Morgunblaðið - 10.02.1998, Blaðsíða 31

Morgunblaðið - 10.02.1998, Blaðsíða 31
MORGUNBLAÐIÐ LISTIR ÞRIÐJUDAGUR 10. FEBRÚAR 1998 31 í takti við tímann Morgunblaðið/Jón Svavarsson ÍSLENSKI dansflokkurinn stendur jafnfætis hvaða evrópska nútímadansflokk seni er og er sterkari en nokkru sinni fyrr, segir m.a. í dómnum. LISTPAJVS Korgarleikhúsið ÍSLENSKI DANSFLOKKURINN Laugardagur 7. febrúar. ÍSLENSKI dansflokkurinn hefur fengið til sín góða gesti á 25. starfs- ári sínu. Hollendinginn Ed Wubbe og Bretann Richard Wherlock. Ed Wubbe er listrænn stjórnandi Scapino-dansflokksins í Rotterdam sem stendur framarlega meðal nú- tímadansflokka í Evi-ópu. Wubbe hefur áður komið við sögu Islenska dansflokksins en fyi'ir 12 árum samdi hann dansverkið „Stöðugir ferðalangar" og hlaut hann ásamt dansflokknum menningarverðlaun DV fyrir. Ed Wubbe á tvö dansverk á sýningunni. í þetta sinn kemur hann með dansverkið „Tvístígandi sinnaskipti 11“ sem var upphaflega samið sérstaklega fyrir dansflokk- inn. Verkið hefur verið sýnt í Evr- ópu og víðar og nokkrar breytingar gerðar á því í tímans rás. Það er því ný útgáfa sem áhorfendur berja nú augum. Tónlistin við dansverkið er eftir eistlenska tónskáldið Arvo Párt. Annað verk kvöldsins er eftir Bretann Richard Wherlock og heit- ir Iða. Wherlock er listrænn stjórn- andi Lutzerner ballettflokksins í Sviss. Tónlistin er frumsamin af hljómsveitinni Yens & Yens sér- staklega fyrir þetta verk. Þriðja og síðasta verk kvöldsins er eftir Ed Wubbe og er hluti stærra verks sem ber nafnið Ka- te’s Gallery. Verkið hefur verið lagað að stærð og gerð Islenska dansflokksins og ber nafnið Útlag- ar. Tónlistin við Útlaga er eftir Ruben Stern og bresku þung- arokksveitina Godflesh. Snertisp- uni (Contact Improvisation) kemur sterklega við sögu í tveimur seinni verkunum. Snertispuni varð vin- sæll á áttunda áratugnum og er upphafsmaður hans Bandaríkja- maðurinn Steve Praxton. Upphaf- lega var snertispuni líkamslist með íþrótta- og dansívafi og undir sterkum áhrifum frá fimleikum og austrænni heimspeki. Hann varð fljótlega vinsæll sem dansform og hefur þróast samhliða ólíkum dansstraumum allar götur síðan. Hann er enn í þróun. Með komu snertispuna breyttist dansgerð margra danshöfunda og hlutverka- klisjur karla og kvenna þróuðust í átt til meiri jöfnunar. Konur döns- uðu við konur, karlar snertu karla og konur héldu á körlum svo eittt- hvað sé nefnt. Snertispuni fjallar um það að hlusta á eigin líkama og hvaða skilaboð líkamsorka mót- dansara flytur. Þetta er gert með snertingu og víxlun líkamsþyngdar milli tveggja eða fleiri einstak- linga. Snertispuni er í dag æfður, kenndur og sýndur af dansflokk- um út um allan heim. TVÍSTÍGANDI SINNASKIPTI n eftir Ed Wubbe. Sviðssetning: Jackie Fahy. Aðstoðarmaður danshöfundar: Lauren Hauser. Leikmynd og bún- ingar: Heidi van de Raadl. Tónlist: Arvo Part. Lýsing: Benno Veen, Elf- ar Bjarnason. Dansarar: Birgittc Heide, Cameron Corbett, Guðmundur Helgason, David Greenall, Julia Gold, Jóhann Freyr Björgvinsson, Katrín Á. Johnson, Lára Stefánsdóttir, Sig- rún Guðmundsdóttir. Fyrsta verk kvöldsins Tvístíg- andi sinnaskipti II eftir Ed Wubbe hefur yfir sér klassískt yfirbragð bæði hvað varðar dansgerð og um- gjörð. Höfundur leikur sér hér að hugmynd um ljós og skugga. Dansararnir birtast uppsviðs og líða ýmist úr skugga í ljós eða úr ljósi í skugga. Þetta er einföld hugmynd sem gerir sig vel. Tónlist Arvo Párt, autt sviðið, tunglskins- leg lýsingin og hvítir búningar dansaranna undirstrika hreinleika stílsins. Dansverkið krefst mýktar og nákvæmni í öllum hreyfingum og ákveðins fínleika sem einkennir klassískan ballett. Höfundur bygg- ir dansgerð sína á klassískum ball- ett en vefur inn í hana nútíma- danshreyfingar á einkar haganleg- an hátt. Dansarar flokksins ráða vel við þetta verk og eru öruggir í allri framgöngu. Klassísk ballett- þjálfun þeirra nýtur sín til hins ítrasta. Þetta er heilsteypt ljóð- rænt dansverk sem líður áfram undir ljúfum tónum Aivo Part, fal- leg ballettperla með nútímadansí- vafi. IÐA eftir Richard Wlierlock. Sviðsetning: Jane Hopper, Katrín Hall Búningar: Hjördís Sigurbjörnsdóttir, Richard Wherlock. Tónlist: Yens & Yens. Lýs- ing: Benno Veen, Elfar Bjarnason. Dansarar: Birgitte Heide, Cameron Corbett, Guðmundur Helgason, Hild- ur Óttarsdóttir, David Greenall, Julia Gold, Jóhann Freyr Björgvinsson, Katrín Ingvadóttir, Katrín Á. Johns- son, Lára Stefánsdóttir, Sigrún Guð- mundsdóttir. Iða er annað dansverk kvöldsins. Það er eftir Richard Wherlock. Sviðið er autt fyrir utan ljóskastara sitt hvorum megin á sviðinu. Dans- ararnir túlka hreyfingu iðu með stöðugum mjúkum og hringlaga hreyfingum sínum. I verkinu takast tveir eða fleiri á í einu. Hér reynir á kjark og þor dansaranna. Dans- gerðin byggir á snertispuna. Dans- ararnir verða að þora að láta dans- gerðina bera sig frá einum stað til annars án þess að hika. Þeir þurfa að treysta sjálfum sér og mótdans- ara sínum í einu og öllu. Þeir mega ekki hika annars stöðvast flæðið sem dansgerðin byggir á. Þeir þurfa að hafa þann hæfileika að geta tímasett hreyfingar sínar af nákvæmni og öryggi. Úthald þeirra og þol þarf að vera mjög gott. Dansararnir ráða vel við hraðar og ákveðnar hreyfingarnar. Þeir hafa sjóast í þessum dansstíl og greini- legt er að þeim fer fram. Það dreg- ur úr spennunni sem felst í dans- gerðinni þegar dansari hægir á sér áður en hann mætir mótdansara sínum eða þegar mótdansarinn er tilbúinn of snemma og áhorfandinn sér hvað koma skal. Þetta gerðist i nokkur skipti á frumsýningunni. Karldansarar dansflokksins ásamt gestadansaranum Cameron Corbett fá að njóta sín í þessu dansverki og er ætlað stórt hlut- verk. Þeir skila hlutverkum sínum vel og hefur rétt eins og kvendönsurunum farið mikið fram í þessum dansstíl. Frammistaða Jó- hanns Freys Björgvinssonar er minnistæð. Hann hefur á stuttum tíma náð góðum tökum á dansstíln- um. Hann sýnir bæði mýkt og snerpu í vel útfærðum hreyfingum sínum. Nýr dansari flokksins Hild- ur Óttarsdóttir sómdi sér vel í hópnum. Tónlistin er eftir Ruben Stern og bresku þungarokkshljómsveitina Godflesh. Hún er einsleit í gegnum allt verkið og gerir það að verkum að dansverkið verður flatara en það þyrfti að vera. Dansverkið er þrátt fyrir tónlistina vel uppbyggt og dansgerðin hröð og spennandi. Verkið er jafnframt þétt og rennur vel. Þetta er fyrst og fremst stemmningarverk þar sem hroki, sársauki og dulmögnuð spenna komast til skila í átökum milli dansaranna. ÚTLAGAR eftir Ed Wubbe. Sviðsetning: Jackie Fahy. Aðstoðarmaður danshöfundar: Lauren Hauser. Lcikmynd: Ed Wubbe. Búningar: Pamela Homoet. Smíði leikmyndar: Sviðsmyndir. Tón- list: Ruben Stern, Godflesh. Lýsing: Benno Veen, Elfar Bjarnason. Dans- arar: Birgitte Heide, Cameron Cor- bett, Guðmundur Helgason, Hildur Óttarsdóttir, David Greenall, Julia Gold, Jóhann Freyr Björgvinsson, Katrín Ingvadóttir, Katrin Á. Johns- son, Lára Stefánsdóttir, Sigrún Guð- mundsdóttir. Þriðja og síðasta verk kvöldsins er eftir Ed Wubbe og heitir Útlag- ar. Efniviður höfundar er líf ungs fólks í stórborg. Inntak verksins er samskipti kynjanna með til- heyrandi kynorku, átökum, spennu og gleði. Það lýsir grimmd og spennu á yfirborðinu en mýkri og fegurri tilfinningum undir niðri. Verkið byggir að hluta til á snert- ispuna sem er útfærður hér á ann- an hátt en í verkinu á undan. A sviðinu ber fyrir augu pall sem er dansað við, á og í kringum. Píanói er haganlega komið fyrir uppsviðs. Verkið hefst á stuttum píanóleik, önnur tónlist tekur við og kvend- ansarar í svörtum kjólum og skóm hefja dansinn. Þær dansa og karl- arnir horfa á og öfugt. Þegar líða tekur á verkið verður nálgun þeirra meiri þar til hópurinn dans- ar saman. Persónur dansverksins eru ólík- ar og sýna misjöfn viðbrögð við ut- anaðkomandi áreiti. Hér gefst dönsurunum tækifæri til persónu- sköpunar sem þeir nýta sér misvel. Þeir túlka tilgangsleysi og firringu tilverunnar með leiða og pirringi sem oftast kemst vel til skila. I verkinu eru uppbrot með jöfnu millibili sem gefa því skemmtilegan tón. Mikið ber á karldönsurum flokksins í verkinu. Dansgerðin kallar á mikla notkun höfuðhreyf- inga, það er að höfuð fylgi á eftir hreyfingu búks eða handa en því var talsvert ábótavant. Útlagar er vel samið verk. Dansgerðin, notkun leikmyndar, góð frammistaða dansaranna, uppbrotin í verkinu ásamt tónlist Godflesh og Ruben Stern gera það heildstætt og skemmtilegt áhorfs. Dansflokkurinn slítur barnsskónum Það er fengur fyrir Islenska dansflokkinn að fá til sín þessa tvo erlendu danshöfunda. Það er einnig fengur fyrir þá að vera boðið að semja fyrir hópinn því hann stendur jafnfætis hvaða evrópska nútímadansflokk sem er. Staða karldansaranna hefur sjaldan verið eins sterk. Þeir njóta sín vel og hafa augljóslega styrkt stöðu sína. Fjölbreytni dansverkanna gerir það að verkum að klassískir ball- etthæfileikar annarsvegar og nú- tímadanshæfileikar dansaranna hinsvegar fá að njóta sín. Þeir eru að verða jafnvígir á bæði dans- formin. Hröð og úthaldskrefjandi dansverk henta betur yngstu dönsurum flokksins og eru þeir hafðir meira í frammi i þetta sinn. Það er óhætt að segja að íslenski dansflokkurinn sé sterkari en nokkru sinni áður á 25 ára þroska- ferli sínum. Því má þakka listrænni stjórnun Katrínar Hall og upp- byggingu þeirri sem María Gísla- dóttir, fyrrverandi listdansstjóri stóð fyrir þar á undan. Áhugafólk um listir ætti ekki að láta þessa sýningu fram hjá sér fara. Það er óþarfi að leita langt yfir skammt. Hér rétt við bæjardyrnar er á ferð listviðburður eins og best gerist er- lendis. Lilja Ivarsdóttir AÐALFUNDIR verða haldnir þriðjudaginu 17. febrúar nk., kl. 17:00 á Kirkjusandi, 5. hæð, Hóluni. h n markBBmark Dagskrá: 1. Skýrsla stjórnar um starfsemi. 2. Arsreikningur 1997. 3. Akvörðun um meðferð hagnaðar eða taps. 4. Ákvörðun um þóknun til stjórnarmanna og endurskoðanda. 5. Kosning stjórnar. 6. Kosning endurskoðanda. 7. Onnur mál. 8. Erindi: Er alþjóðlegur verðbréfamarkaður í uppnámi? Sigurður B. Stefánsson,framkvœmdastjóri VIB Dagskrá, tillögur og ársreikningur félagsins munu liggja frammi á skrifstofu félagsins að Kirkjusandi, hluthöfum til sýnis, viku fyrir aðalfund. Hluthafar eru hvattir til að mceta! REKSTRARAÐILl: Verðbréfamarkaður íslandsbanka hf. • Aðili að Verðbréfaþingi Islands Kirkjusandi, 155 Reykjavík. Sími: 560-8900. Myndsendir: 560-8910.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.