Morgunblaðið - 14.01.1998, Blaðsíða 14

14 MIÐVIKUDAGUR 14. JANÚAR 1998
MORGUNBLAÐIÐ
FRÉTTIR
Heimavist ReykholtsSkóla leigð undir hótel- og veitingarekstur
Umboðsmaður Alþingis beð-
inn að kanna málsmeðferð
ÁSTÞÓR Magnússon, stofnandi
Friðar 2000, hefur farið þess á leit
við umboðsmann Alþingis að hann
kanni hvort embættisfærslur
menntamálaráðuneytisins við úthlut-
un húsnæðis í Reykholti í Borgar-
firði stangist á við stjórnsýslulög.
Hjónunum Óla Jóni Ólafssyni fram-
kvæmdastjóra og Steinunni Hans-
dóttur fjármálastjóra hefur verið
leigt heimavistarhúsnæðið i Reyk-
holti til hótel- og veitingarekstrar til
næstu fímm ára, en formleg undirrit-
un leigusamnings þess efnis fer fram
í þessari viku.
I bréfi til umboðsmanns gagnrýnir
Ástþór m.a. þá ákvörðun að heima-
vistin verði leigð undir „almennt
gistiheimili“ í stað þess að nýta hús-
næðið undir menntastofnun, eins og
Friður 2000 hefði gert tillögu um.
„Slík ráðstöfun hlýtur að stríða gegn
hagsmunum þjóðarinnar og þeirra
einstaklinga sem vilja eiga kost á
framhaldsmenntun á íslandi," segir í
bréfinu.
Þá segh' Ástþór að samkvæmt þeim
upplýsingum sem liggi fyrir í þessu
máli hafi tveir einstaklingar setið
beggja vegna borðsins, þ.e. komið að
þeirri ákvörðun að úthluta húsnæð-
inu í Reykholti og sótt jafnframt um
húsnæðið og komið með hugmyndir
um nýtingu þess. Þar væri um ský-
laust brot á stjórnsýslulögum að
ræða. Tekið skal fram að þarna er
Ástþór ekki að visa til þeirra ein-
staklinga sem nú hafa leigt heima-
vistina í Reykholti.
Jósteinn Kristjánsson veitinga-
maður hefur einnig óskað eftir því
við umboðsmaður Alþingis að hann
kanni hvort embættisfærsla mennta-
málaráðuneytisins í þessu máli kunni
að vera brot á stjórnsýslulögum.
Gagnrýnh' hann m.a. í bréfí til Um-
boðsmanns að það hefði ekki komið
fram í auglýsingu ráðuneytisins sl.
sumar að til greina kæmi að nýta
Reykholt til veitingarekstrar. Þar
með hefði ráðuneytið útilokað veit-
ingamenn frá því að sækja um að-
stöðuna.
Snævar Guðmundsson verkefnis-
stjóri hjá Hagsýslu ríkisins bendh'
hins vegar á í samtali við Morgun-
blaðið að í umræddri auglýsingu
hefði fyrst og fremst verið óskað eft-
ir hugmyndum um nýtingu Reyk-
holts en jafnframt var leitað að
mönnum sem væru tilbúnir til að
standa að þessum hugmyndum.
Óli J. Ólafsson segir að þau hjón
ætli að stunda almennan hótel- og
veitingarekstur í Reykholti, en auk
þess ætla þau að vera með ýmsar
uppákomur sem tengjast sögu stað-
arins. Hann telur hins vegar ekki
tímabært að segja nánar frá þeim
áætlunum að svo stöddu. Ástþór
kveðst hins vegar í samtali við Morg-
unblaðið hafa gögn undir höndunum
frá Hagsýslu ríkisins sem sýni m.a.
að hugmyndir þeirra hjóna séu að
halda þarna veislur að „fomum sið,
árshátíðir og fleira". Óli J. hafnar því
að um slíkar veislur verði að ræða.
Að sögn Snævars Guðmundsson-
ar munu Óli og Steinunn leigja
byggingu heimavistarinnar að
Reykholti auk geymslurýmis og ein-
býlishúss. Hins vegar hefði verið
horfið frá þeirri upphaflegu hug-
mynd að leigja út gamla skólahúsið í
Reykholti.
Samkvæmt upplýsingum frá
menntamálaráðuneytinu er verið að
vinna að því að finna geymslustað
fyrh' bækur, blöð og tímar Lands-
bókasafnsins og er skólahúsið í
Reykholti eitt þeirra húsa sem
koma til greina í því sambandi.
Átak
skilaði
árangri
LÖGREGLULIÐ á Suðvest-
urlandi voru í desember með
átak gegn ölvunarakstrí í sam-
vinnu við Umferðarráð.
Ef skoðaður er samanburð-
ur milli áranna 1996 og 1997
kemur í ljós að samanlagt
kærðu þessi lögreglulið 1331
ökumann árið 1996 en 1401
1997. Sé hins vegar eingöngu
skoðaður desembermánuður
þessi ár kemur í ljós að árið
1996 voru 127 ökumenn kærðir
en árið 1997 voru þeir 114.
í frétt frá samstarfsnefnd
lögregluliðanna segir, að sé
tekið tillit til þess að ökumönn-
um, sem kærðir hafa verið,
hafí fjölgað í heild en hins veg-
ar fækkað töluvert í þeim mán-
uði sem hafðar voru sérstakar
varnaðaraðgerðir, virðist sem
það hafí skilað umtalsverðum
árangri og dregið úr ölvun-
arakstri.
AUDI Quattro Allroad var heimsfrumsýndur í Detroit.
SAAB 3 kom einnig í fyrsta sinn fyrir sjónir manna.
ISUZU sýndi óvenjulegan hugmyndajeppa.
Alþjóðlega bflasýningin í Detroit
Ný Bjalla á markað
í nóvember
NÝ Volkswagen Bjalla var sá
bfll sem vakti hvað mesta at-
hygli á bflasýningunni í Detroit
sem hófst í síðustu viku. Hægt
var að fylgjast með afhjúpun
bflsins á ainetinu í beinni út-
sendingu. Hann kemur á mark-
að í Evrópu í nóvember en
Bandaríkjamenn eiga von á
honum strax í aprfl og grunn-
verðið verður um 10% hærra en
á grunnútfærslu VW Golf.
Margar aðrar nýjungar voru
á sýningunni sem var sú tíunda í
röð. Detroit sýningin er heima-
völlur bandarisku framleiðend-
anna þriggja, General Motors,
Ford og Chrysler. Chrysler
sýndi nýjan Concorde fyrir Evr-
ópumarkað sem er 20 cm styttri
en Ameríkuútgáfan. Hann býðst
með 2,7 1 og 3,5 1 sex strokka
vélum. GM sýndi
Oldsmobile/Chevrolet Alero
sem einnig verður boðinn á Evr-
ópumarkaði. Hann er svipaður
að stærð og Opel Omega og
býðst með fimm og sex strokka
vélum.
Bandarísku framleiðendurnir
lögðu ekki síst áherslu á að
kynna alls konar framtiðarbfla
og bfla knúna öðrum orkugjöf-
um en algengast er. Á sýning-
unni voru „grænir bflar“ við
hlið 10 strokka kraftbfla. Eink-
um voru Iausnir bandarísku
framleiðendanna fólgnar í bfl-
um með rafmótor og litlum
sprengihreyfli sem einkum er
ætlaður til að framleiða raforku
inn á rafhlöður bflsins. Með því
móti er unnt að hafa rafhlöð-
urnar mun minni en í hefð-
bundnum rafbflum og auka
akstursdrægið. Einnig buðu
bandarísku framleiðendurnir
upp á Iausnir með efnarafal.
Ford kynnti bandaríska út-
færslu af Mondeo með rafmótor
og 1,2 lítra dísilhreyfíl með for-
þjöppu. Sá bfll á að komast 27
km á hverjum lítra. General
Motors áætlar að hefja fram-
leiðslu á bfl með svipaðri tækni
innan þriggja ára. Chrysler
sýndi ESX2 sem er með rafmót-
or og 1,5 1 dísilvél. Þetta þykja
talsverð tíðindi í Bandarikjun-
um því þar hefur ekki tíðkast að
neinu ráði að nota dísilvélar í
fólksbfla.
Hins vegar hefur sú tækni að
samtvinna rafvél og lítinn
sprengihreyfíl verið í þróun í
Japan og Evrópu um nokkurra
ára skeið.
FOT.D
FASTEIGNASALA
Laugavcgi 170, 2. hæö, 105 Rcykjavík
r boóvarsson
viðskiptafræðingur, iöggiltur fasteignasali
Opið virka daga kl. 9 - 18. Súni 552 1400 - I ax 552 1405
Gullmoli á Nesinu.
Sérlega falleg og smekkleg 2ja herbergja ca 65 fm íbúð í nýlega standsettu fjölbýli á
Seltjarnarnesi. íbúðin er talsvert endurnýjuð. Parket og flísar á gólfum. Björt og góð
stofa með sjávarútsýni. Áhvllandi er ca 3,0 millj. húsbréf. Þessi stoppar stutt!
Opið hús - Bjartahlíð 7, Mos.
Mjög hugguleg ca 95 fm íbúð góðum á stað í Mosfellsbænum. 2 svefnherbergi og góð
stofa. Björt og falleg íbúð. Góður garður í rækt. Stór suðurverönd. Hér er allt sér. Ahv. ca
3,2 millj. húsbr. Verð 7,6 millj. Opið hús I kvöld frá kl. 18-22. Nú er bara að láta sjá sig.
Útsvar í Hafnarfirði verður 12,04% 1998
Heildarskuldir
aukast 11111126 millj.
SAMKVÆMT fjárhagsáætlun Hafn-
arfjarðarbæjar fyrir árið 1998 er gert
ráð fyrir að heildartekjur bæjarsjóðs
til ráðstöfunar verði rúmir 4,9 millj-
arðar. Þar af eru skatttekjur rúmir 3
milljarðar. Jafnframt er gert ráð fyr-
ir að heildarskuldir aukist um 126
milljónir. I áætlunin er gert ráð fyrir
að útsvar verði 12,04%, sem er hækk-
un um 0,05% vegna yfirtöku grunn-
skóla.
í fréttatilkynningu kemur fram að
rekstrargjöld í hlutfalli af skatttekj-
um eru 76,81% samkvæmt fjárhags-
áætluninni. Fræðslumál er stærsti
málaflokkurinn, en þau taka til sín
65% rekstrargjalda.
í fjárhagsáætluninni er lögð
áhersla á uppbyggingu skólaskrif-
stofu í nýju húsnæði en þar er gert
ráð fyrir 18,45 stöðugildum á árinu
1998. Ennfremur er gert ráð fyrir að
verja 446 millj. til skólamannvirkja á
árinu og ber þar hæst viðbyggingu
við Öldutúnsskóla en bæjaryfirvöld
hafa ákveðið að einsetja alla skóla á
árunum 1998-2001. Áætlað hefur
verið að heildarkostnaður við ein-
setningu vei'ði allt að 1,5 milljarðar
eða um 375 millj. á ári að meðaltali.
Fram kemur að vegna einsetning-
ar skólanna verði ekki hægt að
greiða niður skuldir með þeim hraða
sem fyrirhugað var og er gert ráð
fyrir að verja 496 millj. til niður-
greiðslu langtímalána en vextir af
langtímalánum eru áætlaðir 245
millj. Til þess að ná settum markmið-
um við einsetningu og aðrar nauð-
synlegar framkvæmdir er nauðsyn-
legt að taka ný lán að fjárhæð 622
millj., segir í frétt frá bæjarskrif-
stofu. í heild er því gert ráð fyrir að
skuldir aukist um 126 millj. á árinu
1998.
Til fjárfestinga er áætlað að verja
um 23% af skatttekjum og eru helstu
verkefni auk framkvæmda við upp-
byggingu grunnskóla að ljúka við
nýja tónlistarskólann með kaupum á
hljóðfærum og öðrum búnaði. Gert er
ráð fyrir að taka í notkun nýjan leik-
skóla í Mosahlíð. Jafnframt að keypt
verði eða byggt nýtt húsnæði fyrir
bókasafn og að viðbótarhúsnæði og
málverkageymsla listamiðstöðvai'-
innar í Hafnarfirði verði lagfærð.
í Sundlaug Suðurbæjai' verður
búningsaðstaðan bætt og til bygging-
ar íþróttamannvirkja verður varið 88
millj. Til nýbygginga gatna í nýjum
hverfum verður varið 103 millj. Enn-
fremur verður varið 55 millj. til
áframhaldandi framkvæmda við út-
rásir og í upphafi árs verður opnuð
ný hreinsi- og dælustöð fyrir frá-
veitukerfi bæjarins. Til vatnsveitu-
framkvæmda er gert ráð fyrir að
verja 52 millj.