Morgunblaðið - 27.11.1997, Blaðsíða 10

10 FIMMTUDAGUR 27. NÓVEMBER 1997
MORGUNBLAÐIÐ
FRÉTTIR
Þóra í
Atlanta
kona ársins
TÍMARITIÐ Nýtt líf valdi í gær
konu ársins 1997. Nafnbótina
hlaut Þóra Guðmundsdóttir,
annar eigenda og forsvars-
manna flugfélagsins Atlanta.
Þóra, sem situr í stjórn félagsins
og er yfirmaður flugfreyju- og
flugþjónadeildar þess, stofnaði
Atlanta ásamt eiginmanni sín-
um, Arngrími Jóhannssyni, í
febrúar árið 1986. „Ég varð svo-
lftið undrandi þegar mér var
skýrt frá vali Nýs lífs,“ sagði
Þóra í samtali við Morgunblaðið.
„Ég hef lagt mikla vinnu í fyrir-
tækið, en ekki velt því fyrir mér
að sú vinna myndi leiða til slíkr-
ar nafnbótar. Ég hef einungis
miðað við að gera mitt besta.
Vissulega er ég þó ánægð með
útnefninguna."
Nýtt líf hefur sex sinnum áður
valið konu ársins. Fyrst hlaut
Vigdís Finnbogadóttir nafnbót-
ina, þá Sophia Hansen, Jóhanna
Sigurðardóttir, Ingibjörg Sólrún
Gísladóttir, Björk Guðmunds-
dóttir og í fyrra Rannveig Rist.
Morgunblaðið/Ásdís
GULLVEIG Sæmundsdóttir, ritstjóri Nýs lífs, afhenti Þóru Guðmundsdóttur listaverk í tilefni útnefn-
ingar hennar sem konu ársins. Magnús Hreggviðsson, forstjóri útgáfufélagsins Frjáls framtaks, stend
ur hjá sem og listakonan Sossa.
Frestur felaga í LSR til að flytja sig rennur út á sunnudaginn
Á annað þúsund ætla að
flytja sig yfir í A-deildina
Á ANNAÐ þúsund félagar í Lífeyr-
issjóði starfsmanna ríkisins hafa til-
kynnt að þeir ætli að flytja sig úr
B-deild sjóðsins yfir í A-deild.
Frestur til að tilkynna flutning
rennur út á sunnudag. Skrifstofu
sjóðsins verður opin um helgina.
Mikið hefur verið að gera hjá
starfsfólki LSR síðustu daga.
Margir hafa komið til að fá ráðgjöf
um hvaða deild henti þeim best.
Haukur Hafsteinsson fram-
kvæmdastjóri sagði að þó að fólk
hefði tekið vel við sér síðustu dag-
ana mætti yngra fólkið veita þeirri
breytingu sem gerð hefði verið á
sjóðnum meiri athygli. Almennt
mætti segja að fólk innan við fer-
tugt hefði fremur hag af því að
skipta yfir í nýja lífeyriskerfið, þ.e.
A-deildina.
I dag og á morgun verður opið
hjá LSR til kl. 19. Á laugardag
verður opið frá kl. 10 til 16. Á
sunnudag verður opið frá kl. 13 til
16. Þá rennur út sá frestur sem
lögin um Lífeyrissjóð starfsmanna
ríkisins heimila sjóðsfélögum úr B-
deild að skipta yfir í A-deild.
Betri örorkulífeyrir
Eitt af því sem gerir A-deildina
frábrugða B-deildinni er örorkulíf-
eyririnn. Örorkulífeyrir opinberra
starfsmanna hefur fram til þessa
verið mun verri en félaga í al-
mennu lífeyrisjóðunum. Örorkulíf-
eyrir í A-deildinni er hins vegar
sambærilegur því sem gerist á al-
mennum markaði. í B-deildinni
tekur örokulífeyririnn mið af áunn-
um ellilífeyrisrétti. Þess vegna er
örorkulífeyrir hjá ungu fólki mjög
lélegur. í B-deildinni er örorkulíf-
eyririnn uppreiknaður eins og við-
komandi hefði gegnt starfi til 65
ára aldurs.
Sjóðsfélagi sem yrði öryrki 30
ára eftir að hafa greitt í LSR í fimm
ár og hefði haft 140 þúsund krónur
á mánuði í heildarlaun, þar af 100
þúsund í dagvinnulaun fengi 10
þúsund krónur á mánuði í örorku-
lífeyri úr B-deildinni. Ef viðkom-
andi hefði verið í A-deild fengi hann
hins vegar 103.100 kr. á mánuði.
Á móti kemur að makalífeyris-
réttindi í B-deildinni eni almennt
betri en í A-deild vegna þess að í
B-deildinni er makalífeyririnn
greiddur til æviloka makans,
þ.e.a.s. gangi hann ekki í hjóna-
band aftur. Þó getur upphæð
makalífeyris verið hærri í A-deild-
inni ef sjóðsfélaginn er ungur þeg-
ar hann fellur frá. Makalífeyririnn
er eftir sem áður gi-eiddur tíma-
bundið.
Atvinnu-
leysi 3,8%
Heilsugæslan í Reykjavík getur ekki svarað heilbrigðiseftirliti
Algerlega háð SHR
um viðhald htisnæðis
ATVINNULEYSI er nú 3,8% ef
marka má vinnumarkaðskönnun
Hagstofunnar. Þetta jafngildii- því að
5.700 einstaklingar hafi verið án at-
vinnu um miðjan nóvember. í sams
konar könnun fyrir ári mældist at-
vinnuleysið 3,7%. í apríl 1997 mæld-
ist atvinnuleysið 3,9%.
Atvinnuleysi meðal kvenna mæld-
ist 4,6% en 3,1% meðal karla. At-
vinnuleysið var mest meðal yngstu
aldurshópanna, en það er svipuð nið-
urstaða og í öðrum könnunum Hag-
stofunnar. Atvinnuleysi meðal fólks
á aldrinum 16-24 ára nam 7,5%.
Þeir sem tóku þátt í könnuninni
voru spurðir hvort þeir væru á at-
vinnuleysisskrá og átti það við um
4.600. Samkvæmt könnuninni hefur
atvinnuþátttaka lítið breyst. Hún
mældist 82% um miðjan nóvember
og jafngildir það því að atvinnuþátt-
takan hafi aukist um 1.000 manns.
Þetta telst ekki vera marktæk fjölg-
un. Meðalfjöldi vinnustunda hjá
þeim sem voru á vinnumarkaði
reyndist vera 43,3 klukkustundir á
viku, samanborið við 44,1 klukku-
stund í nóvember í fyrra og 43,1
klukkustund í apríl 1997.
STJÓRN Heilsugæslunnar í
Reykjavík getur ekki gefið Heil-
brigðiseftirliti Reykjavíkur ákveð-
in svör við fyrirspumum um áætl-
anir til úrbóta á húsnæði heilsu-
gæslustöðvarinnar í Fossvogi, af
þeirri ástæðu að heilsugæslan er
algerlega háð Sjúkrahúsi Reykja-
víkur um viðhald húsnæðisins, að
sögn Gísla Teitssonar, fram-
kvæmdastjóra Heilsugæslunnar í
Reykjavík.
Heilsugæslan í Fossvogi er sem
kunnugt er til húsa í Sjúkrahúsi
Reykjavíkur, þar sem viðhaldi hef-
ur lengi verið verulega ábótavant.
í bréfi dagsettu 13. október síðast-
liðinn frá Heilbrigðiseftirliti
Reykjavíkur til stjómar Heilsu-
gæslunnar í Reykjavík var farið
fram á að stjórnin skilaði heil-
Stjórnendur SHR
bera við að fjár-
veitingar skorti
brigðiseftirlitinu áætlun um fram-
kvæmdir til úrbóta fyrir 1. nóvem-
ber sl. Því bréfi hefur Heilsugæsl-
an enn ekki svarað.
Ekkert hægt
að gera
Gísli segir að vandi heilsugæsl-
unnar hafi oft verið ræddur við
stjómendur Sjúkrahúss Reykja-
víkur, en þeir beri við að fjárveit-
ingar skorti. Svo lengi sem staðan
sé þannig sé ekkert hægt að gera
fyrir húsnæði heilsugæslunnar,
svo sem að gera við glugga og þess
háttar, frekar en fyrir húsnæði
sjúkrahússins í heild.
Gísli Teitsson sagði að nýlega
hefðu þó verið gerðar endurbætur
á loftræstikerfi heilsugæslustöðv-
arinnar og verið væri að vinna að
því að lagfæra bleiuskipta- og
hreinlætisaðstöðu.
Ekki sérstakar aðgerðir
vegna heilsugæslunnar
Magnús Skúlason, fi’amkvæmda-
stjóri Sjúkrahúss Reykjavíkur, seg-
ir að viðgerðir á gluggum heilsu-
gæslustöðvarinnar snúi að viðhaldi
sjúkrahússins í heild sinni og til
þess séu engar fjárveitingar, að
minnsta kosti ekki á þessu ári. Því
sé ekki um það að ræða að fara út í
sérstakar aðgerðir vegna heilsu-
gæslustöðvarinnar.
Áheita-
söfn-
un suður-
skauts-
fara hafín
ÓLAFUR Örn Haraldsson, Harald-
ur Örn Ólafsson og Ingþór Bjarna-
son sem taka þátt í suðurskautsleið-
angrinum buðu Iþróttasambandi
fatlaðra að safna áheitum vegna
þessarar ferðar og er áheitasöfnun
nú þafin.
Ákveðið var að láta aðildarfélög
íþróttasambands fatlaðra sem eru
22 og starfa víða um land njóta góðs
af þessu verkefni en starfsemi fé-
laganna er fjölbreytileg og kostnað-
arsöm, segir í fréttatilkynningu.
Aðildarfélög ÍF sem þátt taka í
söfnuninni fá 75% af innkomu frá
söfnun á vegum félagsins en 25%
rennur til Iþróttasambands fatlaðra
til undirbúnings og þátttöku fyrir
ólympíumót fatlaðra í Sydney árið
2000.
Áheit sem fólk vill greiða fyrir-
fram eiga aðeins að greiðast beint
inn á reikning Iþróttasambands
fatlaðra nr. 228641 í Búnaðarbanka
Islands, Háaleitisútibúi, eða til um-
sjónaraðila aðildarfélags IF á hverj-
um stað.
Þeir sem standa að þessari söfn-
un hafa fengið staðlað blað sem
merkt er íþróttasambandi fatlaðra.
Öll söfnun verður í umsjón íþrótta-
sambands fatlaðra og aðildarfélaga
þess á sérmerktum blöðum. Að lok-
inni göngu verða sendir út gíróseðl-
ar sérmerktir íþróttasambandi fatl-
aðra til þeirra sem hafa skráð nöfn
sín á blöð útsend af ÍF.
---------------
Meint ummæli um
störf meinafræðings
Ríkisspítölum
send krafa
um áminningu
HEILBRIGÐISRÁÐUNEYTIÐ
hefur vísað til forstjóra Ríkisspítal-
anna kröfu lögmanns Ewu
Klonowski meinafræðings, sem sagt
var upp störfum á Rannsóknarstofu
í réttarlæknisfræði í fyrra, um að'
fyrrum yfirmanni hennar, Gunn-
laugi Geirssyni, verði veitt áminn-
ing vegna meintra ummæla hans
um störf Ewu.
Ewa var ráðin til starfa í Bosníu á
vegum samtakanna Ph.ysicians for
Human Rights í byrjun þessa árs
og óskuðu samtökin eftir upplýsing-
um um störf Ewu hér á landi fyrir
Rannsóknarstofu í réttarlæknis-
fræði. Að sögn Guðríðar Þorsteins-
dóttur, lögfræðings hjá heilbrigðis-
ráðuneytinu, sendi lögmaður Ewu
kæru til ráðuneytisins þar sem ósk-
að var eftir því að ráðuneytið hefði
milligöngu um að Gunnlaugur
Geirsson drægi meintar missagnir í
umsögn sinni til baka. Ef ekki næð-
ist samkomulag um það yrði hann
áminntur fyrir brot í starfi.
Sættir tókust ekki
„Við kölluðum lögmennina á fund
og gáfum þeim kost á að koma hing-
að gögnum. Þeir skiptust á gögnum
og fengu fresti, og við vorum að fá
inn gögn í málinu alveg fram í sept-
ember. Þá var komið í ljós að það
yrðu engar sættir í þessu máli. Þá
var eftir krafan um áminningu, en
samkvæmt lögum um réttindi og
skyldur starfsmanna ríkisins er það
forstöðumaður stofnunar sem veitir
áminningu. Við framseldum því
málið til Ríkisspítalanna þar sem
læknirinn starfar og Eva starfaði.
Við gerum ekki ráð fyrir að þetta
þurfi að taka langan tíma því það
eru öll gögn og allar röksemdir
komnar fram í málinu,“ sagði Guð-
riður.