Morgunblaðið - 13.11.1996, Blaðsíða 14
14 MIÐVIKUDAGUR 13. NÓVEMBER 1996
MORGUNBLAÐIÐ
AKUREYRI
Morgunblaðið/Kristján
ARI H. Ólafsson, settur yfirlæknir á bæklunardeild FSA, með
hluta af þeim lengingaráhöldum sem deildin hefur yfir að ráða.
Bæklunardeild Fjórðungssjúkrahússins
Meðferð með
lengingaráhöld-
um hafin að nýju
A BÆKLUNARDEILD Fjórðungs-
sjúkrahússins á Akureyri er að nýju
hafin meðferð með lengingaráhöldum
sem þróuð eru af dr. Ilizarov í Kurg-
an í Síberíu en þeim aðferðum var
beitt á bæklunardeildinni við nokkra
sjúklinga fyrir um 10 árum með góð-
um árangri. Aðferðin hefur nú verið
tekin upp að nýju í samvinnu við
barnadeild FSA og bæklunarlækn-
ingadeild háskólasjúkrahússins í
Lundi. Fyrstu sjúklingamir nú voru
sjúklingar sem fengu fyrst meðferð
í Lundi en eftirmeðferðina á FSA.
í lok síðasta árs var unnið að því
að útvega frekari áhöld til áður-
nefndrar Ilizarov-meðferðar og þá
aðallega til meðferðar afleiðinga
beinbrota á útlimum þar sem brot
hafa gróið með aflögun á beinum
og styttingu en jafnframt með leng-
ingaraðgerðir á dvergvöxnum ein-
staklingum í huga.
Höfum lengt dvergvaxið fólk
Ari H. Ólafsson, settur yfirlæknir
bæklunardeildar, segir að þegar Júl-
íus Gestsson, yfirlæknir deildarinn-
ar, hafi verið við störf í Bosníu,
hafi hann komist á snoðir um verk-
smiðju sem framleiðir þessi áhöld
og í framhaldinu hafí FSA keypt
eitt slíkt sett. „Svona sett var á
mjög skikkanlegu verði, miðað við
hvað það kostar á Vesturlöndum,
og nú eigum við tæki til að gera
þessar aðgerðir almennilega. Við
höfum gert nokkrar aðgerðir, bæði
gert við brot sem hafa gróið vitlaust
og einnig höfum við lengt dvergvax-
ið fólk.“
Þorvaldur Ingvarsson, bæklunar-
læknir á FSA, fékk íslendinga í að-
gerðir er hann vann í Lundi í Sví-
þjóð, fólk sem var með alls kyns
æxli í beinum. Eftir að Þorvaldur
flutti heim og fór að vinna á FSA,
hefur hann fylgst með þessu fólki,
því hefur verið meira um slíkar að-
gerðir á stofnuninni.
Erfitt að meta þörfina
Ari segir að það sé mismunandi
hvað hægt sé að lengja fólk mikið
og því fylgi alls kyns erfiðleikar.
„Það er talað um að metið í lengingu
hjá Uizarov sé um hálfur metri en
það er mjög óraunhæft hjá okkur á
Vesturlöndum. Við getum verið að
tala um 10-15 sm hér og með því
að lengja fólk meira er hætta á alls
kyns fylgikvillum, sem er þó nóg af
samt.“
Tækin eru sett í beinið og það svo
tekið í sundur á sérstakan hátt.
Tækin eru skrúfuð í sundur, um ca.
1 mm á dag og segir Ari að beinvöxt-
urinn elti beinið en hins vegar megi
ekki skrúfa of hratt og heldur ekki
of hægt, þegar aðgerðin er fram-
kvæmd. „Þetta er óskaplega lang-
dregin aðgerð og tekur oft marga
mánuði og tekur sálrænt bæði á
sjúkling og lækni.“
Ari segir að erfitt sé að meta
þörfína fyrir aðgerðir sem þessar en
hægt sé að tala um kannski eina
lengingaraðgerð á ári. „Þörfin er
ekki mikil en hún er óskapleg hjá
þeim sem hlut eiga að máli. Og eft-
ir því sem ég best veit er þetta eina
tækið sinnar tegundar hér á landi."
Umferð bíla um göngugötuna í Hafnarstræti
Kostnaður við breytingar
um ein og hálf milljón
KOSTNAÐUR við að hleypa umferð
á göngugötuna í Hafnarstræti er
um ein og hálf milljón króna. Kaup-
menn við götuna hafa farið fram á
við bæjaryfirvöld að gerð verði til-
raun með umferð um götuna í vetur
fram til loka aprílmánaðar.
Að mörgu þarf að hyggja
Gísli Bragi Hjartarson, bæjarfull-
trúi Alþýðuflokks og formaður
skipulagsnefndar, segir að bæjar-
stjórn muni á fundi sínum næsta
þriðjudag taka afstöðu til þess hvort
orðið verði við óskum kaupmanna.
„Það liggur nú fyrir hver lág-
markskostnaður er við breytingar
sem gera þarf á götunni verði um-
ferð um hana leyfð. Það er að
mörgu að hyggja áður en hægt er
að leyfa umferð, það þarf að af-
marka ökuleiðina, setja upp hlið og
innkomu, ákveða í hvora áttina
verður ekið og svo er stoppistöð
strætisvagna við suðurenda göt-
unnar, þannig að eins og staðan
er nú loka þeir götunni á vissum
tímum. Það þarf því að skoða marga
þætti áður en leyfi fyrir umferð
verður veitt, en samt sem áður er
gerlegt að verða við þessari ósk
kaupmanna," sagði Gísli Bragi.
Hann segir að sjálfsagt sé að
gera umrædda tilraun og fá bæj-
arbúa að henni lokinni til að legga
á hana mat. Þó að umferð verði
leyfð nú í vetur sé ekki verið að
marka stefnu til frambúðar, enda
þurfí þá umfangsmeiri breytingar
að koma til.
„Menn eru ekki sammála um
hvort rétti tíminn til að gera þessa
tilraun sé nú í upphafi jólaumferð-
ar, þegar hvað mest líf er að jafn-
aði í göngugötunni,“ segir Gísli
Bragi, en -sem fyrr segir mun
bæjarstjórn taka ákvörðun í næstu
viku.
£
SÖN GHÓPURINN æfir stíft, en hann tengir saman söng og ljóð Jónasar á sýningunni.
Ástkæra, ylhýra málið
ÁSTKÆRA, ylhýra málið er yfirskrift þemadaga
sem standa yfir í Gagnfræðaskólanum á Akur-
eyri. Skólinn er undirlagður frá kjallara upp á
efstu hæð af ungu áhugasömu fólki, nemendum,
kennurum og öðru starfsfólki sem vinnur að und-
irbúningi fyrir dag íslenskrar tungu. í skólanum
eru um 400 nemendur í 8. til 10. bekk, kennararn-
ir eru 26 en 14 aðrir starfsmenn starfa við skól-
ann.
Nemendur hafa skipað sér í nokkra hópa, í
leiklistarhópi verður fjallað um ævi Jónasar Hall-
grímssonar og flutt leikrit um Fjölnismenn.
Nokkrir nemendanna sjá um búninga og hönnun
leikmyndar og þá sjá nemendur í leiklistarhópnum
um dans. Myndlistarhópurinn sér um allt sem
lýtur að myndlistinni, útbýr plaköt, teiknimyndir
og fleira þess háttar. Fólkið í tónlistarhópnum
tengir saman söng og ljóð og þeir sem skipa al-
mannatengslahópinn sjá um að skrifa blaðagrein-
ar, gera skoðanakannanir og útbúa sýningarskrá.
Sýningar verða á sal skólans í dag, miðvikudag
og eru þær bæði fyrir nemendur og foreldra.
Morgunblaðið/Kristján
ÞÓRA Björk Ottesen og Guðjón S. Tryggvason
framkvæmdasljórar nemendaráðs með styttu
af Jónasi Hallgrímssyni.
Skjaldborg gefur út 43 bókartitla
Jólabækurnar
kynntar á Akureyri
Morgunblaðið/Kriatján
BENEDIKT Kristjánsson útgáfusljóri Skjaldborgar kynnti út-
gáfutitla fyrirtækisins fyrir bóksölum og starfsfólki bókabúða
á Akureyri og víðar um helgina.
BÓKAÚTGÁFAN Skjaldborg í
Reykjavík gefur út 43 bókartitla
fyrir þessi jól. Fulltrúar Skjaldborg-
ar voru á Akureyri um helgina til
að kynna bækumar fyrir bóksölum
og starfsfólki bókabúða í Eyjafírði
og víðar.
Björn Eiríksson eigandi Skjald-
borgar segir að fyrirtækið hafí hall-
að sér töluvert af útgáfu bamabóka
í seinni tíð enda áhugi fyrir þeim
bókum mikill. „Við þurfum að ala
æskuna rétt upp, því annars lifír
bókaútgáfan ekki,“ sagði Björn.
Skjaldborg á 30 ára afmæli á næsta
ári og þá er stefnt að því að gefa
út heldur fleiri titla en venjulega.
Skjaldborg gefur að þessu sinni
út bæði íslenskar og þýddar barna-
og unglingabækur, íslensk og þýdd
skáldverk, bækur almenns eðlis,
ævisögur og endurminningar,
handbækur og matreiðslubækur.
Játningar Berts er sjötta bókin
um prakkarann óviðjafnanlega Bert
Ljung en fyrri bækumar urðu allar
metsölubækur. Birgitta H. Hall-
dórsdóttir sendir frá sér bókina
Ofsótt, sem er fjórtánda skáldsaga
þessa vinsæla spennubókahöfund-
ar. Götustrákur á spariskóm - Lífs-
saga Þorsteins Viggóssonar at-
hafna- og ævintýramanns, eftir
Þóru Kristínu Ásgeirsdóttur, er ein
bóka Skjaldborgar í flokki ævisagna
og endurminninga.
Vímuefna-
vandamál
unglinga
NÁMSKEIÐ um vímuefnavanda-
mál unglinga verður haldið á Jaðri,
félagsheimili Golfklúbbs Akureyrar
á föstudag frá kl. 16 til 20.
Mikil umræða hefur verið í gagni
varðandi vímuefnavandamál ungl-
inga. Börn og unglingar stunda
mikið íþróttir og er hlutverk íþrótt-
afélaganna mjög mikilvægt í því
að móta hugmyndir þeirra um vímu-
efni. Námskeiðið er liður í því mark-
miði Akureyrarbæjar að gera
grunnskólana á Akureyri vímuefna-
lausa.
Leiðbeinendur á námskeiðinu
verða Einar Gylfi Jónsson og Ingi
Bæringsson.