Morgunblaðið - 13.08.1997, Blaðsíða 14

14 MIÐVIKUDAGUR 13. ÁGÚST 1997
MORGUNBLAÐIÐ
LANDIÐ
Morgunblaðið/Sigurður Aðalsteinsson
Ferðamenn
við Dimmugljúfur
Góð heyskapartíð eftir þriggja vikna óþurrk
Sumir skammt á
veg komnir í heyskap
Á BÆNUM Laugardælum, rétt utan við Selfoss, var unnið í
heyskap í gær, eins og annarstaðar á Suðurlandi.
Vaðbrekku, Jökuldal - Nokk-
uð er um að ferðamenn fari
að Dimmugljúfrum til að líta
hrikalegheit þeirra. Þessum
ferðamönnum, sem fréttarit-
ari hitti á barmi gljúfranna á
dögunum hjá Niðurgöngugili
við Ytri-Kárahiyúk, fannst
mikið til gljúfranna koma en
þarna eru þau 130 metra djúp
og beljandi Jökulsáin í hroka-
vexti í botni þeirra.
ÞRÁLÁTIR óþurrkar á Suður- og
Vesturlandi hafa valdið bændum
miklum erfiðleikum við heyskap.
Jón Vilmundarson, ráðunautur hjá
Búnaðarsambandi Suðurlands,
sagði að allmargir bændur á
Suðurlandi hefðu verið skammt á
veg komnir um síðustu helgi þegar
þriggja vikna óþurrkakafla lauk.
Það sem af er þessari viku hefur
verið mjög góð heyskapartíð um
allt land og bændur hafa því keppst
við.
Jón sagði að bændur sem væru
vel tækjum búnir, með rúlluvélar
eða öfluga súrþurrkun, væru að
verða búnir með fyrri slátt. Aðrir
væru mjög stutt á veg komnir.
Bændur sem byggju eingöngu með
sauðfé eða hross hefðu ekki sömu
þörf fyrir að slá grasið í snemma
og kúabændur og þeir væru því
almennt styttra komnir með sinn
heyskap.
„Kúabændur sem ekki hafa ann-
aðhvort rúlluvélar eða heita súr-
þurrkun eru í vondri stöðu,“ sagði
Jón.
Jón sagði að hey hefðu víða
hrakist mikið í sumar og væru því
léleg að gæðum. Gras væri einnig
úr sér sprottið eftir óhemju góða
sprettutíð í júlí, en þá fóru saman
miklar rigningar og hátt hitastig.
Jón sagði að bændur kepptust
við í heyskap þessa dagana. Allar
horfur væru á að staðan myndi
því batna verulega ef þurrt yrði í
veðri út þessa viku.
Guðmundur Lárusson, formaður
Landssambands kúabænda, sagði
að staðan hjá kúabændum væri
víðast hvar allgóð þrátt fyrir
óþurrkana. Sums staðar eins og í
Skaftafellssýslu og í uppsveitum
Suðurlands væru búnir að vera
afar fáir þurrir dagar í sumar og
bændur þess vegna komnir
skemmra á veg en annars staðar.
Guðmundur sagði að þeir sem
hefðu þegar náð að klára fyrri slátt
væru famir að slá há.
Seinni sláttur hafinn
Til samanburðar má geta þess
að Guðmundur kláraði sjálfur fyrri
slátt 20. júlí, en í fyrra lauk hann
heyskap 25. júní, en þá var tíðin
einstaklega góð.
Guðlaugur Antonsson, ráðunaut-
ur hjá Búnaðarsambandi Borgar-
fjarðar, sagði að margir bændur
hefðu náð upp miklum heyjum áður
en óþurrkakaflinn byijaði. Þeir
væru annaðhvort búnir eða myndu
klára í þessari viku. Einhveijir
væm þegar byijaðir að slá há.
Rúllutæknin væri orðin mjög al-
menn í sveitum og í tíð eins og
verið hefði í sumar, sem einkennst
hefur af stuttum þurrkköflum, væri
talsvert hægt að heyja með slíkri
tækni. Hann sagðist því almennt
telja að staðan hjá bændum á Vest-
urlandi væri ekki slæm, en menn
hefðu þó almennt verið orðnir mjög
þreyttir á þessum langa óþurrki.
Þrjátíu og sjö bóndabæir víðs vegar
um landið standa opnir almenningi á sunnudag
Bændur bjóða heim
Morgunblaðið/jt
ÝMSIR fánar blakta við hún við Hótel Vatnajökul. í baksýn ber
Krossbæjartind við himin.
Hótel Vatnajökull í Nesjum
Góð nýting frá opnun
BÆNDUR á þijátíu og sjö bæjum
víðs vegar um landið bjóða öllum
sem koma vilja í heimsókn sunnu-
daginn 17. ágúst kl. 13-20.
Þetta er í fjórða sinn sem bænd-
ur bjóða gestum og gangandi heim
á bú sín. Tilgangur heimboðsins
er að gefa fólki tækifæri til þess
að fá innsýn í lífið í sveitinni og
búreksturinn.
Mismunandi er hvað stendur til
boða á hveijum bæ en víðast er
hægt að hitta dýr, njóta töðuilms
og sveitalofts og annars sem sveit-
in hefur upp á að bjóða m.a. gefst
fólki sums staðar kostur á að fara
á hestbak. Bæirnir eru auðkennd-
ir með fánum með merki landbún-
aðarins.
11 bæir á Suðurlandi og
7 í Kjalarnesþingi
Að þessu sinni eru flestir bæirnir
í grennd við höfuðborgina. Ellefu
bæir eru á Suðurlandi og sjö i
Kjalarnesþingi. Eftirfarandi eru
bæirnir taldir sem sem taka á
móti gestum og hvaða búskapur
er stundaður á hveijum þeirra.
Kirkjumór í Mosfellsdal, vegur
36, tijáplöntuframleiðsla, Helga-
dalur (Dalsbú) í Mosfelldal, vegur
36, minkar, Hreggstaðir í Mos-
fellsdal, vegur 36, tijáplöntufram-
leiðsla, Laxnes í Mosfellsdal, veg-
ur 36, ferðaþjónusta, hestaleiga,
Bakkakot í Mosfellsdal, vegur 36,
golfvöllur, Hrísbrú í Mosfelldal,
vegur 36, nautgripir, sauðfé,
hross. Hjalli í Kjós, 30 km frá
Mosfellsbæ vegur 461, ferðaþjón-
usta, sauðfé. Skjáney í Reyk-
holtsdal, 54 km frá Borgarnesi,
vegur 518, nautgripir, hross,
sauðfé, Hjarðarfell á Snæfells-
nesi, 70 km frá Borgarnesi og 30
km frá Stykkishólmi, vegur 56,
blandað bú, Breiðabólsstaður á
Fellsströnd, 35 km frá Búðardal,
vegur 590, blandað bú, Hamrar í
Haukdal, 22 km frá Búðardal,
vegur 586, nautgripir, sauðfé,
endur, hross.
Hagi á Barðaströnd, 35 km frá
Patreksfirði, vegur 62, nautgripir,
hestar, bleikja, Vaðlar í Önundar-
firði, 13 km frá Flateyri, vegur
60, blandað bú, Bær II, Bæjar-
hreppi, 7 km frá Borðeyri, vegur
61,, sauðfé, hlunnindi, hross.
Árholt, Torfalækjarhreppi, 5
km frá Blönduósi, vegur 1, bland-
að bú, Hátún, Seyluhreppi, 5 km
frá Varmahlíð, vegur 75, blandað
bú, Syðri-Hofdalir, Viðvíkursveit,
22 km frá Varmahlíð og Sauðár-
króki, vegur 76, blandað bú,
Garðakot í Hjaltadal, 23 km frá
Hofsósi og Sauðárkróki, vegur
767, nautgripir.
Bakki í Öxnadal, 30 km frá
Akureyri, vegur 1, blandað bú,
Stóri-Dunhagi í Hörgárdal, 12 km
frá Akureyri, vegur 815, blandað
bú, Viðigerði í Eyjafirði, 15 km
frá Akureyri, vegur 821, blandað
bú, Hríshóll í Eyjafirði, 27 km frá
Akureyri, vegur 829, blandað bú,
Rifkelsstaðir II í Eyjafirði, 18 km
frá Akureyri, vegur 829, blandað
bú, Halldórsstaðir í Bárðardal, 82
km frá Húsavík, vegur 842, bland-
að bú, Fremstafell, Ljósavatns-
hreppi, 50 km frá Húsavík og
Akureyri, vegur 841, kýr, hross,
sauðfé, Fagranes í Aðaldal, 14 km
frá Laugum og 30 km frá Húsa-
vík, vegur 855, blandað bú.
Bæirnir auðkenndir
með fánum
Sólheimahjáleiga í Mýrdal, 25
km frá Vík, vegur 1, blandað bú,
Ásólfsskáli, V-Eyjafjallahreppi,
35 km frá Hvolsvelli, vegur 246,
nautgripir, ferðaþjónusta, Lamb-
hagi á Rangárvöllum, 8 km frá
Hellu, vegur 1, blandað bú, Hagi
II, Gnúpveijahreppi, 10 km frá
Árnesi og 50 km frá Selfossi, veg-
ur 32, svín, sauðfé, hross, Bryðju-
holt, Hrunamannahreppi, 3 km frá
Flúðum, vegur 30, nautgripir,
sauðfé, hross, Silfurtún á Flúðum,
vegur 30, garðyrkja, Hlemmiskeið
I á Skeiðum, 25 km frá Selfossi,
vegur 30, nautgripir, hross, ær,
Hlemmiskeið II á Skeiðum, 25 km
frá Selfossi, vegur 30, nautgripir,
sauðfé, hross, Miðengi í Gríms-
nesi, 18 km frá Selfossi, vegur
35, nautgripir, hross, hundar,
Litlu-Reykir, Hraungerðishreppi,
II km frá Selfossi, vegur 304,
blandað bú og Laugarbakkar í
Ölfusi, 4 km frá Selfossi, vegur
35, blandað bú.
FULLSKIPAÐ hefur verið á Hótel
Vatnajökli, sem er í landi Lindar-
bakka í Nesjum skammt norðan
Hafnar í Hornafirði, frá því opnað
var í byijun júní í sumar. Eigandi
hótelsins er Skarphéðinn Larsen en
hann hefur einnig rekið ferðaþjón-
ustuna Topp-ferðir sem stendur
m.a. fyrir jöklaferðum.
Hótel Vatnajökull hefur að bjóða
26 tveggja manna herbergi sem öll
eru með baði, um 120 manna veit-
ingasal og er öll veitingaþjónusta
fyrir hendi á hótelinu. Skarphéðinn
lagði sjálfur meginlínur við hönnun
byggingarinnar sem er að hluta á
tveimur hæðum en bæði er byggt
við og ofan á hús sem var fyrir að
Lindarbakka. Fékk hann m.a.
lánsfé hjá Byggðastofnun.
Skarphéðinn segir nýtingu hafa
verið mjög góða allt frá opnun í
byijun júní, fullskipað hafi verið og
eru gestir bæði ferðahópar og ein-
staklingar, íslenskir og erlendir
ferðamenn. Þá segir hann nokkuð
um að íbúar Hafnar heimsæki stað-
inn til að njóta veitinga en um 10
km eru til Hafnar.
Með haustinu hyggst hann
standa fyrir ýmsum menningarleg-
um uppákomum og samkundum á
hótelinu þar sem hann sér ekki fram
á annað en að nýting gistirýmisins
verði verulega minni en á sumrin.
Einnig getur hann boðið litlum hóp-
um að nýta hótelið til ráðstefnu-
halds. Skarphéðinn er bjartsýnn á
reksturinn, segir að í byggðinni
hafí vantað gistiherbergi með baði
og telur að full þörf hafi verið á
þessu nýja hóteli.