Morgunblaðið - 10.09.1997, Page 4

4 MIÐVIKUDAGUR 10. SEPTEMBER 1997
MORGUNBLAÐIÐ

FRÉTTIR
Jafnmörg skattamál til lögreglu á þessu ári og á síðustu þremur
Búist við mikilli í‘j ölgim
dóma í skattsvikamálum
MÁLUM, sem embætti skattrann-
sóknarstjóra vísar til lögreglu, hef-
ur fjölgað mikið á þessu ári. Árið
1994, ári eftir að embættið var
stofnað, fóru 16 mál til lögreglu,
25 árið 1995 og 27 á síðasta ári.
Á þessu ári eru málin þegar orðin
66, eða nær jafnmörg og þrjú fyrri
ár. Helstu brot, sem skattrannsókn-
arstjóri óskar opinberrar rannsókn-
ar á, varða vantaldar tekjur af at-
vinnurekstri eða að ekki er staðið
skil á virðisaukaskatti eða stað-
greiðslu. Engin ein atvinnugrein
sker sig þar úr.
Fyrsta starfsár sitt skilaði emb-
ætti skattrannsóknarstjóra 23 millj-
ónum króna í ríkissjóð, en í fyrra
voru um 550 milljónir króna af tekj-
um ríkissjóðs raktar til skattrann-
sókna. Rannsóknarmönnum við
embætti skattrannsóknarstjóra
verður fjölgað á næstunni, úr 17 í
20.
Skúli Eggert Þórðarson, skatt-
rannsóknarstjóri ríkisins, segir að
hingað til hafi dómstólar. dæmt í
tveimur til fimm skattsvikamálum
á ári, en nú megi búast við mikilli
fjölgun dóma.
„Skýringin á þessari skyndilegu
fjölgun er að hluta sú, að meðferð
mála tekur oft langan tíma. Eftir
að rannsókn okkar lýkur fer málið
til endurákvörðunar ríkisskatt-
stjóra. Þar eru tvö kærustig og loks
getur málið komið til kasta yfir-
skattanefndar. Eftir að málsmeð-
ferðinni lýkur tekur embætti skatt-
rannsóknarstjóra ákvörðun um
refsimeðferð. Á þessu ári höfum
við getað lokið við að afgreiða
mörg mál, sem höfðu verið í vinnslu
skattayfirvalda undanfarin tvö til
þijú ár.“
Upphæð og saknæmi ráða
rannsókn
Skúli Eggert segir að það fari
eftir eðli máls hvort skattrann-
sóknarstjóri vísi máli til lögreglu
eða til yfirskattanefndar. „Meðferð
yfirskattanefndar er lokuð og að-
eins gjaldandi sjálfur og starfs-
menn skattayfirvalda fá upplýs-
ingar um málið. Fari það hins veg-
ar fyrir dómstóla getur hver sem
er kynnt sér málavexti og um slík
mál er gjarnan fjallað í fjölmiðlum.
Ef um verulegar upphæðir er að
ræða, aðstæður sem auka saknæmi
brots eða það er talið sérstaklega
vítavert af öðrum ástæðum, vísum
við málum til opinberrar meðferð-
ar.“
Skattrannsóknarstjóri segir að
hann geti ekki tíundað meðalupp-
hæð í þeim skattsvikamálum sem
vísað hafi verið til lögreglu á þessu
ári. Hann kveðst reikna með að
um 40 til 50 málum verði árlega
vísað til lögreglu á næstu árum.
Glæðist í
Smugunni
SJÖ íslensk skip eru nú í Smug-
unni og hættu nokkur við heim-
ferð í gær þegar veiði glæddist
á ný eftir ördeyðu.
Að sögn Friðriks Guðmunds-
sonar, framkvæmdastjóra Tanga
á Vopnafirði, var skip fyrirtækis-
ins Brettingur að búa sig til heim-
ferðar eftir 35 daga dvöl í Smug-
unni en hætti við þegar Eyborg
EA fann físk norðarlega I Smug-
unni.
Friðrik segir að ágætur afli
hafí verið á þessum slóðum á
fimmtudag og föstudag í síðustu
viku en svo hafi tregast þar til
í fýrrakvöld. Síðast þegar fréttist
hafði Brettingur fengið 2 tonn í
einu holi og 6 tonn í öðru eftir
að skipið kom norður í gær. Afla-
brögð eru jafnan svona í Smug-
unni, segir Friðrik, að það skipt-
ast á ördeyðukaflar og stuttir
kaflar þar sem aflast vel. Veiði
hefur verið dauf í Smugunni í
ár og telur hann að afli íslenskra
skipa þar sé innan við 5.000 tonn.
Erfiðleikar við mönnun sláturhúsa
Um 20 manns
vantar á
Blönduósi
NOKKUÐ er um að fólk vanti til
starfa í sláturhúsum um þessar
mundir, m.a. vantar að minnsta
kosti 20 starfsmenn til sláturhúss
Sölufélags Austur-Húnvetninga á
Blönduósi. Víða eru menn þegar í
föstum störfum og taka síður tíma-
bundin störf og með fækkandi fólki
I sveitum eru færri kostir í boði.
Gísli Garðarsson, sláturhússtjóri
hjá Sölufélagi Austur-Húnvetn-
inga, segist þurfa 60 manns til að
geta farið af stað en hefur fengið
um 40. „Við höfum ekki lent í þessu
fyrr sem segir okkur að hér sé nóg
að gera enda eru fleiri fyrirtæki
að auglýsa eftir fólki,“ segir Gísli
en sláturtíðin stendur í um fjórar
vikur. „Það hefur kannski einhver
áhrif að hún er orðin stutt miðað
við það sem var áður. Nú er líka
minna af fólki í sveitunum og þeir
sem vilja stunda vinnu á annað
borð eru komnir í fasta vinnu og
þess vegna er ekki eins mikið af
lausafólki.“ Gísli segir ráðgert að
auglýsa eftir fólki en dugi það
ekki verði að jafna sláturdögum
niður uppá nýtt miðað við þau af-
köst sem ráða megi við.
Hættulega mikil þensla
Þá hefur gengið hægar en áður
að fá fólk til starfa hjá þeim þrem-
ur sláturhúsum sem Sláturfélags
Suðurlands rekur. „Þetta hafa ver-
ið hefðbundin haustvandræði,
kannski heldur meiri að þessu sinni
vegna atvinnuástandsins," sagði
Steinþór Skúlason, forstjóri SS.
„Þetta er tímabundin vinna sem
menn hlaupa síður í og það gildir
um allan vinnumarkaðinn, það er
orðin hættulega mikil þensla." SS
þarf að ráða um 140 manns og
stendur sláturtíðin yfir í um 8 vik-
ur en hún hefst um miðja næstu
viku. „Kjarninn af starfsfólki slát-
urhúsanna er úr sveitunum og það
hefur skilað sér sæmilega vel en
er þó greinilega orðið færra.“
Fólk tók seint við sér
Hjá sláturhúsi KEA á Akureyri
er hins vegar nóg af starfsfólki.
„Þetta gekk allt saman upp og
miklu meira en það,“ sagði Óli
Valdimarsson sem stjórnað hefur
slátrun og kjötvinnslu í 40 ár.
„Fólk tók hins vegar seint við sér
og ég var hræddur um að þetta
myndi ganga illa en sú varð ekki
raunin, helst að við höfum færri
vana menn.“
Óli segir að ráða þurfi 100 til
110 manns í törnina sem stendur
í um 5 vikur. „Við höfum yfirleitt
ekki lent í vandræðum með mann-
skap, hann kemur úr bænum og
nágrenni þrátt fyrir að ekki sé um
að ræða eins mikla uppgripavinnu
og var.“
Morgunblaðið/Kristinn
INGIBJÖRG Pálmadóttir heilbrigðisráðherra heilsar upp á Kristjönu Brynjólfsdóttur á nýju heim-
ili hinnar síðarnefndu í Skógarbæ.
Hjúkrunarheimilið Skógarbær í Mjódd
Annar áfangi tekinn í notkun
ANNAR áfangi hins nýja hjúkrunarheimilis Skóg- voru í fyrsta áfanga, þar sem starfsemi hófst í maí
arbæjar í Mjódd var tekinn í notkun í gær. síðastliðnum. Gert er ráð fyrir að þriðja áfanga, með
Þar með bættust við 24 ný hjúkrunarrúm en 22 rúm 28 rúmum, verði lokið í janúar á næsta ári.
Skákþing á
Akureyri
SKÁKÞING íslands var sett á
Akureyri síðdegis í gær. í fyrstu
umferð vann Jóhann Hjartarson
Þröst Þórhallsson, Sævar Bjama-
son vann Rúnar Sigurpálsson,
Hannes Hlífar Stefánsson vann
Áskel Öm Kárason, Bragi Þor-
finnsson vann Þorstein Þorsteins-
son, Jón Viktor Gunnarsson og
Arnar Þorsteinsson og Gylfi Þór-
hallsson og Jón G. Viðarsson gerðu
jafntefli.
Þórarinn Egill Sveinsson forseti
bæjarstjórnar Akureyrar setti mót-
ið og lék fyrsta leikinn fyrir Jó-
hann Hjartarsson en hann stýrði
hvítu mönnunum á móti Þresti
Þórhallssyni. Þar sem bókstafurinn
Þ er ekki á borðinu gat hann notað
millinafn sitt og lék E2 til E4.
10 ár em frá því Skákþing ís-
lands var síðast haldið á Akureyri
og 70 ár frá því skákþing var fyrst
haldið í bænum. Teflt er í Alþýðu-
Morgunblaðið/Kristján
Þórarinn E. Sveinsson, forseti bæjarsljórnar Akureyrar lék
fyrsta leikinn fyrir Jóhann Hjartarson og heilsar hér „andstæð-
ingi“ sínum, Þresti Þórhallssyni. Hjá þeim stendur Þráinn Guð-
mundsson, yfirdómari.
húsinu, 4. hæð, og hefjast umferð- kl. 14. Öllum er fijálst að fylgjast
ir kl. 17 á daginn en um helgar með mótinu en því lýkur 20. sept.
I
)
j
I
I
I
>

í
i
i
L