Morgunblaðið - 28.08.1997, Blaðsíða 37

MORGUNBLAÐIÐ
MINNIIMGAR
FIMMTUDAGUR 28. ÁGÚST 1997 37,
+ Steinunn María
Pálsdóttir
fæddist á Sóma-
stöðum, Reyðar-
firði, 29. nóvember
1902. Hún lést á
hjúkrunarheimil-
inu Droplaugar-
stöðum í Reykjavík
12. ágúst síðastlið-
inn. Foreldrar
hennar voru hjónin
María Katrín
Sveinbjarnardóttir
og Páll Beck,
hreppstjóri. Systk-
ini hennar sem öll
eru látin voru Sigríður, Hans,
Astríður og Sveinbjörn.
Steinunn giftist árið 1933
Valdimar Bjarnasyni sem var
ættaður frá Fáskrúðsfirði.
Hann lést árið 1959. Steinunn
og Valdimar ólu upp fóstur-
son, Pál Beck Valdimarsson.
Útför Steinunnar fór fram
frá Fossvogskapellu í kyrrþey
21. ágúst.
Móðursystir mín, Steinunn Mar-
ía Pálsdóttir, lézt hinn 12. ágúst
sl. á Droplaugarstöðum hér í
Reykjavík. Hún hafði verið sjúkl-
ingur síðustu árin, ekki fær um
að ganga vegna sjúkdóms í hnjám
en hugsunin ávallt skýr. Það var
að mörgu leyti erfitt fyrir hana
að flytja frá heimili sínu, Karla-
götu 13, á hjúkrunarheimilið á
Droplaugarstöðum, en þar fékk
hún frábæra hjúkrun og færum
við starfsfólki þar okkar beztu
þakkir fyrir umönnun hennar.
Hún var fædd á Sómastöðum í
Reyðarfirði, dóttir hjónanna Maríu
Katrínar Sveinbjarnardóttur og
Páls Beck, þá hreppstjóra. Þau
hjónin voru þá nýgift og farin að
búa á jörðinni, en faðir Páls, Hans
Jakob Beck, var þá að komast á
efri ár og hafði misst konu sína,
Steinunni, fyrir nokkrum árum.
Hefur móðursystir mín áreiðan-
lega verið látin heita í höfuðið á
ömmu sinni.
Þegar árin liðu
fæddust fjögur systk-
ini í viðbót, Sigríður,
Ástríður, Hans og
Sveinbjörn, og hefur
víst verið mikið fjör í
þá daga. Systkinin
voru alltaf mjög sam-
hent og kynntist ég
þar þeirri samheldni,
sem myndast milli
ættingja og ég kalla
dýrgrip.
Það fyrsta, sem ég
man eftir Steinunni
var á Siglufirði fyrir
síðustu heimsstyijöld
en þar var faðir minn síldarsalt-
andi. Bjuggum við þá í verbúð
niðri við síldarplönin en Steinunn
nágranni á Hverfisgötu 7. Stein-
unn hafði farið að heiman þegar
aldur leyfði og vann í vist en 1933
giftist hún Valdimari Bjarnasyni,
sem var ættaður frá Fáskrúðs-
firði. Valdimar var hinn mesti
sómamaður, heiðarlegur og skap-
góður og sannkölluð ánægja að
vera með honum. Stóðu þau hjón-
in saman alltaf í blíðu sem stríðu,
það sem eftir var.
Þau bjuggu á Hverfisgötu 7 og
held ég að Valdimar hafi byggt
það hús. Var þá mikill uppgangur
á Siglufirði og þar margt mætra
manna. Kom ég þar oft með móð-
ur minni og var alltaf tekið vel á
móti okkur eins og við værum eitt-
hvað sérstakt.
Steinunn gat ekki átt börn og
1941 tóku þau fósturson, sem var
þá nýfæddur. Hann var ættaður
frá Olafsfirði en faðir hans hafði
þá nýlega drukknað en eins og
vitað er þá hefur Ægir kvatt
margan landa til sín, um aldur
fram.
Þessum dreng var gefið nafnið
Páll Beck og skrifar sig Páll Beck
Valdimarsson. Hann var mikil gjöf
fyrir Steinunni, mikil fylling í lífi
hennar þar sem hana hafði alltaf
langað til þess að annas sín eigin
börn og veita þeim ástúð sína, sem
var mikil. Þessa naut Páll í ríkum
mæli. Árið 1952 ákváðu þau
Steina og Valdimar að flytja suð-
ur. Valdimar vann í síldarverk-
smiðjunni Gránu, en nú var síldin
farin og horfur á atvinnu ekki
góðar á Siglufirði um tíma. Þau
fluttu og leigðu fyrst á Reynimel
44, en eftir nokkur ár keyptu þau
íbúð á Karlagötu 13.
Það var alltaf mikill samgangur
milli míns fólks og Steinunnar.
Við hittumst alltaf á jólum, pásk-
um og hvítasunnu og oft þar á
milli. Steina missti mann sin,
Valdimar, 1959. Kvöldið áður
hafði fjölskyldan verið í heimsókn
hjá foreldrum mínum og ók ég
þeim frá Seltjarnarnesi niður á
Karlagötu 13. Þegar við vorum
komin niður á Gunnarsbrautina,
sagði Valdi að ég skyldi athuga
hvar hlaðan væri, en húsið á móti
Karlagötu 13 er með bröttu þaki
og kallaði Valdi það hlöðuna. Hann
vildi endilega að ég kæmi aðeins
inn og þrátt fyrir mótmæli gerði
ég það og átti við þau stuttar sam-
ræður. Þau töluðu um dagleg
málefni og er ég fór klappaði
Valdi á bakið á mér og óskaði
mér alls hins bezta. Þessi atburður
verður alltaf í minni mínu. Daginn
eftir lézt Valdimar í vinnuslysi.
Það var mikil sorg fyrir Stein-
unni, sem hún bar vel.
Eftir þetta bjó Steinunn ein með
sjni sínum. Hún vann úti um tíma.
Eg heimsótti hana oft og kom allt-
af til hennar. Þegar eitthvað gerð-
ist í lífi mínu, sem mér fannst að
hún ætti að vita um, fór ég alltaf
til hennar. Naut þar ástúðar og
umhyggju, sem var alveg einstök.
Steinunn, sem nú er látin, er sú
síðasta og elsta af börnum Maríu
og Páls frá Sómastöðum. Hún
sagði mér, að hún ætti nú ekki
langt eftir er ég sá hana síðast á
Droplaugarstöðum fyrir rúmu ári.
Hún lifði þó lengur, hlakkaði ég
mikið til að hitta hana er ég ætl-
aði að koma heim hinn 23. ágúst.
Það átti ekki eftir að verða. Stein-
unn var jarðsett í kyrrþey, við hlið-
ina á manni sínum í Fossvogs-
kirkjugarði. Ég votta Páli og fjöl-
skyldu hans samúð mína. Eg bið
Steinunni að fara í friði og þakka
henni samveruna hér á þessari
jörð.
Gottskálk Þ. Björnsson.
STEINUNN MARÍA
PÁLSDÓTTIR
JÚLÍUS SÆVAR
BALD VINSSON
+ Júlíus Sævar
■ Baldvinsson
fæddist á Siglufirði
28. ágúst 1947.
Hann lést á Sjúkra-
húsi Reykjavíkur
27. maí síðastliðinn
og fór útför hans
fram frá Útskála-
kirkju 5. júní.
Það er sárt að missa
góðan vin langt um
aldur fram, en allar
góðu minningarnar
sem ég á ætla ég að
geyma í hjarta mínu.
Við Júlli vorum giftir systrum
og hefur alltaf verið mikil vinátta
með fjölskyldum okkar. Mér detta
í hug orð sem dóttir mín sagði
kvöldið eftir að Júlli dó:
„Hann Júlli var svo náinn okk-
ur. Jólin sem mamma og pabbi
voru erlendis fannst mér ég vera
svo einmana, þá leitaði ég til Júlla
og Hafrúnar og þar fékk ég það
sem mig vantaði.“
Júlli var mjög gamansamur og
stríðinn, til dæmis sagði hann oft-
ast við Ingu konu mína þegar
hann kom til okkar: „Hvað er ekk-
ert með kaffinu, áttu nokkuð gam-
aldags ijómatertu? Júlli var mikil
gleðigjafi og samdi oft vísur sem
hann söng á stórafmælum innan
fjölskyldunnar. En nú var komið
að okkur að gleðja
hann á fimmtugsaf-
mæli hans sem hefði
verið 28. ágúst. Júlli
hafði hlakkað mikið
til þessa dags, en því
miður entist honum
ekki aldur til að upp-
lifa þann dag.
Þig faðmi liðinn friður guðs
og fái verðug laun
þitt góða hjarta, glaða lund
og göfugmennska í raun.
Vér kveðjum þig með þungri
sorg
og þessi liðnu ár
með ótal stundum ljóss og lífs
oss lýsa gegnum tár.
Vér munum þína högu hönd
og hetjulega dug,
og ríkan samhug, sanna tryggð
og sannan öðlingshug.
Guð blessi þig! Þú blóm fékkst grætt,
og bjart um nafn þitt er.
Og vertu um eilífð ætíð sæll!
Vér aldrei gleymum þér.
(Jón Trausti.)
Crl FiscJrykkjur 'Veitlngohú/ið GRPi-mn
Sími 555-4477
Kæri vinur, ég og fjölskylda
mín kveðjum þig með þökk og virð-
ingu.
Þinn vinur,
Gunnar Magnússon
Elsku pabbi.
Ekki óraði okkur fyrir því að
við myndum skrifa þér þessar lín-
ur á 50 ára afmælisdaginn þinn,
þ. 28. ágúst. Heldur hefðum við
viljað faðma þig að okkur og
smella einum kossi á kinn í tilefni
dagsins. En það er nú einu sinni
svo að enginn veit sína ævina fyrr
en öll er og þú lagðir af stað í
ferðalag sem við öll förum í ein-
hvern tímann. En þó síðar verði,
þá verðum við samferða þér og
höldum á vit ævintýranna.
Elsku pabbi, þangað til þökkum
við fyrir allar góðu stundirnar sem
við áttum saman. Hafðu það sem
allra best. Við hlökkum til að sjá
þig-
Baldvin Haukur Júlíus-
son, Karl Júlíusson.
EMINMUA
4J0I-EL ÍOK
MinniMin • (iiu
Upplýsingar í s: SBl 1247
+
Móðir okkar, tengdamóðir, amma og lang-
amma,
HREFNA ÞORSTEINSDÓTTIR,
frá Krókvelli
t Garði,
lést á Hrafnistu í Hafnarfirði 26. ágúst.
Útförin fer fram frá Útskálakirkju laugardaginn
30. ágúst kl. 14.00.
Eggert Gíslason, Regína Ólafsdóttir,
Þorsteinn Gíslason, Vilborg Vilmundardóttir,
Freyja Haraldsdóttir,
barnabörn og barnabarnabörn.
+
Ástkær sambýliskona mín og frænka okkar,
JARÞRÚÐUR JÚLÍUSDÓTTIR
frá Hlíðarenda,
Foldahrauni 14,
Vestmannaeyjum,
lést miðvikudaginn 20. ágúst.
Útförin fer fram frá Landakirkju, Vestmanna-
eyjum, laugardaginn 30. ágúst kl. 14.00.
Bjarni Baldursson
Ósk Snorradóttir,
Ólafía Ásmundsdóttir,
Snorri Hafsteinsson.
+
Ástkær móðir mín, dóttir, systir og mágkona,
HLÍN SIGURÐARDÓTTIR,
Fífumóa 5B,
Njarðvfk,
lést þriðjudaginn 19. ágúst.
Útförin fer fram frá Njarðvíkurkirkju föstu-
daginn 29. ágúst kl. 14.00.
Jarðsett verður í Hafnarfirði.
Blóm eru afþökkuð, en þeim,' sem vildu minnast hennar, er bent á
Krabbameinsfélagið.
Ástþór Óðinn Ólafsson,
Aðalheiður Kristjánsdóttir,
Guðrún Sigurðardóttir, Kristinn Vermundsson,
Sigurborg Sigurðardóttir, Sigurður Sigurðsson,
Oddný Sigurðardóttir, Ólafur B. Guðmundsson,
Bjarni Sigurðsson, Jóna Gunnarsdóttir,
Ófeigur Sigurðsson, Linda Garðarsdóttir,
Þorbjörg Sigurðardóttir, Guðmundur Guðmundsson,
Þór Sigurðsson, Rannveig Friðþjófsdóttir.
+
Ástkær móðir okkar, tengdamóðir og amma,
AÐALHEIÐUR G. ANDREASEN,
Selfossi,
sem andaðist á hjúkrunarheimilinu Ljósheim-
um föstudaginn 22. ágúst sl., verður jarð-
sungin frá Selfosskirkju laugardaginn 30.
ágúst kl. 13.30.
Þeim, sem vildu minnast hennar, er bent á
Selfosskirkju.
Fjóla Hildiþórsdóttir, Sigurður Sighvatsson,
Anna Hildiþórsdóttir, Sigurjón Sigurðsson,
Guðni Andreasen, Björg Óskarsdóttir,
Ásta Andreasen, Grétar Amþórsson
og fjölskyidur.
<am
+
Eiginmaður minn, faðir okkar, tengdafaðir, afi
og langafi,
SVEINBJÖRN JÓHANNESSON
bóndi,
Hofsstöðum,
Garðabæ,
er lést þriðjudaginn 19. ágúst, verður jarð-
sunginn frá Vídalínskirkju, Garðabæ, föstu-
daginn 29. ágúst kl. 13.30.
Sigríður Gísladóttir,
Sigrún Sveinbjörnsdóttir, Jón Ögmundsson,
Kristín Sveinbjörnsdóttir, Gylfi Matthiasson,
Jóhannes Steingrfmsson,
Jóhannes Sveinbjörnsson, Soffía Böðvarsdóttir,
Áslaug Sveinbjörnsdóttir, Sveinn Sæland,
barnabörn og barnabarnabörn.