Morgunblaðið - 30.12.1997, Page 4

4 ÞRIÐJUDAGUR 30. DESEMBER 1997
FRÉTTIR
MORGUNBLAÐIÐ
Leitað er leiða til að verða við krofum ungra lækna
Lausn ekki í sjónmáli
JÓHANNES Gunnarsson, lækn-
ingaforstjóri á Sjúkrahúsi Reykja-
víkur, segir að lausn sé ekki í sjón-
máli í kjaradeilu ungra lækna. Verið
sé að skoða hvaða leiðir sé hægt að
fara til að leysa málið og flest bendi
til að sú skoðun taki nokkra daga.
Ungir læknar hafa óskað eftir fundi
með Friðriki Sophussyni fjármála-
ráðherra til að skýra sjónarmið sín.
Kjaramál ungra lækna hafa ratað
í hálfgert öngstræti. Áður en samn-
ingar voru gerðir milli Læknafé-
lagsins og stjómvalda 2. desember
sl. höfðu flest allir ungir læknar
sagt upp störfum vegna óánægju
með launakjör, vinnutíma og við-
brögð stjómvalda við kröfum
þeirra. Ungir læknar urðu fyrir
vonbrigðum með kjarasamninginn
og létu það koma fram við undirrit-
un hans. Strax komu fram yfirlýs-
ingar um að samþykkt samningsins
myndi ekki breyta neinu um þá
ákvörðun ungra lækna að hætta
störfum. Það dró ekki úr læknunum
hvað varðar uppsagnirnar þegar í
Ijós kom að samningurinn hafði ver-
ið felldur á Sjúkrahúsi Reykjavíkur.
Neita að starfa eftir nýsam-
þykktum samningi
Breytingar á samningnum, sem
gerðar vora fyrir milligöngu ríkis-
sáttasemjara, dugðu ekki til að slá á
óánægju ungra lækna. Miðlunartil-
laga sáttasemjara var hins vegar
samþykkt á SHR. Staðan á spítöl-
unum er því þannig að búið er að
gera kjarasamning við sjúkrahús-
lækna, en hluti læknanna, þ.e.a.s.
ungir læknar, neitar að starfa eftir
samningnum.
Það veldur að vissu leyti erfið-
leikum við lausn málsins að það er
ekki sjálfgefið hver á að leysa það.
Fjármálaráðuneytið er búið að gera
kjarasamning og búið er að sam-
þykkja hann af öllum aðilum. Heil-
brigðisráðuneytið leggur áherslu á
að málið verði leyst innan spítal-
anna, en stjórnendur spítalanna
segjast ekki hafa þá fjármuni sem
þurfi að leggja fram til að hægt sé
að leysa það. Þeir segja að í reynd
sé þetta kjarasamningsmál og það
verði því ekki leyst nema fjármála-
ráðuneytið komi að málinu.
Davíð Á. Gunnarsson, ráðuneytis-
stjóri í heilbrigðisráðuneytinu, lagði
áherslu á það fyrir jól að formlega
séð væri engin kjaradeila í gangi.
Búið væri að gera kjarasamning og
það væri spítalanna að framkvæma
hann. Hann benti jafnframt á að
kjarasamningurinn gerði beinlínis
ráð fyrir ákveðnu svigrúmi til samn-
inga við unga lækna. Þeir ynnu
óhóflega yfirvinnu sem allir væra
sammála um að draga þyrfti úr með
breyttu vinnufyrirkomulagi. Eftir
væri að útfæra þessa breytingu.
Svigrúm spítalanna er lítið
Það er hins vegar greinilegt að
stjómendur spítalanna telja að þeir
hafi mjög lítið svigrúm til að semja
við unga lækna um betri kjör. Spít-
alarnir geti ekki farið að stofna til
nýrra útgjalda þegar ljóst sé að það
vanti nokkur hundrað milljónir inn í
rekstur þeirra á nýju ári.
Jóhannes M. Gunnarsson sagði
að margt benti til að fara þyrfti
óhefðbundnar leiðir til að leysa
þetta mál. Verið væri að skoða állar
leiðir til lausnar, en ekki væri búið
að leggja neinn grundvöll að lausn.
Málið snerist um peninga, en hann
vildi ekki svara því hvort þetta mál
yrði leyst á annan hátt en að spítal-
arnir fengju sérstaka fjárveitingu
til að greiða þann kostnað sem hlýst
af sérsamningi við unga lækna.
Óska eftir fundi með
fjármálaráðherra
Ungir læknar, sem sagt hafa upp
störfum, komu saman til óformlegs
fundar í gær. Fram kom á fundin-
um að þeir hafa farið fram á form-
legan fund með Friðrild Sophussyni
fj ármálaráðherra.
í dag er einnig fyrirhugaður fund-
ur með kennslustjórum spítalanna
þar sem rætt verður um hveijir eigi
að leiðbeina læknanemum eftir ára-
mót. Tryggvi Helgason, einn þeirra
ungu lækna sem sagt hafa upp
störfum, sagði að það væri eitt af
hlutverkum ungra lækna að taka á
móti læknanemum og leiðbeina
þeim inni á spítölunum. Ef ungir
læknar yrðu ekld til staðar myndi
það auka enn á erfiðleika spítal-
anna.
Tryggvi sagði mikilvægt að reynt
yrði að leysa deiluna hið fyrsta.
Krafa ungra lækna væri að yfir-
vinnuprósenta, sem lækkuð var í
síðustu kjarasamningum, yrði
hækkuð á ný. Ungir læknar væra
ekki tilbúnir til að gefa afslátt af
vinnu sinni. Hafa þyrfti í huga að
ungir læknar væru að vinna 100-200
yfirvinnutíma á mánuði þannig að
yfu-vinnuprósenta skipti gríðarlega
miklu máli varðandi launakjör
þeirra.
Samkomulag Fjórðungssjúkra-
hússins á Akureyri við unga lækna
sem þar starfa virðist ekki ætla að
flýta fyrir lausn málsins. Samkomu-
lagið fól í sér greiðslur fyrir vinnu
sem unnin er utan dagvinnutíma, en
ekki var hreyft við yfirvinnupró-
sentu. Stjómendur Sjúkrahússins á
Akranesi buðu þeim þremur aðstoð-
arlæknum sem þar störfuðu
óbreytta yfirvúnnuprósentu út des-
embermánuð, en því var hafnað
vegna þess að tilboðið átti aðeins að
gilda fram að áramótum. Þar hafa
engir aðstoðarlæknar verið við störf
undanfamar vikur og hefur það
valdið verulegum óþægindum að
sögn Sigurðar K. Péturssonar, sér-
fræðings á Sjúkrahúsi Akraness.
Hann sagði að spítalinn myndi ekki
hafa framkvæði að því að leysa deil-
una, en bíða eftir því hvað stóra
sjúkrahúsin í Reykjavík gerðu.
UNGIR læknar komu saman til óformlegs fundar i gær til að fara yfir stöðuna í kjaramálum sfnum.
Mikið álag
MIKIÐ álag var á læknum á
slysadeild Sjúkrahúss Reykjavíkur
um jóiin. Sérfræðingar af öðrum
deildum spítalans hafa gengið
vaktir í fjarveru ungra lækna, en
samt hafa vaktimar ekki verið
fullmannaðar læknum.
Að sögn Friðriks Sigurbergs-
sonar, sérfræðings á slysadeild,
var mikið álag á aðfangadag, en
hins vegar sagði hann að aðfanga-
dagskvöld hefði verið rólegt og
jóladagur hefði sömuleiðis verið
rólegur. Á annan í jólum hefði aft-
ur á móti verið nyög mikið að
gera. Starfsfólk siysadeildar hefði
orðið áþreifanlega vart við að
margir hefðu farið út að skemmta
sér. Friðrik sagði að álagið á
deildina um jólin hefði verið eins
og við mátti búast. Það reyndi
hins vegar mikið á læknana vegna
þess að færri voru á vakt en
venjulega. Það skipti þó máli að
á slysadeild
allir læknamir byggju yfir mikilli
reynslu.
Um helmingur þeirra lækna sem
sinnt hafa störfum á slysadeild
vinna á öðmm deildum spítalans.
Friðrik sagði að starfsemi spítal-
ans væri hægari um jólahátíðira-
ar og því væri kannski ekki hægt
að tala um að uppsagnir ungra
lækna hefðu komið mikið niður á
starfsemi þessara deilda.
Uppsagnir ungra lækna myndu
hins vegar núna fijótlega fara að
hafa umtalsverð áhrif á starfsemi
annarra deilda vegna þess að
sérfræðingar væru önnum kafnir
í verkum á slysadeild. Friðrik
sagði að búið væri að skipuleggja
vaktir á slysadeild fram yfir ára-
mót, en ef ungir læknar kæmu
ekki til starfa yrði væntanlega
reynt að Ieysa málin á slysadeild
áfram með vinnu sérfræðinga af
öðrum deildum.
FREYR og læknirinn Kirster Ekblad (kallaður Malte) dæla upp vatni á
bláísnum undir fjallinu Basen. Freyr krýpur við holuna sem búið er að
höggva í ísinn og Malte er við bflinn. Blár ísinn dregin- í sig meiri sól-
varma en snjór og það verður bráðnun en yfirborðið helst frosið vegna
loftkælingar. Bláíssvæði myndast í skjóli fyrir höfuðáttum við fjöll þar
sem lítil úrkoma er.

Jarðskjálftinn varð kl. 10:37 að
morgni mánudags og var hann 3,5
á Richter-kvarða. Upptök hans
voru um 2 km norðan Hveragerðis,
við bæinn Reykjakot.
Þorláks-'
höfn
Jörð skalf
í Hvera-
gerði
JARÐSKJÁLFTI af stærðinni 3,5
á Richter-kvarða varð kl. 10.37 rétt
norðaustur af Hveragerði í gær. i
Barði Þorkelsson jarðfræðingur á
Veðurstofu Islands segir að þetta
sé með stærri atburðum á þessu I
svæði þau þrjú og hálft ár sem
jarðskjálftavirkni hefur verið þar.
Þama hafa reyndar orðið stærri
skjálftar, eða allt upp undir 4,5.
Barði segir að skjálftinn hafi
fundist vel víða um vestanvert Suð-
urland. Upptök hans voru um tvo
km norðaustur af Hveragerði.
Hans varð t.d. vart á Akranesi. Til-
tölulega rólegt hefur verið á svæð-
inu síðustu vikumar. í kjölfar
stærsta skjálftans í gær komu
margir mun minni eftirskjálftar.
Heimamenn lýstu jarðskjálftan-
um sem snöggu höggi. Ekki er vit-
að til að skemmdir hafi orðið á hús-
um og húsbúnaði í bænum.
-----------------
Jeppaleiðangur á Suð-
urskautslandið
Of hlýtt
til að bora
OF hlýtt hefur verið á Suður-
skautslandinu undanfama daga til
þess að bora í ísinn eins og ráðgert
var. íslensku þátttakendumir í
leiðangrinum láta vel af sér og fóru j
dagamir milli jóla og nýárs að
mestu í að setja upp loftnet og í
ýmis önnur verk. 2-5 gráða frost
hefur verið á slóðum leiðangurs-
manna síðustu daga, sól og stinn-
ingskaldi.
Freyr Jónsson, annar íslending-
anna, í sænska suðurskautsleið-
angrinum, smíðaði loftnetsfestingu
fyrir inmarsat-B símann og einnig
þurfti að styrkja loftnetið sjálft til
að það þoli vind. Um leið var smíð-
uð festing á gáminn sem þeir félag-
ar munu dveljast í uppi á háslétt-
unni.
Leiðangursmenn telja að það
fari að kólna aftur seinni hluta jan-
úar og er stefnt að því fara 3. janú-
ar nk. upp á hásléttuna.
Truflanir hafa verið á íssjá leið-
angursmanna og hefur Jón Svan-
þórsson, hinn íslendingurinn í leið-
angrinum, unnið að því að útiloka
þær.
Freyr eyddi hálfum síðasta
sunnudegi uppi í mastri og reyndi
að koma fyrir inmarsat-B loftnet-
inu. Það tókst að festa loftnetið að
lokum og hafa þeir félagar nú feng-
ið betri og fljótvirkari fjarskipti en
áður. Jafnframt er orðið ódýrara
og fljótlegra að senda tölvupóst um
nýja símann og er nýja póstfangið
1É expedition .polar.se.
Unnt er að fylgjast nánar með
leiðangrinum á vefslóðinni
http://www.mbl.is/sudurskaut.