Morgunblaðið - 13.08.1997, Blaðsíða 16

16 MIÐVIKUDAGUR 13. ÁGÚST 1997
MORGUNBLAÐIÐ
VIÐSKIPTI
Gengisþróunin óhagstæð rekstrarafkomu Flugleiða og dótturfélaga fyrri hluta ársins
Afkoma af reglulegri
starfsemi um 170
milljónum lakari
FYRSTU sex mánuði ársins var 526
milljóna króna tap hjá Flugleiðum
og dótturfyrirtækjum en á sama
tímabili í fyrra nam tapið 844 millj-
ónum króna. Afkoma af reglulegri
starfsemi var um 170 milljónum
króna lakari en á sama tíma á síð-
asta ári.
í frétt frá Flugleiðum kemur fram
að óhagstæð gengisþróun hafi kom-
ið niður á rekstrarafkomu félagsins
fyrstu sex mánuði ársins og átti hún
langmestan þátt í að afkoma af
reglulegri starfsemi versnaði um 170
milljónir króna. Aftur á móti er heild-
arniðurstaða rekstrarreiknings um
318 milljónum króna betri en á síð-
asta ári og þann bata megi að mestu
rekja til hagnaðar sem varð af sölu
flugvélar í upphafi ársins.
Afkoman óviðunandi
Sigurður Helgason, forstjóri Flug-
leiða, segir að afkoman það sem af
er árinu sé óviðunandi en þar hafi
mest áhrif óhagstæð gengisþróun á
helstu mörkuðum félagsins. „Stór
hluti farþegatekna í millilandaflugi
kemur frá markaðssvæðum í Evr-
ópu. Gengi Evrópugjaldmiðla gagn-
Tapið minnkar þó
milli ára vegna
söluhagnaðar
vart krónu hefur farið lækkandi
þannig að meginvandamálið í af-
komu félagsins fyrstu sex mánuði
ársins er óhagstæð gengisþróun á
okkar stærsta markaði á meginlandi
Evrópu. Aftur á móti erum við að
ná góðum árangri á ýmsum öðrum
sviðum og má þar nefna að fyrstu
sex mánuði ársins jókst framleiðni
starfsfólks um 4,8% vegna aukinna
umsvifa á nýjum flugleiðum. Farþe-
gaflutningar eru megin stoð starf-
seminnar og gefa af sér um 80%
tekna móðurfélagsins. Fyrirtækið er
að stækka töluvert á árinu, en far-
þegum í millilandaflugi fjölgaði um
21% fyrstu sex mánuði ársins. Á
sama tíma erum við ekki að íjölga
starfsmönnum að sama skapi og að
ná meiru út úr fastakostnaðinum."
Að sögn Sigurðar er jafnan tap
af rekstri Flugleiða á fyrri hluta árs
vegna árstíðasveiflu í flutningum en
sumarið er ávallt drýgst í rekstri
félagsins. „Við erum með allþokka-
legar bókanir á næstu mánuðum en
samt sem áður höfum við áhyggjur
af óhagstæðri gengisþróun og veiku
efnahagsástandi á mörkuðum eins
og í Þýskalandi og annars staðar á
meginlandi Evrópu."
Verri afkoma hjá
dótturfélögum
Afkoma dótturfyrirtækja Flug-
leiða fyrstu sex mánuði ársins versn-
aði frá fyrra ári, úr 9 milljóna króna
hagnaði í 58 milljóna króna tap.
Tæplega 1% samdráttur var í innan-
landsflugi á tímabilinu.
í lok júní var eigið fé Flugleiða
tæplega 6 milljarðar króna en var
um 4,4 milljarðar króna á sama tíma
fyrir ári. Þessi aukning eigin fjár
er fyrst og fremst til komin vegna
hlutafjárútboðs í lok síðasta árs og
vegna hagnaðar af starfseminni á
tímabilinu júlí 1996 til júlí 1997.
Eiginfjárhlutfall Flugleiða er nú 32%
en var 21% á sama tíma í fyrra.
Innra virði félagsins er 2,61 en var
2,14.
Flugleiðir hf. Úr milliuppgjöri, jan.-júní 1997,
J
Samstæða Jl .....
Rekstrarreikningur Mnijónir kmna 1997 1996 I Breyt.
Rekstrartekjur 10.187 8.696 +17%
Rekstrargjöld 11.137 9.138 +22%
Rekstrarhagnaður (-tap) (950) (442) +115%
Hrein tjármagnsgjöld 141 397 -64%
Hagnaður (tap) af reglulegri starfsemi (1.091) (839) +30%
Hagnaðuraf sölueigna 396 (0,5)
Áhrif dótturfálaga 0 0
Hagnaður (tap) tímabilsins (526) (844) -62%
Efnahagsreikningur 30. júní: 1997 1996
\ Eignir: j Milljónir króna
Veltufjármunir 7.261 6.483 +12%
Fastafjármunir 12.996 15.164 -14%
Eignir samtals 20.257 21.647 -6%
I Skuhlir op eiuið fé: Milliónir króna
Skammtímaskuldir 7.506 6.490 +16%
Langtímaskuldir 6.785 10.747 -37%
Eigið fé 5.966 4.410 +35%
Skuldir og eigiö fé samtals 20.257 21.647 -6%
Kennitölur
Eiginfjárhlutfall 32% 21%
Handbært fé frá rekstri Millj. króna 542 791 -31%
Fyrirhugað er að bæta tveimur
nýjum áætlunarstöðum við leiðanet
félagsins á næsta ári, Minneapolis í
Bandaríkunum og Helsinki í Finn-
landi. Félagið fær nýja Boeing
757-200 flugvél til starfseminnar í
byrjun næsta árs og síðan þrjár
Boeing 757-200 og 757-300 til við-
bótar fram til ársins 2002. Að auki
hefur félagið fest sér kauprétt á
átta flugvélum fram til ársins 2006.
í haust auka Flugleiðir við þjónustu
sína á fraktmarkaðnum með frakt-
leiguvél, sem verður í daglegum
ferðum milli íslands og Evrópu, seg-
ir ennfremur i frétt frá félaginu.
16 milljarða doll-
ara lán til Tælands
••
Onnur mesta að-
stoð, sem eitt ríki
hefur fengið
Tókýó. Reuter.
IMF, Alþjóðagjaldeyrissjóðurinn,
og ýmis Asíuríki ákváðu á mánu-
dag að lána stjórnvöldum í Tæ-
landi 16 milljarða dollara til að
bjarga henni út úr þeim þrenging-
um, sem verið hafa í efnahagslífi
landsins að undanförnu. Er þetta
mesta aðstoð við eitt ríki síðan IMF
og nokkur ríki, aðallega Bandarík-
in, komu Mexikó til hjálpar með
40 milljarða dollara láni 1995.
Tælandsstjórn hefur sjálf áætlað
fjárþörfina 12 til 15 milljarðar
dollara en erfiðleikarnir komu upp
á yfirborðið þegar hún gafst upp
við að veija gengi gjaldmiðilsins
og lét það fljóta. Shigemitsu Sugis-
aki, aðstoðarframkvæmdastjóri
IMF, sagði á fréttamannafundi í
gær, að Tæland þyrfti um 14 millj-
arða dollara á þessu ári og næsta
og hefði vel verið brugðist við láns-
beiðninni. Leggur IMF fjóra millj-
arða dollara af mörkum, Japanir
annað eins og Ástralía, Malasía,
Singapore og Hong Kong einn
milljarð hvert. Suður-Kórea og In-
dónesía leggja fram hálfan milljarð
dollara hvort og frá Þróunarbanka
Asíu og Alþjóðabankanum og jafn-
vel Kína munu líklega koma þrír
milljarðar.
Athygli vekur ríflegt framlag
frá Japan en stjórnvöld þar og
annars staðar í Suðaustur-Asíu
vilja umfram allt koma í veg fyrir,
að efnahagserfiðieikarnir í Tæ-
landi leiði til keðjuverkunar í öðr-
um ríkjum álfunnar. Tælendingar
skulda nú 89 milljarða dollara er-
lendis og þar af helminginn hjá
japönskum bönkum.
Harðar aðgerðir
Tælandsstjórn kynnti í síðustu
viku strangar efnahagsráðstafanir,
16 MILLJARÐA DOLLARA
LÁN TIL TÆLANDS
Alþjóöagjaldeyrissjóöurinn, IMF, og
Asíurfki meö Japan í broddi fylkingar
komu Tælendingum til hjálpar meö 16
milljaröa dollara láni.
Lánið er það mesta til eins ríkis síðan IMF
og ýmis ríki, aðallega Bandaríkin, hjálpuðu
Mexikó með næstum 40 milljörðum dollara
1995.
Hvaöan koma milljaröarnir 16?
Kína, Asíski þróunarbankinn og Alþjóða-
bankinn munu líklega leggja íram 3 milljaröa
Erlendar skuldir Tælands eru 89 milljaröar
dollara, þar af helmingurinn í japönskum
bönkum
REUTERS
sem fela meðal annars í sér hækk-
un á virðisaukaskatti og lækkun
ríkisútgjalda en auk þess verður
meira en helmingi allra fjármála-
fyrirtækja í landinu lokað.
Efnahagsþrengingarnar hafa
valdið því, að skatttekjur ríkisins
hafa minnkað og ljóst er, að ríkis-
sjóður verður rekinn með halla á
næsta fjárlagaári í fyrsta sinn í
áratug. Á móti kemur, að útflutn-
ingur frá Tælandi jókst um 23% í
júlí miðað við júlí í fyrra og er það
rakið til 20% lækkunar á gengi
gjaldmiðilsins, bahts.
Verri afkoma hjá Vaka fyrstu sex mánuði ársins
Salan minnkaði um
10% á tímabilinu
\T\ 171 1117
Milliuppgjör
1. jan.-30. júní 1997
Rekstrarreikningur 1997 1996 Breyt.
Rekstrartekjur Milljónir króna 34,7 39,1 -11%
Rekstrargjöld 36,1 33,4 -8%
Hagnaður fyrir fjármagnsgjöld (1,5) 5,7
Fiármaqnsoiöld (1,4) (1,8)
Hagnaður (Tap) ársins (2,9) 2,6 -212%
Efnahagsreikningur 30/6'97 30/6'96 Breyt.
| Eignir: | '
Veltuf jármunir Milljónir króna 51,7 53,2 -3%
Fastafjármunir 17,0 14,1 +21%
Eignir samtals 68,7 67,3 +2%
l Skuldir on eiuið tó: | Skammtímaskuldir 23,2 15,8 +47%
Langtímaskuldir 10,1 10,5 -4%
Eigið fé 35,4 41,0 -14%
Skuldir og eigið fá samtals _ 68,7 67,3 +2%
Kennitölur

Eíginf járhiutfall 51% 60%
Veltuf járhlutfali 2,23 3,36 -34%
Mikil óvissa
ríkir á fiskeldis-
mörkuðum
TAP Vaka hf. fyrstu sex mánuði
ársins nam 2,9 milljónum króna
en á sama tímabili í fyrra nam
hagnaður félagsins 2,4 milljónum
króna. Velta félagsins minnkaði
einnig á tímabilinu, úr 39,1 milljón
króna, aftur á móti jukust rekstrar-
gjöld Vaka úr 33,4 milljónum í
36,1 milljón króna.
Að sögn Hermanns Kristjáns-
sonar, framkvæmdastjóra Vaka,
komu niðurstöðurnar ekki á óvart
þar sem ljóst var fyrir nokkru í
hvað stefndi þar sem salan hefur
minnkað um 10% frá því í fyrra,
aðallega vegna mikillar óvissu sem
hefur ríkt á fiskeldismörkuðum,
en fyrirtækið sérhæfir sig í fram-
leiðslu og sölu á hátæknibúnaði
fyrir fiskeldi og umhverfismarkað.
„Kæra Skota á meintum undirboð-
um Norðmanna og kæra fiskeldis-
manna í Bandaríkjunum á undir-
boðum fiskeldismanna frá Chile
hafa dregið úr fjárfestingum í
greininni um tíma. En svo virðist
sem mikil markaðsvinna undanfar-
inna mánaða, m.a. með nýjum
starfsmanni í Chile, sé að byija
að skila sér.“
Samningur við stærsta
laxeldisfyrirtæki Chile
í frétt kemur fram að Vaki hafi
gert samning við stærsta laxeldis-
fyrirtækið í Chile, Marine Harvest,
sá samningur og önnur sala í júlí
komi sölu fyrstu sjö mánuði ársins
í sömu tölu og sala fyrstu sjö
mánaða síðasta árs. „Vegna góðrar
sölu í júlí, betra jafnvægis á mark-
aðnum og að undanfarin ár hafa
rúmlega 60% af tekjum skilað sér
á seinni hluta ársins, gerum við
okkur vonir og teljum sterkar líkur
að rekstur Vaka verði nálægt áætl-
unum ársins og markmiðum í af-
komu verði náð.“
Endurbætur á dreifikerfi
Mikið hefur verið lagt í endur-
bætur á dreifikerfi fyrirtækisins
erlendis m.a. með stofnun dóttur-
fyrirtækis í Noregi þar sem mark-
aðsmöguleikar fyrirtækisins eru
hvað mestir, en nú í ágúst er
stærsta fiskeldissýning í heimi
haldin í Þrándheimi og gefst því
gott tækifæri til kynningar, segir
ennfremur í fréttinni.
Síðustu viðskipti með hlutabréf
í Vaka á Opna tilboðsmarkaðnum
voru þann 1. júlí sl. á genginu 7,0.
Um síðustu áramót voru viðskipti
á genginu 4,50.