Morgunblaðið - 13.08.1997, Blaðsíða 36

36 MIÐVIKUDAGUR 13. ÁGÚST 1997
MORGUNBLAÐIÐ
MINNINGAR
KRISTIN BJORK
KRISTJÁNSDÓTTIR
+ Kristín Björk
Krisljánsdóttir
fæddist á Akureyri
10. desember 1947.
Hún lést á Land-
spítalanum 31. júlí
síðastliðinn og fór
útför hennar fram
frá Lágafellskirkju
12. ágúst.
Með nokkrum orð-
um viljum við minnast
og kveðja Kristínu
Kristjánsdóttur mág-
og svilkonu okkar.
Kristín lést á Sjúkrahúsi Reykjavík-
ur hinn 31. júlí sl.
Það eru margar ljúfar og
ánægjulegar minningar sem við
hjónin höfum átt með þeim Kristínu
og Sigurði ásamt börnum þeirra.
Að nú vanti einn í hópinn er erfitt
að sætta sig við, hópinn sem er
tengdur svo sterkum vináttu- og
fjölskylduböndum. Þær eru margar
minningamar sem leita á hugann
við slíka kveðjustund, allt frá því
að þau Kristín og Sigurður bjuggu
sín fyrstu búskaparár í írabakkan-
um, þangað komum við oft og gist-
um, síðar fluttu þau í Mosfellsbæinn
og byggðu sér þar myndarlegt
heimili. Minningarnar verða þó sér-
staklega tengdar við Oddsstaði,
bæði við heyskap, smalamennskur
og útreiðartúra, en Kristín hafði
gaman af að taka þátt í sveitastörf-
um í fríum sínum. Efst eru þó minn-
ingarnar um notalegheitin sem við
mættum alltaf í sumarbústaðnum
sem þau Kristín og Sigurður reistu
sér á Oddsstöðum, samhent og iðju-
söm eins og við allt sem þau tóku
sér fyrir hendur. Þó Kristín væri
oft við störf þegar komið var í heim-
sókn í sumarbústaðinn, því huga
þurfti að gróðri og umhverfinu,
gafst alltaf tími til að ræða málin
og framtíðaráform. Oft var því
gestkvæmt og glatt á hjalla í þess-
ari paradís fram við Jötnabrúarfoss.
Ferðalög fórum við saman, sl.
sumar ferðuðumst við um Suður-
land, í þeirri ferð hændist yngsti
sonur okkar, þá tveggja ára, að
Kristínu og kallaði hana alltaf Stínu
frænku og var hún þá orðin ein af
bestu vinkonum hans. Ferðalögin
saman hefðu mátt verða enn fleiri,
það var gott að hafa Kristínu sem
ferðafélaga, hún var úrræðagóð,
skipulögð og dugleg við hvað sem
hún tók sér fyrir hendur.
Á síðasta ári kom sólargeisli inn
í líf Kristínar, það var þegar Óliver
sonarsonur hennar kom i heiminn.
Kristín var upptekin að hugsa um
þennan nýja fjölskyldumeðlim eftir
því sem heilsa hennar leyfði.
Okkar síðasti fundur verður allt-
af eftirminnilegur en það var við
brúðkaup Kristjáns og
Svövu sem fram fór
nokkrum dögum fyrir
lát Kristínar. Kristín
lagði sitt af mörkum
við að undirbúa brúð-
kaupið þrátt fyrir veik-
indin. Ekki bjuggumst
við við því að þetta
væri okkar síðasti
fundur með Kristínu
því hún ætlaði að koma
í bústaðinn eftir helg-
ina. Kristínu var þessi
stund mikilsverð og
ekki síður fjölskyldu
hennar að fá að njóta
þessarar ánægjustundar með henni
og þökkum við fyrir að kallið kom
ekki fyrr.
Kristín var viljasterk kona og
ákveðin. Þegar hún greindist með
krabbamein fyrir allmörgum árum
kom ekkert annað til greina hjá
henni en að komast yfir sjúkdóminn
og með það að leiðarljósi ásamt
ómetanlegum styrk frá fjölskyldu
hennar erum við viss um að það
varð til þess að við fengum að njóta
samvistar hennar lengur.
Við sem söknum Kristínar biðjum
þess að hún megi njóta hvíldar og
friðar, erfíð veikindi eru að baki og
megi ljúf minning lifa um þær
ánægjulegu samverustundir sem
við áttum með henni sem við þökk-
um með alhug.
Við vottum ykkur Sigurður, Auð-
ur, Kristján og Ragnheiður okkar
fyllstu samúð og megi góður guð
hjálpa ykkur að komast yfir sorg-
ina. Munið að þið eigið vini, frænd-
ur og frænkur sem syrgja með ykk-
ur og geta veitt ykkur styrk á erfíð-
um tímum.
Sigrún og Guðmundur,
Hvanneyri.
Kristín Kristjánsdóttir og Sigurð-
ur, maður hennar, hafa starfað óslit-
ið með Sunddeild Aftureldingar frá
stofnun hennar 1986 þar sem öll
börnin þeirra æfðu sund og alltaf
voru þau tilbúin til að vinna fyrir
sundíþróttafólk í Mosfellsbæ. Um
nokkurn tíma hefur Kristín verið
veik en þó brá okkur er fréttin um
fráfall hennar barst okkur.
Kristín hefur starfað við nánast
öll sundmót sem haldin voru í Varm-
árlaug síðustu 11 árin. Kristín
mætti á síðasta mót vetrarins í
Varmárlaug í júní sl. og fylgdist
með börnunum sínum. Sundáhuga-
fólk í Mosfellsbæ kemur til með að
sakna þín í félagsstarfínu.
Við færum Sigurði, Ragnheiði,
Auði, Kristjáni og fjölskyldu hans
innilegar samúðarkveðjur og vonum
að sárin grói.
Samstarfsfólk í
sunddeild Aftureldingar.
Handrit afmælis- og minningargreina skulu vera vel frá gengin, vélrituð eða tölvu-
sett. Sé handrit tölvusett er æskilegt, að disklingur fylgi útprentuninni. Auðveldust
er móttaka svokallaðra ASCII-skráa, öðru nafni DOS-textaskrár. Ritvinnslukerfin
Word og Wordperfect eru einnig auðveld í úrvinnslu. Senda má greinar til blaðsins
[ bréfasíma 5691115, eða á netfang þess (minning@mbl.is) — vinsamlegast sendið
greinina inni í bréfinu, ekki sem viðhengi. Nánari upplýsingar má lesa á heimasíð-
um. >að eru vinsamleg tilmæli að lengd greina fari ekki yfir eina örk A-4 miðað
*■ við meðallínubil og hæfilega llnulengd — eða 2.200 slög. Höfundar eru beðnir að
hafa skírnarnöfn sfn en ekki stuttnefni undir greinunum.
Öllum þeim, er sýndu okkur samúð og
virðingu vegna andláts okkar kæru,
ERNU ELLINGSEN,
þökkum við af alhug. Starfsfólki Droþlaugar-
staða, sem önnuðust hana undir lokin,
sendum við alúðarþakkir.
Astrid Ellingsen,
Dagný Lárusdóttir,
Gisli Lárusson,
Sigrún Ragnarsdóttir,
Erna Ragnarsdóttir,
Othar Ellingsen.
Bjarni Jónsson,
Jón Ágústsson,
Kristján Sverrisson,
Sigrfður Ellingsen
og langömmubörn.
Bragi Halldórsson sigr-
aði á helgarmóti TR
SKAK
T a fl f c I a g
Rcykjavíkur
HELGARSKÁKMÓT
Félagsheimili TR, 8.-10. ágúst
Taflfélag Reykjavíkur stóð fyrir
helgarskákmóti 8.-10. ágúst sl.
Tefldar voru 7 umferðir, fyrst 3
atskákir, en síðan 4 kappskákir.
Bragi Halldórsson, kennari við
Menntaskólann í Reykjavík, vann
öruggan sigur á mótinu, hlaut 6'/»
vinning og gerði einungis jafntefli
við Arnar E. Gunnarsson. Bragi
var mjög vel að sigrinum kominn,
því í fimm síðustu umferðunum
tefldi hann við alla þátttakenduma
í mótinu, sem voru með meira en
2000 skákstig. Á meðal fórnar-
lamba Braga voru þeir Jón Viktor
Gunnarsson, Sævar Bjamason,
Einar Hjalti Jensson og Jón Árni
Halldórsson. í öðm sæti á mótinu
var Sævar Bjarnason með 5'A
vinning. Hann tapaði einungis fyr-
ir Braga, en gerði líkt og Bragi
jafntefli við Arnar E. Gunnarsson.
Það voru svo þeir Einar Hjalti
Jensson og Arnar E. Gunnarsson,
sem héldu uppi merki yngstu kyn-
slóðarinnar með því að þreppa
3.-4. sæti og 5 vinninga. Úrslitin
urðu þessi:
1. Bragi Halldórsson 6'A af 7
2. Sævar Bjamason 5'A v.
3. -4. Amar E. Gunnarsson og Einar
Hjalti Jensson 5 v.
5.-7. Bjami Magnússon, Davíð Ó.
Ingimarsson og Jón Viktor Gunnarsson
4 Vt v.
8.-14. Dagur Amgrfmsson, Davfð
Guðnason, Guðni Stefán Pétursson,
Hjörtur Þór Daðason, Jón Ámi Hall-
dórsson, Ómar Þór Ómarsson og Stefán
Kristjánsson 4 v.
Skák þeirra Jóns Viktors og
Braga var afar glannalega tefld:
Hvítt: Jón Viktor Gunnarsson
Svart: Bragi Halldórsson
Caro-Kann vörn
1. e4 - c6 2. d4 - d5 3. Rc3 -
dxe4 4. Rxe4 - Bf5 5. Rg3 -
Bg6 6. Rf3 - Rd7 7. h4 - h6 8.
h5 - Bh7 9. Bd3 - Bxd3 10.
Dxd3 - Rgf6 11. Bf4 - e6 12.
0-0-0 - Be7 13. De2 - a5 14.
Kbl - a4 15. c4 - a3 16. b3 -
b5 17. Re5 -bxc4 18. Rxc6 -
Db6 19. Rxe7
19. - cxb3!! 20. Rgf5
20. Ref5 - Rd5! 21. Rxg7+ -
Kf8 er einnig gott á svart.
20. - bxa2+-21. Kxa2 - Re4!
22. Rxg7+ - Kxe7 23. Hcl -
Hhb8!?
Teflir fyrir glæsileikann, en 23.
- Dxd4! virðist mun einfaldara.
24. Bxb8 - Hxb8 25. Hh3 -
Dxd4 26. Hc2 - Dd5+ 27. Dc4 -
Hb2+ 28. Kxa3 - Hxc2 29. Dxc2
- Rdc5 30. f3 - Rd2 31. Hh4 -
Rdb3 32. Kb4 - Da8 33. Rf5+ -
exf5 34. De2+ - Kf6 35. Db5 -
Dal 36. Db6+ - Kg7 37. Hc4 -
Del+ 38. Kb5 - Re6 39. f4 -
De2 40. Kb4 - Rbd4 41. Da6 -
Db2+ 42. Ka5 Dxg2 43. Kb6 -
Dd5 44. Dc8 - Dd6+ 45. Ka5 -
Dxf4 46. Ka4 - Dd2 og hvítur
gafst upp.
Það þarf ekki að leita langt að
ástæðunni fyrir ferskri tafl-
mennsku Braga. Hann hefur
ásamt þeim Helga Ólafssyni og
Jóni Torfasyni, nýlokið ritun bókar
um Benóný heitinn Benediktsson,
alþýðuhetju og skákmeistara.
Benóný hefði kunnað vel að meta
riddarapar Braga í þessari skák.
Helgarskákmót TR njóta ávallt
vinsælda, jafnvel um hásumartím-
ann. 30 skákmenn sátu alla helg-
ina að tafli. Næsta helgarmót fé-
lagsins fer fram dagana 5.-7.
september.
Landskeppni við Færeyjar
Dagana 9. og 10. ágúst fór fram
í Færeyjum landskeppni skák-
sveita íslands og Færeyja.
Frá árinu 1978 hefur sá háttur
verið hafður á, að Skákfélag Akur-
eyrar og Skáksamband Austur-
lands hafa séð um landskeppni í
skák við Færeyinga. Hefur verið
keppt til skiptis í Færeyjum og á
íslandi, að jafnaði annað hvert ár.
Móttökur í Færeyjum hafa alltaf
verið framúrskarandi og _ skák-
menn, sem skipað hafa lið íslands
hafa eignast vini og kunningja í
Færeyjum í þessum samskiptum.
Færeyingar komu til íslands 1995
og hlutu stóran skell gegn liði ís-
lands, sem var eingöngu skipað
Akureyringum í forföllum Aust-
firðinga. Nú var komið að keppni
í Færeyjum og hélt íslenska liðið
utan með Norrænu 7. ágúst. Bú-
ast mátti við að róðurinn yrði
þungur fyrir íslenska liðið að þessu
sinni, þar sem nokkrir stigaháir
skákmenn voru forfallaðir og á
átta borðum af tíu voru Færeying-
arnir stigahærri.
Úrslit urðu þau að í fyrri um-
ferðinni sigraði íslenska sveitin
6-4, en í þeirri síðari unnu Færey-
ingar með sömu vinningatölu.
Lauk keppninni því með jafnri
vinningatölu, 10-10, en íslending-
ar unnu á stigum, þ.e. fengu sína
vinninga á hærri borðum. Mestu
munaði þar um að Jón Garðar
Viðarsson hlaut l'A vinning á 1.
borði og Gylfi Þórhallsson vann
báðar skákir sínar á 3. borði.
íslenska liðið skipuðu þeir Jón
Garðar Viðarsson, Rúnar Sigurp-
álsson, Gylfi Þór Þórhallsson, Þór
Valtýsson, Sigurjón Sigurbjörns-
son, Smári Ólafsson, Sigurður Ei-
ríksson og Sigurður Ingason, allir
frá Akureyri. Frá Austurlandi
komu þeir Gunnar Finnsson og
Sverrir Unnarsson.
Þröstur þriðji í Gausdal
Hin árlega Gausdal skákhátíð í
Noregi var haldin 1.—10. ágúst.
Aðalviðburður hátíðarinnar var
minningarmót um Norðmanninn
Arnold J. Eikrem, sem íslenskir
skákmenn eiga mikið að þakka.
íslendingar hafa jafnan verið dug-
legir að sækja skákmót í Gausdal
og að þessu sinni tóku þeir Þröst-
ur Þórhallsson, Ágúst Sindri
Karlsson og Arnar Þorsteinsson
þátt í minningarmótinu um Eikr-
em.
Það voru heimamaðurinn og
stórmeistarinn Einar Gausel
ásamt enska stórmeistaranum
Nigel Davies sem sigruðu á mót-
inu, hlutu 7 vinninga í 9 umferð-
um. Þröstur Þórhallsson lenti í
3.-11. sæti með sex vinninga.
Ágúst Sindri Karlsson og Arnar
Þorsteinsson fengu 5 vinninga.
Skákveisla á Austurlandi
Tímaritið Skák, með Jóhann
Þóri Jónsson í broddi fylkingar,
stendur fyrir 3 helgarskákmótum
í röð á Áusturlandi nú í ágúst.
Fyrsta mótið í þessari röð verður
haldið á Mjóafirði 15.-17. ágúst.
Þá verður eins dags hlé, en þann
19. ágúst hefst mót í Skjöldólfs-
staðaskóla í Jökuldal. Þetta „helg-
arskákmót" Jóhanns hefur þá sér-
stöðu að það fer alls ekki fram
um helgi, heldur hefst það á þriðju-
degi og lýkur á fimmtudegi. Strax
daginn eftir, föstudaginn 22. ág-
úst, hefst síðan lokamótið í þess-
ari þriggja móta röð, en það verð-
ur haldið í Borgarfirði eystri.
Þarna gefst skákmönnum því
tækifæri til að komast á sannkall-
aða skákhátíð, sem stendur yfir í
10 daga og njóta um leið góða
veðursins og alls þess sem Austur-
land hefur upp á að bjóða.
Helgarskákmót Jóhanns Þóris
eru þegar orðin 46 á liðnum árum
auk þess sem hann var iðinn við
að halda alþjóðleg skákmót á tíma-
bili. Helgarskákmótin skipuleggur
hann í samvinnu við heimamenn.
Mótin eru með atskákarsniði og
má búast við góðri þátttöku ef
mið er tekið af fyrri helgarskák-
mótum. Mótin hefjast með setn-
ingu kl. 20. i beinu framhaldi hefst
síðan fyrsta umferð og verða tefld-
ar þijár umferðir fyrsta kvöldið.
Allar skákirnar verða tefldar
sem atskákir, þ.e. hver keppandi
hefur 30 mínútur á skák. Að venju
er keppt um vegleg verðlaun: 1.
kr. 60.000, 2. kr. 30.000, 3. kr.
15.000, 4. kr. 10.000. Þá verða
veitt þrenn unglingaverðlaun,
kvennaverðlaun, öldungaverðlaun,
verðlaun fyrir bestan árangur
heimamanns og bestan árangur
dreifbýlismanns. Væntanlegir
þátttakendur eru hvattir til að
skrá sig sem allra fyrst hjá Tíma-
ritinu Skák, símar 588-1390 og
588-1391, fax: 553-1399.
Margeir Pétursson
Daði Orn Jónsson