Morgunblaðið - 30.07.1997, Síða 6

6 MIÐVIKUDAGUR 30. JÚLÍ 1997
MORGUNBLAÐIÐ
FRÉTTIR
UNNIÐ við hreinsunina.
Flugvélarflak hreinsað af Eyjafjallajökli
Herflokkur nýtur aðstoðar
Chinook-þyrlu
FIMMTÁN manna herflokkur
varnarliðsins hefur unnið við
hreinsun á flaki Grumman Albat-
ross-flugvélar á Eyjafallajökli að
undanförnu. Flugvélin fórst í
maímánuði árið 1952.
Flakið fannst. sundur slitið
tveimur dögum síðar og við það
tillagt lík. Engin ummerki fund-
ust hins vegar um fjóra áhafnar-
meðlimi varnarliðsvélarinnar.
Fjórmenningarnir virðast hafa
reynt að komast niður Gígjökul.
Líkamsleifar þeirra fundust ekki
fyrr en árin 1964 og 1966.
Herflokkurinn naut aðstoðar
Chinook-þyrlu við hreinsunina í
Iiðinni viku og kemur hún aftur
í dag. Hún hífir brakið af jöklin-
um niður á flatlendi fyrir neðan
þar sem lyftari sér um að koma
hrakinu á vörubíl.
Hafist var handa við hreinsun-
ina þar sem hætta var talin á að
hlutar flaksins rynnu niður í
Jökullónið, sérstaklega í vetrar-
og vorleysingum, en flakið ramb-
ar á vestari barmi jökulsins, um
einn kílómetra ofan við Lónið.
Morgunblaðið/Ámi Alfreðsson
GENGIÐ frá brakinu í kör en hreyflarnir, sem hvor um sig vega
um 700 kg, eru hífðir upp hvor í sínu lagi.
Niðurstöður rannsóknaleiðangurs
Surtseyjafélagsins
Útbreiðsla gróð-
urs eykst stöðugt
ÚTBREIÐSLA gróðurs í Surtsey
er stöðugt að aukast sunnanvert á
hrauni eyjarinnar þar sem er að
verða þétt mávabyggð og er mikil
gróska í plöntum á fijósömum bletti
þar sem stöðugt gefur áburð frá
mávum. Þetta segir dr. Sturla Frið-
riksson eftir síðasta leiðangur
Surtseyjafélagsins sem stóð dagana
22. til 25. júlí.
Líffræðingar dvöldu í eynni við
ýmsar rannsóknir en ásamt Sturlu
voru í leiðangrinum þau Ingibjörg
Svala Jónsdóttir, Borgþór Magnús-
son og Sigurður H. Magnússon.
Sturla sagði að erlendir Ijósmyndar-
ar sæktust eftir að heimsækja
Surtsey í fylgd vísindamanna til að
fylgjast með framvindu lífríkisins.
Hefðu fyrir nokkru verið þar ljós-
myndarar frá bandaríska vísindafé-
laginu Scientific American Fronti-
ers vegna töku á heimildamynd af
rannsóknum á lífinu í Surtsey sem
notuð yrði sem fræðsluefni fyrir
skóla í Bandaríkjunum.
Dr. Sturla Friðriksson segir að á
óvart komi hversu gróskan sé mikil
sunnanvert á eynni og framvindan
ör í uppbyggingu samfélaga, að
þarna sé að vaxa fjölskrúðugur hlað-
varpagróður. „Ýmsar tegundir op-
inna svæða, höfðu áður numið þar
land, en sumar þeirra hafa snarlega
orðið að víkja fyrir ágengni gras-
anna, sem þola betur en landnem-
amir lijóan jarðveg mávabyggðar-
innar,“ segir Sturla. Líffræðingarmr
skráðu útbreiðslu gróðursins til að
sýna aukninguna frá því fyrsta gróð-
urslikjan sást fyrir um áratug. Var
vaxtarsvæði einstakra háplöntuteg-
unda kortlagt og mæld þekja á af-
mörkuðum reitum ýmissa dæmi-
gerðra vaxtarsvæða víðs vegar á
eynni til að fýlgjast megi með þvi
hvemig svörður þéttist á áður auð-
um stöðum.
Tvær nýjar tegundir
háplantna
Reynt var í þessum leiðangri að
finna tegundir sem áður höfðu sést
og segir Sturla að sex þeirra séu
horfnar og landnám þeirra hafí því
brugðist að sinni. Hins vegar hafi
fundist tveir nýir landnemar há-
plantna, axhæra og gleym-mér-ei
og ný ætihvönn fannst einnig sem
ekki hefur sést í 20 ár. Nú vaxa í
Surtsey 45 tegundir háplantna en
52 tegundir þeirra hafa sést ein-
hvern tíma í gróðurríki eyjarinnar.
Sú breyting hefur orðið á fugla-
lífinu að hrafninn lét ekki sjá sig.
Segir Sturla að hrafnspar hafi ítrek-
að fengist við að byggja upp hreið-
urlaupa í hraungíg eyjarinnar en
ekki orpið þar. í Surtsey verpa nú
um 300 pör af síla- og silfurmávum,
nokkur hvítmávapör má finna og
talsvert af svartbaki. Þá fer fýl
smám saman fjölgandi og má einn-
ig sjá teistu og um 20 ritupör.
Morgunblaðið/Ingibjörg Svala Jónsdóttir
SÍFELLT eykst útbreiðsla gróðurs í Surtsey.
Guðmundur Árni Stefánsson segir óvíst um afstöðu sína til útgáfumála flokksins
Efasemdir um sam-
starf við Dagsprent
GUÐMUNDUR Árni Stefánsson,
alþingismaður Alþýðuflokksins,
segist hafa vaxandi efasemdir um
að rétt sé af Alþýðuflokknum að
hætta útgáfu Alþýðublaðsins.
Hann segist hafa talið að menn
stefndu að því að stofna nýtt blað
og hafi hann vænst þess að flokk-
urinn myndi hafa áhrif á hvernig
æðsta ritstjórn þess verði skipuð.
„Ég hef í gegnum árin verið
þeirrar skoðunar að ef ekkert ann-
að væri tryggt um útgáfumál Al-
þýðuflokksins þá væri óvarlegt að
leggja niður það litla sem við hefð-
um. Á hinn bóginn var ég í upp-
hafi þessa ferils vongóður um að
menn væru að sjá fyrir sér þriðja
aflið í íslenskum blaðaheimi,
þ.e.a.s. ijölmiðil sem hallaði sér í
almennri umræðu nær viðhorfum
félagshyggjunnar heldur en þeir
tveir risar sem til staðar eru, þ.e.
Morgunblaðið og DV. Ég er hins
vegar með ákveðnar efasemdir um
þetta eftir því sem umræðan hefur
þróast, sérstaklega eftir að fyrir
liggur yfirlýsing væntanlegra
rekstraraðila um að ekki sé verið
að stofna nýtt blað heldur ein-
göngu verið að skapa Degi-Tím-
anum aukið svigrúm. Ég hafði auk
þess upplýsingar um að áformað
væri að Alþýðuflokkurinn og Al-
þýðubandalagið hefðu a.m.k. áhrif
á hvernig æðsta ritstjórn yrði
þarna skipuð, en það virðist ekki
ætla að verða. Það veldur mér
ákveðnum áhyggjum, en ég vænti
þess að fá skýrari mynd á þetta á
flokksstjórnarfundi á morgun,“
sagði Guðmundur Ámi.
Alþýðuflokkurinn tekur
ákvörðun í dag
Framkvæmdastjórn Alþýðu-
flokksins ræddi útgáfumál flokks-
ins á fundi í gær og ákvað að boða
fund í flokksstjórn Alþýðuflokks-
ins. Sá fundur verður haldinn í dag
og er reiknað með að endanleg
afstaða verði tekin á fundinum til
hugmynda um samstarf við Dag-
Tímann, sem myndu þýða að út-
gáfu Alþýðublaðsins yrði hætt.
Guðmundur Árni á ekki sæti í
framkvæmdastjórn flokksins og
hann sagðist því ekki hafa séð
þann samning sem lægi á borðinu
eða haft tækifæri til að ræða hann
innan flokksins. Það myndi hann
gera í dag. Hann sagðist hafa
rætt við Sighvat Björgvinsson,
formann Alþýðuflokksins, þegar
viðræður við forsvarsmenn Frjálsr-
ar fjölmiðlunar og Dagsprents voru
að hefjast og þá hefði málið verið
lagt upp með dálítið öðrum hætti
en það hefði verið kynnt í fjölmiðl-
um síðustu daga.
Alþýðubandalagið gerir ekki
kröfu um ritstjóra
Framkvæmdastjórn Alþýðu-
bandalagsins hefur samþykkt
samstarfssamning við Dagsprent
hf. Samningurinn felur m.a. í sér
að Alþýðubandalagið skuldbindur
sig til að gefa ekki út Vikublaðið
í a.m.k. þrjú ár. „Jafnframt erum
við reiðubúin að vinna, ásamt
öðrum þeim sem hafa unnið að
kynningarmálum fyrir Dag-Tím-
ann, að því að kynna þetta blað
og stuðla að því að það öðlist
útbreiðslu,“ sagði Margrét Frí-
mannsdóttir, formaður Alþýðu-
bandalagsins.
„Við erum þarna með ákveðinn
auglýsingasamning og það er
reyndar fleira, sem ég tel ekki rétt
að greina frá þar sem málið er
ekki að fullu frágengið. Ég tel að
við getum nokkuð vel við unað,“
sagði Margrét, þegar hún var
spurð hvaða ávinning Alþýðu-
bandalagið hefði af þessu sam-
komulagi.
Stjórnarformaður Dagsprents
hefur lýst því yfir að flokkarnir
muni engin áhrif hafa á ritstjórn
eða ritstjórnarstefnu Dags-
Tímans. „Ef stjórnmálaflokkar
ákveða að hvíla útgáfumálgögn sín
vegna þess að það virðist vera
samdóma álit þeirra að dagar svo-
kallaðra flokksblaða séu taldir, á
ég ekki von á að þessir flokkar eða
forsvarsmenn þeirra krefjist þess
að gera umsvifalaust næstu út-
gáfu, sem þeir koma að, að flokks-
pólitískum blöðum. Það sem skipt-
ir máli þarna er að við viljum stuðla
að aukinni breidd á fjölmiðlamark-
aðinum, auka lýðræði í umfjöllun
um dagleg málefni og fagfólk á
að koma að því að stýra fjölmiðl-
um. Það sem skiptir okkur máli
er að þarna sé sagt rétt og satt
frá og skemmtileg og fjölbreytileg
umfjöllun um málefni,“ sagði Mar-
grét ennfremur.
Áðspurð hvort flokkurinn gerði
þá ekki tilkall til ritstjórastóls á
Degi-Tímanum, sagðist hún telja
Dag-Tímann ágætlega settan með
ritstjóra í dag.
I
I
I
I
I
I
I
f
I
I
i
I
i
I
i
i
\
i