Morgunblaðið - 27.02.1997, Blaðsíða 14

14 FIMMTUDAGUR 27. FEBRÚAR 1997
MORGUNBLAÐIÐ
AKUREYRI
á fróni
ÞAÐ er heldur napurt norðan-
Iands um þessar mundir en þegar
Akureyringar voru á leið til
vinnu í snemma í gærmorgun var
um 16 stiga frost. Eftir því sem
á daginn leið og sólin hækkaði á
lofti minnkað frostið nokkuð en
hélt sér þó yfir tveggja stafa
tölu allt fram á kvöld.
-----»■■-»--♦--
Aukasýning á
Undir berum
himni
ALLRA síðustu forvöð verða til að
sjá sýningu Leikfélags Akureyrar á
verkinu Undir berum himni eftir
Steve Tesich næstkomandi laugar-
dagskvöld, en það er sýnt á Renni-
verkstæðinu, nýju leiksviði félagsins
við Strandgötu 49.
Undirbúningur að sýningu Leikfé-
lags Akureyrar á Vefaranum mikla
frá Kasmír hefst strax og sýningum
á Undir berum himni lýkur .
ÚA segir upp vinnu- og greiðslufyrirkomulagi starfsfóiks í landvinnslu
Morgunblaðið/Þórhallur Jónsson
Stefnt að nýj um samn-
ingnm í lok apríl
Fækkun á skrifstofu og þjónustudeildum
ÚTGERÐARFÉLAG Akureyringa
ætlar um næstu mánaðamót að
segja upp vinnu- og greiðslufýrir-
komulagi starfsfólks landvinnslu
félagsins á Akureyri. Gengið verður
til samninga við starfsfólkið um
nýtt fyrirkomulag og er ætlunin að
ljúka þeim samningum fyrir lok
apríl. Aðgerðirnar eru hluti af gagn-
gerri endurskipulagningu á land-
vinnslu félagsins sem staðið hefur
yfir að undanfömu. Samhliða þess-
um breytingum verður starfsfólki í
þjónustudeildum og skrifstofu
fækkað um 19.
Guðbrandur Sigurðsson fram-
kvæmdastjóri Útgerðarfélags
Akureyringa segir að á síðustu
misserum hafi afkoma í landvinnslu
verið slæm en sú þróun hefur kom-
ið illa við rekstur Útgerðarfélags
Akureyringa þar sem bolfiskvinnsl-
an hefur ávallt verið undirstaðan í
rekstri félagsins. Skipum félagsins
hefur á sama tíma fækkað. Til að
mæta þessu hefur á undanförnum
mánuðum verið unnið að gagngerri
endurskipulagningu á landvinnslu
félagsins og aðrir þættir í starfsem-
inni skoðaðir með það í huga að
lækka kostnað.
Breytingar í landvinnslu um
miðjan júní
Guðbrandur segir að á síðustu
mánuðum hafi afkoma í landvinnslu
félagsins verið að batna en nokkrir
þættir hjálpuðust að hvað það varð-
ar, þegar hefðu ýmsir hlutir í vinnsl-
unni verið lagfærðir og þá væri
gengi gjaldmiðla hagstætt. „Við
höfum mikla trúa á því að þær
breytingar sem við erum að vinna
að núna muni skila okkur veruleg-
um ávinningi,“ segir Guðbrandur,
en áætlað er að um miðjan júní
verði breytingar í landvinnslu ÚA
orðnar að veruleika.
Nýlega var bætt við 15 stöðugild-
um í landvinnslunni á Akureyri og
eru nú 150 stöðugildi við framleiðsl-
una. Öllu því starfsfólki gefst kost-
ur á að vinna samkvæmt nýja skipu-
laginu, en gert ráð fyrir óbreyttum
fjölda starfsfólks í framleiðslunni
eftir breytingar.
Fækkað á skrifstofu og í
þjónustudeildum
Samhliða breytingum á land-
vinnslu verður starfsfólki í þjón-
ustudeildum og á skrifstofu fækk-
að. Nú starfa 52 starfsmenn á þess-
um sviðum en fækkar í 33, eða um
19 manns. „Þetta gerum við fyrst
og fremst til að lækka kostnað,"
segir Guðbrandur. „Auðvitað er
alltaf sárt að segja upp starfsfólki
sem lengi hefur unnið hjá fyrirtæk-
inu, en þetta eru nauðsynlegar ráð-
stafanir sem grípa þarf til svo við
náum þeim árangri sem við teljum
að félagið eigi að geta náð.“
Lotuvinna
Ætlunin er að ljúka gerð nýs
samnings við starfsfólk í land-
vinnslu fyrir lok aprílmánaðar og
segir Guðbrandur að m.a. verði tek-
inn upp einstaklingsbónus í stað
hópbónuss, en það fyrirkomulag
ætti að bæta afkomu starfsfólks
nokkuð. Þá verður tekin upp lotu-
vinna og segir Guðbrandur að stefnt
verði að því í fyrstu að hafa eina
heila lotu og aðra hálfa þannig að
vinnslan yrði í gangi í 11 til 12 tíma
á dag. „Við munum reyna að vera
sveigjanlegir gagnvart vinnutíma
þannig að hann henti sem flestum,
því kerfi af þessu tagi gefur mun
meiri möguleika en það sem við
lýði er,“ segir Guðbrandur, en gat
þess jafnframt að engar breytingar
yrðu gerðar nema fyrir þeim væri
meirihlutavilji starfsfólks.
Stafnbúi
Ráðstefna
um sjávar-
útvegsmál
STAFNBÚI, félag sjávarútvegs-
fræðinema við Háskólann á Akur-
eyri og Dagur Tíminn standa fyrir
ráðstefnu undir yfirskriftinni „fisk-
veiðistjórnun - byggðastefna -
arðsemi“ á Hótel KEA næstkom-
andi laugardag, 1. mars. Hún stend-
ur frá kl. 11 til 16 og er aðgangseyr-
ir 1.500 krónur.
Ráðstefnan er haldin í kjölfar
fundaherferðar sem farin var um
Norðurland síðustu vikur, á Sauðár-
krók, Siglufjörð, Ólafsfjörð og
Húsavík. Markmiðið með fundunum
og ráðstefnunni er að leiða saman
ólík sjónarmið um fiskveiðistjórnun
og stuðla að málefnalegri umræðu
um sjávarútveg í þjóðfélaginu.
Mismunandi
sjónarmið
Sjónarmið eru mismunandi í garð
fiskveiðistjórnunar og má þar nefna
tvö megin sjónarmið, annars vegar
arðsemissjónarmið sem setur hagn-
að og arðsemi af auðlindinni ofar
öllu og hins vegar byggðarsjónarm-
ið sem leggur höfuðáherslu á dreif-
ingu aflahlutdeilda, arðs og atvinnu
til allra byggðarlaga.
Þeir sem flytja erindi á ráðstefn-
unni eru_Andri Teitsson, forstöðu-
maður VÍB á Akureyri, Bjarni Haf-
þór Helgason, framkvæmdastjóri
Útvegsmannafélags Norðurlands,
Pétur Bjamason, framkvæmda-
stjóri Félags rækju- og hörpdisk-
framleiðenda, Sævar Gunnarsson,
formaður Sjómannasambandsins,
Elínbjörg Magnúsdóttir, fisk-
vinnslukona og bæjarfulltrúi á
Akranesi, Einar Oddur Kristjáns-
son, alþingismaður og Þorsteinn
Már Baldvinsson, framkvæmda-
stjóri Samherja.
Messur
LAUFÁSPRESTAKALL:
Guðsþjónusta verður í Greni-
víkurkirkju sunnudaginn 2.
mars kl. 14 á æskulýðsdegi
kirkjunnar. Foreldrar, komið
með börnin í kirkju þennan
dag. Fermingarfræðsla í skól-
anum á Grenivík á sunnudag
kl. 11. Kyrrðar- og bænastund
í Grenivíkurkirkju á sunnudag
kl. 21.
k
Morgunblaðið/Þórhallur Jónsson
í mörg hom að líta
STARFSMENN Slippstöðvar-
innar hafa í mörg horn að líta
þessa dagana en verkefnin eru
ærin. Og þeir láta það ekki á
sig fá, strákarnir í slippnum þó
kalt sé í veðri, klæða sig bara
betur og halda ótrauðir út í
fimhulkuldann.
Frummat umhverfisáhrifa vegna Borgar- og Dalsbrautar
Hávaði sunnan Bakkahlíðar
yfir viðmiðunarmörkum
ATHUGUN Skipulags ríkisins á
frummati á umhverfisáhrifum fyrir-
hugaðrar lagningar Borgarbrautar
og Dalbrautar á Akureyri er hafín.
Tæknideild Akureyrarbæjar hefur
unnið mat á umhverfisáhrifum fram-
kvæmdarinnar, en markmið hennar
er að bæta samgöngur innan bæjar-
ins og stuðla að bættu umferðarör-
yggi. Vegirnir munu tengja saman
bæjarhluta og aðalsetur Háskólans
á Ákureyri við gatnakerfi bæjarins.
Vegaframkvæmdin er í tveimur
hlutum, Borgarbraut og Dalsbraut.
Borgarbrautin verður 1.450 metrar
að lengd og liggur frá gatnamótum
Glerárgötu og Tryggvabrautar, upp
með Glerá, yfir ána í mynni Glerár-
gils ofan uppistöðulóns og liggur
sunnan Bakkahlíðar að Hlíðarbraut.
Næst Glerárgötu liggur vegurinn um
áreyrar Glerár og þarf að færa árfar-
veginn til á um 100 metra kafla, en
svæðið er þegar raskað. Frá gatna-
mótum við Dalsbraut að háskóla-
svæðinu liggur vegurinn um gróin
tún og kartöflugarða auk þess sem
íbúðarhús lendir í vegstæðinu. Þar
sem Borgarbraut liggur yfir Glerá
verða reistar tvær samsíða brýr, 39
og 36 metra langar. Dalsbraut verð-
ur 780 metrar að lengd og liggur frá
Borgarbraut að núverandi gatnamót-
um Dalsbrautar að Akurgerði, mun
hún liggja yfir ræktuð tún, farveg
Kotárlæks og eftir Lækjardal.
Efri hluti Glerárgils, ofan uppi-
stöðulóns gömlu brúarinnar við Sól-
velli er á Náttúruminjaská. Helstu
umhverfisáhrif þessara framkvæmda
eru samkvæmt matsskýrslu lands-
lagsbreytingar og sjónræn áhrif sem
verða vegna skeringa og fyllinga í
nálægð Glerárgils og byggingu brúa
á svæði á Náttúruminjaskrá. Þá
verða töluverð sjónræn áhrif vegna
sprenginga á vegstæðinu. Fram-
kvæmdin mun einnig hafa áhrif á
íbúðabyggð, en útreikningar benda
til að hávaði frá umferð um Borgar-
braut fari lítillega yfir viðmiðunar-
mörk sunnan Bakkahlíðar.
í matsskýrslu kemur fram að til
mótvægis verði jarðraski haldið í lág-
marki og við hönnun brúa yfir ána
verði tekið tillit til umhverfisins.
Vegna hljóðmengunar er ráðgert að
taka frá svæði til að byggja hljóð-
tálma milli akbrautar og lóðamarka
sunnan Bakkahlíðar.
Kynningarfundur
Frummatsskýrsla liggur frammi á
bæjarskrifstofum Akureyrar, Amts-
bókasafninu, í Þjóðarbókhlöðunni og
hjá Skipulagi ríkisins til 2. apríl
næstkomandi. Gefst almenningi
kostur á að kynna sér fyrirhugaðar
framkvæmdir og leggja fram at-
hugasemdir sem berast þurfa Skipu-
lagi ríkisins eigi síðar en 2. apríl.
Almennur kynningarfundur verður
haldinn á vegum Akureyrarbæjar í
Glerárskóla næstkomandi mánudag,
3. mars kl. 20.