Morgunblaðið - 09.08.1998, Blaðsíða 40
MORGUNBLAÐIÐ
*40 SUNNUDAGUR 9. ÁGÚST 1998
Dýraglens
•"þU/Ernz AE> SJA Hi/A/Z
HAMH H£FVe/J)T/Ð &AT4
SJG ANNAKS STAÐAf?
Grettir
Ljóska
Sjáðu? þetta þýðir að Snúum því Nei, sko! sjáðu þetta! Líf mitt er
klukkustund er liðin... aftur við og Jæja, nú snúum við því leiðinlegt!
fylgjumst aft- við og fylgjumst
ur með...
aftur með...
p!0r0i!wM&|iií>
BRÉF
TIL BLAÐSINS
Kringlan I 103 Reykjavík • Súni 569 1100 • Símbréf 569 1329
Lifandi tónlist
í lifandi kirkju
VEGNA tæknilegra mistaka féll
niður í greininni kafli og er hún því
birt aftur í heild sinni.
Frá Smára Olasyni:
í ÁGRIPI frétta í aðalfréttatíma
Stöðvar 2 fóstudaginn 24. júlí var
sagt frá því að ágreiningur milli
prests og brúðhjóna hafi valdið því
að flytja hefði þurft brúðkaup úr
sóknarkirkju brúðhjónanna í aðra
kirkju. I fréttatímanum var svo
birt ítarlegt viðtal við brúðina þar
sem hún lýsti því, að einn af með-
limum popphljómsveitar þeirrar
sem átti að leika við vígsluathöfn-
ina í Selfosskirkju hefði forfallast
og henni hefði verið meinað að láta
leika hljóðritaða tónlist þeirra fé-
laga, en þær reglur gilda í kirkj-
unni að einungis skuli fara þar
fram lifandi flutningur á tónlist við
athafnir. Hún hefði því neyðst til
að færa vígsluathöfnina í sóknar-
kirkju Eyrbekkinga.
Samkvæmt lögum ber hver
sóknarprestur ábyrgð á því helgi-
haldi sem fer fram í hans kirkju og
það er heilagt hlutverk hans að sjá
til þess að það sé ekki saurgað.
Sóknarnefnd, organisti og sóknar-
prestur setja því reglur sem gilda
eiga um það sem fram fer í kirkj-
unni í krafti þess umboðs sem þeir
hafa með kjöri sínu og kirkjuvörð-
urinn framfylgir því. Hlutverk
starfsmanna kirkjunnar er að leið-
beina fólki um helgihald og skýra
út hvað sé sæmilegt innan veggja
hennar, einkum þegar ókirkjuvant
fólk á í hlut. Þeim ber einnig að
standa vörð um helgi kirkjuhússins
til að misbjóða ekki tilfinningum
þeirra sóknarbarna sem líta á það
sem sinn helgidóm. Því miður er
það svo, að hugmyndir sumra sem
leita til kirkjunnar um atferli við
kirkjulegar athafnir eru nokkuð
brenglaðar. Þeir leita ekki til kirkj-
unnar með því hugarfari að fá
helga þjónustu heldur vilja þeir
færa sinn eigin hugarheim og hátt-
emi inn í þá athöfn sem á að fram-
kvæma fyrir þá og krefjast þess að
veraldleg gildi séu sett ofar öllu.
Beiðni um þjónustu kirkjunnar á
þeim forsendum er röng.
Þegar upp koma óskir um eitt-
hvað sem stangast á við þær reglur
sem gilda um helgihald kirkjunnar
og þau mál eru rædd á staðnum
nær fólk oftast áttum. Venjulegt
kurteist fólk virðir þær reglur sem
gilda í kirkjunni eins og í öðrum
stofnunum. Ekki minnist ég þess
t.d. að klagað hafi verið til frétta-
stofu Stöðvar 2 yfir því að fólk
þurfi að draga skó af fótum sér við
ystu dyr Sjúkrahúss Suðurlands né
yfir því að það verður að ldæðast
hvítum sloppum til þess að fara um
Sláturhúsið eða Mjólkurbú Flóa-
manna.
Agaleysi og virðingarleysi eru
þekkt fyrirbrigði í okkar þjóðfélagi
og það er lofsvert að starfsmenn
Selfosskirkju reyndu ekki að kaupa
sér stundarvinsældir og bregðast
þannig skyldu sinni gagnvart því
húsi sem þeir þjóna með því að láta
undan kröfum brúðarinnar um
brot á þeim reglum sem þar hafa
verið settar. Það er undarlegt að
fréttastofa Stöðvar 2 skuli sjá
ástæðu til þess að eltast við þessa
sviðsettu uppákomu sem virðist
jafnvel vera komin til af einhverj-
um annarlegum hvötum, en von-
andi verður þetta upphlaup brúð-
arinnar út af hégómlegu smáatriði
ekki það sem stendur upp úr í
minningunni um vígsiu hjónabands
hennar, sem er eitt stærsta og mik-
ilvægasta skref sem hún tekur af
lífsleiðinni.
Eg minnist þess ekki að frétta-
stofa Stöðvar 2 hafi nokkru sinni
fjallað um Selfosskirkju og það
starf sem þar fer fram á jákvæðan
hátt og birt myndir af því, en fyrir
utan hefðbundið kirkjustarf má
benda á tónleikaröð kirkjunnar í
september, hefðbundið helgihald
með tíðasöng alla virka daga, tíma-
mótaverk starfsmanna kirkjunnar í
niðurskrift nótna fyrir Sálmabók
1997 og svo það mannræktarstarf
sem þar fer fram með börnum og
ungmennum; kórskóli, bamakórar
og unglingakór. Ekki hafa birst
frásagnir af tónleikum þeirra hér-
lendis og erlendis. Stór hópur
barna á sitt annað heimili í Selfoss-
kirkju. Þar læra þau að umgangast
helgidóminn með lotningu en ann-
ars staðar í sömu byggingu ærslast
þau að sínum hætti. í kirkjunni
verja þau kröftum sínum til að æfa
lifandi tónlist til flutnings í og með
lifandi kirkju. Allt starf kirkjunnar
miðar að því að hafa lifandi flutn-
ing við helgar athafnir. Presturinn
stýrir ritúali helgiathafnarinnar og
flytur boðskap kirkjunnar,
kirkjukór og organisti leiða söng
og stundum eru sett upp atriði til
þess að gefa helgihaldinu meira
skraut, t.d. með rödduðum kór-
söng, barnakór, einsöng eða ein-
leik. Allt þetta viljum við hafa sem
lifandi atburði og séu settar reglur
um slíkt ber þeim sem leita til
kirkjunnar að fara eftir slíkum
reglum.
Fréttamenn Stöðvar 2 mættu
gjarnan „ganga í sig“ og hugsa al-
varlega til þess hvað séu fréttir og
fjalla frekar um það jákvæða sem
er að gerast í okkar þjóðfélagi en
hiaupa ekki eftir hverju sem er
þegar fólk leitar til þeirra í tilfinn-
ingalegu uppnámi yfir því að það
fær ekki að hafa og gera allt eins
og það vill, hvar sem er, og gera
það að stórfrétt. Fjölmiðlar hafa
mikil áhrif á almenningsálitið og
það er á ábyrgð fréttamanna að
stuðla að því að það sé heilbrigt.
Líklega lýsir nafn popphljóm-
sveitarinnar sem átti að leika við
brúðkaupið best þeim hvötum sem
virðast liggja á bak við þetta mál:
„Skítamórall."
SMÁRI ÓLASON,
kennari við
Tónskóla þjóðkirkjunnar.
Allt efni sem birtist f Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.