Morgunblaðið - 09.08.1998, Blaðsíða 36

MORGUNBLAÐIÐ
36 SUNNUDAGUR 9. ÁGÚST 1998
FRÉTTIR
Norðurlandamótið í hestaíþróttum
í Danmörku
Fyrsti titill-
inn í sjónmáli
Hedeland. Morgunblaðið.
HELDUR hefur hagur íslenska
liðsins sem keppir á Norður-
landamótinu í hestaíþróttum
vænkast eftir keppni tvo síðustu
r dagana. Hulda Gústafsdóttir hef-
ur svo gott sem tryggt sér sigur í
stigakeppni mótsins en hún varð
efst í forkeppni slaktaumatölts-
ins, sjöunda í 250 metra skeiði á
Hugin frá Kjartansstöðum.
Jöfn henni í slaktaumatöltinu
er Anna Björnsson, Svíþjóð, á
Glaumi frá Eyrarbakka en þær
eru með 7,00 í einkunn. Magnús
Skúlason sem keppir fyrir Sví-
þjóð er fjórði á Dugi frá Minni-
Borg. Eina sem gæti komið í veg
fyrir sigur Huldu er að Gylfi
Garðarson, Noregi, sem keppir á
Vals frá Görðum nái mjög góðum
tíma í 250 metra skeiði en hestur
hans lá hvorugan sprettinn á
* föstudag. Herbert Ólason á
Spútnik frá Hóli er í öðru sæti í
250 metra skeiði að loknum
tveimur af fjórum sprettum, tím-
inn var 23,2 sek. Hulda og Hug-
inn voru á 24,4 sek. sem tryggði
þeim sjöunda sætið og efsta sæt-
ið í samanlögðum stigum en þau
þurftu að ná 24,5 sek. til að eiga
möguleika í þann titil og eru sem
sagt komin með aðra höndina á
bikarinn og kannski fingur-
gómana á hinni hendinni.
■* I töltinu náði Reynir Örn
Pálmason þriðja sæti á Þræði frá
Hvítárholti með 7,27 en Hregg-
viður Eyvindsson sem keppir
fyrir Svíþjóð er efstur á Kjama
frá Kálfholti með 7,40, næstur er
Erik Andersen Noregi á Ronju
frá Götarsvik með 7,33. Unn
Rroghen, Noregi, er fjórða með
7,17 og Mikala Saxen, Dan-
mörku, er fimmta á Kolbrúnu frá
Brjánslæk með 6,93. Jóhann G.
Jóhannsson á Glað frá Hólabaki
og Sigurður H. Óskarsson á Káti
frá Störtal urðu jafnir dönsku
stúlkunni June Padtoft Hansen á
Gammi frá Vatnsleysu í sjötta til
áttunda sæti með 6,77. Sigurður
vann svo B-úrslitin og verða því
tveir íslendipgar í A-úrslitum á
sunnudag.. I B-úrslitum í gær
vann Reynir sig upp í A-úrslit í
fjórgangi en Sigurður og Kátur
urðu í áttunda sæti. Þá vann
Magnús Skúlason sig upp í A-úr-
slit í fimmgangi og Samantha
Leidersdorf Danmörku tryggði
sér sigur í B-úrslitum
slaktaumatöltsins og sæti í A-úr-
slitunum í dag á Depli frá Vot-
múla.
í tölti unglinga er Sigurður S.
Pálsson efstur eftir forkeppni á
Ivari frá Hæli með 6,63 og er eini
íslendingurinn sem tryggði sér
sæti í A-úrslitum en Rakel Ró-
bertsdóttir var í sjötta sæti á
Landa frá Fuglebjerg með 5,67
en féll í sjöunda sæti í úrslitum
og missti þar með af sæti í A-úr-
slitum. í B- úrslitum fjórgangs
unglinga höfnuðu Rakel og
Dagný B. Gunnarsdóttir í níunda
og tiunda sæti en Malu Logan,
Danmörku, á Unu frá Hvammi
tryggði sér sæti í A-úrslitum.
Möguleiki á þremur titlum
Með þessum árangri í dag er
brúnin heldur tekin að lyftast á
landanum og ljóst að möguleikar
á þremur titlum eru mjög raun-
hæfir. Sigurður Sæmundsson
liðsstjóri sagðist í gær vera orð-
inn nokkuð sáttur við stöðuna
eins og hún var þá þótt ljóst væri
að útkoman yrði eitthvað lakari
en þegar best hefur gengið á
þessum mótum. Veðrið á móts-
stað hefur verið upp og ofan
mótsdagana. Á fóstudag var
bjartviðri og hlýtt en rigning í
gær laugardag.
Sænska
göngugarpn-
um miðar vel
Blönduósi. Morgunblaðið.
SÆNSKI göngugarpurinn Erik
Reutersward var á ferðinni í
Húnavatnssýslum seinni hluta
vikunnar. Eins og komið hefur
fram í fréttum ætlar Erik hinn
sænski að ganga hringinn í
kringum landið og þræða vegi
sem liggja með sjónum. Erik hef-
ur þegar gengið með strand-
lengjum allra helstu eyja í Evr-
ópu.
Að sögn Eriks hefur ferðin
gengið vel og allar áætlanir stað-
ist. Erik kom til Seyðisfjarðar 18.
júní og ætlar að ljúka göngunni
þar hinn 26. ágúst. Erik, sem er
kennari að mennt, lítur á sig sem
nútímavíking og hefur á lofti
sögur af Göngu-Hrólfi máli sínu
til stuðnings.
Morgunblaðið/Jón Sigurðsson
SÆNSKI göngugarpurinn gerði stuttan stans á Blönduósi.
I félagsskap við hunda
Aðspurður hvort það sé ekki
einmanalegt að ganga einn um
vegi landsins segir Erik það ekki
vera. Kindur, hestar og hundar
hafa orðið á vegi hans og komið
hefur fyrir að hundar hafa fylgt
honum hátt í 10 kílómetra leið.
Erik Reuterswárd hefur notið
góðs stuðnings Norræna félags-
ins við skipulag ferðarinnar og
hefur hann oft þegið góðan beina
meðlima félagsins. Frá Blönduósi
heldur Erik sem leið liggur fyrir
Skaga en ætlar að gista á tveim-
ur stöðum áður en hann kemur
til Sauðárkróks.
Flugfélag fslands um gagnrýni fsfírðinga
Isafjörður 8% yfir
meðaltali á tíma
ÍSAFJÖRÐUR var fyrir ofan meðal-
tal hvað varðar áætlun á tíma eða 8%
á tímabilinu frá því í maí-júlí, að
sögn Bryndísar Stefánsdóttur, þjón-
ustufulltrúa Flugfélags Islands, en
óánægja er meðal Isfirðinga með
þjónustu félagsins. Á sama tíma voru
felldar niður 5-10 ferðir. Sagði hún
að bilanir, veður, fjölgun farþega og
þéttari áætlun auk þess sem Islands-
flug hætti að fljúga á Isafjörð hafi
stuðlað að röskun á áætlun félagsins
í sumar.
„Við vorum að taka þetta saman
og viljum ekki gefa upp hvert hlut-
fallið er í áætlunum en ísafjörður er
fyrir ofan meðaltalið hvað varðar
flug á tíma,“ sagði Bryndís. Vél telst
ekki vera á áætlun ef henni seinkar
um 6 mín. eða meira og eru flestar
seinkanir á bilinu 6-10 mín. Bryndís
sagði að vitanlega þyrfti félagið að
standa við áætlanir en flóknar
ástæður væru fyrir að það hefði ekki
tekist. „Meðal annars settum við upp
þétta áætlun til þess að ná nýtingu á
vélarnar og þar með að þjóna sem
flestum stöðum sem best en það sem
gerist er að við höfum verið óheppin
með bilanir í sumar sem hafa raskað
áætlunum,“ sagði hún. „Síðan hefur
það gerst að veðrið hefur stundum
sett strik í reikninginn. Við erum leið
yfir þeirri neikvæðni sem við ein-
hverra hluta vegna höfum fengið frá
Isfirðingum en við heyrum t.d. í dag
að veðrið sé fínt í bænum en aðflugið
er ófært og við getum ekki sent vél.“
Farþegum hefur Qölgað
Bryndís nefndi einnig að farþeg-
um hafi fjölgað í sumar miðað við
síðastliðið ár og ferðum hafi auk þess
verið fjölgað. „Við gerðum ekki ráð
fyrir þessari aukningu í farþega-
fjölda og þar af leiðir að lengri tíma
tekur að snúa vélunum,“ sagði hún.
„Það er langt frá því að þetta sé gert
af ásettu ráði. Það er hrein tilviljun
að íslandsflug hættir á sama tíma og
sumaráætlun okkar hefst. Við viljum
ísfirðingum vel og leggjum jafnvel
meiri áherslu á að þjóna þeim. Við
höfum átt mjög gott samstarf t.d. við
íþróttafélög á Isafirði eins og körfu-
boltaliðið og erum mjög stolt af því
að flytja eitt sterkasta körfuboltalið
landsins."
Varavöllur fyrir ísafjörð er á Þing-
eyri og sagði Bryndís að gripið væri
til hans þegar ófært er á Isafjörð en
flugvöllurinn á Flateyri er ekki nægi-
lega stór fyrir vélar félagsins.

*§ÍJ8

I

li ^
milljón
Á næstunni mun milljónasti gesturinn
heimsækja vefinn mbl.is.
Á þeim tímamótum átt þú möguleika
á ferð fyrir 2 með Flugleiðum til
heimsborgarinnar Minneapolis.
BJ
j F T L
ý ♦ 5
mm
mbl.is
Farðu inn á mbl.is, skráðu þig og þú
gætir verið á leiðinni til Minneapolis.
FLUGLEIÐIR
www.icelandair.is
www.mbl.is