endurskoðunina, segir Karl
Steinar, er óskað eftir nýjum
gögnum frá þeim, sem notið hafa
bótaflokksins „frekari uppbót".
Þar er um að ræða ýmis ný læknis-
vottorð eða önnur þau gögn, sem
sýnt geta fram á að viðkomandi
búi við þær aðstæður eða auka-
kostnað, sem fellur innan ramma
reglugerðanna. Vottorð frá lækn-
um og önnur gögn hafa því verið
að berast stofnuninni í allt sumar
og eru þau ýmist í vinnslu eða
hafa þegar verið afgreidd.
Tryggingastofnun sendi út bréf
seint í júlí eða byrjun ágúst til
þeirra, sem notið hafa „frekari
uppbótar“ og höfðu ekki skilað inn
vottorðum vegna læknadeilunnar.
Var þeim gefinn frestur til þess
að skila inn gögnum, en eins og
áður sagði var ekki um stóran hóp
að ræða. Flestir höfðu þegar skilað
inn gögnum og er endurskoðun
því að verða lokið.
75 þúsund kr. laun hámark
Reglugerðin, sem áður er vitnað
til, felur í sér að þeir sem hafa
tekjur yfir 75 þúsund krónum á
mánuði fá ekki notið „frekari upp-
bótar" og eru þá bætur almanna-
trygginga meðtaldar. Ennfremur
takmarkast uppbótin þannig að
eigi menn í peningum eða verð-
bréfum meira en 2,5 milljónir
króna öðlast þeir ekki rétt til henn-
ar. Þeim, sem þannig var ástatt
um, var öllum sent bréf, þar sem
tilgreind var ástæða og hvenær
„frekari uppbótin" félli niður.
Karl Steinar Guðnason kvað það
ekki rétt, sem fram kom hér í blað-
inu í fyrradag, að tölvukerfi væri
um að kenna að ekki væri unnt
að taka tillit til nýrra aðstæðna.
Tölvukerfi bótadeildar væri býsna
fullkomið og mætti kannski segja
að betra væri ef kerfi allrar stofn-
unarinnar væri jafngott.
BANDARÍSKUR líffræðingur,
Robert T. Klose, hefur varið dokt-
orsritgerð við Háskóla Mainefylkis
í Bandaríkjunum sem ber titilinn
„Björn Sigurdsson and the concept
of slow viral diseases: A case study
of the development and operation
of modern science in a small-
language culture (Iceland)“. Á ís-
lensku hljóðar þessi titill nokkurn
veginn svo: „Björn Sigurðsson og
hugtakið hæggengir smitsjúkdóm-
ar: Athugun á þróun og starfshátt-
um nútímavísinda í smáu mál-
samfélagi (Island)“, segir í frétt
frá Keldum.
Þar segir jafnframt: „Eins og
sjá má af titli doktorsritgerðar
Roberts T. Klose er viðfangsefni
hans á sviði vísindasögu. Hann
kynnti sér tungu og sögu þjóðar-
innar og vísindastarfsemi í landinu
en þó öðru fremur starfsemi Til-
raunastöðvar Háskóla íslands í
meinafræði að Keldum og framlag
hennar og fyrsta forstöðumanns-
ins, Björns heitins Sigurðssonar,
til alþjóðavísinda, eins og titillinn
gefur til kynna.
Á grundvelli þessara rannsókna
kemst hann að þeirri niðurstöðu í
ritgerð sinni, að smáþjóðir sem
hafa yfir takmörkuðum mannafla
og ijármagni að ráða geti lagt
marktækan skerf til alþjóðlegra
vísinda ef þremur skilyrðum er
fullnægt: 1) Að hugmyndafræði-
leg viðhorf setji alþjóðasamstarfí
ekki skorður; 2) að þær nýti sér-
þekkingu sem heimamenn hafi
umfram aðra á eigin umhverfi;
3) að þær nýti rannsóknaaðstöðu
á erlendri grund sem viðauka við
eigin rannsóknastofnanir til að fá
aðgang að sérþekkingu og efnivið
sem ekki eru tiltæk heima fyrir.
Þess má geta að Þorsteinn Vil-
hjálmsson prófessor í eðlisfræði
og vísindasögu tók þátt í að leið-
beina Klose um ritgerðarsmíðina
og sat í dómnefnd um ritgerðina
og vörn hennar."
„Við borðum Cheerios hringi... d meðan jörðin hringsnýst um möndul sinn...!“
Cheerios
sólarhringurinn
Málið er einfalt, í hvert sinn sem þú borðar Cheerios borðar þú
hollan og góðan mat. Cheerios er trefjaríkur matur, svo til laus
við sykur og fitu en hlaðinn steinefnum og vítamínum.
Þess vegna er ráðlegt að borða Cheerios hvenær sem
hungrið segir til sín - á nóttu sem degi. i JT
-einfaldlega hollt
allan sólarhr'mginn!