Morgunblaðið - 06.06.1997, Síða 45

MORGUNBLAÐIÐ
FÖSTUDAGUR 6. JÚNÍ 1997 45
-
FRETTIR
i-----------------------------------------------------------------------------------------------------------------------------------------
Ibúasamtök
Vesturbæj-
ar 20 ára
Á ÞESSU ári eru tuttugu ár liðin
síðan íbúasamtök Vesturbæjar voru
stofnuð. í tilefni þess ætla samtökin
að gangast fyrir hátíðarhöldum í
Vesturbænum laugardaginn 7. júní.
Kl. 10 verður ungum Vesturbæ-
ingum boðið upp á siglingu um höfn-
ina með nýja víkingaskipinu Islend-
ingur. Lagt verður upp frá Austur-
höfn, neðan við Hafnarbúðir.
Kl. 11.30 býður verslunin Elling-
sen í Ánanaustum upp á plokkfisk
að hætti gamalla Vesturbæinga,
rúgbrauð með íslensku smjöri og
hollustudrykk frá Mjólkursamsöl-
unni. Kokkur og stjórnandi er Úifar
Eysteinsson frá Þremur Frökkum.
Kl. 13 fer fram dorgkeppni á bryggj-
unni neðan við Kaffivagninn. Dóm-
arar um stærstu fiskana eru félagar
í Sjóstangaveiðifélaginu. Kl. 14.30
hefst svo skrúðganga frá gamla
Stýrimannaskólanum við Öldugötu.
í fararbroddi fara ungir iúðrablásar-
ar og skemmtarar úr Hinu húsinu.
í framhaldi af göngunni verður
haldin fjölskylduhátíð á svæðinu bak
við verkamannabústaðinn milli
Hringbrautar og Ásvallagötu. Þar
flytja krakkarnir í Hinu Húsinu leik-
þátt og flutt verða stutt ávörp. Síð-
an verður farið í leiki við börn á
öllum aldri og grillað ofan í við-
stadda.
Síðdegis verða svo gamlir Vest-
urbæingar heiðraðir.
ERU ÞEIR AÐ FÁ’ANN?
Byrjar vel í
Blöndu og Kjós
VEIÐI hófst í tveimur ám í gær-
morgun, Laxá í Kjós og Blöndu.
Þótt köldu andaði á báðum miðum
voru menn hæstánægðir með af-
rakstur morgunsins. Alls komu
15 laxar á land úr Blöndu, allt
stórlax upp í 15 pund og þykir
þetta góð bytjun. Fjórir fyrstu
laxarnir veiddust í Laxá í Kjós
um morguninn, allt boltafiskar,
upp í 14 pund.
I Blöndu voru menn eingöngu
á neðsta svæðinu og var mikið líf
í ánni. Þótt ekki hafi vorað eins
vel og í fyrra gaf byijunin nú frá-
bærri byijun þá lítið eftir og rétt
eins og þá, voru flugulaxar í aflan-
um.
í Laxá veiddust allir laxarnir í
Laxfossi að sunnanverðu á maðk
og sá síðasti veiddist rétt fyrir
hádegi og var að skríða inn á
svæðið þannig að það var einhver
hreyfing á fiski. Það voru fleiri
laxar á svæðinu en tóku ekki. Það
voru nokkrir norskir veiðimenn í
ánni og fengu þeir alla laxana,
tveir þeirra fengu meira að segja
Maríulaxa sína og var mikið stuð
í hópnum,“ sagði Ásgeir Heiðar,
fulltrúi leigutaka Laxár í Kjós í
gærdag. Laxarnir voru 10, 11,
13 og 14 pund. Lítið var reynt
fyrir ofan Laxfoss, en nokkrir lax-
ar munu þó komnir inn úr öllu,
því meira en tvær vikur eru síðan
menn fóru að sjá til laxa af og
til neðst í ánni. Áin var afar köld
í gærmorgun, aðeins 3 gráður,
en fór hlýnandi.
Formannaskipti SVFR
Formannaskipti munu fara fram
í Stangaveiðifélagi Reykjavíkur á
næsta aðalfundi þess í haust. Frið-
rik Þ. Stefánsson sem setið hefur
sem formaður SVFR síðustu árin
lýsti yfir á stjórnarfundi í veiði-
húsinu við Norðurá í vikunni, að
hann myndi ekki gefa kost á sér
til áframhaldandi formannssetu.
Kristján Guðjónsson varaformað-
ur SVFR lýsti yfir á sama fundi
að hann myndi gefa kost á sér
Morgunblaðið/gg
HINN norski Hans Olav Rostveit fagnar mjög er leiðsögumað-
urinn hefur handsamað 11 punda hrygnuna.
til formannskjörs á aðalfundinum.
Barna- og
unglingaveiðidagur
Aðrar fréttir úr herbúðum
SVFR eru þær, að næst komandi
sunnudag gengst félagið fyrir sín-
um árlega barna- og unglinga-
veiðidegi við Elliðavatn og er
uppákoman í náinni samvinnu við
landeigendur við vatnið. Veiði-
mótið er opið öllum börnum og
unglingum, 16 ára og yngri, ekki
aðeins þeim sem félagsbundin eru
SVFR, og verða veitt vegleg verð-
laun fyrir árangur í tveimur ald-
ursflokkum. Aldursflokkarnir eru
0 til 11 ára og 12 til 16 ára.
Veitt verða verðlaun fyrir stærsta
fiskinn í hveijum flokki og einnig
fyrir samanlagða þyngd þriggja
stærstu fiskanna. Þátttakendur
þiggja léttar veitingar í boði
SVFR að móti loknu.
Ver doktors-
ritgerð
<
1 Morgun-
ganga,
messa og
staðarskoð-
1 un í Viðey
* HELGARDAGSKRÁIN í Viðey
verður þannig að á laugardags-
morgun verður gönguferð um norð-
urströnd Heimaeyjarinnar, frá
eystri túngarðinum og vestur í Eið-
ishóla. Þaðan verður gengið yfir
Eiðið og að rústum Nautahúsanna,
austast á Vestureynni.
„Þar er skemmtileg áletrun á
steini. Hún er frá 1821 og hugsan-
1 lega er þar ástarsaga að baki. Far-
I ið verður með Maríusúðinni úr
Sundahöfn kl. 10. Ferðin tekur um
tvo tíma, þannig að komið verður
í land aftur um kl. 12. Eftir hádegi
á laugardag verður staðarskoðun
sem hefst í kirkjunni kl. 14.15. I
henni eru kirkjan og Stofan sýndar
ásamt næsta umhverfi þeirra. Þetta
er í senn fróðleg og ánægjuleg
i stund sem krefst hvorki langrar
göngu né ferðabúnaðar, segir í
fréttatilkynningu.
Á sunnudag messar sr. Hjalti
Guðmundsson kl. 14 og sérstök ferð
verður með kirkjugestum kl. 13.30.
Eftir messu verður aftur staðar-
skoðun.
Hestaleigan í Laxnesi er nú byij-
uð með starfsemi sína í eynni. Einn-
ig er þar reiðskóli á hennar vegum.
Veitingahúsið í Viðeyjarstofu er
opið gestum og gangandi. Ferðir
síðdegis eru á klst. fresti kl. 13-17.
Alþýðufiokkur-
inn ræðir veiði-
leyfagjald
ALÞÝÐUFLOKKURINN - Jafnað-
armannaflokkur íslands heldur
sumarþing í Fjölbrautaskólanum á
Akrnesi helgina 7.-8. júní.
Á laugardeginum verður haldin
ráðstefna um sjávarútvegsmál með
áherslu á veiðileyfagjald og stjórn-
kerfi fiskveiða. Fengnir verða fyrir-
lesarar til þess að fjalla um málin
út frá ólíkum sjónarhornum. Ráð-
stefnan mun síðan enda með pall-
borðsumræðum sem Jón Baldvin
Hannibalsson stjórnar.
Á sunnudeginum verða umræður
um lög flokksins auk opinnar um-
ræðu um sameiningarmál. Þingslit
eru áætluð kl. 17 á sunnudagseft-
irmiðdag. Upplýsingar má nálgast
á Stjórnmálavefnum, heimasíðu
Alþýðuflokksins - Jafnaðarmanna-
flokks íslands.
BMW-sýning
B&L stendur fyrir sýningu á BMW-
bifreiðum um helgina. Sýndir verða
bílar úr 3-línunni, bæði saloon og
touring, og saloon úr 5-línunni.
„Bílar úr 3-línunni eru betur
búnir en hefðbundnir bílar. T.d. eru
bílarnir með spólvörn, læstu drifi,
tveimur loftpúðum, fjarstýrðum
samlæsingum o.fi. BMW bílar úr
5-línunni hafa vakið mikla athygli
fyrir fallegar línur og fágaða hönn-
un. Má þar nefna loftpúða, bæði
fýrir framan ökumann og farþega
og til hliðar í hurðum,“ segir í
fréttatilkynningu.
Sýningin er á Suðurlandsbraut
14, laugardaginn 7. júní kl. 9-17
og sunnudaginn 8. júní kl. 12-17.
Útilífsskóli
Vogabúa
SKÁTAFÉLAGIÐ Vogabúar í Graf-
arvogi hefur nú fimmta starfsár
Útilífsskóla Vogabúa fyrir börn
7-11 ára. Á liðnum árum hafa um
500 börn tekið þátt í námskeiðum
félagsins sem byggja á gildum
skátahreyfingarinnar. Námskeið-
unum er stýrt af hópi reyndra skáta
sem hafa mikla reynslu af starfi
með börnum og unglingum í gegn-
um skátastarfið.
Á námskeiðum Útilífsskólans
gefst krökkunum tækifæri til að
kynnast útilífsstarfi og skáta-
mennsku. Á dagskrá eru m.a. rat-
leikir, söngur, gönguferðir, leikir,
bátsferð, veiði, tjaldferð og margt
annað sem tekur á þroska barna
og hugarflugi. í sumar er boðið
uppá fimm tveggja vikna námskeið
sem fara fram víðsvegar um höfuð-
borgina og nágrenni hennar og
enda með útilegu við Hafravatn.
Námskeiðin hefjast 2. júní, 16. júní,
30. júní, 14. júlí og 5. ágúst og fer
skráning m.a. fram milli klukkan
8-16 í skátaheimilinu Logafold 106.
Næturvarslan
alltaf á
sama stað
VAKTAPÓTEKIN í Reykjavík hafa
sameinast um eitt apótek til þess
að annst kvöld-, nætur- og helgar-
vörsluna þannig að framvegis verða
vaktirnar alltaf á sama stað sem
er til mikils þægindaauka fyrir fólk,
segir í fréttatilkynningu frá Apóteki
ehf.
Einnig segir: „Háaleitisapótek
varð fyrir valinu vegna hentugrar
legu þess miðsvæðis í Reykjavík, í
Austurveri við Háaleitisbraut. Einn-
ig er það mjög vel staðsett hvað
umferð varðar og aðkoman að apó-
tekinu á allan hátt mjög auðveld."
Þessi breyting tekur gildi frá og
með föstudeginum 6. júní.
Listahópur hitt-
ist í Hafnarfirði
BANDALAG kvenna í Hafnarfirði
stóð fyrir námskeiði í listmálun í
listamiðstöðinni Straumi í septem-
ber sl. Kennari námskeiðsins, Leigh
Hyams, kemur sem fararstjóri í
lista- og menningarferð með hóp
frá San Fransisco Museum of Mod-
ern Art.
Þau verða í Hafnarborg Hafnar-
firði um kl. 16 miðvikudaginn 11.
júní nk. og er það von Bandalags
kvenna að sem flestir af námskeið-
inu í Straumi geti mætt og átt þar
góða stund saman.
Helgarskák-
mót TR
TAFLFÉLAG Reykjavíkur gengst
fyrir helgarskákmóti um helgina og
er teflt í félagsheimilinu að Faxa-
feni 12.
Tefldar verða 7 umferðir eftir
Monrad-kerfi. Mótið hefst á föstu-
dag kl. 19.30 og lýkur á sunnudag
kl. 21.
HÓLMFRÍÐUR K. Gunnarsdóttir,
MSc. ver doktorsritgerð við lækna-
deild Háskóla íslands föstudaginn
6. júní. Doktorsvörnin hefst kl. 14
í hátíðasal Háskólans.
Ritgerðin nefnist Mortality and
Cancer Morbidity among Occupati-
onal and Soeial Groups in Iceland
(Dánar- og krabbameinst-
íðni í starfs- og þjóðfélags-
hópum á íslandi). Ritgerðin
er bvggð á átta greinum.
Sjö þeirra hafa þegar birst
í erlendum vísindatímarit-
um. Markmiðið með rann-
sóknunum sem ritgerðin
byggist á var að kanna
dánar- og krabbameins-
mynstur mismunandi
starfs- og þjóðfélagshópa á
íslandi. Hóparnir sem vald-
ir voru til skoðunar voru: Starfsmenn
Áburðarverksmiðjunnar í Gufunesi,
bændur, verkakonur í Reykjavík og
Hafnarfirði og hjúkrunarfræðingar.
Dánar- og krabbameinstíðni meðal
íslensku þjóðarinnar, karla og
kvenna, var höfð til samanburðar.
Þegar dánartíðnin var athuguð
meðal karla sem unnu í Áburðar-
verksmiðjunni í Gufunesi á árunum
1954-1985 kom í ljós að dánartíðni
var almennt lág meðal starfsmann-
anna í verksmiðjunni en hæst var
dánartíðnin í fámennum hópi manna,
sem unnu skamman tíma við verk-
smiðjuna. Niðurstöðurnar bentu því
ekki til þess að starf í Áburðarverk-
smiðjunni væri áhættusamt, en get-
um leitt að því að þeir sem standa
stutt við í starfi kunni að hafa áhætt-
usama lífshætti.
Dánartíðni og krabbameinstíðni
meðal bænda sem greiddu til Lífeyr-
issjóðs bænda á árabilinu 1977-1983
var lág eins og sést hefur meðal
bænda um heim allan. Þó voru vís-
bendingar um hærri tíðni tiltekinna
krabbameina, og voru þar á ferðinni
sömu krabbamein og gætt hefur í
meira mæli meðal bænda annars
staðar í heiminum. Þetta þótti at-
hyglisvert þar eð loftslag og búskap-
arhættir á ísiandi eru frábrugðnir
því sem gerist víða annars staðar.
Dánartíðni- og krabbameinstíðni
meðal verkakvenna sem greiddu í
Lífeyrissjóð Dagsbrúnar og Fram-
sóknar á tímabilinu 1970-1986 var
hærri í tilteknum undirhópum en
meðal annarra kvenna, þótt dánar-
tíðnin væri lág þegar á
heildina var litið. Dánar-
og krabbameinstíðnin var
hærri meðal verkakvenn-
anna sem gengu í lífeyris-
sjóðinn á seinni hluta rann-
sóknartímabilsins. Þetta
gæti verið vísbending um,
að bilið á milli þjóðfélags-
hópanna fari breikkandi.
Hjúkrunarfræðingar
nutu langlífis, en brjósta-
krabbamein var heldur tíð-
ara meðal þeirra en annarra kvenna
og nokkur sjálfsmorðshætta í yngri
aldurshópum.
Niðurstöður rannsóknanna voru í
samræmi við það sem sést hefur
erlendis, þegar dánartíðni og
krabbameinsmynstur starfs- og
þjóðfélagshópa hafa verið rannsök-
uð. Vísbendingar eru um að dánar-
meins- og krabbameinsmynstur séu
mismunandi í mismunandi starfs-
og þjóðfélagshópum á íslandi eins
og sést hefur alls staðar í iðnvædd-
um ríkjum hins vestræna heims.
Höfundur bendir á að leggja beri
áherslu á að komast að því hvernig
þessi mynstur eru, svo að unnt sé
að vinna forvarnarstarf, þar sem
þörfin er mest.
Ritgerðin kemur út hjá Háskóla-
útgáfunni, en rannsóknirnar voru
unnar á Atvinnusjúkdómadeild
Vinnueftirlits ríkisins.
Eftir stúdentspróf frá Mennta-
skólanum í Reykjavík lauk Hólm-
fríður K. Gunnarsdóttir kennara-
prófi frá Kennaraskóla Islands,
BA-prófi í sænsku og íslensku frá
Háskóla íslands, hjúkrunarprófi frá
Hjúkrunarskóla íslands og meist-
araprófi í heilbrigðisvísindum frá
Háskóla íslands.
Hólmfríður K.
Gunnarsdóttir