Morgunblaðið - 16.11.1996, Blaðsíða 40

Morgunblaðið - 16.11.1996, Blaðsíða 40
40 LAUGARDAGUR 16. NÓVEMBER 1996 MORGUNBLAÐIÐ -I AÐSENDAR GREINAR Gottíþrótta- starf - og keppni ÍÐRÓTTAIÐKUN stúlkna hefur verið tölu- vert í umræðunni síðustu misseri. Kannanir hafa sýnt að meirihluti fólks telur íþróttir vera jafnt fyrir stúlkur og pilta. Eftir sem áður gerist það enn að stúlkur á aldrinum 14-16 ára hætta íþrótta- . iðkun frekar en piltar. Hvað veldur? Það eru margir þættir sem skipta máli. Því tel ég að allir sem að málinu koma ættu að hugleiða hvað hægt sé að gera til úr- bóta. Ingveldur Bragadóttir Fyrst ber að nefna íþróttafélögin. Hlutverk íþróttafélaganna er að setja saman dagskrá sem hæfír, en hana þarf síðan að kynna. Hafa félögin það fyrir reglu að kynna tilboð sín þeim, sem ætlunin er að ná til? Flest félög hafa farið með kynningu í skól- ana. Ekki er nægilega markvisst að gera það á nokkurra ára fresti, held- ur þarf á hverju nýju tímabili að fara , til unglinganna og dreifa til þeirra '-¦«** tímatöflum og hvetja þá til þátttöku. j Ég hef heyrt því borið við að það kosti vinnu og fjarmuni. Er ekki eðli- legt að eitthvað kosti að auglýsa? Öllum ætti að vera ljóst, segir Ingveldur Bragadóttir, að íþróttir eru nauðsynlegar. ""VKostnaðurinn kemur væntanlega til baka í aukinni þátttöku. Mesti vandi félaganna við að halda stúlknaflokk- um gangandi er sú fækkun sem á sér stað í tilteknum aldursflokkum. Staðreyndin er sú að yngri flokkar eru vel skipaðir þátttakendum, en í unglingaflokknum er hópurinn tekinn að þynnast. Því er það félaganna að kynna starfsemina og e.t.v. að breyta þjálfunarforminu, í samræmi við áhuga unglinganna. Nokkur félög, sem taka þátt í átaksverkefni um brottfall stúlkna úr íþrótt- um, bjóða stúlkum í öllum deildum félagsins þolfimi til reynslu í vetur. Þeim, sem stunda hópíþrótt hjá félaginu, stendur til boða að sækja þol- ""% fimitíma samhliða æfingunum. Vonast er til að það verði til þess að lengja þátttöku þeirra í íþróttum. Áhrif foreldra eru einnig mikil. Þegar unglingur hættir að sækja íþróttaæf- ingar og ekkert annað áhugamá! tek- ur við myndast tími aflögu sem sumir nýta í raun ekki til neins gagns. Sam- kvæmt könnunum sem unnar hafa verið kemur fram að hvatning for- eldra skiptir unglinga miklu máli. Það má líka líta til þess að þátttaka í íþróttafélagi er forvörn gegn neyslu hættulegra efna, sem allt of mikið er um meðal unglinga. Hvert eitt barn sem fer út af sporinu er einu barni of mikið. Kjarni málsins eru stúlkurnar sjálfar. Að sjálfsögðu er þetta ekki eingöngu mál íþróttafé- laga og foreldra, heldur fyrst og fremst stúlkn- anna sjálfra. Þær verða að vera ákveðnar í að vilja stunda íþróttir. Þær þurfa að svara þeim upplýsing- um sem til þeirra berast. Öllum ætti að vera ljóst nú að hreyf- ing er af hinu góða og meira en það, hún er nauðsynleg, þeim sem því geta við komið. Læknar telja að draga megi úr sjúkdómum, bæði andlegum og líkamlegum, og jafnvel að koma í veg fyrir þá, með reglulegri hreyfingu. I körmunum hafa stúlkur svarað því til að keppni höfði ekki til þeirra og að megináhersla sé lögð á keppni í íþróttafélögunum. Það má rétt vera, en hvers vegna hafa stúlkur ekki áhuga á keppni? Reynist þeim erfitt að vinna úr því að tapa/sigra? Er það ekki góð reynsla í lífinu að taka þátt í skipulegri keppni þar sem föstum reglum er fylgt? Að keppa og að berjast fyrir sæti sínu í keppnisliði þarf ekki að vera neikvætt, en getur komið öllum til góða. Þetta ber ekki að skilja sem svo að ég leggi of ríka áherslu á keppni, en í íþróttum þurf- um við að hafa markmið og í keppn- inni reynir á reglur og gang leiksins. Sem verkefnisstjóri átaksverkefn- is, sem nú hefur staðið yfír í eitt ár hjá ÍSÍ, hef ég fengið mikla svörum úr ýmsum áttum. Þeim aðilum sem ég hef heyrt frá hefur þótt halla á stúlkurnar hvað aðstöðu til íþrótta- iðkunar varðar og lýsa undrun sinni á því, því að öllum ber saman um ágæti þessa starfs. Ég held að ekki sé við neinn einn að sakast, heldur þurfi allir, sem að barna og unglingastarfi vinna, að vanda sig vel. Næsta verkefni, sem við stöndum frammi fyrir, er að bjóða þjálfurum, að sækja ráðstefnu þar sem fjallað verður um þjálfun stúlkna. Fyrri ráðstefnan verður hald- in á Akureyri laugardaginn 16. nóvember nk. kl. 11-14. Síðari ráðstefnan verður haldin í íþróttamiðstöðinni í Laugardal, laug- ardaginn 23. nóvember nk. kl. 10.30- 13.30. Sagt verður frá dagskránni á íþróttasíðum. Allir þjálfarar, sem starfa við stúlknaþjálfun, svo og for- ráðamenn íþróttafélaga, eru hvattir til þátttöku! Höfundur er íþróttakennari og verkefnisstjóri ÍSÍ. DRENGJAKÓR Laugarneskirkju ásamt stjórnanda sínum í Liseberg í Gautaborg lO.júlí 1996. Drengjakór Laugarneskirkju Þannig eru kjörorð Drengjakórs Laugarneskirkju (skammstafað DKL). Þau lýsa ágætlega hug- myndafræði starfsins. Söngurinn verður bestur og túlkun tónanna innilegust þegar nauðsynleg ögun og frelsi barnsins til leikja fer sam- an í kórstarfinu. Meðal flestra rótgróinna menn- ingarþjóða er hefð fyrir drengjakór- um í kirkjulegu starfi. Hérlendis hafa ekki verið starf- ræktir margir drengjakórar og er Drengjakór Laugarneskirkju nú eini starfandi drengjakórinn í landinu. Hér á eftir verður gerð nokkur grein fyrir starfsemi hans. Starfið í vetur Drengjakór Laugarneskirkju hef- ur nú starfað í sex ár. í vetur taka hátt í sextíu drengir þátt í starfi hans, ýmist í aðalkór, undirbúnings- deild eða nýstofnaðri eldri deild. Þar syngja drengir sem áður voru í aðalkórnum en hafa nú gengið gegnum raddbreytingu og syngja dýpri raddir. Æfingar á vegum Drengjakórs- ins eru fjórum sinnum í viku. Auk þess að syngja reglulega við guðs- þjónustu í kirkjunni syngur kórinn við ýmis önnur tækifæri og heldur tónleika tvisvar á ári, á aðventunni og að vori. Stjórnandi Drengjakórs- ins er Friðrik S. Kristinsson. Frá liðnu sumri Hafi einhverjír Laugnesingar vaknað fyrir allar aldir föstudaginn 7. júní síðastliðinn hafa þeir hinir sömu e.t.v. séð þéttsetna hópferða- Verslunin Bossanova opnar nyja skóverslun í Bankastræti M ,A Syngja eins og englar, hegða sér eins og herr- ar, leika sér eins og strákar. Ólafur Jó- hannsson segir þessi kjörorð Drengjakórs Laugarneskirkju lýsa ágætlega hugmynda- fræði starfsins. bifreið leggja af stað frá Laugar- neskirkju. Þar voru meðlimir DKL að Ieggja af stað í tónleika- og skemmtiferð til Svíþjóðar og Dan- merkur. Ásamt 34 drengjum á aldr- inum 9-15 ára fóru 10 foreldrar, stjórnandi, organisti og undirritað- ur, starfandi sóknarprestur í Laug- arneskirkju. Ferðaáætlunin var nokkuð stíf en ferðin samt öll hin ánægjulegasta. Flogið var til Kaupmannahafnar og þaðan ekið rakleitt til Gauta- borgar. Fyrstu sólarhringana voru bækistöðvar ferðalanganna á far- fuglaheimili þar í borg. Sunnudag- inn 9. júní voru haldnir tónleikar í Dómkirkjunni í Gautaborg í sam- starfi við drengjakór sem þar starf- ar. Sérstaka ánægju vakti að hitta marga íslendinga, búsetta ytra, sem sóttu þessa tónleika. Einnig var sungið í skemmtigarð- inum Liseberg einn sólfagran sum- ardag en þegar tónleikahaldi sleppti var tíminn aðallega nýttur til að skemmta sér. Þá var ferðalöngunum boðið í garðveislu til frú Ingu Þóru Geir- laugsdóttur og _sr. Jóns Dalbú Hró- bjartssonar, íslendingaprests í Gautaborg, en sr. Jón var einmitt prestur í Laugarneskirkju þegar Drengjakórnum var komið á lagg- irnar. Frá Gautaborg var siglt með ferju til Jótlands þar sem Legoland vakti einna mesta athygli og hrifn- ingu ferðalanganna. Einnig var sungið fyrir starfsmenn hönnunar- fyrirtækis í Ebeltoft á austurströnd Jótlands sem launuðu drengjunum m.a. með því að bjóða þeim að skoða gamla freigátu frá tíma seglskipa. Síðustu daga ferðarinnar var gist á heimilum félaga í Danska drengja- kórnum í Kaupmannahöfn. í sam- starfi við Danska drengjakórinn voru haldnir tónleikar í Dyssegárds- kirkju í Hellerup. Einnig var sungið á vegum íslendingafélagsins á þjóð- hátíðarsamveru 15. júní. Góðar við- tökur Dananna og alúðleg fram- koma þeirra yljaði um hjartarætur. Örþreyttur en himinsæll hópur drengjaog fylgdarfólks kom aftur heim til íslands kvöldið fyrir þjóðhá- tíðardaginn og sumarfrí kórsins fór í hönd. Foreldrafélag — fjáröflun Slíkar utanlandsferðir eru ómet- anlega þroskandi og gefandi fyrir þá sem eiga þess kost að taka þátt í þeim. DKL hefur að jafnaði farið slíkar ferðir annað hvert starfsár en tónleikaferð hér innanlands hitt árið. Kórstarf sem þetta er vissulegí krefjandi. Auk söngþjálfunar 0£ þess trúarlega uppeldis, sem felsi í slíku kirkjustarfi, læra drengirnii m.a. að starfa saman, taka tillit ti'. annarra og skipuleggja tíma sinn. Drengirnir eiga sjálfír mestan heið- ur af því hve vel hefur gengið í DKL. Ekki má þó gleyma þætti stjórn- andans, Friðriks S. Kristinssonar, sem tekst með vandvirkni og lagni að sameina drengina og ná því besta fram hjá þeim. Jafnframt er ljóst að svo um- fangsmikið starf með tónleikahaldi, ferðalögum o.fl. væri ekki mögulegt nema vegna atorku og dugnaðar freldra í foreldrafélagi DKL sein hafa staðið fyrir fjáröflun af ýmsu tagi. Kertasala fyrir jólin er fastur liður í fjáröflun DKL. Mega Reykvíkingar og nærsveitamenn búast við því að verða boðin til sölu kerti í-því skyni að styrkja þetta góða starf. Aðventutónleikar Bækistöðvar DKL eru í Laugar- neskirkju enda starf kórsins liður í safnaðarstarfi Laugarnessafnaðar. Þar fara fram allar fastar æfíngar og þar er önnur aðstaða kórsins. Til tilbreytingar hefur DKL hald- ið suma tónleika sína í öðrum kirkj- um. Nú á aðventunni verða tónleikar DKL í Langholtskirkju sunnudag- inn 15. desember kl. 20. Miðar verða seldir í Laugarneskirkju og í Kirkjuhúsinu. Lokaorð Starf DKL er fyrst og fremst þroskandi og gefandi fyrir þá drengi sem eiga þess kost að taka þátt í því. '. Auk þess er það gefandi og ánægjulegt fyrir söfnuðinn sem stendur á bak við það og nýtur þess. Síðast en ekki síst er það mikil- vægur þáttur í að auka fjölbreytni í kirkjulegu tónlistarstarfi. Sungið er mönnum til ánægju en Guði til dýrðar. Höfundur er prestur i Laugarneskirkju.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.