Morgunblaðið - 30.04.1997, Blaðsíða 15

MORGUNBLAÐIÐ
AKUREYRI
MIÐVIKUDAGUR 30. APRÍL 1997 15
Morgunblaðið/Hólmfríður
Sigling á
sumardag-
inn fyrsta
Grímsey. Morgunblaðið.
GYLFI Gunnarsson skipstjóri á
Þorleifi EA 88 bauð öllum börnum
í Grímsey á sumardaginn fyrsta
í bátsferð. Farið var stutt út fyrir
höfnina og dregin ein grásleppu-
trossa sem þar liggur. Aflinn var
ekki ýkja mikill en sjóferðin hin
skemmtilegasta þrátt fyrir það
og börnin voru hin ánægðustu.
Aður en farið var heim sigldi
Gylfi bát sínum út í svokallaða
Básavík, svona rétt til að líta á
fuglalífið. Mátti glöggt sjá að vor-
ið er á næsta leiti því græn slikja
er komin yfir Básavík. Á sigling-
unni bauð Gylfi gestum sínum upp
á góðgæti sem var vel þegið af
sjófarendum.
Bærínn tilbúinn að fjármagna
byggingu rannsóknarhúss
Áætlanir ríkisins verða að liggja fyrir
AKUREYRARBÆR er tilbúinn að
fjármagna byggingu rannsóknar-
húss við Háskólann á Akureyri,
en áður vilja menn sjá hvaða áætl-
anir ríkið hefur varðandi uppbygg-
ingu háskólans og hver framlög
þess verða á næstu árum.
Þorsteinn Gunnarsson, rektor,
og Ólafur Búi Gunnlaugsson,
framkvæmdastjóri Háskólans á
Akureyri, hafa rætt við fulltrúa í
bæjarráði Akureyrar um fjár-
mögnun bygginga háskólans með
sérstöku tilliti til byggingar rann-
sóknarhúss þar sem m.a. yrði að-
setur matvælarannsókna á Akur-
eyri.
Starfsemi Háskólans á Akureyri
er nú dreifð á nokkra staði í bæn-
um, en áætlað er að það kosti um
750 milljónir króna að flytja alla
starfsemina á nýtt háskólasvæði
við Sólborg. Þar sem um kostn-
aðarsamt verkefni er að ræða er
ljóst að það mun taka nokkurn
tíma að flytja alla starfsemi há-
skólans á framtíðarsvæði hans við
Sólborg. Forsvarsmenn háskólans
eru því að leita leiða til að hraða
fjármögnun og var sú hugmynd
viðruð á bæjarráðsfundinum að
Akureyrarbær tæki að sér að
kosta byggingu rannsóknarhúss,
en í því er m.a. fyrirhugað að
hafa aðsetur matvælarannsókna á
Akureyri. Gert er ráð fyrir að
byggingin kosti um 250 milljónir
króna, en hún verður um 2.500
fermetrar að stærð.
Einhugur í bæjarráði
Gísli Bragi Hjartarson, bæjar-
fulltrúi Alþýðuflokks, segir að
bæjarráð hafi verið einhuga um
að verða háskólanum að sem
mestu liði og er bærinn tilbúinn
að fjármagna umrædda byggingu
en á móti kæmu endurgreiðslur
til að mynda á tuttugu ára tíma-
bili. Þá vilja forsvarsmenn bæjar-
ins sjá hveijar áætlanir ríkið hefur
varðandi uppbyggingu á háskóla-
svæðinu, en gert er ráð fyrir að
skýrsla nefndar á vegum mennta-
málaráðherra sem fjallað hefur um
skipulag, uppbyggingu og fjár-
mögnun háskólabygginga verði
kynnt innan tíðar. „Við viljum
gjarnan leggja okkar lóð á vogar-
skálina, en það þýðir lítið nema á
móti komi framlög frá ríkinu,“
segir Gísli Bragi.
Ráðstefna
um barna-
og ungl-
inga-
íþróttir
BARNA- og unglinganefnd
íþróttasambands íslands gengst
fyrir ráðstefnu um barna- og ungl-
ingaíþróttir næstkomandi laugar-
dag, 3. maí, og verður hún haldin
í Hamri, félagsheimili Þórs á Akur-
eyri. Ráðstefnan hefst kl. 10 og
er megininntak hennar „Stefnuyf-
irlýsing um íþróttauppeldi æsku-
fólks,“ sem samþykkt var á
íþróttaþingi á Akranesi síðasta
haust.
Þráinn Hafsteinsson íþrótta-
fræðingur segir frá þeim hug-
myndum sem hafðar voru að leið-
arljósi, Hanna Dóra Markúsdóttir
fimleikaþjálfari segir frá viðhorfi
fimleikahreyfingarinnar til þessar-
ar yfirlýsingar og Gísli Kristinn
Lórenzson fulltrúi Andrésar-and-
arleikanna frá sjónarmiðum móts-
haldara.
Sagt frá íþróttaskólum
Fulltrúar tveggja íþróttaskóla
lýsa starfsemi þeirra, þau Guðrún
Kristinsdóttir forstöðumaður
íþróttaskóla Völsungs og Sigurður
Guðmundsson íþróttafulltrúi í Mos-
fellsbæ .
Ráðstefnan er ætluð þjálfurum,
forráðamönnum íþróttafélaga og
öðru áhugafólki um íþróttir barna
og unglinga. Aðgangur að ráð-
stefnunni er ókeypis og eru allir
velkomnir.
Utí
óvissuna
GLAÐBEITTUR hópur 10. bekk-
inga í Gagnfræðaskóla Akur-
eyrar hélt í ferðalag út í óvissuna
um hádegi í gær, að loknum sam-
ræmdu prófunum. Það voru alls
tæplega 150 nemendur sem fóru
í ferðina, en mikil leynd hvíldi
yfir hvert henni var heitið og jók
það mjög á spennuna. Tilgangur-
inn með ferðinni er að sögn
Ragnheiðar Ólafsdóttur í for-
eldraráði m.a. að koma í veg
fyrir að krakkarnir söfnuðust
saman í reiðileysi i miðbænum
en gerðu þess í stað eitthvað
uppbyggilegt saman. Þetta er í
fyrsta sinn sem ferð sem þessi
er farin og segir Ragnheiður að
nemendur hafi verið mjög
ánægðir og áhugasamir.
„Reynslan síðustu ár hefur verið
sú að unglingarnir safnast saman
í miðbænum og oft er mikil
Morgunblaðið/Margrét Þóra
pressa á þá sem ekki neyta
áfengis að gera það einmitt þetta
kvöld eftir samræmdu prófin.
Við vonum því að þetta sé fyrir-
byggjandi starf.“
Bæjarráð
Tæki keypt
til mengun-
armælinga
BÆJARRÁÐ Akureyrar hefur
samþykkt að kaupa tæki til
mengunarmælinga, en fram
hefur verið lögð greinargerð frá
skipulagsstjóra um mengunar-
mælingar í göngugötu Hafnar-
strætis og víðar í bænum. Hef-
ur hann lagt til að keypt verði
í samráði við embætti heil-
brigðisfulltrúa tæki til að mæla
mengun, en þau eru framleidd
á Sauðárkróki. Áætlað kaup-
verð er 300 þúsund krónur og
hefur bæjarráð samþykkt að
greiða 200 þúsund krónur á
móti framlagi Heilbrigðiseftir-
lits Eyjafjarðar. Færa á kostn-
að bæjarins á rekstur göngu-
götunnar og er hann talinn
rúmast þar innan ramma fjár-
veitingar.
Bæjarráð hefur einnig sam-
þykkt að veita Leikfélagi Akur-
eyrar sérstaka aukafjárveit-
ingu á þessu ári, að upphæð 3
milljónir króna í tilefni af 80
ára afmæli félagsins sem var
19. apríl síðastliðinn.
Reiðhjóla-
hjálmar
afhentir
KIWANISKLÚBBARNIR á
Norðurlandi eystra afhenda á
næstu dögum öllum börnum
sem fædd eru árið 1990 að
gjöf reiðhjólahjálma og öryggi-
sveifur á reiðhjól. Afhending
slíkra gjafa er orðin árviss.
Samtals er um að ræða 550
gjafir að þessu sinni og er heild-
arverðmætið um 1,6 milljónir
króna.
Sá árstími er nú að renna
upp að börn taka fram reiðhjól
sín og því mikilvægt að þau
eigi góð og viðurkennd öryggis-
tæki. Að því vill Kiwanishreyf-
ingin stuðla í samvinnu við fjöl-
mörg fyrirtæki og stofnanir.
Á Akureyri verða gjafirnar
afhentar næstkomandi laugar-
dag, 3. maí við verslunarmið-
stöðina Sunnuhlíð i tengslum
við Vordaga miðstöðvarinnar
sem þá verða haldnir. Þar mun
Bautabúrið kynna vörur sínar
og verslunin Brynja gefur öll-
um ís.
Tónlistarskólinn
á Akureyri
Tónleikar
yngri
nemenda
TÓNLEIKAR yngri nemenda
Tónlistarskólans á Akureyri
verða haldnir að Hólum, nýjum
sal Menntaskólans á Akureyri
fimmtudaginn 1. maí kl. 14.
Þar koma fram yngstu nem-
endur skólans og yngstu sam-
spiishópar ásamt forskólabörn-
um og mun tónleikunum ljúka
með samspili allra þátttakenda.
Á eftir tónleikunum verður
hljóðfærakynning. Allir eru vel-
komnir, sérstaklega þeir sem
vilja kynnast byijendakennslu
skólans og því hljóðfæravali
sem skólinn býður upp á.
Sýning í
Gamla Lundi
ÓLOF H. Árnadóttir opnaði
inálverkasýningu í Gamla
Lundi við Eiðsvailagötu á Ak-
ureyri sl. laugardag.
Sýningin verður opin dag-
lega frá kl. 15-21 til sunnu-
dagsins 4. maí.