Morgunblaðið - 26.09.1998, Blaðsíða 28

28 LAUGARDAGUR 26. SEPTEMBER 1998
MORGUNBLAÐIÐ
ERLENT
Fellibylurinn Georg veldur usla í suðurhluta Flórída
Hefur kostað á þriðja
hundrað mannslíf
Miami. Reuters.
FELLIBYLURINN Georg gekk
yfir eyjar við suðurodda Flórída í
gær eftir að hafa kostað að minnsta
kosti 240 manns lífið síðustu fimm
daga á eyjum í Karíbahafi. Vind-
hraðinn var mestur um 160 km á
klukkustund í gær og fellibylurinn
olli flóðbylgju við strendur Flórída.
Fellibylurinn náði yfir 480 km
langt svæði og hans gætti frá suður-
hluta Kúbu til Palm Beach á
Flórída. Talið var að hann myndi
valda mestu tjóni á eyjunni Key
West, sem er þekkt fyrir lista-
mannanýlendu sína.
Milljónir íbúa suðausturstrandar
Flórída vörpuðu öndinni léttara í
gær þegar fellibylurinn færðist vest-
ur á bóginn, þannig að óveðrinu slot-
aði í Miami og Fort Lauderdale.
Yftrvöld hvöttu þó íbúana til að
halda sig innandjra.
Jón Sullenberger, sem býr ásamt
fjölskyldu sinni í Miami, sagði í sam-
tali við Morgunblaðið í gær að hvöss
austanátt hefði verið í borginni og
nágrenni hennar í fyrrinótt. Vind-
hraðinn hefði verið mestur um 70-90
km á klukkustund en svæðið hefði
sloppið að mestu við úrhellið sem
fylgdi fellibylnum, en mesta rigning-
in var sunnan við hann.
Rafmagnslaust var víða í Miami,
m.a. í húsi Jóns, en rafmagn komst á
síðdegis í gær að íslenskum tíma.
Jón kvaðst hafa búið sig vel undir
óveðrið, neglt fyrir glugga, tekið allt
lauslegt inn og birgt sig upp af mat-
vælum. Flestir íbúar svæðisins
hefðu birgt sig upp af nauðsynjavör-
um á þriðjudag og miðvikudag til að
vera ekki á síðustu stundu með inn-
kaupin eins og henti marga þegar
fellibylurinn Andrés gekk yfir
Flórída árið 1992.
Georg er fyrsti fellibylurinn sem
hefur ógnað Flórída frá 1992, en
tjónið sem Andrés olli þá var metið
á 25 milljarða dala, 1.800 milljarða
króna.
Götur í bæjum og borgum suður-
hluta Flórída voru nánast mannlaus-
ÞESSI mynd var tekin í auga
fellibylsins Georgs úr banda-
rískri flugvél sem fylgdist með
óveðrinu í gær.
ar í gær. Skólar voru lokaðir, starf-
semi fyrirtækja lá niðri og hlerar
voru fyrir gluggum verslana og
íbúðarhúsa.
Gífurleg eyðilegging
Tölur yfir manntjónið á eyjunum í
Karíbahafi hækkuðu verulega í gær.
Embættismenn á Haítí sögðu að
a.m.k. 87 manns hefðu beðið bana
þar og 34 til viðbótar væri saknað.
FeOibylurinn kostaði a.m.k. 134 lífið
í Dóminíska lýðveldinu.
Rafmagnslaust var víða í
Dóminíska lýðveldinu og margir bæ-
ir voru einangraðir vegna flóða.
Áætlað var að 90% landbúnaðarupp-
skerunnar hefðu eyðilagst. Forseti
landsins, Leonel Femandez, lýsti yf-
ir neyðarástandi og óskaði eftir er-
Reuters
ÍBÚAR Holguin á Kúbu virða fyrir sér tré sem rifnaði upp með rót-
um í fellibylnum þegar hann gekk yfir eyjuna í fyrradag.
lendri aðstoð. Að minnsta kosti
100.000 íbúar Dóminíska lýðveldis-
ins misstu heimili sín.
Þúsundir manna misstu einnig
heimili sín á Haítí og fellibylurinn
eyðilagði þar 80-85% landbúnaðar-
uppskerunnar. Að minnsta kosti 11
manns biðu bana af völdum fellibyls-
ins í Púertó Ríkó. Fjórir létu lífið á
eyjunni St. Kitts á sunnudag og tveir
í Antigua og Barbuda. Fellibylurinn
kostaði a.m.k. þrjá lífið á Kúbu og
rúmlega hálf milljón manna dvaldi
þar í bráðabirgðaskýlum.
Trimble
enn gagn-
rýndur
DAVID Trinible, forsætisráð-
herra á N-írlandi og leiðtogi
stærsta flokks mótmælenda
(UUP), var í gær gagnrýndur
af aðstoðarforsætisráðherra
sínum Seamus Mallon, sem er
varaleiðtogi
flokks hóf-
samra kaþ-
ólikka
(SDLP),
fyrir að
standa í
vegi f'yrir
því að ríkis-
stjóm taki
til starfa.
Valda orð Mallons enn
meiri áhyggjum en ummæli
Gerrys Adams, leiðtoga Sinn
Féin, í sama dúr fyrr í vik-
unni, enda hefur samstarf
Mallons og Trimbles þótt með
ágætum og báðir eru þeir full-
trúar hófsamari aflanna á N-
Irlandi.
Mallon sagði í viðtali við
The Irish News í gær að ekki
væri hægt að hrinda öðrum
ákvæðum Belfast-samkomu-
lagsins frá páskum í fram-
kvæmd fyrr en stjórn hefði
verið skipuð, stjórnmálamenn
á N-írlandi gætu ekki ákveðið
að hrinda einungis í fram-
kvæmd þeim ákvæðum sem
þeim líkaði persónulega vel
við. Sambandssinnar hafa ít-
rekað krafist þess að IRA
hefji afvopnun áður en ríkis-
stjórn tekur til starfa með að-
ild Sinn Féin.
Sambandssinnar gera
aðsúg að Trimble
Trimble á nú undir högg að
sækja frá báðum áttum því á
miðvikudag gerðu sambands-
sinnar í hans eigin kjördæmi
að honum aðsúg er hann átti
fund með leiðtogum Oraníu-
reglunnar í Portadown. Finnst
þeim, andstætt Adams og nú
Mallon, sem Trimble hafi
gengið of langt í samkomu-
lagsátt við kaþólikka.
0DYRT
-og ftfaðíð
bætiefnum!
Verslanir Nóatúns eru opnar
til kl. 21, öll kvöld.
Hlýru
100.
NÓATÚN
HJörtu
pr.Hg
Innmatur ur haustslatrun
NOATUN
NÓATÚN117 • R0FABÆ 39 • LAUGAVEG1116 • HAMRAB0RG 14 KÓP. • FURUGRUND 3, KÓP.
• ÞVERHOLTI 6, M0S. • JL-HÚSI VESTUR í BÆ • KLEIFARSEL118 • AUSTURVERI, HÁALEITISBRAUT 68