Morgunblaðið - 13.08.1997, Blaðsíða 13

MORGUNBLAÐIÐ
AKUREYRI
nHDHHHHnl1
Morgunblaðið/Björn Gíslason
Galvaskir við Goðafoss
GALVASKIR hjólreiðamenn eru á ferð um þjóð-
vegi landsins að sumariagi. Þessir tveir félagar
voru að leggja af stað upp á Fljótsheiði í blíðskap-
arveðri í gærmorgun, en í baksýn má sjá Goðafoss.
Guðmundur Stefánsson bæjarfulltrúi
Ekki nægt framboð
af atvinnulóðum
GUÐMUNDUR Stefánsson bæjar-
fulltrúi hefur óskað eftir því að
gerður verið listi yfir lausar lóðir
undir atvinnuhúsnæði og er verið
að vinna við hann um þessar mund-
ir. Guðmundur hefur bent á að
víða í bænum, einkum þó á Odd-
eyri séu til lóðir en þær séu illa
nýttar, á þeim standi lítil hús eða
skúrar og oft léleg.
„Að mínu mati á að útbúa svæði
sem eru tilbúin til notkunar þegar
á þarf að halda. Það er óyndislegt
fyrir þá sem óska eftir lóðum und-
ir atvinnuhúsnæði að benda þeim
á t.d. bithaga hrossa og segja að
þarna geti viðkomandi fengið lóð
eftir einhvern tiltekinn tíma,“ seg-
ir Guðmundur.
Fyrirhugað er að byggja upp
iðnaðarsvæði í Krossaneshaga,
norðan Hlíðarbrautar og hefur ver-
ið óskað eftir tillögum um hvernig
gera megi það byggingarhæft í
áföngum. Tillöguna ásamt kostn-
aðaráætlun um einstaka áfanga á
að leggja fyrir bæjarráð Akureyrar
fyrir lok næsta mánaðar.
Seinagangur
Guðmundur segir of mikinn
seinagang ríkjandi hjá bæjaryfir-
völdum varðandi það að hafa á
boðstólum aðgengilegar lóðir undir
atvinnuhúsnæði. Hann segir sumar
lóðir i Krossaneshaga eftirsóknar-
verðar og það myndi glæða áhuga
manna á að reisa atvinnuhúsnæði
í bænum ef þær yrðu aðgengi-
legri. „Það er voðalega slappt að
bjóða eitthvað fram sem verður
tilbúið einhvern tíma seinna. Ef
menn þurfa að bíða kannski í ár
eftir að fá lóð gæti áhuginn minnk-
að. Ég hef líka bent á að það eru
valkostir allt í kringum okkur, það
er til dæmis afar stutt í næsta
sveitarfélag norðan við okkur. A
meðan menn hafa ekki nægilegan
áhuga á að sameina sveitarfélög
hér á svæðinu verðum við á Akur-
eyri að hugsa um okkur og hampa
því sem við höfum,“ segir Guð-
mundur.
Hann sagði það hafa dregist úr
hömlu að gera framtíðaratvinnu-
svæði byggingarhæf og bjóða fram
tilbúnar góðar lóðir þannig að
hægt sé að hefja framkvæmdir
með litlum fyrirvara þegar menn
kjósa.
Undanfarin misseri hefði það
ástand verið að skapast að minna
framboð er á atvinnuhúsnæði sem
hentar.
Morgunblaðið/Björn Gíslason
HALLDÓR Jónsson og Jim McCulloch við skjöldinn.
Skjöldur
við vinnu-
stað
breska
konsúlsins
JOHN McCulloch sendiherra
Breta á íslandi hefur afhjúpað
skjöld á vinnustað breska kons-
úlsins á Akureyri, Halldórs Jóns-
sonar framkvæmdastjóra Fjórð-
ungssjúkrahússins á Akureyri.
Sendiherrann hefur ásamt
föruneyti verið á ferð á Akureyri
og m.a. farið í heimsóknir í fyrir-
tæki og rætt við forsvarsmenn
þeirra. Halldór sagði samskipti
Islendinga og Breta mikil og vin-
samleg. Gagnkvæmur áhugi er
fyrir því að efla þau, styrkja og
styðja að sögn Halldórs.
Vakti sendiherrann í heim-
sóknum sínum athygli á þeim
möguleikum sem bjóðast í sendi-
ráðinu varðandi aðstoð við að
koma á tengslum m.a. á milli
fyrirtækja. Þá nefndi Halldór að
sendiráðið hefði einnig milli-
göngu um að miðla námsstyrkj-
um.
MIÐVIKUDAGUR W. ÁGÚST 1997 13
Handverk 97
að Hrafnagili
FRÚ GUÐRÚN Katrín Þorbergs-
dóttir opnar handverkssýninguna
„Handverk 97“ að Hrafnagili í
Eyjafjarðarsveit á morgun, fimmtu-
daginn 14. ágúst kl. 15.30.
Handverkssýningin er líkt og
áður sölusýning en tilgangur henn-
ar er þó fyrst og fremst að gefa
handverksfólki á landinu möguleika
á að koma vörum sínum á fram-
færi og jafnframt er hún kærkomið
tækifæri á að sjá fjölbreytilegt
handverk og það hráefni sem fram-
leiðendur nota við vinnu sína.
Sýnendur eru vel á annað hund-
rað og hafa aldrei verið fleiri, en í
ár eru margir að sýna handverk
sitt í fyrsta skipti.
Handverkssýningin er sem fyrr
í íþróttahúsi Hrafnagilsskóla en á
útisvæði verður margt til fróðleiks
og skemmtunar.
Sýningin verður opin á fimmtu-
dag frá ki. 16 til 20, á föstudag,
15. ágúst frá kl. 11 til 20 og frá
11 til 21 á laugardag, 16. ágúst.
Sýningunni lýkur á sunnudag, 17.
ág^íst og er þá opið frá kl. 11 til 20.
Ameríka: Ljósmyndir
SÝNINGIN „Ameríka: Ljósmyndir"
verður opnuð í Alþjóðlegu galleríi
Snorra Asmundssonar í Grófargili
á Akureyri á föstudag, 15. ágúst
kl. 20, en myndirnar eru eftir Gio-
vanni Garcdia Fenech.
Hann er fæddur í Mexíkó en
starfar í New York og er að því
er fram kemur í fréttatilkynningu
þekktur fyrir málverk sín af pillum,
holum og raka sem og fyrir græð-
andi sýningar varðandi daglegt líf
fólks og strumpa. Freech er sái-
fræðingur en sýningin er sprottin
upp af áhuga hans á fólki og sam-
böndum þess.
Galleríið er opið alla daga vik-
unnar frá kl. 14 til 18. Þar stendur
nú yfir sýning Loka listakattar sem
vakið hefur mikla athygli en um
500 manns hafa komið við í Gallerí-
inu og barið list kattarins augum.
Loki hljóp í skarðið fyrir Fenech,
en fyrirhugað var að sýningin yrði
opnuð í lok júlí síðastliðins. Hún
barst ekki í tæka tíð til landsins,
Snorri Ásmundsson tilkynnti þá
andlát listamannsins og opnaði
snarlega hina vinsælu sýningu á
listaverkum kattarins.
Varðhald fyrir
ölvunarakstur
TUTTUGU og fimm ára gamall
maður hefur í Héraðsdómi Norður-
lands eystra verið dæmdur í 60
daga varðhald og einnig var hann
sviptur ökurétti ævilangt.
Maðurinn var ákærður í síðasta
mánuði fyrir að hafa ekið bifreið
sinni undir áhrifum áfengis og án
ökuréttar. Viðurkenndi hann hátt-
semi sína fyrir dómi. Með broti sínu
rauf hann skilorð dóms Héraðsdóms
Austurlands frá því í apríl síðast-
liðnum. Samkvæmt sakavottorði
hafði hann fjórum sinnum gengist
undir dómsáttir og einu sinni hlotið
dóm vegna refsiverðrar háttsemi.
Með hliðsjón af brotaferli hans þótti
ekki annað fært en taka dóminn
upp og dæma í málunum báðum í
einu lagi.
Stærðfræðikennarar
Er einhver góður kennari tilbúinn að koma út í Hrísey
2-3 í viku og kenna stærðfræði? Um er að ræða 6-8 tíma
í 6. til 8. bekk. Fyrir góðan verktaka verður vel borgað.
Upplýsingar veita
Svanhildur, skólastjóri, vs. 466 1763 og hs. 466 1739
og Gunnar, sveitarstjóri, vs. 466 1762.
Vinsamlegast hringið sem fyrst.
VCldlUll Akureyri Ð462 3626
Norðurlands Örugg þjónusta ífjörtíu ár 1
Or) PIOMEER
The Art of Entertainment
• Sjónvörp.myndbands- og hljómtæki
• Ljósritunarvélar • Faxtæki
• Örbylgjuofnar • Reiknivélar
• Skipuleggjarar
• Búðarkassar