Morgunblaðið - 09.08.1998, Blaðsíða 18

18 SUNNUDAGUR 9. ÁGÚST 1998
MORGUNBLAÐIÐ
RÚSSNESKU stúlkumar við dúnhreinsun með þeim Sveini og Ólínu.
Morgunblaðið/Epá
Rússneskar
stúlkur
hreinsa dún
Á ferð um Reykhólasveit heilsaði Elín
Pálmadóttir upp á Svein og Olínu í Mið-
húsum. Þau sátu við að hreinsa dún með
fímm rússneskum stúlkum, sem koma í
dúnhreinsunina hjá Jóni syni þeirra.
FRÁ hótelinu í Bjarkarlundi renn-
ur bíllinn veginn undir gróðursælli
Barmahlíðinni með útsýni niður
yfir Berufjörðinn. Bflstjórinn einn
á báti sönglar hið þekkta ljóð er
Jón Thoroddsen frá Reykhólum
orti um þessa fógru hlíð, sem svo
sannarlega stendur undir lofi
skáldsins:
Hlíðin mín ffiða
hjalla meður græna
blágresið blíða
ogberjalautuvæna,
á þér ástaraugu
ungurréðégfesta,
blómmóðir besta!
Hlíð, þér um haga
hlýr æ blási andi,
döggvi vordaga
dögg þig sífrjóvgandi!
Um þig aldrei næði,
afþérsvoaðkali,
vetur vindsvali!
Nýr minnisvarði um skáld á
vinstri hönd. Ekki er hann þó um
Jón Thoroddsen heldur Gest Páls-
son, sem fæddur er í Miðhúsum, er
við blasa þama niður undir sjón-
um, myndarlegt rautt hús. Varla
hægt að renna þar framhjá án þess
að heilsa upp á Ólínu og Svein Guð-
mundsson, fyrrum kennara og í
áratugi fréttaritara Morgunblaðs-
ins, en þau hafa búið þar frá 1955.
Pó að þau séu nú orðið fyrir sunn-
an á vetrum koma þau vestur með
vorinu, enda eins og Sveinn orðar
það í Ijóði í síðustu Lesbók: „vorið
hvetur vitund manns.“ Þá er fugla-
lífið ómótstæðilegt, æðarfuglinn úti
í hólmunum og öm má jafnvel sjá
kljúfa loftin. Bíllinn snarbeygir því
niður afleggjarann og í hlað í Mið-
húsum.
Enginn er inni í bæ og heldur
ekki í fallega garðinum með marg-
víslegum trjám og blómjurtum
fyrir framan, sem þau Ólína og
Sveinn hafa lagt svo mikla alúð
við. Enginn heldur í opna húsinu á
hlaðinu, þaðan sem heyrist vélar-
hljóð. Þar er hin merkilega dún-
hreinsivél, sem Jón sonur þeirra
hefur hannað og smíðað í sam-
vinnu við rússneskan mann. Þar
fer fram fyrsta stig hreinsunar-
innar á dúninum eftir þurrkun. Ég
SVEINN og Ólína framan við húsið í garðinum með fjölbreyttum
blóma- og ttjágróðri.
ÓLÍNA með dúnsængina sem hún var að Ijúka við að sauma.
minnist þess er ég fyrir löngu fékk
að fara með Sveini út í hólmana,
þar sem kollurnar lágu á, hve mik-
ið rusl og flókar voru í dúninum og
mikið og vandasamt verk
framundan að gera hann að þeirri
gæðavöru sem hann á skilið og
eftirsóttust er á dýrum mörkuð-
um.
Á veggnum á stórri skemmu er
skemmtileg teiknimynd af æðar-
ungum að leik á dúnsæng, gerð
sem auglýsing af rússneskri
stúlku, en hefur í gamni verið
stækkuð á skemmuvegginn.
Mundi sjálfsagt kallast
veggjakrot. Þarna sitja inni þau
Ólína og Sveinn og fínhreinsa
dúninn og við borðið fimm ungar
stúlkur, sem þreifa næmum fingr-
um á dúnhnoðrunum á borðinu,
öll niðursokkin í þessa nákvæmn-
isvinnu að finna með fingur-
gómunum síðustu agnirnar í dún-
inum. Þau heyra ekki þegar gest-
urinn kemur inn, enda með heym-
artæki fyrir eyrum, rússnesku
stúlkumar hafa m.a. tekið með
sér rússneska dægurlagatexta.
Þau segja mér að Jón sonur
þeirra segi að það verði að þurrka
dúninn og hreinsa strax ef hann
eigi ekki að fúna og verða sú
gæðavara sem hann vill bjóða til
sölu. Er kröfuharður um það.
Hann flytur mest út til Japans, og
selur fyrir fleiri aðila.
Þessar ungu stúlkur, sem koma
til að vinna við dúnhreinsunina hjá
honum í nokkra mánuði, koma frá
Rússlandi. Tvær þeirra eru kenn-
aranemar og ein húsgagnaverk-
fræðingur. Þær eru komnar til að
vinna sér inn pening. Kannski líka
af ævintýraþrá. Þær tala bara
rússnesku, nema ein sem var hér í
fyrra og skilur íslensku, enda skilst
mér að hún eigi orðið íslenskan vin
úr sveitinni og eigi líklega eftir að
flendast í þessu landi. Lítið verður
því um samtal yfir matnum sem
Ólína reiðir fram, en þó skil ég að
þær séu glaðar og ánægðar. Þegar
Jón fær skilaboð um að sækja á
ákveðnum tíma dúnsendingu, sem
bátur er að koma með utan úr
Breiðafjarðareyjum, býður hann
að taka þær með í sundlaugina
niðri á Reykhólum, sem þær kunna
sýnilega að meta. En úti í skemm-
unni hefi ég séð poka með dúni sem
hann er að hreinsa fyrir aðra æðar-
bændur.
Yfir kaffinu inni í stofu kem ég
auga á fislétta hvíta sæng, sem
Ólína hefur verið að sauma í af-
mælisgjöf fyrir einhvem. Þetta er
kostagripur og ekki bara með
langhólfum, sem dúnninn vill
renna til í, heldur þverhólfum líka.
Sveinn fylgir gestinum úr hlaði
til að opna hliðið uppi á afleggjar-
anum. Þegar rennt er áfram veg-
inn með útsýni til þessara gjöfulu
æðarvarpshólma fyrir framan, sem
þó krefjast óhemju vinnu, kemur
fram á varimar enn eitt erindið úr
Barmahlíðinni:
Blómmóðir besta,
bestu jarðargæða
gaf þér fjöld festa,
faðir mildur hæða.
Hver mun svo, er sér þig,
sálar þjáður dofa,
að gleymi guð lofa?
Ásmundur
Yóga - breyttur lífsstíll
7 kvölda grunnnámskeið með
Ásmundi Gunnlaugssyni.
Mánudag og miðvikudag kl. 20-21:30. Hefst 19. ágúst.
Námskeiðið hentar fólki á öllum aldri, reynsla af
jóga er ekki nauðsynleg. Frír aðgangur að
tækjasal og opnum jógatímum fylgir meðan á
námskeiðinu stendur.
mm
YOGA^
STU D I O
Efni: ★jógaleikfimi (asana)
★ mataræði og lífsstíll
★ öndunaræfingar
★ slökun
★ andleg lögmál sem stuðla að
velgengni, jafnvægi og heilsu.
Auðbrekku 14, Kópavogi,
sími 544 5560.
Indverjar sakaðir um dbil-
girni í Kasmírdeilunni
Nýja-Delhí, Srinagar á Indlandi. Reutere.
ÁSHRAF Jehangir Qazi, sendi-
herra Pakistan í Nýju-Delhí, hefur
sagt litlar líkur á að hægt verði að
hefja friðarviðræður milli ríkjanna
tveggja nema Indverjar láti af óbil-
gimi í afstöðu sinni til Kasmír-deil-
unnar. Kvaðst hann ekki búast við
miklum tíðindum af fundi forsætis-
ráðherra landanna sem fram fer í
næsta mánuði. „Við náum ekki einu
sinni samkomulagi um hvernig við-
ræðunum skuli fram haldið, hvað
þá að okkur takist að ná raunveru-
legum árangri," sagði Qazi.
Meira en hundrað hafa fallið í
blóðugum bardögum liðinnar viku
við umdeild landamæri Kasmír en
allt var þó með kyrrum kjörum í
vikulok. Var haft eftir Krishnan Pal
hershöfðingja, sem fer fyrir herliði
Indverja í Kasmír, að ekki væri lík-
legt að umfang átakanna leiddi til
beitingar kjamorkuvopna.
Sagði Pal í samtali við Reuters-
fréttastofuna að engin tengsl væra
á milli deilu Indverja og Pakistana
um landamæri í Kasmír og tilrauna
beggja þjóða með kjarnavopn.
Hafa löndin tvö tvisvar háð stríð
vegna Kasmír síðan þau hlutu sjálf-
stæði frá Bretum 1947 og ráða Ind-
verjar 2/3 landsvæðis Kasmír. Ind-
verjar segja Kasmír óaðskiljanleg-
an hluta Indlands en Pakistanar
hafa hins vegar farið fram á þjóðar-
atkvæðagreiðslu þar sem vilji íbúa
Kasmír yrði kannaður, en meirihluti
þeirra era múslimar eins og
Pakistanar.