Morgunblaðið - 06.05.1997, Page 23

MORGUNBLAÐIÐ
LISTIR
ÞRIÐJUDAGUR 6. MAÍ 1997 23
Óskar Guðjónsson saxófónleikari
Með beinan tenórsaxófón
á burtfarartónleikum
BURTFARARTÓNLEIKAR Ósk-
ars Guðjónssonar saxófónleikara
frá Tónlistarskóla FÍH verða annað
kvöld, miðvikudag, kl. 20.30 í sal
skólans, Rauðagerði 27. Á efnis-
skránni eru eingöngu tónverk eftir
Óskar sjálfan en á tónleikunum
mun hann meðal annars leika á
sjaldgæft hljóðfæri, beinan tenór-
saxófón, sem hann fékk á dögun-
um frá Þýskalandi. Meðleikarar
verða Hilmar Jensson á gítar og
Matthías M.D. Hemstock á tromm-
ur.
Þótt Óskar sé nú að ljúka
burtfararprófi er hann enginn ný-
græðingur í heimi atvinnumennsk-
unnar — hefur haft lifibrauð sitt
af saxófónleik í tvö ár og meðal
annars starfað með hljómsveitinni
Mezzoforte. „Ég er ekki þessi ag-
aði akademíski lærdómsmaður sem
skólarnir krefjast og er því lengur
að ljúka sumum hlutum en aðrir,“
segir tónlistarmaðurinn og hleypir
brúnum, „en nú er loksins komið
að þessu.“
Með sanni má segja að Óskar
fari ekki troðnar slóðir á tónleikun-
um en öll tónverkin sem flutt
verða, átta talsins, eru eftir hann
sjálfan. Hafa einungis tvö þeirra
verið leikin opinberlega áður —
annað hér á landi en hitt í Færeyj-
um. „Fyrst námið hefur tekið
svona langan tíma er alveg eins
gott að gera þetta almennilega,"
segir Óskar en ætlast er til þess
að um fjórðungur tónverka á burt-
farartónleikum frá Tónlistarskóla
FÍH sé eftir tónlistarmennina
sjálfa. „Þessi lög hafa verið að
þróast í mislangan tíma — það
elsta er fjögurra ára gamalt en hið
yngsta nokkurra mánaða.“
Vígir beinan
tenórsaxófón
Á tónleikunum mun Óskar vígja
glænýjan beinan tenórsaxófón frá
þýska fyrirtækinu Julius Keil-
werth, þar sem hann er á hljóð-
færasamningi fyrir milligöngu
Andrésar Helgasonar hjá Tóna-
stöðinni ehf. Er hljóðfærið, sem
kom til landsins í liðinni viku, ein-
ungis annað sinnar tegundar sem
fyrirtækið framleiðir en það var
fyrst kynnt opinberlega fyrir
tveimur árum. „Julius Keilwerth
hefur framleitt beina altsaxófóna
með góðum árangri en þetta er
fyrsti beini tenórsaxófónninn sem
gerður hefur verið í áratugi. Hljóð-
færið var frumsýnt á sýningu í
Frankfurt árið 1995 en enginn
hefur pantað það — fyrr en nú.“
Óskar prófaði beina tenórsaxó-
fóninn fyrst á umræddri sýningu
í Frankfurt og kveðst hafa „fallið
fyrir honum“ þegar í stað. Það
hafi þó tekið tíma að panta hljóð-
færið. „Það kom mér á óvart að
enginn skyldi hafa pantað það en
eftir nokkra umhugsun lét ég slag
standa og sé ekki eftir því — hljóð-
færið er frábært og gefur leik
mínum nýja vídd. Það minnir einna
helst á Mercedes Benz-bifreið —
„massíft" og stolt.“
Að áliti Oskars ber beini tenór-
saxófónninn þeirri þróun sem orðið
hefur á sviði hljóðfærahönnunar
hin síðari misseri fagurt vitni. Sá
böggull fylgi á hinn bóginn
skammrifi að handverksmenn
gamla tímans séu vandfundnir nú
til dags og fyrir vikið anni fram-
leiðslan ekki eftirspurn.
Óskar gerir ráð fyrir að nota
beina tenórsaxófóninn mikið á
næstunni en framundan hjá hon-
um eru verkefni af ýmsum toga.
„Mezzoforte er að fara í hljóðver,
þar sem við ætlum að vinna að
ýmsum hugmyndum og í ágúst
mun hljómsveitin koma fram á
nokkrum tónlistarhátíðum í Evr-
ópu. Þá spila ég í söngleiknum
Evitu sem sýndur verður í Is-
lensku óperunni í sumar og vinn
að plötu með hljómsveitinni
Funkstrasse. Síðan er aldrei að
vita hvað maður gerir ef vel geng-
ur annað kvöld, kannski verður
ástæða til að taka upp plötu, það
er orðið svo lítið mál ef efnið er
til.“
Morgunblaðið/Einar Falur
ÓSKAR Guðjónsson saxófónleikari með hluta af hljóðfærunum
sem hann hefur fengið frá Julius Keilwerth.
Sálumessa eftir ís-
lenskt tónskáld
frumflutt í Boston
Boston. Morgunblaðið.
SÁLUMESSA fyrir
kór, hljómsveit og ein-
söngvara eftir Sigurð
Sævarsson var frum-
flutt 5. apríl síðastlið-
inn í Boston. Sigurður
mun ljúka meistaragr-
áðu í tónsmíðum og
sönglist frá Boston há-
skóla í vor og er sálu-
messan lokaverkefni
hans. Á efnisskrá tón-
leikanna var einnig
sónata fyrir básúnu og
píanó eftir Sigurð. Var
þetta annar flutningur
hennar í Boston en hún
hefur einnig verið flutt
í Reykjavík og New
York.
Sálumessan er viðamikið verk, níu
kaflar sem taka um 40 mínútur í
flutningi. Verkið er heilsteypt, sterk-
ur þráður frá fyrstu nótu til þeirrar
síðustu. Finna mátti áhrif frá Frakk-
landi: Duruflé, Fauré og Debussy,
og frá breska tónskáldinu Benjamin
Britten. Hljómsveitin var sparlega
en smekklega notuð og var því
áhrifamikil þegar hún lék af fullum
styrk. Útsetningin, bæði fyrir hljóm-
sveit og kór, var sérstök og mátti
heyra persónulegan hljóm, mildan
og framandi sem hóf latneska texta
messunnar á flug. Verkinu var mjög
vel tekið. Risu áheyr-
endur hvað eftir annað
úr sætum til að tjá
hrifningu sína.
Sigurður sagðist vera
mjög ánægður með út-
komuna, bæði verkin
hefðu verið vel flutt.
„Þetta er allt búið að
gerast svo hratt. Ég
byijaði í janúar á þessu
ári að semja sálumess-
una og lauk við hana
stuttu fyrir tónleikana.
Ég er mjög sáttur við
verkið og þær móttökur
sem það hefur fengið.
Nú þegar hefur verið
tekin ákvörðun um að
flytja sálumessuna aftur næsta vetur
hér í Boston á árlegum tónleikum
fyrir nýja tónlist."
Sigurður sagðist hafa tekið þátt
í flutningi á fjölmörgum kirkjuverk-
um í Boston. Þar á meðal hefur
hann sungið einsöng í nokkrum sálu-
messum og hafi það efalítið orðið
kveikjan að verkinu. Aðspurður um
framtíðina sagðist Sigurður vera
bjartsýnn. Verkefni væru næg á
næstunni. I sumar liggja fyrir verk-
efni m.a. á sviði kirkjutónlistar og
má þar nefna tónsetningu nokkurra
íslenskra sálma. Að auki liggja fyrir
tvær pantanir um verk.
Sigurður
Sævarsson
Spurningar fyrir
meistara
SÍÐASTI þáttur spurningakeppni
frönsku sjónvarpsstöðvanna France
3, „Spurningar fyrir meistara", verð-
ur sýndur í Alliance Fran?ais, Aust-
urstræti 3 (inngangur við Ingólfs-
torg) á morgun, miðvikudag, kl. 20.
Fyrsti þátturinn þar sem fjórir ís-
lendingar kepptu saman var sýnd-
ur í Alliance í apríl og þá vann Eg-
ill Arnarson, 23 ára gamall, heim-
spekinemi, en í úrslitaþættinum
keppir hann gegn níu öðrum löndum.
Einnig verða sýndir í Alliance allir
aðrir þættir keppninnar frá kl. 13-18
og fólki boðið að líta inn þegar því
hentar, segir í tilkynningu.

JfL
Melka
Quality MEN'S Wear
Einstakir eiginleikar
Melka Durable
og
Melka cotton nobles
fatnaðarins
gera það að verkum að
fatnaðinn þarf hvorki
að strauja né pressa.
HAGKAUP
-ýfdlLflÖlskHldUMÉz
'
»is/ ih N*jon*5Nistion» visniis)