Morgunblaðið - 10.10.1998, Blaðsíða 13

MORGUNBLAÐIÐ
LAUGARDAGUR 10. OKTÓBER 1998 13
Abyrgð
á eigin
málum
EFTIR samning ríkis og kirkju um
fjármál, sem undirritaður var í
byrjun september, hefur kirkjan
afsalað sér eignar- og umráðarétti
yfír jarðeignum sem hún hefur haft
umráð yfir. I staðinn þiggur hún
framlög til starfseminnar, m.a. fyr-
ir laun tiltekins fjölda starfsmanna
miðað við fjölda meðlima þjóðkirkj-
unnar.
Umræddur samningur um fjár-
mál og nýja lagasetningin um
stöðu, stjórn og starfshætti kirkj-
unnar marka kirkjuþingi sem nú er
að hefjast sérstakan ramma og
kirkjan ber nú fulla ábyrgð á mál-
efnum sínum innan ramma lag-
anna, fjármálum sem öðrum, eins
og fram kemur í viðtali við herra
Karl Sigurbjörnsson biskup.
Þegar samningurinn um fjármál
var undirritaður á dögunum, en
það gerðu núverandi biskup, fjár-
málaráðherra og kirkjumálaráð-
herra, kom fram að það var ekki
síst fyrir framgöngu herra Ólafs
Skúlasonar biskups og náins sam-
starfs hans og Þorsteins Pálssonar
kirkjumálaráðherra að tókst að
leysa mál á farsælan hátt fyrir
báða aðila.
„Þessi mál hafa allt frá söguleg-
um samningi ríkis og þjóðkirkju
árið 1907 valdið ýmsum erfiðleik-
um en við Þorsteinn Pálsson náð-
um saman um málið,“ segir Ólafur
biskup aðspurður um aðdraganda
samninganna.
„Við tveir áttum marga viðræðu-
fundi formlega og óformlega, lögð-
um á ráðin og ræddum vitaskuld
við fjölmarga þegar við leituðum
leiða til að finna viðunandi lausn á
þessum málum. Við reyndum báðir
að leggja okkur fram við að leggja
grunn að þeirri lausn sem fékkst,"
segir Ólafur, en samvinna þeirra
og samstarfsmanna tók bæði til
eignamálanna og undirbúnings
nýju laganna.
Fulltrúar
á kirkju-
þingi
KIRKJUÞING situr 21 kjör-
inn fulltrúi. Níu þeirra eru
prestar en 12 úr hópi leik-
manna. Kirkjuþingsfulltrúar
voru kjörnir í sumar og sitja í
fjögur ár. Þeir em:
Leikmenn:
Bjami Grímsson
Guðmundur K. Magnússon
Gunnar Sveinsson
Hallgrímur Magnússon
Helgi K. Hjálmsson
Jens Kristmannsson
Jóhann Björnsson
Jón Helgason
Lárus Ægir Guðmundsson
Magnús Stefánsson
Ólafur Eggertsson
Þórarinn Sveinsson
Prestar:
Sr. Dalla Þórðardóttir
Sr. Geir Waage
Sr. Gunnar Kristjánsson
Sr. Halldór Gunnarsson
Sr. Hreinn Hjartarson
Sr. Jakob Ag. Hjálmarsson
Sr. Magnús Erlingsson
Sr. Pétur Þórarinsson
Sr. Sigfús J. Ámason
Auk þeirra hafa málfrelsi
og tillögurétt biskup, vígslu-
biskupar, fulltrúi kirkjumála-
ráðuneytis og fulltrúi guð-
fræðideildar Háskólans. Þá
sitja fráfarandi kirkjuráðs-
menn kirkjuþingið einnig en
kosið verður nýtt kirkjuráð.
FRÉTTIR
Arlegur markaðsáætlanafundur Flugleiða
Mikil aukning í
farþegaflutning-
um milli ára
Morgunblaðið/Þorkell
GUNNAR Eklund svæðisstjóri vestursvæðis (Norður-Ameríku), Steinn
Logi Björnsson framkvæmdastjóri markaðs- og sölusviðs, Jón Karl
Ólafsson svæðisstjóri austursvæðis (Mið-Evrópu).
Á ÁRLEGUM markaðsáætlana-
fundi Flugleiða, sem haldinn var í
vikunni með svæðisstjórum mark-
aðssvæða, var staðfest umtalsverð
aukning í starfsemi félagsins á milli
ára. Af þessu tilefni var rætt við
þrjá þátttakendur á fundinum.
Steinn Logi Björnsson, fram-
kvæmdastjóri markaðs- og sölu-
sviðs, segir árangur félagsins vem-
legan. „Þegar litið er til baka yfir
árangur síðustu tveggja ára þá er
fyrirsjáanlegt að markmið okkar
varðandi vöxt og veltuaukningu,
sem við höfðum stefnt að fyrir lok
ársins 2000, munu nást á miðju
næsta ári. Þannig að vöxturinn, sem
við höfum verið að einbeita okkur
að og var nauðsynlegur til að
byggja upp leiðakerfið og ferða-
þjónustuna tiltölulega hratt, er
kominn í hús. Nú verður staldrað
við og hugað það því að bæta leiða-
keifið eins og það er.
Áherslan á síðustu þremur ái-um
hefur verið uppbyggingin á leiðum
til og frá Keflavík og hvernig þær
tengjast þar en aðalatriðið eru góð-
ar tengingar Evrópu- og Amer-
íkuflugs sem mynda leiðanetið yfir
N-Atlantshaf. í dag þjónum við 90
flugleiðum yfir Atlantshafið. Á
þessum leiðum bjóðum við upp á
besta ferðakostinn, hvað varðar
flugtíma, á 33 leiðum. Þetta er í
rauninni eðli okkar leiðakerfis.
Kerfi Flugleiða byggist á samnýt-
ingu flugvéla og annarra rekstrar-
þátta sem þjóna samtímis markaðn-
um til og frá Islandi. Ferðum til
Bandaríkja Norður-Ameríku hefur
fjölgað um 41,7 prósent á tveimur
árum og ferðum til Stóra-Bretlands
um 68,8 prósent á sama tíma. Fjölg-
un ferðamanna til landsins hefur á
sama tíma verið mikil, um eða yfir
30 prósent, á hvorri leið.“ Þessar
háu tölur má, að mati Steins Loga,
rekja til aukinnar tíðni flugferða og
aukins fjármagns til markaðsstarf-
semi en árlegur kostnaður vegna
sölu og markaðssetningar Flugleiða
erlendis er á bilinu 1,2 til 1,3 millj-
arðar króna.
Miklar breytingar
á Evrópufluginu
Jón Karl Ólafsson er svæðisstjóri
Flugleiða í Evrópu (austursvæðis)
með aðsetur í Frankfurt. En miklar
breytingar á Evrópufluginu standa
til. „Það sem er markverðast að ger-
ast á þessum markaði er að við er-
um að loka Lúxemborg. Það er stór
ákvörðun. Við erum búnir að fljúga
þangað í 43 ár. Lúxemborg hefur
gegnt hlutverki sem miðstöð fyrir
okkur í Evrópu en hefur byggst
mjög mikið á farþegum sem eru að
fara frá Evrópu til Bandaríkjanna.
Þegar við flytjum flugið núna
meira til Frankfurt og Parísar þá er
það gert með það fyrir augum að
auka ferðamannastraum til Islands.
Aðeins 20 prósent farþega frá Lúx-
emborg fara til Islands en 80 pró-
sent áfram til Bandaríkjanna. í
fluginu frá Frankfurt er um helm-
ingur farþega á leið til íslands.
Meginmarkmið okkar er því að
selja Island sem áfangastað. Það er
meginstefna okkar og það sem við
erum að fást við alla daga ársins.“
Gunnar Eklund er svæðisstjóri í
Norður-Ameríku en höfuðstöðvar
Flugleiða eru í Columbia, Mar-
yland. „Það hefur gengið einstak-
lega vel síðustu þrjú, fjögur árin.
Við höfum bætt við nýjum lending-
arstöðum í Boston og Halifax 1996
og Minneapolis í ár. I ár hefur sala í
Bandaríkjunum aukist um 31 pró-
sent miðað við árið í fyrra. Það vek-
ur líka athygli að fjölgun ferða-
manna á milli ára í september nem-
ur 65 prósentum fyrir Bandaríkin
og 71 prósenti fyrir Kanada.
Eg þakka þetta markaðskerfinu
okkar á svæðinu. Við erum núna
famir að markaðssetja okkur í mið-
ríkjunum og á vesturströndinni en
áður var áherslan mest á austur-
ströndinni. Áætlunarflug til Minn-
eapolis auðveldar til muna að ferð-
ast til Islands frá þessum nýju stöð-
um.
Á næsta ári munum við ekki bæta
við áætlunarstöðum í Bandaríkjun-
um og Kanada heldur einbeita okk-
ur að því að bæta þá þjónustu sem
fyrir er. Við munum t.a.m. leggja
mikla áherslu á Saga Class. Frá
miðju næsta ári, með tilkomu
Frankfurt og Parísar, gefst stór-
bættur kostur á tengiflugi til Evr-
ópu þegar flogið er frá Bandaríkj-
unum og það mun bæta samkeppn-
isstöðu okkar vemlega.“
Glæðist á sjó-
birtingsslóðum
VEIÐI hefur glæðst á sjóbirtings-
slóðum síðustu daga, miklar rign-
ingar hafa trúlega hvatt nýjan fisk
til að ganga og örvað þá legnu til að
hreyfa sig eftir agni. Hópur sem
lauk veiði í Tungufljóti á fimmtudag
lenti í hörkugóðri hrotu og náði 32
birtingum og einum laxi. Hópur
sem var á sama tíma í Geirlandsá
var ekki í jafnmiklum uppgripum,
en náði þó 11 fiskum, sem er bæri-
legt miðað við fremur rólega tíð síð-
ustu vikurnar.
Ingibjöm Hafsteinsson var meðal
veiðimanna í Tungufljóti þegar um-
rædd veiði var tekin og sagði hann
fisk hafa verið um alla á. „Það hafði
ekki verið sérlega góð veiði dagana
á undan, aðeins einn fiskur daginn
áður, og samtals held ég að það hafi
ekki verið nema eitthvað um 120
fiskar í veiðibókinni, þar af eitthvað
af smásilungi sem veiddist í vor og
snemma í sumar. Það em líka
nokkrir laxar, en ekki margir,“
sagði Ingibjörn.
Þetta er mun minni veiði en í
fyrra, en ef til vill verður loka-
spretturinn góður. Veitt er til 20.
október og Tungufljót kemur oft
seint til. Hjá Ingibirni og félögum
var meðalþunginn mjög góður,
flestir birtingarnir á bilinu 5 til 13
pund og algengasta stærðin 7 til 9
pund. „Þetta vom mislegnir fiskar,
enginn þó mjög leginn, og svo voru
bjartir fiskar að koma og veiðast í
Ármótunum, en þeir vom smærri, 3
til 4 pund,“ bætti Ingibjöm við.
Smærri í Geirlandsá
Geirlandsá hefur verið einna
skást sjóbirtingsáa fyrir austan í
haust og á fimmtudag vom komnir
123 sjóbirtingar úr haustveiði, auk
27 laxa og 27 bleikja, en megnið af
þeim „meðafla“ veiddist í sumar,
þ.e.a.s. júlí og ágúst. Stærstu birt-
ingarnir eru tveir, annar 12 og hinn
12,2 pund. Einnig er slangur af 9 og
10 punda fiskum, en þorrinn er 3 til
6 pund. Það er ívið minni meðal-
þyngd en menn væntu og einnig er
heildarveiðin nokkm minni en t.d. í
fyrra, sem var reyndar afburðagóð
vertíð.
Við umræddan afla bætast 136
birtingar sem veiddust í vorveiði.
Reytingur
hér og þar...
Ekki hafa verið stórskot í öðrum
ám sem frést hefur af, t.d. í Hörgsá,
hvort heldur er ofan bráar eða neð-
an. Menn em rétt að reyta og sama
má segja bæði um Fossála og Eld-
vatn á Branasandi. Um er að ræða
nokkra tugi fiska í heildartölu sjó-
birtinga úr umræddum ám. Að auki
em á annað hundrað bleikjur í Eld-
vatni, en hún er farin að taka afar
illa.
----------------
Markaðssetn-
ing hefst á
harðkorna-
dekkjum
SÝNING hefur verið opnuð í
Kringlunni á harðkomadekkjum.
Harðkomadekk em íslensk upp-
finning sem sótt hefur verið um
einkaleyfi fyrir í öllum helstu iðn-
ríkjum heims.
Á sýningunni verða kynntir
helstu kostir harðkomadekkja, nið-
urstöður rannsókna varðandi við-
nám á ís og slit á vegum. Með sýn-
ingunni í Kringlunni hefst markaðs-
setning á harðkornadekkjum hér á
landi.
GÓÐUR dagur að kvöldi kominn við Geirlandsá, f.v. aftari röð: Krist-
inn Briem, Daníel Lámsson, Ingvar Georgsson og Sigurður Sævar,
krjúpandi Vilhjálmur Vilhjálmsson og Herdís Benediktsdóttir.
Dreifing útvarpsefnis
Útvarpsréttarnefnd vekur hér með athygli á að í 1. mgr. 1. gr. út-
varpslaga nr. 68/1985 með áorðnum breytingum er útvarp skilgreint
á eftirfarandi hátt: „Með útvarpi, hljóðvarpi eða sjónvarpi, er í lögum
þessum átt við hvers konar útsendingu dagskrárefnis innan íslenskrar
lögsögu sem ætluð er almenningi til beinnar móttöku og dreift er
með rafsegulöldum hvort heldur í tali, tónum eða myndum, um þráð
eða þráðlaust hvort heldur sem útsendingin er læst eða ólæst."
Samkvæmt útvarpslögum ber hverjum þeim, sem hyggst dreifa útvarps-
efni hvort sem um er að ræða eigin dagskrá eða dreifingu erlendrar dag-
skrár, að sækja um leyfi til Útvarpsréttarnefndar sbr. ákvæði 2. mgr. 2. gr.
útvarpslaga nr. 68/1985 með áorðnum breytingum. Ekki skiptir máli hvort
um er að ræða dreifingu efnis um þráð eða þráðlaust. (þeim tilfellum sem
erlend dagskrá er send út viðstöðulaust óstytt og óbreytt þurfa að liggja
fyrir samningar við erlendar upphafsstöðvar varðandi dreifingu efnis hér á
landi áður en útvarpsleyfi er gefið út.
Öðrum aðilum en þeim sem veitt hefur verið leyfi Útvarpsréttarnefndar til
útvarpsreksturs er óheimilt að dreifa útvarpsefni hvort heldur er um þráð
eða þráðlaust.
Umsóknir um endurvarps- og útvarpsleyfi skal senda:
Útvarpsréttarnefnd, Sölvhólsgötu 4,150 Reykjavík.
Útvarpsréttarnefnd, 8. október 1998.