Morgunblaðið - 17.01.1998, Síða 4

' 4 LAUGARDAGUR 17. JÁNÚÁR 1998_____________________
FRÉTTIR
MORGUNBLAÐIÐ
Forsvarsmenn Norðuráls ánægðir með kjarasamning
Umhugað að halda
frið næstu árin
STJÓRNENDUR Norðuráls hf.
eru ánægðir með nýgerðan kjara-
samning fyrirtækisins við sex
stéttarfélög en samningurinn gildir
til loka ársins 2004. Tekur hann til
framleiðslu-, viðhalds-, skrifstofu-
og annarra þjónustustarfa í ál-
bræðslu félagsins. Alls verða ráðn-
ir 120-130 starfsmenn til fyrir-
tækisins og þar af munu 60-70
starfsmenn vinna á framleiðslu-
sviði álbræðslunnar.
Þórður S. Óskarsson, starfs-
mannastjóri Norðuráls, segir sam-
komulagið gert í góðri sátt við
verkalýðsfélögin. „Við töldum
ástæðu og lag að taka nokkuð
öðruvísi á málum og samningsaðil-
ar okkar voru tilbúnir að skoða
nýja fleti. Okkm- var umhugað um
að halda frið og geta unnið að þess-
um málum í nokkur næstu ár, án
þess að eiga á hættu að komi til
einhvers konar stöðvunar,“ segir
Þórður.
í samningnum er að sögn Þórðar
lögð áhersla á að starfsmenn eigi
möguleika á að bæta við kjör sín
með því að auka við hæfni sína.
Kemur þetta að nokkru leyti í stað
hefðbundinna starfsaldursákvæða
sem fela í sér að starfsmenn geti
áunnið sér talsverðar kjarabætur
með því einu að vera lengi í sama
starfmu.
Hlutdeild í ábata
og aukin framleiðni
Þórður segir einnig að komið
verði á öflugu starfsþjálfunarkerfí í
fyrirtækinu, sem geri starfsmönn-
um kleift að auka hæfni sína og
taka að sér fjölbreyttari störf.
Þórður segir það ásetning stjóm-
enda Norðuráls að koma á svokall-
aðri liðsvinnu þegar verksmiðjan
tekur til starfa. „Við höfum kynnt
okkur það mjög vel erlendis og sjá-
um að þeir sem hafa náð lengst,
hafa komið á fót svona kerfum,“
segir hann. Á þetta fyrirkomulag
m.a. að leiða til þess að starfsmenn
geti aukið laun sín með hlutdeild í
auknum árangri fyrirtækisms sam-
hliða aukinni framleiðni í fyrirtækinu.
Vandi í stóriðjufyrirtækjum
vegna hærri starfsaldurs
Samið var um viðbótar lífeyris-
framlög í séreignasjóði starfs-
manna og er við það miðað að
starfsmenn láti af störfum í lok
þess árs sem þeir verða 62 ára.
Framkvæmdastjóri VSI gagnrýndi
þetta í Morgunblaðinu í gær. Að-
spurður um þetta segir Þórður:
„Ónnur fyrirtæki í stóriðju virðast
hafa lent í ákveðnum vanda vegna
hærri starfsaldurs, sem hefur
hugsanlega dregið úr möguleikum
og sveigjanleika innan fyrirtækja
til breytinga. Það sem við erum
með í huga er að reyna að veita
starfsmönnum möguleika á að taka
sér eitthvað annað fyrir hendur
þegar líður á árin. Ein leið er að
búa til fyrirkomulag af þessu tagi
þar sem þeir greiða hluta í sér-
eignasjóð á móti okkur og skapa
sér þannig ákveðinn lífeyri við
starfslok,“ segir hann.
s
Olympíu-
liðið í fatnaði
frá 66°N
ÍSLENSKU ólympíufararnir,
sem fara á Vetrarleikana í
Nagano í Japan, verða í fatnaði
frá Sjóklæðagerðinni 66°N.
Fatnaðurinn var kynntur á
blaðamannafundi hjá íþrótta- og
ólympíusambandi Islands í gær.
Átta íslenskir skíðamenn verða
sendir á leikana.
Kristíh Halldórsdóttir hannaði
fatnaðinn, sem er úr
hágæðaefnum frá Malden Mills í
Bandaríkjunum sem þróaði
flísefni fyrst fyrirtækja. Efnið er
nijög hlýtt og hrindir frá sér
vatni, vindhelt ásamt því að hafa
góða útöndun. Fötin eru með
selskinnskraga frá Eggerti
feldskera. Litirnir í fatnaðinum
eru valdir með skírskotun í
fslenska náttúru og íslenska
fánann. Rauði liturinn er
eldurinn, blái er hafið og blámi
Qallanna og endurskinið er
jöklarnir - gráhvítir í eðli sínu
og stirnir á í birtunni.
■ Átta keppendur...B/l
Morgunblaðið/Ásdís
FATNAÐUR ólymp/uliðs íslands i Nagano. Það eru Steinn Sigurðsson
og Bima Hauksdóttir sem sýndu fatnaðinn á blaðamannafundi.
Morgunblaðið/Ásdís
Breski veðurfræðingurinn John Gray hefur m.a. unnið í Óman, í
Þýskalandi og í Suður-Atlantshafi. Nú er hann við störf á Veðurstofu
íslands og spáir í veðrið á fslenska flugsljórnarsvæðinu.
Breti spáir í veðrið
yfir Islandi
BRESKUR veðurfræðingur, John
Gray, er tekinn til starfa á Veður-
stofu ísiands og sinnir þar veður-
þjónustu fyrir flug. Ekki em til
nægilega margir íslenskir veður-
fræðingar til að manna Veðurstof-
una og þrátt fyrir að John Gray sé
nú kominn til starfa segir Magnús
Jónsson veðurstofustjóri að hann
mundi ráða þrjá íslenskumælandi
veðurfræðinga til starfa á morgun
ef menn með þá menntun væm á
lausu á vinnumarkaðnum.
John Gray er rúmlega fimmtugur
og þegar hann réð sig tii Veður-
stofu Islands var hann búinn að
vera á eftirlaunum í tvö ár eftir um
það bil 30 ára farsælan og fjöl-
breyttan starfsferil sem veðurfræð-
ingur í þágu breska flughersins og
vamarmálaráðuneytisins. „Þegar
ég fór á eftirlaun var ég við störf á
Ascencion-eyju í Suður-Atlantshafi
og þar áður hafði ég starfað m.a. í
Oman í Mið-Austurlöndum, í Þýska-
landi og þrívegis á eyjum í Suður-
Atlantshafi," sagði John í samtali
við Morgunblaðið.
Hvað varð til þess að hann réð
sig til starfa hjá Veðurstofu ís-
lands? „Ég frétti að veðurstofu-
stjórinn væri búinn að vera að
spyrja kollega sína hvort þeir vissu
um veðurfræðing á lausu svo ég
skrifaði hingað og fékk svar og
þegar ég bauðst til þess að fara í
viðtal í sendiráð íslands i London
var ég beðinn að mæta bara til
starfa,“ segir John. „Um svipað
leyti bauðst mér skammtímaverk-
efni á vegum veðurstofunnar í
Bretlandi en ég ákvað að koma
heldur hingað og prófa eitthvað
nýtt.“
Einlægni, glaðværð og góðvild
Hann hefúr verið við störf hér-
lendis í nokkrar vikur og þegar
hann er spurður hveraig honum
líki dvölin segir hann að flest hafi
verið framar vonum. „Þetta er svo
sannarlega betra en að vera á eftir-
launum. Það hefur flest verið miklu
betra en ég gerði mér vonir um og
mér finnst mikið til um hvað mér
hefur mætt mikil einlægni, glað-
værð og góðvild og þetta er ekkert
bull, því ég meina þetta svo sannar-
lega. Ég hef ekki undan neinu að
kvarta hér nema því hvað bjórinn
er ofboðslega dýr. Þú mátt skila því
til forsætisráðherrans.“
John segir grundvallaratriðin i
veðurfræði hin sömu hvar sem er í
heiminum en vissulega geti kunn-
átta í tungumáli og þekking á stað-
háttum verið mikilvæg í starfi veð-
urfræðinga. Slíkt komi þó ekki að
sök varðandi flugþjónustuna en það
er einmitt sá þáttur sem hann sinn-
ir á Veðurstofu íslands. Eins og
kunnugt er fara samskipti í flugi að
mestu fram á ensku.
Veðurstofusljóri var norskur
Aðspurður sagði Magnús Jónsson
veðurstofustjóri að John Gray væri
alls ekki fyrsti erlendi veðurfræð-
ingurinn sem réðist til Veðurstofu
íslands. T.d. var Theresa Guð-
mundsson, sem var veðurstofustjóri
frá 1946-1963, norsk en gift ís-
lenskum manni. Einnig störfuðu
franskir menn hér um tíma í fyrra
við mat tengt snjóflóðum.
Hins vegar segir Magnús að um
nokkurt skeið hafi skort veður-
fræðinga til að sinna spáþjónustu
veðurstofunnar. Undanfarin ár hef-
ur stór hópur veðurfræðinga, sem
vom menntaðir á sjötta áratugnum
til að sinna alþjóðaveðurþjónust-
unni hér á landi, farið á eftirlaun.
Störf fyrir veðurfræðinga við veð-
urspár em álíka mörg og var við
upphaf starfsferils þeirra manna og
nýliðun í faginu hefur ekki verið
næg til að sinna þeirri endurnýjun-
arþörf sem menn standa nú frammi
fyrir. Því hefur þurft að leita úr
landi að mannskap til að manna
Veðurstofuna hæfu starfsfólki.
Magnús sagði að ef völ væri á þrem-
ur veðurfræðingum sem töluðu ís-
lensku gæti hann fundið þeim verk-
efhi á Veðurstofunni strax i dag.
Það væm verkefni sem hann telur
að myndu standa undir sér fjár-
hagslega og jafnframt sinna eftir-
spum ýmissa aðiia, t.d. fjölmiðla og
ferðalanga á sjó og landi fyrir betri
þjónustu en hægt er að veita í dag.
Handbók, fræðirit og
fyrr og
....aðgengileg sem handbók
og uppflettirít en það rýrir ekki
gildi hennar sem fræðirits.
Bókin er í senn fræðandi og
bráðskemmtileg lesning."
Morgunblaðið
Arekstrarvari í all-
ar Flugleiðaþotur
FLUGLEIÐIR hafa lokið við að
setja árekstrarvara í allar flugvélar
sínar í samræmi við ákvörðun sem
Sigurður Helgason, forstjóri fé-
lagsins, tók í desember 1996.
Þetta kemur fram í fréttatil-
kynningu sem Flugleiðir sendu frá
sér í gær. Þar segir einnig að ný-
skipað Flugvemdar- og flugörygg-
isráð félagsins hafi eindregið mælt
með þessari aðgerð og að ísetning
árekstrarvaranna hafí staðið yfír á
liðnu ári.
Fyrir árslok 1996 var slíkur bún-
aður í öllnm Rneinp' 767-200 hot.nm
Flugleiða og einni B737-400 þotu
en krafa um árekstrarvara gildir
fyrir flug í bandarísku loftrými.
Búist er við að hliðstæð krafa verði
gerð fyrir loftrými Evrópuríkja frá
1. janúar árið 2000. Auk Flugleiða
hafa tvö evrópsk flugfélög, British
Airways og Lufthansa, ákveðið að
setja árekstrarvara í sinn flota.
Kaup og ísetning árekstrarvara
kostar um 10 milljónir króna fyrir
hverja flugvél. Árekstrarvarinn
fylgist innan tiltekinnar fjarlægðar
með flugi annarra flugvéla sem
húnar era radarsvara op veit.ir flup>-
mönnum viðvaranir og leiðbeining-
ar um hækkun eða lækkun flugs til
að forðast árekstur ef þörf krefur.
í fréttum nýlega kom fram að
galli hefði komið fram í stéli
Boeing 737 þotna. Einar Sigurðs-
son, aðstoðarmaður forstjóra Flug-
leiða, sagði aðspurður í samtali við
Morgunblaðið að þennan galla
hefði einugis verið að fínna í 211
þotum, sem framleiddar voru eftir
árið 1995. 737 þotur Flugleiða séu
nokkuð eldri og hafi viðvömn
vegna gallans ekki átt við um flota
félac'sins.