Morgunblaðið - 30.12.1997, Qupperneq 33

MORGUNBLAÐIÐ
ÞRIÐJUDAGUR 30. DESEMBER 1997 33
MENNTUN
Sókrates Kennarar á vegum Sókrates áætlunar Evrópusambansins vekja lukku. Sigrún Oddsdóttir sat
-----------7-------------------------------------------------------------------------------
enskutíma í Alftamýraskóla og ræddi svo við kennara og nemendur um áhrif skiptikennara frá útlöndum.
Tungumálakennslan öðlast meiri dýpt ef kennarar frá heimalandinu aðstoða nemendur í náminu.
Góð áhrif á
framburðinn
í málanáminu
• Utlenskir tungumálakennarar
1 íslenskum skólum.
✓
# Islenskir tungumálakennarar
styrktir til utanferða.
Morgunblaðið/Kristinn
UNGI enskukennarinn, Andrea Bateman, segir „Hurður“ en ekki Hörður, „en það gerir ekkert til, því hún er
svo góður kennari," segir Hörður Björnsson.
ÞAÐ var lygilegt að vera í
enskutíma í 8. SA í Álfta-
mýrarskóla. Framburður
nemenda var skínandi
góður þrátt fyrir ungan aldur og
enginn talaði íslensku. Kennarinn
Andrea Bateman hafði umsjón með
jóladagskrá í enskutímunum og
nemendur tóku virkan þátt í
kennslustundinni, greinilega mjög
áhugasöm og sungu ljómandi fal-
lega ensk jólalög.
Innan Evrópusambandsins er í
gangi svo kölluð Sókrates Lingua
áætlun, og á vegum hennar eru hér
á landi 10 kennaranemar er starfa
bæði í grunn- og framhaldsskólum,
meðal þeirra er Andrea Bateman,
en 14 nemar eru væntanlegir á ár-
inu.
Þetta er þriðja árið sem íslensk-
um skólum stendur til boða að fá
erlenda kennaranema til starfa í 3 -
8 mánuði. Aðstoðarkennararnir
eru styrktir frá heimalandi sínu og
eru því frír starfskraftur fyrir skól-
ana. Ætti þetta að vera tilvalin leið
til að auka fjölbreytni í kennslu
tungumála í íslensum skólum. A
vegum Sókrates Lingua áætlunar-
innar hafa 96 íslenskir tungumála-
kennarar einnig verið styrktir til
utanferða.
Nemendur í bresku
andrúmslofti
I Alftamýrarskóla hefur Linda
Rós Michaelsdóttir enskukennari
fengið slíka aðstoðarkennara til
starfa með sér. I vetur er með
henni áðurnefnd Andrea Bateman
frá Manchester á Englandi. En
hvernig byrjaði ævintýrið með
sendikennarana hjá henni?
„Það var hringt í mig frá al-
þjóðaskrifstofunni í Háskólanum í
fyrra og ég var spurð hvort ég vildi
prófa að taka erlendan sendikenn-
ara. Mér finnst alveg óskaplega
gaman að kenna og ég verð alltaf
að vera að gera eitthvað nýtt -
vera með einhverja tilbreytingu,"
svarar Linda Rós. „Mér fannst
þess vegna þess virði að prófa
þetta og samþykkti þá að fá stúlku
frá Ítalíu. Hún átti upphaflega að
vera bara hálft skólaár, en hún
varð alla níu mánuðina og það gekk
alveg ótrúlega vel. Krakkarnir
tóku henni svo vel. Hún hafði
rómanskan tungumálaframburð,
sem krakkarnir höfðu ekki heyrt
áður, en náðu hljóðunum hjá henni
tiltölulega fljótt.“
Það felst heilmikil skipulagning í
því að vera með sendikennara og
aukavinnan sem fylgir er mjög
mikil. „Ég var ekki tilbúin að gera
þetta aftur. Mér fannst þetta dálít-
ið mikil vinna og launalaus.
Kennslan er alveg nógu umfangs-
mikil sjálf, en manni finnst maður
líka þurfa að hafa gaman af þessu í
leiðinni. Það eru forréttindi í þessu
starfi hvað það er „ofsalega"
skemmtilegt."
Þú hefur þó tekið þetta að þér
aftur?
„Ég var beðin um að gera þetta
aftur í sumar. Ég ætlaði að neita,
en hugsaði ég með sjálfri mér að ef
ég fengi einhvern góðan frá Bret-
landi með góðan enskan framburð,
væri ég til,“ segir Linda. „Ég er al-
veg Guðs lifandi fegin að ég skyldi
hafa sagt já, vegna þess að Andrea
er, með fullri virðingu fyrir öllum
öðrum, sú skemmtilegasta og
besta. Hún er svo jákvæð og fljót á
ná krökkunum. Heldur algerum
aga en nær til þeirra á góðum nót-
unum.“
Linda segir hana vera „ekta“
kennaraefni og njóta þess að
kenna. Andrea virðist hafa gaman
af starfinu og vill taka þátt í öllu
sem um er að vera.
„Mér finnst alveg með ólíkindum
að ég skyldi verða svona heppin
tvisvar“ segir Linda „það er gaman
að brjóta upp kennsluna og gera
eitthvað nýtt og skemmtilegt með
krökkunum.
Um leið og nemendur koma inn í
kennslustofuna hjá Andreu dettur
þeim ekki í hug að nota íslenskuna
- heldur lifa þeir sig inn í breskt
andrúmsloft. Nemendur tala líka
ensku við Andreu á göngunum og
hvar sem þau hitta hana. „Það eru
mikil forréttindi að hafa svona góð-
an samstarfsmann," segir Linda.
Hvað segja nemendur
um nýja kennarann sinn?
Gróa Gunnarsdóttir og Hörður
Björnsson eru bæði nemendur í 8.
SA. Þau segjast skilja allt sem
Andrea segði af því að hún skýri
allt svo vel út og það væri mjög
gaman að tala við hana. Þau segj-
ast læra framburðinn svo vel.
„Ef maður skilur ekki eitthvert
orð eða veit ekki hvað maður á að
segja á ensku, kallar maður á
Lindu Rós, af því að Andrea veit
náttúrulega ekki hvað við erum að
segja á íslensku," segir Gróa.
Hörður segir að þau hefðu eigin-
lega tvo kennara í staðinn fyrir
einn og það væri alveg frábært.
Annars segist Hörður hafa átt
heima í Noregi og þar byrjaði
enskukennslan strax í fyrstu
bekkjunum. Honum finnst að það
ætti að vera þannig á Islandi.
Þau Gróa og Hörður eru sam-
mála um að Andrea sé frábær
kennari og Linda Rós auðvitað
líka. Það væri ekki bara verið að
kenna kennslubókina, heldur töl-
uðu þau um allt mögulegt og öðluð-
ust þannig mikinn orðaforða.
,Andrea á bara svolítið erfitt með
að segja nöfnin okkar. Hún segir
alltaf „Hurður“, en það gerir ekk-
ert til, af því hún er svo góður
kennari," segir Hörður að lokum.
Andrea Bateman
Hér þykir kennurum
vænt um nemendur
ANDREA Bateman er 22 ára
og lauk háskólaprófi á síð-
asta ári í sögu og þýsku.
Hún á heima í nágrenni Manchest-
er á Englandi, en það finnst nem-
endum hennar mörgum ekki slæmt,
að minnsta kosti ekki þeim er halda
með fótboltaliðinu þaðan. Andrea
mætir líka á alla fótboltaleiki skól-
ans og tekur virkan þátt í flestu
sem um er að vera í skólanum.
Þegar Andrea lauk háskólaprófi
ákvað hún að taka þátt í þessu
samstarfsverkefni EFTA-ríkjanna.
„Eg var ekki alveg viss um hvað
ég vildi gera, svo ég ákvað að
prófa að kenna og athuga hvort
mér líkaði það. Það geri ég svo
sannarlega, þetta hefur verið frá-
bær tími. Eg hef verið hérna síðan
í september og verð fram í maí. Ég
hef notið þess að vera á íslandi og
að vera með nemendum mínum.“
Eru íslenskir skólar ólíkir þeim
bresku?
„Það er allt miklu afslappaðra í
íslenskum skólum en breskum. Það
eru engin hálsbindi, pils og skóla-
búningar. Nemendur eni ekki
hræddir við kennarana eins og
margir eru í Bretlandi. Hérna tala
kennarar við nemendur sína í stað
þess að öskra á þá. Nemendur snúa
sér til kennaranna með vandamál
sín. Heima væri kennarinn sá síð-
asti sem þú snerir þér til. Hér er
allt miklu frjálslegra og eins og
kennurum þyki vænna um nemend-
ur sina.
Það er ýmislegt öðruvísi hérna
en heima. Þegar ég kom fyrst inn í
skólann og sá alla skóna í anddyr-
inu hugsaði ég með mér: _________
„Hvað í ósköpunum
gengur á?“ Það fyrsta
sem ég sagði mömmu
var að hér færu allir úr
skónum. Mér finnst það
mjög heimilislegt.“
Hvernig gengur
krökkunum að læra
ensku?
„Þau læra framburð- ““
inn af því að hlusta á
mig tala og svo læra þau heilmikið
um England. Þau læra að tala
ensku af því þau verða að tala
ensku við mig.“
Hefur þú lært einhverja íslensku
og hvernig hefur þér líkað hér?
„Ég hef lært svolitla íslensku, ég
var í Námsflokkunum, en það er
mjög erfitt að læra íslensku og
nöfnin eru erfið.
„Á íslandi tala
kennarar við
nemendur
sína í stað
þess að öskra
á þá eins og í
Englandi
Þetta hefur verið sérlega
ánægjulegur tími og ég mun sjá
eftir því að fara héðan. Ég er farin
að venjast myrkrinu, það er allt í
lagi með snjóinn en myrkrið lagðist
svolítið illa í mig.“
Af hverju ákvaðstu að koma til
íslands?
_ „Mig langaði mikið að koma til
Islands og hafði það sem fyrsta val
________ á umsókninni minni.
Fólkið heima veit ekki
mikið um Island. Við vit-
um að landið er þarna
og við þekkjum auðvitað
Björk, en þar með er
það upp talið.
Þegar ég var yngri sá
ég sjónvarpsþáttaröðina
Nonna og Manna. Ég
““““ var um það bil 12 ára
gömul og ég heillaðist af
þessum þáttum. Þá uppgötvaði ég
að ísland var ekki bara snjór.“
Hefur þú ferðast eitthvað um Is-
land?
„Já, ég hef komið að Gullfossi og
Geysis og til Þingvalla. Mig Iangar
líka mikið til að sjá Skógarfoss af
þvf að ég sá fossinn í ferðabæklingi
og hann minnti mig á foss sem ég
sá í sjónvarpsþáttaröðinni.“
FRÁ vinstri Sigurður Karlsson og Jón Vignir Karlsson frá NTV og Hrafnkell Björnsson og Sigurður
Bergsteinsson frá Tölvum ehf. umboðsaðila SELECT Software Tools.
Nám í forritun og kerfísfræði
HEILS ÁRS námskeið í forritun
og kerfisfræði hefst hjá Nýja
tölvu- og viðskiptaskólanum í
Hafnarfirði eftir áramót og er
markmiðið að mæta vaxandi þörf
atvinnulífsins fyrir starfsfólk á
þessu sviði. Námið fer fram á
kvöldin og verður kerfisgreining,
gagnagrunnsfræði og forritun í
Pascal, Delphi og Java kennd.
Einnig Lotus Notes forritun og
kerfisstjórnun. Þeir sem ætla
að leggja stund á þetta nám hjá
NTV þurfa að hafa haldgóða und-
irstöðumenntun og einnig grunn-
þekkingu á Windows umhverfínu
og notkun alnetsins. Námið bygg-
ist bæði á almennri kennslu og
verklegum æfingum, og þurfa
nemendur að gera ráð fyrir nokkru
heimanámi, en kennt er þrjú kvöld
í viku eða á laugardögum.
Nýlega undiirituðu forsvars-
menn NTV samstarfssamning við
SELECT Software Tools um að
sjá um kennslu í hlutbupdinni
hönnun með þeirra verkfærum, en
með þeim hugbúnaði eru tölvu-
verkefni greind og hönnuð og síð-
an sér hugbúnaðurinn um að út-
búa forrit á nokkrum mismunandi
forritunarmálum.