Morgunblaðið - 12.09.1997, Blaðsíða 16
16 FÖSTUDAGUR 12. SEPTEMBER 1997
MORGUNBLAÐIÐ
BÍLAR
Nýjar kynslóðir tveggja af söluhæstu bílum 1 Evrópu, VW Golf og Opel Astra, eru frumsýndar á bílasýningunni í
Frankfurt sem nú stendur yfir. Guðjón Guðmundsson blaðamaður og Arni Sæberg ljósmyndari sóttu sýninguna.
Opel Astra
með nýju útliti
OPEL Astra kom fyrst á markaðinn
1991 og var önnur kynslóð bílsins
kynnt á bílasýningunni í Frankfurt.
Það k'ður þó talsverður tími áður en
bíllinn kemur á markað og er talað um
allt að eitt ár í því sambandi á sumum
mörkuðum. Bíllinn er talsvert mikið
breyttur. Framendinn minnir nú á
stóra bróður Omega og allar línur í
honum eru nýjar.
Nýja Astran er líkt og VW Golf
með galvamseraða yfirbyggingu og 12
ára ábyrgð gegn gegnumtæringu.
Búnaðurinn verður einnig svipaður,
þ.e. tveir líknarbelgir, ABS-hemla-
kerfi og diskahemlar. Nýi bíllinn er
með 9,7 sm lengra hjólhafi en
fyrirrennarinn.
Hægt verður að velja miili sex
vélagerða í Opel Astra, sömu véla og
nú eru í boði, þ.e. frá 1,4 lítra, 60
hestafla vél upp í 1,8 lítra, 115 hest-
afla vél. Dísilvélin er 1,7 lítrar að
slagrými með eða án forþjöppu, 68
og 82 hestafla.
Bíllinn verður fyrst fáanlegur hér
á landi sem 1999 árgerð, væntanlega
haustið 1998.
Morgunblaðið/Árni Sæberg
NÝ Opel Astra var frumsýnd í Frankfurt. Talsvert líður áður en bfll-
inn kemur á markað.
Morgunblaðið/Ámi Sæberg
NÝR Volkswagen Golf er
ekki mikið breyttur í útliti
en er nokkru stærri og með
meiri búnaði en áður. Nýjar
framlugtir er meðal nýj-
unga í fjórðu kynslóð
Volkswagen Golf.
Stærri og betur
búinn Volkswagen Golf
OPEL beitir nýstárlegum aðferð-
um tölvutækninnar til að kynna
sýningargestum fyrirtækið, sögu
þess og framleiðslu. Ferðast er um
tíma og rúm án þess að þátttak-
endur hreyfi sig úr stólum sem
snúast og líkja eftir flugi í þyrlu,
A Opel
kynningu
ferð í rússíbana og akstri á hrað-
brautum. Viðkomustaðirnir eru
heimasíða Opel á alnetinu, hrað-
brautir Þýskalands og himingeim-
urinn. Saga og hugmyndir fyrir-
tækisins eru raktar í máli og
myndum.
ÚTLITSBREYTINGAR á fjórðu
kynslóð Golf virðast minni en bú-
ast hefði mátt við. Bíllinn er kom-
inn með nýjar framlugtir með
tVeimur ljóskerum í hvorri þeirra,
meiri halli er á framrúðunni og síð-
ast en ekki síst er bíllinn nokkru
stærri en áður. VW hefur e.t.v.
talið ástæðulaust að breyta í
grundvallaratriðum bíl sem hefur
verið sá söluhæsti í Evrópu síðustu
ár.
VW Golf er 4,16 metrar á lengd,
13 sm lengri en fyrirrennarinn og
3 sm breiðari. Þá hefur hjólhafið
aukist um 4 sm. Þetta nýtist í
meira innanrými og hefur innrétt-
ing bílsins verið endurhönnun.
Ökumannssæti eru hæðarstillan-
leg í öllum útfærslum og einnig
farþegasæti í dýrari útfærslum.
Fjölmargar tækninýjungar eru í
bílnum. Golf er fyrsti bíllinn í sín-
um stærðarflokki sem er með leið-
sögukerfi í mælaborðinu. I fram-
rúðunni eru skynjarar sem setja
rúðuþurrkurnar af stað þegar vatn
sest á rúðuna.
Líknarbelgir og ABS
staðalbúnaður
Golf er á stærri dekkjum en áð-
ur, 14-16 tommu, allt eftir útfærslu
og búnaði, og virkar kraftalegri
fyrir vikið. Yfirbyggingin er gal-
vaníseruð og býður VW bflinn nú
með 12 ára ábyrgð gegn gegnum-
tæringu.
Mikil áhersla var lögð á öryggis-
þáttinn við hönnun hins nýja bíls.
Farþegarýmið er sérstaklega
styrkt til að þola álag við veltu og í
hurðum eru styrktarbitar. Líknar-
belgir fyrir ökumann og farþega í
framsæti er staðalbúnaður í öllum
gerðum og hægt er að fá hliðar-
belgi í dýrari gerðum. ABS-hemla-
kerfi er einnig staðalbúnaður í öll-
um gerðum og diskahemlar eru á
öllum hjólum, kældir að framan.
VW Golf fæst með nýrri 1,4 lítra,
16 ventla vél sem er úr áli. Hún
skilar 75 hestöflum. Einnig er hann
fáanlegur með 1,6 lítra, 100 hest-
afla vél og VW kynnir einnig til
sögunnar nýja 1,8 lítra, 125 hest-
afla vél sem er sú fyrsta í Golf með
fimm ventlum á hvern strokk. Hún
er einnig með WT tækni, þ.e.
breytilegri ventlastillingu. Þessi
vél er einnig fáanleg með for-
þjöppu og skilar þá 150 hestöflum.
Stærsta vélin er svo 2,3 lítra, V5,
150 hestafla. Þá eru í boði tvær
dísilvélar, 1,9 lítra, með og án for-
þjöppu, 68, 90 og 110 hestafla.
Samkvæmt upplýsingum frá
Heklu hf., umboðsaðila VW, kemur
nýi bfllinn hingað til lands í janúar
nk. Ekki er búist við að hann
hækki mikið í verði frá því sem nú
er þrátt fyrir mun meiri búnað.
Morgunblaðið/Árni Sæberg
SÝNINGARGESTIR gátu ekki sest upp í nýjan Alfa 156 frekar en Opel Astra.
Alfa 156 - nýr
fj ölskyldusportbíll
ALFA 156, sem kemur á markað í
Evrópu í október, vakti mikla at-
hygli í Frankfurt, enda um heims-
frumsýningu að ræða og rík hefð
fyrir ítölskum bflum í Mið-Evr-
ópu. Þegar hafa borist pantanir í
fimm slika bfla, þar af einn með
V6 vél. ístraktor hf., umboðsaðili
Alfa, fær tvo sýningarbfla til
landsins í byrjun næsta mánaðar.
Alfa 156 er fernra dyra bfll,
4,43 m langur og 1,74 m breiður.
Hann sýndur á pöllum á sýning-
unni og gestum ekki leyft að setj-
ast inn í hann. Við fyrstu sýn
gætu menn talið að þetta væri
tveggja dyra bfll því hurðaropnar-
ar á afturhurðum eru staðsettir
við horn afturrúðunnar og sjást
ekki nema grannt sé skoðað.
Bfllinn er fáanlegur með sex
gerðum véla, þar af fjórum bens-
ínvélum, allt frá 1,6 lítra, 120
hestafla, upp í 2,5 lítra V6, 190
hestafla. Dísilvélarnar 1,9 lítra
TD, 105 hestafla, og fimm strokka
2,4 lítra með forþjöppu og milli-
kæli.
Hérlendis kostar bfllinn með 1,8
lítra vélinni um 1.880.000 krónur
en hann er ekki fáanlegur með
sjálfskiptingu. 2ja lítra bfllinn
kostar 2.080.000 krónur og V6
bfllinn 2.390.000 krónur.