Morgunblaðið - 06.05.1997, Blaðsíða 16

16 ÞRIÐJUDAGUR 6. MAÍ 1997
MORGUNBLAÐIÐ
VIÐSKIPTI
Uppbygging á GSM farsímakerfi ísfars
Morgunblaðið/Halldór
JOSEPH Walter, forstjóri The Walter Group Inc. og Brad Horw-
itz, forsljóri Westem Wireless International kynntu í gær fulltrú-
um samgönguráðuneytisins áform íslenska farsímafélagsins um
uppbyggingu GSM farsímakerfis á ísiandi.
Heildarkostnað-
urinn nemur 1,5
milljörðum króna
I AÆTLUNUM Isfar, Islenska far-
símafélagsins ehf., er gert ráð fyrir
að hefja farsímaþjónustu á íslandi í
mars 1998 ef fyrirtækið fær úthlut-
að starfsleyfí til reksturs GSM far-
símakerfis í samkeppni við Póst og
síma hf. Þetta kom meðal annars
fram á blaðamannafundi sem eig-
endur ísfar héldu í gær.
Isfar er í eigu bandarisku fyrir-
tækjanna Westem Wireless Inter-
national Corporation og The Walter
Group Inc. auk Ragnars Aðalsteins-
sonar, hæstaréttarlögmanns. einnig
þess standa yfir viðræður við íslenska
fjárfesta um þátttöku þeirra í rekstri
Isfar. Að sögn Brads Horwitz, for-
stjóra Western Wireless Intemati-
onal, er ætlunin að gefa íslenskum
og öðrum evrópskum fjárfestum kost
á að eignast um 35-38% hlutdeild í
ísfar. „A þeim stöðum sem fyrirtæk-
in Westem Wireless Intemational og
The Walter Group hafa komið upp
farsímakerfum höfum við verið í sam-
starfi við innlenda aðila og geri ég
ráð fyrir að svipað verði upp á ten-
ingnum hér á Islandi.“
Fjárfesting vegna uppbyggingar
farsímakerfisins er áætluð tæplega
450 milljónir króna á þessu ári en
heildarfjárfesting til ársins 2006 er
áætluð um 1,5 milljarðar.
Uppbygging kerfisins verður í
fjórum áföngum en áætlanir miðast
við að starfsleyfi farsímaþjónustunn-
ar verði afhent í júní nk. Níu mánuð-
um síðar er ætlunin að hefja þjón-
ustu við almenning á höfuðborgar-
svæðinu, Akranesi, Reykjanesbæ og
Selfossi, en um 73% landsmanna eru
á þessu svæði.
I desember 1998 verður þjónustu-
svæðið stækkað til Vestmannaeyja,
Borgarnesbæjar og nærsveita, Isa-
fjarðar, Sauðárkróks, Akureyrar,
innsveita Eyjafjarðar og Húsavíkur.
Um aldamótin 2000 er áætlað að
þjónusta ísfar nái til Víkur í Mýrdal,
Siglufjarðar, Ólafsíjarðar og Dalvík-
ur. Lokaáfangi farsímaþjónustu ísfar
verður tekinn í notkun ári síðar og
þá munu íbúar norðanverðs Snæfells-
ness, Austur-Húnavatnssýslu, Mý-
vatnssveitar, Héraðs, Seyðisfjarðar,
Neskaupstaðar, Eskiflarðar og Hafn-
ar í Homafirði geta tengst þjónustu-
kerfi fyrirtækisins. Þá munu yfir átta
áf hveijum tíu íslendingum eiga kost
á þjónustu ísfar ef samgönguráðu-
neytið úthlutar félaginu starfsleyfí
til reksturs GSM farsímakerfis.
Auglýsingasamkeppni alþjóðasamtaka markaðsfólks
Auglýsing Morgun-
blaðsins verðlaunuð
AUGLÝSING Morgunblaðsins á
alnetsþjónustu blaðsins, „í sam-
bandi“, hlaut fyrstu verðlaun í
alþjóðlegri auglýsingasamkeppni
í flokki sjónvarpsauglýsinga fyrir
dagblöð með upplag 50-100 þús-
und eintök. Alls voru sendar inn
1.500 auglýsingar frá 24 löndum
á 11 tungumálum í keppnina í ár.
Keppnin er haldin árlega á veg-
um alþjóðasamtaka markaðsfólks
á dagblöðum, International
Newspaper Marketing Associati-
on, INMA, og tímaritsins Editor
& Publisher og var þetta í 62
skiptið sem keppnin var haldin.
Að sögn Margrétar Kr. Sig-
urðardóttur, markaðsstjóra
Morgunblaðsins, sem veitti verð-
laununum viðtöku í Los Angeles
í gær, er þetta í fyrsta skiptið sem
Morgunblaðið tekur þátt í þessari
keppi. „Það er því ánægjulegt að
við skyldum hljóta verðlaun miðað
við þennan mikla fjölda innsend-
inga í keppnina. Við lögðum tölu-
vert mikið í að gera auglýsinguna
og er því gaman að hún skuli
hljóta þessa viðurkenningu þó
auðvitað skipti mestu máli að hún
hafi skilað tilætluðum árangri.
Þ.e. að fjölga áskrifendum og les-
endum Morgunblaðsins í aldurs-
hópnum 20-35 ára.“
Markmiðið að fjölga
lesendum
I auglýsingunni er sögð lítil
saga af ungum pilti í stórborg
þar sem áreitið úr umhverfinu er
mikið, meðal annars frá sjón-
varpi, útvarpi og umferð. Á sama
tíma er ung stúlka stödd á ís-
landi að koma sér vel fyrir á góð-
viðrisdegi og lesa Morgunblaðið.
Þegar pilturinn er kominn í ró og
næði heima fyrir flettir hann upp
á Morgunblaðinu á alnetinu og
stúlkan á íslandi sést fletta upp
í Morgunblaðinu þar sem er grein
með fyrirsögninni „Hlýtur frá-
bærar viðtökur“. Síminn hringir
og er það pilturinn sem segir að
hún hafi staðið sig frábærlega og
hún spyr undrandi hvernig hann
hafi frétt það. Þá kemur þulur
sem segir: „Vertu í sambandi við
stærstu fréttastofu landsins!
Morgunblaðið - kjarni málsins!“.
Að sögn Margrétar er auglýs-
ingunni ætlað að ná til ungs fólks
á aldrinum 20-35 ára og var
markmiðið að fjölga áskrifendum
og auka lestur á Morgunblaðinu
í þessum aldurshópi. „Samhliða
sýningu á auglýsingunni í kvik-
myndahúsum og sjónvarpi var
staðið fyrir áskriftarherferð þar
sem notaðar voru aðferðir beinnar
markaðssóknar. Árangur af her-
ferðinni var mjög góður, nokkur
þúsund áskrifendur á aldrinum
20-35 ára bættust í hópinn og
lesturinn hefur aukist í þessum
aldurshópi."
Auglýsingin er framleidd af aug-
lýsingastofunni Yddu hf. og Hið
íslenska kvikmyndafélag sá um
tökur á auglýsingunni, bæði í New
York og í Reykjavík. Leikstjóri er
Ágúst Baldursson og Vilhjálmur
Guðjónsson sá um tónlistina.
í kjölfar keppninnar er gefin
út bók með bestu auglýsingunum
sem birtust á prenti og myndband
með bestu sjónvarpsauglýsingun-
um. Einnig birtist listi yfir verð-
launaðar auglýsingar í tímariti
INMA, Ideas Magazine og í tíma-
riti Editor & Publisher.
Afkoma Kaupfélags Skagfirðinga og dótturfélaga versnaði 1996
Tapið nam 163,5 millj.
HEILDARVELTA Kaupfélags
Skagfírðinga var 2.833 milljónir
króna á síðasta ári en að meðtal-
inni veltu dótturfyrirtækja var
heildarveltan rúmir 6 milljarðar
króna. Rekstur kaupfélagsins skil-
aði 20,5 milljóna króna hagnaði á
árinu 1996 en þegar tekið hefur
verið tillit til afkomu eignar-
tengdra fyrirtækja var rekstrar-
halli á samstæðureikningi 163,5
milljónir króna samanborið við 135
milljóna króna hagnað á árinu
1995.
Skýringin á tapi vegna eignar-
tengdra fyrirtækja er rekstrarhalli
á Fiskiðjunni Skagfirðingi hf., sem
er dótturfyrirtæki Kaupfélags
Skagfirðinga. í frétt frá kaupfélag-
inu kemur fram að helstu ástæð-
urnar fyrir rekstrarhalla Fiskiðj-
unnar voru mikið tap af land-
vinnslu á bolfiski, mikill kostnaður
við veiðar í Barentshafi og kostn-
aður við öflun veiðireynslu á
Reykjaneshrygg.
Eigið fé félagsins í árslok var
1,1 milljarður króna og eiginíjár-
híutfallið var 52%, en var 55% í
árslok 1995. Veltufjárhlutfall er
2% og er það lítilsháttar hækkun
frá fyrra ári.
Rekstraráætlanir Fiskiðjunnar
Skagfirðings fyrir þetta ár gera
ráð fyrir rekstrarhagnaði og á
undanförnum mánuðum hefur
verið unnið að endurskipulagn-
ingu með það að markmiði að ná
fram arðsömum rekstri. Veiði-
heimildir fyrirtækisins í bolfiski
eru 14.700 tonn og fékk fyrirtæk-
ið úthlutað á árinu veiðiheimildum
á úthafskarfa á Reykjaneshrygg,
um 4 þúsund tonnum, segir í frétt
frá Kaupfélagi Skagfirðinga.
Háskóli fslands Endurmenntunarstofnun
Markaðs- og útflutningsfræði
- eins árs nám með starfi - hefst í september 1997
Þátttaka í náminu:
Nám í markaðs- og útflutningsfræðum er fyrir þá, sem ná vilja betri
árangri í starfi við sölu og markaðssetningu vöru og þiónustu, hvort sem
er á heimamarkaði eða erlendis. Þeir einir geta tekið þátt í náminu, sem
uppfylla öll eftirtalin skilyrði; hafa lokið stúdentsprófi eða sambærilegu
námi, hafa tveggja ára starfsreynslu í atvinnulífinu, geta skilið og lesið
ensku og talað hana þokkalega.
Kennarar:
Umsjónarmenn og um leið aðalkennarar námskeiða verða þau Gísli S.
Arason lektor, Birna Einarsdóttir forstöðumaður markaðs- og
Djónustudeildar íslandsbanka, EggertÁg. Sverrisson framkvæmdastjóri
íjá VÍS, Halldór S. Maqnússon forstöðumaður hjá íslandsbanka, Jón
Björnsson framkvæmaastjóri hjá Ferskum kjötvörum, Ágúst Einarsson
alþingismaður og Ingjaldur Hannibalsson dósent.
Námsgreinar:
Rekstrarhagfræði. Stjórnun og stefnumörkun. Markaðsfræði og
markaðsatnuganir. Sölustjórnun og sölutækni. Flutningafræði. Fjármál
milliríkjaviðskipta. Utanríkisverslun, hagræn landafræði og áhrit
menningar á viðskiptavenjur. Valnámskeið í viðskiptatungumálum; Enska,
þýska, franska.
Stjórn námsins:
Stjórn Endurmenntunarstofnunar hefur skipað eftirtalda einstaklinga í
stjórn námsins: Ingjald Hannibalsson dósent, Jón Ásbergsson
framkvæmdastjóra Útfluntingsráðs, Margréti S. Björnsdóttur
endurmenntunarstjóra HÍ, Þórð Sverrisson rekstrarhagfræðing og
markaðsráðgjfa úr stjórn IMARK og Helga Gestsson deildarstjóra í
Tækniskóla Islands.
Kennslustími, kennslufyrirkomulag og verð:
Cennslustundir verða um 250 klst. auk tungumálanámskeiðs fyrir þá sem
sað velja. Námið hefst í september 1997, stendur í eitt ár og er kennslutími
d. 16.00-20.00 einu sinni í viku. Auk þess er kennt ýmist á föstudögum
kl. 14.00-18.00 eða á laugardögum kl. 9.00-13.00 (samtals þrisvar í
mánuði).
Þátttökugjald fyrir námið er 150.000 kr.
Umsóknarfrestur til 15. maí 1997.
Nánari upplýsingar um námið, ásamt umsóknareyðublöðum, fást hjá:
Endurmenntunarstofnun Háskóla islands,
Tæknigarði, Dunhaga 5, 107 Reykjavík.
Sími: 525 4923 Bréfasími: 525 4080. Netfang: endurm@rhi.hi.is