Morgunblaðið - 12.03.1999, Blaðsíða 30
30 FÖSTUDAGUR 12. MARZ 1999
LISTIR
MORGUNBLAÐIÐ
Skáldsagan Englar alheimsins hlýtur jákvæða gagnrýni í ítölskum fjölmiðlum
HRÓÐUR Engla alheimsins,
skáldsögu Einars Más Guð-
mundssonar, hefur víða borist og
er bókin nú komin eða væntanleg
á markað í þrettán löndum. ítölsk
þýðing, Angeli dell’universo, kom
út árið 1997 hjá forlaginu Iper-
borea í Mílanó og var enn á sölu-
listum í lok síðasta árs. Fékk bók-
in töluverða umfjöllun í ítölskum
prentmiðlum og féllu um hana lof-
samlegir dómar.
Hittir í hjartastað
Stuttar útgáfutilkynningar í
blöðm og tímaritum voru flestar
af sama meiði. Þar var bókinni
lýst sem harmrænni og fallegri
upplifun af sjálfsævisögulegri rót
og höfundi hrósað fyrir næmi og
léttleikandi stíl. Itölsk útgáfa
tískutímaritsins Marie Ciaire reið
á vaðið í september 1997 með
þeim orðum að saga geðklofans
Páls væri „ein af þeim sem hittir
mann í hjartastað". í janúarhefti
Elle 1998 var eintal aðalpersón-
unnar sagt ná „fullkominni ljóð-
rænu á köflum“ og bókmennta-
tímaritið Letture í júní/júlí 1998
sagði Einar Má hafa „alla burði til
þess að komast í raðir hinna
stóru“. I ferðatímaritinu Itinerari
e Luoghi var andrúmslofti sög-
unnar líkt við Gauks-
hreiðrið en vikublaðið
L’Espresso sagði tón-
inn í senn „mystískan
og ofurraunsæjan“ og
líkti honum við sum lög
Bjarkar Guðmunds-
dóttur.
Itarlegri umsagnir
mátti og lesa um Engla
alheimsins í ítölskum
blöðum og var þar
fjallað um efni bókar-
innar frá ýmsum sjón-
arhomum. Ahugi
gagnrýnenda á hinu
fjarlæga heimalandi
höfundar skein í gegn-
um skrifin og lögðu
margir áherslu á tengsl milli
skáldsögunnar og
ímyndar Islands.
I umfjöllun hins
útbreidda dagblaðs
Corriere delia Sera
var bókin sögð
nýjasta afurð nor-
rænu bókmennta-
bylgjunnar sem náð
hefði alla leið suður
til Italíu og voru
„heimskautaein-
kenni“ sögunnar
dregin fram. „Það
gerist ekki vitfirrt-
ara eða norrænna,“
sagði í upphafi um-
fjöllunarinnar. Rýn-
irinn fullyrti að geð-
veiki í íslensku umhverfi væri
vart með því ánægjulegasta sem
hægt væri að hugsa sér, því við
einsemd hins sjúka bættist ein-
stök einangrun eyjunnar, hraunið,
þokan, myrkrið og veturinn. Var
kraftur Einars Más sagður felast
í því að kalla fram tvöfalt ,jaðará-
stand“, landfræðilegt og geðrænt,
í bók sem bundin væri lífshlaupi
geðklofa bróður og mótsagna-
kenndri þjóðarsál íslands. Lauk
umsögninni á tengingum við
Strindberg, Munch og Laxness.
Gagnrýnandi dagblaðsins La
Regione Ticino furðaði sig á birt-
unni í skáldsögu sem gerist „á landi
sem líklega er með köldustu og
dimmustu stöðum veraldar". I
bókadómi blaðsins sagði m.a: „Þetta
er bók sem glitrar eins og miðnæt-
ursól. Orðið „ljós“ birtist oft og
næstum hver setning hneigist til að
breyta frostinu í hvítglóandi hlýju.“
Einar Már Guðmundsson var í
flestum blaðanna kynntur sem
einn af þýðingarmestu rithöfund-
um sinnar kynslóðar á Islandi og
til þess tekið að hann skrifaði
handritið að kvikmyndinni Börn
náttúrunnar sem tilnefnd var til
Óskarsverðlauna árið 1991, fyrst
íslenskra mynda, en það ár bar
ítalska myndin Mediterraneo
einmitt sigur úr býtum.
Bók sem
glitrar eins og
miðnætursól
Einar Már
Guðmundsson
Tónleikar
í tilefni
flygilkaupa
Hrunamannahreppi. Morgtinblaðið.
NÝR flygill hefur verið keyptur í
Félagsheimilið á Flúðum. Af því
tilefni verða haldnir tónleikar í
Félagsheimilinu sunnudaginn 14.
mars kl. 15. Fram koma Karlakór
Hreppamanna, Kirkjukór Hi-una-
prestakalls, Barnakór Flúðaskóla
og 30 manna sönghópur úr
Flúðakórnum sem starfaði frá
1973 til 1983. Stjórnandi kórsins
var Sigurður Agústsson, tónskáld
í Birtingaholti. Þessir fyrrver-
andi söngfélagar Flúðakórsins
ætla að syngja nokkur lög eftir
Sigurð sem hafa verið rifjuð upp
að undanförnu. Allir fjórir kór-
amir syngja saman Fagnaðaróð
eftir Joseph Haydn við texta sem
séra Eiríkur Jóhannsson hefur
gert af þessu tilefni. Stjómandi
kóranna er Edit Molnár tónlistar-
kennari. Miklós Dalmay píanó-
leikari leikur fyrsta og þriðja
kafla úr Tunglskinssónötunni eft-
ir Ludwig von Beethoven. Miklós
er einnig undirleikari hjá öllum
kómnum.
Þessi nýi flygill er af gerðini
Yamaha S 6, talinn mjög fullkom-
ið hljóðfæri og mun aðeins vera
til einn sömu gerðar á landinu.
Flygillinn kemur í stað þess er
Morgunblaðið/Sigurður Sigmundsson
KÓRFÉLAGAR úr Flúðakórnum á æfingu.
keyptur var árið 1961 og er
löngu kominn úr takt við tímann.
Kaupverð þessa hljóðfæris er um
2,7 miljónir króna. Kiwanisklúbb-
urinn Gullfoss sem starfar í sveit-
inni gaf fyrir rúmu ári 100 þús-
und krónur í sjóð til að fjár-
magna þessi hljóðfærakaup. Nú
liafa safnast 1.700 þúsund krónur
í sjóðinn með frjálsum framlög-
um. Munar þar mest um 850 þús-
und krónur sem Flúðakórinn átti
síðan hann starfaði.
Með tilkomu þessa nýja og full-
komna hljóðfæris er vonast til að
tónlistarfólk komi að Flúðum,
enn frekar en verið hefur, enda
er hljómburður í Félagsheimilinu
talinn einn sá besti sem gerist í
slíkum húsum á landsbyggðinni.
Ef burtfluttir sveitungar eða
aðrir vildu leggja sjóðnum lið er
þeim bent á útibú Búnaðarbank-
ans á Flúðum.
Allir eru hjartanlega velkomn-
ir, kaffiveitingar verða á boðstól-
um eftir tónleikana.
Gríma 99
í Stöðla-
koti
JÓN Adólf Steinólfsson opnar sýn-
ingu sem hann nefnir Gríma 99 í
Stöðlakoti, Bókhlöðustíg 6, á morg-
un, laugardag, kl. 14. Sýnd verða
verk unnin úr tré.
Jón Adólf stundaði nám í tré-
skurði í skurðlistaskóla Hannesar
Flosasonar á árunum 1986-95. Sl.
fjögur ár hefur Jón lært og starfað
hjá tréskurðarmeistaranum Ina
Norbury í Cheltenham í Englandi.
Einnig hefur hann sótt námskeið í
trélist í Elbigenalp í Austurríki.
Jón hefur tekið þátt í nokkrum
samsýningum en þetta er hans
fyrsta einkasýning.
Sýningin verður opin daglega frá
kl. 14-18 og lýkur 28. mars.
LOSTI, ein gríma Jóns Adólfs
sem sýnd er í Stöðlakoti.
Masterklass í píanó-
Gerðubergi
Sigríður Anna Guðný Peter
Einarsdóttir Guðinundsdóttir Máté
leik í
ÍSLANDS-DEILD
EPTA, Evrópusam-
bands píanókennara,
stendur fyrir ma-
sterklassnámskeiði í pí-
anóleik fyrir byrjendur
jafnt sem lengra komna
í Menningarmiðstöðinni
Gerðubergi um helgina.
Leiðbeinendur verða pí-
anóleikararnir Sigríður
Einarsdóttir, Anna Guðný Guð-
mundsdóttir og Peter Máté.
Námskeiðin verða þríþætt. A
morgun, laugardag, kl. 10-13 mun
Sigríður Einarsdóttir leiðbeina
nemum á I.-V. stigi. Eftir hádegi,
kl. 14-17, verður Anna Guðný Guð-
mundsdóttir með námskeið sem
ber yfirskriftina „Píanó sem hluti
af kammertónlist", fyrir öll stig. A
sunnudag verður svo námskeið kl.
10-17 fyrir efri stig í píanóleik, en
þar er leiðbeinandi Peter Máté.
Þátttökugjald fyrir námskeiðin
þrjú er 1.500 ki'. Hægt er að
greiða þátttökugjald fyrir ein-
staka hluta eða 1.000 kr. fyrir
hvorn dag og eru allir velkomnir,
að því er segir í fréttatilkynningu
frá Gerðubergi.
Margt býr í
þokunni sýnt
í Hveragerði
Hveragerði. Morgunblaðið.
LEIKRITIÐ Margt býr í
þokunni eftir William Dinner
og William Morum, í þýðingu
Ásgerðar Ingimarsdóttur,
verður frumsýnt hjá Leikfélagi
Hveragerðis næstkomandi
laugardagskvöld kl. 20.30.
Að sögn Önnu Jórunnar
Stefánsdóttur, formanns leik-
félagsins, en hún er jafnframt
leikstjóri sýningarinnar, fjallar
leikritið um þrjár konur sem
strjúka af fátækraheimili, finna
yfirgefið hús og ákveða að setj-
ast þar að. Og þá fara ævintýr-
in að gerast! „Margt býr í
þokunni er spennandi en jafn-
framt fyndið og því höfum við
okkar á milli kallað það saka-
málagamanleikrit." Níu leikar-
ar koma fram í sýningunni en
með helstu hlutverk fara Dag-
björt Almarsdóttir, Sigríður
Valgeirsdóttir og Svala Karls-
dóttir. Alls koma um 30 manns
að uppsetningu sýningarinnar
með einum eða öðrum hætti.
Sýningamar fara fram í
gamla Hótelinu í Hveragerði
og verða næstu sýningar
sunnudaginn 14. mars kl. 16,
föstudaginn 19. mars, laugar-
daginn 20, mars og sunnudag-
inn 28, mars, allar þessar sýn-
ingar hefjast kl. 20.30.
Ráðhús
Reykjavíkur
Sýning nýrra
arkitekta og
iðnhönnuða
99 VAXTARBRODDAR heitir
sýning nýútskrifaðra arki-
tekta, innanhússarkitekta og
iðnhönnuða sem opnuð verður í
Tjarnarsal Ráðhúss Reykja-
víkur í dag, fostudag, kl. 17.
Þar sýna átta arkitektar, inn-
anhúsarkitektai' og iðnhönnuð-
ir verkefni sín en menntun sína
hafa þau sótt í hina ýmsu
skóla, vítt og breitt um heim-
inn og er uppistaða sýningar-
innar lokaverkefni þeirra úr
skólunum. Sýnendum er frjálst
að sýna önnur verk. Páll Skúla-
son, rektor við Háskóla Is-
lands, opnar sýninguna og Ein-
ar Örn Jónsson leikur á píanó.
Sýnendur eru Hafsteinn Is-
leifsson innanhússhönnuður,
íva Rut innanhússhönnuður,
Laufey Agnarsdóttir arkitekt,
Sigi-íður Anna Eggertsdóttir
arkitekt, Steinþór Kái-i Kára-
son arkitekt, Sverrir Ágústs-
son arkitekt, Tinna Gunnars-
dóttir iðnhönnuður, Valdís Víf-
ilsdóttir innanhússhönnuður og
Sigríður Halldórsdóttir innan-
hússhönnuður.
Á morgun, laugardag, eftir
hádegi, munu sýnendur vera á
sýningunni. Sýningin stendur
til 21. mars.
Nemendur
Kvennó sýna í
Galleríi Geysi
NEMENDUR Kvennaskólans
í Reykjavík, í myndmenntavali,
opna myndverkasýningu á
morgun, laugardag, kl. 14, í
Galleríi Geysi við Ingólfstorg.
Sýnd verða akríhnálverk og
nokkur önnur verk. Sýningin
er opin mánudaga til fimmtu-
daga frá kl. 9-22, föstdaga til
kl. 19, laugardaga og sunnu-
daga frá kl. 13-18 og henni lýk-
ur 28. mars.