Morgunblaðið - 17.01.1998, Side 10

10 LAUGARDAGUR 17. JANÚAR 1998
FRETTIR
MORGUNBLAÐIÐ
Guðmundur Þorsteinsson í Skorradalshreppi um sameiningu sex hreppa
Omögulegt að kynna sér fjárhags-
stöðu fyrirhugaðs sveitarfélags
ALMENNUR sveitafundur íbúa Skorradals-
hrepps með hreppsnefndinni, sem haldinn var í
fyrrakvöld, skorar á hreppsnefnd Skorradals-
hrepps að gera ráðstafanir til að eignir hreppsins
gangi ekki til sameiginlegs sveitarfélags verði
sameining samþykkt. Þá segir í greinargerð Guð-
mundar Þorsteinssonar á fundinum að vegna
ófullnægjandi undirbúnings hafí íbúar ekki tök á
að kynna sér eigna- og skuldstöðu hins fyrirhug-
aða sveitarfélags.
Áskorun fundarins er til komin vegna sam-
þykkta sem nágrannasveitarfélög Skorradals-
hrepps hafa verið að ganga frá á seinni stigum
sameiningarviðræðnanna, þ.e. með undirbúningi
á stofnun eignarhaldsfélaga til að tryggja að
eignir þeirra og önnur verðmæti gangi ekki til
sameiginlegs sveitarfélags ef sameining verður
samþykkt heldur haldist þær í núverandi sveitar-
félögum. Skorar íbúafundurinn á hreppsnefndina
að gera sambærilegar ráðstafanir og nágranna-
sveitarfélögin vegna áðurgreindra hitaréttinda,
svo og vegna Hvammshlíðar og eignarhluta í
Vatnshorni.
Þá var og samþykkt með 19 atkvæðum gegn
einu að senda í öll pósthólf á sameiningarsvæðinu
samþykkt fundarins og greinargerð Guðmundar
Þorsteinssonar sem þannig hljóðar:
„Ibúafundur Skorradalshrepps haldinn að
Brún í Bæjarsveit þann 15. janúar 1998 telur
þann sameiningarkost, sem nú á að kjósa um,
fýsilegan. Það er því afar nauðsynlegt að girða
fyrir óþarfa trúnaðarbrest, árekstra og fyrirsjá-
anleg átök íbúanna um eignir sveitarfélaganna.
Vegna ófullnægjandi undirbúnings sameiningar-
ferlisins er komin upp sú staða að íbúarnir, sem
að kjörborði ganga á laugardaginn kemur, hafa
ekki tök á að gera sér grein fyrir eigna- og
skuldastöðu hins fyrirhugaða sveitarfélags.
A síðasta fundi sameiningarnefndar í Loga-
landi mætti Pétur Þór Jónasson sveitastjóri
Eyjafjarðarsveitar. I máli hans kom fram að ein
erfiðustu mál Eyjafjarðarsveitar væru beitar- og
afréttarmál. Þar í sveit eru þó afréttarlöndin í
einkaeign viðkomandi jarða. Hann lýsti óaf-
greiddum afréttar- og beitai-málum í sameining-
arferli sveitarfélaga sem stórhættulegri tifandi
tímasprengju.“
Ibúafundur Skorradaishrepps lýsir einnig van-
þóknun sinni á málsmeðferð meirihluta hrepps-
nefndar á málum íbúa dalsins og neikvæðri um-
fjöllun meirihluta hreppsnefndar á þessum mál-
um í fjölmiðlum. í framhaldi af því taldi fundur-
inn að ástæða væri til að lýsa yfir fullum stuðn-
ingi við oddvita hreppsnefndar.
Óheppilegt að kjósa í fjölmiðlafári
Davíð Pétursson, oddviti á Gnmd í Skorradal,
lét færa eftirfarandi yfirlýsingu til bókar á íbúa-
fundi á Brún sl. fimmtudag:
„Ég hef aldrei lýst mig andvígan þeirri sam-
einingu sem kjósa á um nk. laugardag og tel hana
eðlilegt framhald af farsælu samstarfi sveitarfé-
laga. Ég tel að hið nýja sveitarfélag, ef af því
verður, verði mun öflugra með tilkomu Hvítár-
síðu inn í samrunann.
Þótt mörg mál séu ófrágengin í sveitarfélögun-
um 6 sem þurft hefðu að vera frágengin fyrir
kosningar og síðast en ekki síst er óheppilegt að
ganga til kosninga í sh'ku fjölmiðlafári sem ríkt
hefur í Skorradalnum þá mun ég styðja samein-
ingu þótt eðlilegt væri við þessar aðstæður að
fresta kosningum um nokkra mánuði.“
Alþingi og
stjórnarráð
Ekki
algjört
reykinga-
bann
EKKI stendur til að banna reyking-
ar algjörlega í Alþingishúsinu.
Afram verður leyft að reykja á
skrifstofum og kaffistofu stjórnar-
ráðsins.
Borgarstjóm Reykjavíkur sam-
þykkti í vikunni að gera aðsetur
borgarstjómar reyklaust. Fram-
vegis verður bannað að reykja í
fundarsal borgarstjórnar, í funda-
herbergi, á göngum og í matsal.
Ráðhúsið verður þó ekki reyklaust
með öllu, samkvæmt upplýsingum
Morgunblaðsins.
Stefnt að því að banna
reykingar
Ár hafsins
Börn kynnist
hafinu
BORGARSTJÓRN Reylgavíkur
samþykkti sfðastliðið fimmtudags-
kvöld að vinna að firæðslu- og
kynningarátaki meðal reykvískra
skólabama í tilefni af „Ári hafsins
1998“.
Sigrún Magnúsdóttur og Árni
Þór Sigurðsson, borgarfulltrúar
Reykjavíkurlistans, fiuttu tillög-
una og lögðu til að sett yrði á fót
sérstök verkefnisstjóm með full-
trúum frá Reykjavíkurhöfn,
Fræðslumiðstöð Reykjavíkur og
Dagvist bama. Hlutverk hennar
verður að koma með tillögur um
sameiginleg verkefni er falli að
hugmyndum Sameinuðu þjóðanna
um „Ár hafsins". Einnig var sam-
þykkt að verkefnisstjórnin leiti
leiða til að auðvelda leik- og
grunnskólum að sinna þessu verk-
efni og hafa um það samstarf.
Markmið Sameinuðu þjóðanna
með „Ári hafsins“ er meðal ann-
ars að vekja athygli á hafinu sem
lífæð jarðarinnar, matvælabúri,
samgönguæð og áhrifavaldi í
veðráttu og landsmótun. í tillögu
borgarfulltrúanna tveggja segir
meðal annars að Reykjavíkurhöfn
gegni mikilvægu hlutverki í at-
vinnulífi landsmanna og tengi
saman atvinnurekstur, lífrfluð og
skóla.
Morgunblaðið/Golli
Fríðrik Ólafsson, skrifstofustjóri
Alþingis, sagði að ekki stæði til á
þessari stundu að fylgja fordæmi
borgarstjórnar Reykjavíkur og
banna reykingar algjörlega i hús-
inu. Forsætisnefnd Alþingis tæki
ákvörðun um slíkt. Hins vegar væri
stefnt að því hægt og sígandi að
banna þær. Reykingar væru nú
leyfðar í öðrurn hluta matsalar Al-
þingis. í hinum hluta þess væru
reykingar bannaðar. „Matsalurinn í
húsinu er í raun eina afdrep reyk-
ingafólks. Reykingar eru einnig
bannaðar í þingflokksherbergjum.
Þingflokkamir bönnuðu reykingar í
þeim íyrir nokkrum árum. Það
sama á við um önnur hús Alþingis
með einstaka undantekningum.“
Reykt á skrifstofum
Ólafur Davíðsson, ráðuneytis-
stjóri í stjórnarráðinu, sagði að ekki
hefði verið rætt sérstaklega um að
banna reykingar í húsinu. Fyrir
nokkrum árum hefðu reykingar
verið bannaðar í fundarherbergi
ríkisstjórnar en reykingar væni
heimilaðar á skrifstofum og kaffi-
stofu. Hann sagðist ekki þekkja sér-
staklega til þess hvaða reglur giltu
um reykingar í öðrum ráðuneytum.
Happ-
drættisaug-
lýsingar
fyrir sam-
keppnisráð
SAMKEPPNISRÁÐ og auglýsinga-
nefnd Samkeppnisstofnunar munu
fjalla um auglýsingar Happdrættis
Háskóia Islands þar sem gerður var
samanburður á vinningum hjá happ-
drættinu og Vöruhappdrætti SÍBS.
Auglýsingastofan Hér og nú kvartaði
yfir auglýsingunum til Samkeppnis-
stofnunar, og í kjölfarið kærði Happ-
drætti Háskóla íslands auglýsingar
sem birtust á vegum Vöruhappdrætt-
is SÍBS, sem HHÍ telur að hafi falið í
sér bein ósannindi auk villandi fram-
setningar um happdrætti.
Eins og greint hefur verið frá í
Morgunblaðinu taldi Samkeppnis-
stofnun að auglýsingar Happdrættis
Háskóla Islands væru villandi í skiln-
ingi samkeppnislaga, auk þess sem
gerður væri ósanngjarn samanburð-
ur á vinningum hjá HHÍ og Vöru-
happdrætti SIBS. Áthugasemdir Há-
skólahappdrættisins við þessa niður-
stöðu hafa nú borist Samkeppnis-
stofnun og að sögn Önnu Birnu Hall-
dórsdóttur hjá Samkeppnisstofnun
verður málið lagt fyrir auglýsinga-
nefnd stofnunarinnar og samkeppn-
isráð. Hún sagði að umsögn Vöru-
happdrættis SIBS hefði borist Sam-
keppnisstofnun vegna kæru Happ-
drættis Háskólans og færi hún nú til
umsagnar hjá Háskólahappdrættinu.
Vökul augu
vinnandi
manns
VÖKUL augu þessa manns, sem
var að vinna við nýbyggingu í
Smárahvammslandi í Kópavogi,
fylgdust með því að allt væri eins
og það ætti að vera á vinnupöll-
unum.
Bæjarfulltrúar Sjálfstæðisflokksins í Hveragerði
Afturköllun brottvísun-
ar ekki tekin alvarlega
FJÓRIR bæjarfulltrúar Sjálfstæð-
isflokksins í Hveragerði, Alda
Andrésdóttir, Hafsteinn Bjarna-
son, Aldís Hafsteinsdóttir og Gísli
Pálí Pálsson, funduðu um það í gær
hvernig bregðast skyldi við aftur-
köllun brottrekstrar þein-a úr
Sjálfstæðisfélaginu Ingólfi.
Að fundinum loknum sagði Gísli
Páll Pálsson þau hafa komið sér
saman um ályktun þar sem m.a.
komi fram að í ljósi þess alvarlega
trúnaðarbrests sem skapast hafi í
kjölfar brottrekstrarins sjái þau
ekki ástæðu til að taka þessa nýju
samþykkt stjórnarinnar alvarlega.
Grundvöllur fyrir sáttum við stjóm
félagsins væri ekki í sjónmáli auk
þess sem stuðningsmenn Bæjar-
málafélags Hveragerðis hefðu þeg-
ar hafið undirbúning fyrir næstu
bæjarstjómarkosningar og sú und-
irbúningsvinna væri það langt
komin að ekki yrði snúið til baka.
Bjöms S. Pálsson, formaður
Ingólfs, sagðist, eftir að hafa heyrt
af ályktuninni, spyrja sjálfan sig að
því um hvað þetta mál snerist úr
því sáttaumleitanir væra farnar að
stranda á framboðsmálum. Það
snerist greinilega ekki lengur um
sjálfstæðisfélagið eða þann fram-
boðslista sem það hefði sett fram
fyrir síðustu kosningar.
Stjórnin endurkjörin
I síðustu bæjarstjómarkosning-
um, árið 1994, var kosið á milli
tveggja lista í Hveragerði, H-list-
ans sem fékk þrjá menn kjörna og
D-lista sem fékk fjóra menn. Að
loknum kosningum gengu fulltrúar
beggja lista til meirihlutasam-
starfs, sem að sögn Björns S. Páls-
sonar var aldrei samstaða um inn-
an félagsins.
Á aðalfundi félagsins á síðasta
ári var samþykkt áskoran til bæj-
arstjórnarmannanna, með hátt í 80
atkvæðum gegn 1, um að samstarf-
inu við H-listann yrði slitið. Því var
ekki sinnt. í kjölfarið var bæjar-
stjómarfulltrúunum fjóram vikið
úr félaginu 21. apríl og upp úr því
stofnuðu þeir Bæjarmálafélag
Hveragerðis.
Á stjórnarfundi Ingólfs 9. janúar
síðastliðinn var brottrekstur þeima
dreginn til baka og á aðalfundi fé-
lagsins 15. janúar voru stjóm fé-
lagsins og formaður endurkjörin
auk þess sem uppstillingamefnd,
sem kosin var síðastliðið vor, var
haldið óbreyttri.
Enn í lífs-
hættu
ENN er óbreytt líðan mannsins
sem fékk raflost í raf-
magnsmastri við Vesturlands-
veg í byrjun vikunnar og slas-
aðist verulega. Honum er enn
haldið sofandi og liggur hann á
gjörgæsludeild Sjúkrahúss
Reykjavíkur.
Maðurinn brenndist við raf-
lostið og slasaðist illa þegar
hann féll úr rúmlega 8 metra
hæð. Er hann margbeinbrotinn
og að sögn læknis er hann enn í
lífshættu og á eftir að gangast
undir fleiri aðgerðir á næst-
unni.