Morgunblaðið - 12.09.1997, Blaðsíða 23

MORGUNBLAÐIÐ
FÖSTUDAGUR 12. SEPTEMBER 1997 23
LISTIR
• •
Orugmir flutningrir
TÓNUST
Iláskólabíð
SINFÓNÍUTÓNLEIKAR
Flutt voru verk eftir Rossini, Moz-
art, Dvorák, Rakhmaninov, Pro-
kofiev, Chabrier, Puccini, Léhár
og Ravel. Einsöngvari: Hanna
Dóra Sturludóttir. Hljómsveitar-
stjóri: Keri-Lynn Wilson. Kynnir:
Jónas Ingimundarson. Fimmtudag-
urinn 11. september 1997.
SINFÓNÍUHUÓMSVEIT ís-
lands hefur vertrarstarf sitt með
þrennum kynningartónleikum.
Efnisskráin er samansett af vin-
sælum tónverkum og kallaðar til
samstarfs við hljómsveitina voru
tvær ungar tónlistarkonur, Hanna
Dóra Sturludóttir, sem er hefja
sinn starfsdag sem söngvari, og
Keri-Lynn Wilson, íslenskættaður
Kanadabúi, sem getið hefur sér
gott sem hljómsveitarstjóri vest-
anhafs.
Tónleikarnir hófust á forleikn-
um að óperunni Þjófótti skjórinn,
eftir Rossini, sem Keri-Lynn Wil-
son stjórnaði af myndugleika.
Annað viðfangsefnið var arían
Come scoglio, úr Cosi fan tutte,
eftir Mozart, Hanna Dóra sem
syngur í fyrsta sinn á tónleikum
Sinfóníuhljómsveitar íslands,
söng þessa frægu aríu af öryggi
en af helst til mikilli hógværð eða
réttara sagt gætni, hélt öllu sínu
vel til haga. Hanna Dóra hefur
góða rödd og hefur heyjað sér
góða tækni og vantar aðeins að
sleppa fram af sér beislinu.
Dvorák átti þriðja verkefnið,
Slavneskan, dans nr. 2, sem fiðl-
urnar „sungu“ fallega. Vókalísan
eftir Rakhmaninov er falleg tón-
smíð og er vandi að láta hana
„fljóta" eða líða áfram með mjúk-
um hryn. Það vantaði nokkuð á
þá kyrrð, sem yfir þessu verki á
að ríkja, og á köflum mátti merkja
þá tæpu óvissu í hljóðfalli, sem
getur tekið á sig sérkennilegar
myndir, án þess að nokkuð fari
úrskeiðis. Hanna Dóra söng Vok-
alíuna á köflum fallega.
Klassíska sinfónían, eftir Pro-
kofiev, varð fyrir klappi á milli
kafla enda ekki greint frá kafla-
skipan verksins í efnisskrá sem
er þó sjálfsögð fagleg kurteisi.
Margt var vel gert í þessari
skemmtilegu sinfóníu en í heild
var verkið of hratt flutt, svo að
fyrsti kaflinn hafði ekki yfir sér
hið klassíska yfirbragð og í Ga-
vottuna vantaði sveifluna en loka-
Morgunblaðið/Golli
Góð söngkona en vantaði að
sleppa fram af sér beislinu.
kaflinn varð allt of órólegur. Það
má segja að klassíska sinfónían
eftir Prokofiev hafi „skotist fram-
hjá og rétt mátt vera að því að
heilsa“.
Espana eftir Chabrier er eins
konar dægurlagasyrpa, skemmti-
lega rituð fyrir hljómsveitina og
sannkölluð veisla fyrir blásarana,
er áttu marga góða tónhending-
una, undir öruggri stjórn Keri-
Lynn Wilson. Hanna Dóra Sturlu-
dóttir flutti söng Mimiar úr óper-
unni La Bohéme, eftir Puccini,
sem hún söng mjög vel og sama
má segja um Vilja sönginn úr
Kátu ekkjunni eftir Lehár. Allt
sem Hanna Dóra gerði var yfir-
vegað og vel mótað með skýrum
framburði en það sem vantaði, var
að sleppa fram af sér beislinu og
syngja út. Það er ljóst að Hanna
Dóra Sturludóttir er góð söngkona
en leiðin upp til Parnassum er
löng og torsótt.
Tónleikunum lauk með La Vals
eftir Ravel, sem hljómsveitin lék
mjög vel undir stjórn Keri-Lynn
Wilson, sem gaman væri að heyra
í flutningi verka, er hún sjálf teldi
henta sér best, því víst er þarna
á ferðinni góður hljómsveitarstjóri
enda stjórnaði hún allri efnis-
skránni utan að og rak hvergi svo
í vörðurnar að eftir væri tekið.
Kynnir á tónleikunum var Jónas
Ingimundarson er gladdi áheyr-
endur með nokkrum kímilegum
tónlistarsmásögum.
Jón Ásgeirsson
Frumskógar-
sveiflan
slær í gegn
TONLIST
II ó t c I S a g a
DJASS Á RÚREK
Pierre Dorge og New Jungle
Orchestra
ÞEIR komu, sáu og sigruðu í
Reykjavík á miðvikudagskvöld,
meistari Pierre Dorge og frumskóg-
arsveitin hans: New Jungle Orch-
estra. Pierre er sosum ekki óvanur
að heilla íslendinga uppúr skónum.
í fyrra voru tónleikar kvartetts hans
á RúRek slíkt eyrnakonfekt að fagn-
aðarlátum ætlaði aldrei að linna og
1991 var hann hér með tríói sínu í
bland við íslendinga og Svía.
Tónleikar Dorge á RúRek á mið-
vikudagskvöld í boði danska sendi-
ráðsins og Jazzvakningar, voru ekki
aðeins veisla fyrir eyrað heldur og
augað. Spilagleðin geislaði af
hljómsveitinni og sérhver tónn átti
sér samsvörun í líkamshreyfingum.
Gamalreyndur tónlistarmaður sagði
við mig eftir tónleikana: „Svona
eiga tónleikar að ve/a, samtvinnuð
list og skemmtun. Eg er orðinn of
gamall til að hafa tíma fyrir leið-
indi.“ Og annar bætti við: „Ég gat
varla setið kyrr, en þá komu mér
í hug orð Gugge Hedrenius á Nor-
rænu útvarps-jassdögunum 1990.
„Hér er ekkert pláss til að dansa
svo þið verðið bara að dansa í hug-
anum.“ Og það gerði ég.“
Efnisskrá Dorges spannaði vítt
svið einsog venjulega. Þarna mátti
heyra djassklassík á borð við St.
Louis Blues eftir W.C. Hándy og
The Mooche eftir Duke Ellington;
lög sem verið hafa á efnisskránni
í áraraðir einsog Sunday in Zúrich
eftir Darge og Monkey Forrest eft-
ir konu hans Irene Becker, sem er
píanisti frumskógarsveitarinnar,
svo og splunkunýja ópusa eftir Pi-
erre, m.a. Peking Kong úr kín-
verska frumskóginum.
Af ótrúlegri elju hefur Pierre
D^rge stjórnað New Jungle hljóm-
sveitinni í 17 ár. Þau voru ríkis-
hljómsveit Danmerkur frá
1994-96, fyrst rýþmískra sveita.
Það gerði þeim kleift að ferðast um
allan heim og auðga tónlistina.
Diskur þeirra er kom út í fyrra:
Music from the Danish Jungle, er
að mínu viti einn fremsti djassdisk-
ur þessa áratugar.
Állir eru þeir félagar fínir djass-
spilarar, en frábærustu sólóana að
mínu viti blés þó Jesper Zauten
saxófónleikari. Hann hefur verið
með Darge frá upphafi og er einn
af brautryðjendum hins fijálsa djass
í Danmörku. Það hefur löngum ver-
ið eitt höfuðeinkenni tónlistar Dorg-
es að blása í fijálsdjassstíl villt og
tryllt en halda rýþmanum heitum
og fagnandi um leið svo hlustand-
inn, sem aldrei mundi hlusta á fram-
úrstefnublástur, nýtur hvers tóns
fram í fingurgóma.
Dorge er arkitekt hljómsveitar-
innar og mótar tónlistina og semur.
Hann gefur þó mönnum sínum frelsi
til að koma eigin hugmyndum á
framfæri. Þess vegna leiðist engum
í frumskógarsveitinni. Ellington og
Afríka eru höfuðáhrifavaldarnir,
enda helsta formlega tónlistar-
kennsla sem Dorge hefur fengið
hjá tónlistarmönnum í Ghana og
Gambíu og frá Ghana er hinn frá-
bæri kongótrommari Ayi Solomon,
sem keyrði hrynsveitina áfram
ásamt Bent Clausen trommara og
Hugo Rasmussen bassaleikara.
Hugo, sem fyrst kom til íslands að
spila fótbolta 1956 hitti hér Bjarna
Fel, gamlan boltafélaga. Hann er
einn af dönsku stórbassistunum og
kann að syngja Öxar við ána sem
skiptir engu máli og plokka bassann
einsog Wellman Braud í Ellington
bandinu í Cotton Club sem skiptir
öllu máli. Þá var hinn ellingtoníski
frumskógareldur kveiktur og efldur
af urrandi demparablæstri yngsta
félagans í sveitinni, Kasper Trand-
berg trompetleikara, og Kenneth
Agerholm og Mads Hynhe básúnu-
leikurum. Kenneth er magnaður
básúnuleikari með Tricky Sam og
Butter Jackson á hreinu og unun
að heyra hann sameina fortíð og
nútíð í spuna sínum. Frederik Lund-
in er nýliði í bandinu og þekkja
margir íslendingar hann frá því
hann blés á RúRek með Sigga
Fiosa. Hann fellur vel inní hópinn
og er allólíkur hinum alvarlega
Lundin, er maður hefur helst
kynnst, þegar hann blæs frumskóg-
armúsíkina.
Ógleymanlegir tónleikar ógleym-
anlegra listamanna og ekki var það
bara hljómsveitin, hljómsveitar-
stjórnin og tónskáldskapurinn er
Dorge færði okkur - hann er líka
einn skemmtilegasti gítarleikari
evrópsks djass.
Vernharður Linnet
Frábært tilboð á golfsettum.
Golfskór, Hi-Tec, Rebook, Etonic,
ýmsar gerðir 10% afsláttur, 15% stgr.
Gönguskór
Salomon, Robusta
Allt að 40% afsláttur
Símar: 553 5320
568 8860
Ármúla 40
Verslunin
5 % staðgreiðsluafsláttur
Ein stærsta sportvoruverslun landsins
STORUTSALA!
Reiðhjól
allt að 40% afsláttur
21 gíra DIAMOND EXPLOSIVE með Shimano
girum, Grip-Shift, álgjörðum, átaksbremsum, brúsa,
standara, gír og keðjuhlff. Gott hjól á frábæru tilboði.
Kr. 19.900 stgr. 18.905 (áður kr. 27.300)
BRONCO Ultimate 21 gíra álhjól
aðeins kr. 33.300, stgr.kr. 31.635, (áður kr. 47.000)
Frábært verð á vönduðum SCOTT 21 gíra fjallahjólum m/Alivio gírum
frá kr. 29.900, stgr. kr. 28.405 (áður kr. 43.000.)
SCOTT 21 gíra STX frá kr. 39.200, stgr. kr. 37.240, (áður kr. 65.300)
Bómullarfatnaður
Æfingagallar
Allt að 30% afsláttur
íþróttaskór
Adidas, Puma og Reebok
Allt að 40% afsláttur
15% afsláttur, 20% stgr.
HIPPO golfbolir, peysur og regnfatnaður
Regnblússa, áður kr. 5.700, nú 4.800, stgr. 4.560
Golffatnaður
Champion, Nike, Puma,
Ozon og Adidas
Allt að 40% afsláttur