Morgunblaðið - 17.06.1999, Blaðsíða 24

24 FIMMTUDAGUR 17. JÚNÍ 1999
MORGUNBLAÐIÐ
ÚR VERINU
Kristján Ragnarsson hættir sem framkvæmdastjóri LÍÚ
„Tímabært
að breyta til“
STJÓRN Landssambands íslenskra
útvegsmanna samþykkti í gær að
ráða Friðrik J. Arngrímsson, lög-
fræðing, sem framkvæmdastjóra
samtakanna. Tekur hann við starf-
inu 1. janúar nk. Kristján Ragnars-
son hefur gegnt starfi fram-
kvæmdastjóra LÍÚ í 30 ár og
verið kjörinn formaður LÍÚ í
29 ár. Hann mun áfram gegna
stjómarformennsku í samtök-
unum.
Um leið og stjóm LÍÚ sam-
þykkti beiðni Kristjáns um að
starfinu yrði skipt var þess
farið á leit að hann gæfí áfram
kost á sér sem formaður sam-
takanna. Kristján hefur sam-
þykkt þá málaleitan og er
gert ráð fyrir að hann verði
starfandi stjómarformaður í
fullu starfi frá næstu áramót-
um. Mun Kristján einbeita
sér að þeim málefnum er lúta
að fiskveiðistjómun en Frið-
rik mun annast rekstur skrif-
stofu samtakanna og þau mál sem
undir hana heyra.
Kunnugur sjávarútvegi
Friðrik Jón Amgrímsson er fer-
tugur að aldri, fæddur og uppalinn
á Siglufirði. Hann hefur lokið námi
við Stýrimannaskólann og hefur
skipstjómarréttindi. Hann lauk lög-
fræðinámi árið 1987 og hefur starf-
að sem lögmaður undanfarin ár.
Hann segist nánast eingöngu hafa
unnið íyrir útgerðir á síðustu áram,
stórar og smáar og af öllum lands-
homum og sé því alls ekki ókunnug-
ur útgerðarmálum hérlendis. Hann
segist hlakka til að takast á við
þetta nýja verkefni. „Það er líka
mildlvægt og dýrmætt að Kristján
Rangarsson verður áfram við störf í
samtökunum með sína miklu
reynslu og þekkingu. Ég mun halda
Friðrik Arngríms-
son, lögfræðingur,
ráðinn í hans stað
Krisfján Friðrik Jón
Ragnarsson Arngrímsson
áfram að vinna áfram að þeim góðu
málum sem hann hefur unnið að í
gegnum árin. En vissulega era
mörg verkefni að takast á við og
vonandi gefst mér tækifæri til
þess,“ segir Friðrik.
Friðrik er kvæntur Guðrúnu
Blöndal og eiga þau fjögur börn og
eitt barnabarn.
Verið talinn
ósveigjanlegur
Kristján Ragnarsson sagði stjóm
LÍÚ hafa einróma samþykkt sína
tillögu og samstaða á fundinum ver-
ið mikil. „Ég hef setið í tvöfoldu
starfi í þrjá áratugi og einhvemtíma
hlýtur að koma að því að ég hætti.
Því fannst mér að með þessum
áfanga væri tímabært að breyta til.
Friðrik hefur mikla þekkingu á
sjávarútvegi og útvegsmenn um allt
land þekkja hann. Hann er skip-
stjómarmenntaður og hefur verið
til sjós. Það finnst mér vera mjög
mikils virði þegar kemur að því að
hann ræðir við okkar viðsemjendur
um kaup og kjör. Það hefur verið
ansi fyrirferðarmikill hluti af
mínu starfi til þessa og mér
verið oft legið á hálsi að vera
ósveigjanlegur, þó vissulega
sé ég því gersamlega ósam-
mála. Það er því fátt sem ég
hlakka meira til að vera laus
við.“
Kristján sagði að í sínum
verkahpng eftir breytingam-
ar verði meðal annars að ann-
ast samskipti LÍÚ við stjórn-
völd og sjómannasamtökin
um þau mál sem snúi að fisk-
veiðistjórnun. „Við höfum ver-
ið kvaddir til ráðgjafar í þeim
alþjóðlegu stofnunum sem ís-
lendingar era aðilar að, svo
sem NEAFC og NAFO. Þar
era margvísleg óleyst við-
fangsefni sem gaman verður að
takast á við. Þá er endurskoðun
fískveiðistjórnunar nú í umræðunni
og ég mun verða í forsvari samtak-
anna við þá vinnu. Ennfremur mun
Friðrik sinna samskiptum við fjöl-
miðla sem hefur verið mjög tíma-
frekur hluti af mínu starfi til þessa,“
segir Kristján.
A þrjátíu ára framkvæmdastjóra-
tíð Kristjáns hefur hann „lifað“ átta
sjávarútvegsráðherra, að Árna
Mathiesen, núverandi ráðherra,
meðtöldum. Hann hefur hinsvegar
unnið fyrir LÍÚ öllu lengur, því
hann hóf störf hjá samtökunum 1.
mars 1958. Hann hefur því starfað
fyrir útvegsmenn í 41 ár. Hann
sagði m.a. á síðasta aðalfundi LÍÚ,
að hann væri í starfi sínu í sam-
skiptum við fjórða ættliðinn í sum-
um útgerðarfélögunum.
Byggðastofnun synjar Rauðsíðu ehf. um lánveitingu
Málinu er nú lokið af
hálfu stofnunarinnar
FORSTJÓRI Byggðastofnunar tel-
ur Rauðsíðu ehf. á Þingeyri og
tengd fyrirtæki ekki uppfylla þau
skilyrði sem stjórn stofnunarinnar
setti fyrir 100 milljóna króna lán-
veitingu til fyrirtækisins. Forstjór-
inn segir málinu lokið af hálfu
Byggðastofnunar.
A stjórnarfundi Byggðastofnunar
sem haldinn var í fyrrakvöld lagði
forstjónnn fram greinargerð um
málið. I henni kom fram að Rauð-
síða ehf. hefði uppfyllt öll þau skil-
yrði sem stjómin setti fyrir lánveit-
ingunni. Að sögn Egils Jónssonar
stjómarformanns hefur stjómin
ekki tekið málið til umræðu með
öðrum hætti. Ákvörðun hennar um
að fyrirtækinu verði veitt lánið að
uppfylltum skilyrðunum hafi ekki
verið kölluð aftur. „Afstaða stjórn-
arinnar er ennþá sú sama. Það
verða því aðrir en stjóm Byggða-
stofnunar sem segja til um framtíð
málsins. Skilyrðin vora hinsvegar
ekki uppfyllt að mati forstjórans og
það er hans mat sem ræður,“ segir
Egill.
Mikið tap var á rekstri félagsins í
fyrra en afkoman fyrstu þrjá mán-
uði þessa árs hefur verið mun betri.
Egill segir hinsvegar erfitt að sýna
fram á það með þriggja mánaða
uppgjöri að viðsnúningur sé orðinn í
rekstri fyrirtækisins þegar aðstæð-
Stjórn Rauðsíðu
ákveður næstu
skref um helgina
ur eru með þessum hætti. „Hins-
vegar er ljóst að mikil vinna hefur
verið lögð í gerð rekstraráætlana og
nýir aðilar komið að fyrirtækinu.
Það er því erfitt að meta til hvaða
aðstæðna þarf að taka tillit.“
Mörg atriði
ófullnægjandi
Guðmundur Malmquist, forstjóri
Byggðastofnunar, tilkynnti for-
svarsmönnum Rauðsíðu ehf. í gær
að ekki væri hægt að veita fyrirtæk-
inu umbeðið lán og málinu þannig
lokið af hálfu Byggðastofnunar.
Guðmundur sagði í samtali við
Morgunblaðið í gær að ýmis atriði
varðandi skilyrði stjómarinnar hafi
ekki verið fullnægjandi að sínu
mati, svo sem skuldaskilasamning-
ar, auk annarrar fjármögnunar, að
fjármögnun Byggðastofnunar und-
anskilinni. Ennfremur hafi þriggja
mánaða uppgjör fyrirtækisins ekki
verið til að byggja á. „Miðað við háa
skuldsetningu félagsins og að rekst-
ur þess byggist að langmestu leyti á
svokölluðum Rússafiski era rekstr-
arhorfur ekki nægjanlega góðar.
Það má segja að þeir hafi að lokum
náð að sýna fram á væntanlega nið-
urfellingu krafna upp á 70 milljónir
króna. Það þarf hinsvegar töluvert
mikið aukið lánsfé til að ganga frá
fjármögnun fyrirtækisins," sagði
Guðmundur.
Ýmislegt við niður-
stöðuna að athuga
Ketill Helgason, framkvæmda-
stjóri Rauðsíðu ehf., segist ýmislegt
hafa að athuga við niðurstöðu for-
stjóra Byggðastofnunar og stjórn
fyrirtækisins muni ákveða^ næstu
skref í málinu um helgina. I grein-
argerð sem borist hafi frá Byggða-
stofnun í gær komi fram ýmis atriði
sem ekki eigi við rök að styðjast. Þá
hafi ennfremur borist upplýsingar í
gær sem hefðu þurft að berast mun
fyrr til að hægt væri að uppfylla
ákveðin skilyrði. „Meðal annars
nefnir forstjórinn að við þurfum að
kaupa allt hráefni á fullu mark-
aðsvirði og því séu rekstrarhorfur
ekki nægjanlega góðar. Ég hélt að
öll fyrirtæki þyrftu að kaupa hrá-
efni á markaðsvirði. Ef svo er ekki
þá ætti slíkt erindi til Samkeppnis-
stofnunar. Við munum fara vand-
lega yfir þessi mál á næstu dögum,“
sagði Ketill.
Morgunblaðið/Friðrik J. Hjartar
SNÆBJÖRN Ásgeirsson, skipstjóri, og Kristján Ríkharðsson, vélstjóri,
um borð í Svanborgu SH 404 í Ólafsvíkurhöfn.
Dragiiótarbátur
til Ólafsvíkur
Skrokkurinn frá Póllandi, en smíðinni
lokið hjá Ósey hf. í Hafnarfirði
NÝR 30 tonna stálbátur, Svanborg
SH 404, bættist nýverið í flota
Ólafsvíkurbáta, en hér er um að
ræða eitt af skipunum úr raðsmíða-
verkefni Óseyjar í Hafnarfirði, en
afhending bátsins tafðist um nokkra
mánuði vegna branans í skipa-
smíðastöðinni sl. vetur.
Sæbjörn Ásgeirsson, skipstjóri
og eigandi Svanborgar, kvað skrokk
skipsins smíðaðan í Póllandi, en yf-
irbyggingu og innréttingar hér
heima. Báturinn er búinn 450 hest-
afla tölvustýrðri Caterpillar-aðalvél
og tveimur Perkins-ljósavélum og
öllum fullkomnustu siglingartækj-
um. Hann kvaðst afar ánægður með
alla smíði á bátnum, sem reyndist
fara afar vel í sjó á heimsiglingunni.
Svanborg SH 404 er útbúin til
dragnótaveiða en í skipinu er ný út-
gáfa af átaks- og tóglengdarmæl-
ingartölvu, sem hönnuð er af Vaka
og Ósey í sameiningu. Búnaðurinn
byggist á þeim búnaði sem Vaki
hefur selt og hannað og búnaði sem
Ósey hefur hannað sérstaklega fyr-
ir sinn spilbúnað. Tækjum þessum
er ætlað að sjá um alla stjórn og
samhæfingu á spilum skipsins.
Að sögn skipstjórans var ætlunin,
vegna skerðinga á kvóta í bolfiski,
að stfla sem mest inn á veiðar á flat-
fiski, en útgerðarmunstrið er nú í
upplausn vegna fyrirhugaðrar
aukningar á skerðingu á flatfisk-
kvóta. Vor- og haustveiðar drag-
nótabáta á Breiðafirði hafa löngum
byggst að stóram hluta á flatfisk-
veiðum, en ef fram fer sem horfir
mun skerðing flatfiskkvótans nema
80% á þremur áram, og því horfir
allt til verri vegar.
Auk skipstjórans, Sæbjarnar Ás-
geirssonar, era í áhöfninni þrír
menn, Kristján Ríkharðsson, vél-
stjóri, Vigfús Elvan Friðriksson,
stýrimaður, og Kristinn Kristgeirs-
son, kokkur. Sóknarpresturinn, sr.
Friðrik J. Hjartar, var kallaður um
borð til að blessa skip og skipshöfn,
en bátnum var vel fagnað og fjöldi
manns sem skoðaði hann við kom-
una til Ólafsvíkur. Annar bátur
sömu tegundar er væntanlegur til
Ólafsvíkur síðar á árinu.
Morgunblaðið/Snorri Snorrason
SVANBORG á siglingu. Annar bátur sömu tegundar er væntanlegur
til Ólafsvíkur síðar á árinu.
Neyslukönnun í Danmörku
Danir borða gamlan
físk með bestu lyst
DANIR borða gamlan fisk með
bestu lyst, svo framarlega sem fisk-
urinn hefur verið kældur og með-
höndlaður á réttan hátt og neytand-
inn hafi ekki hugmynd um aldur
hans. Þetta er niðurstaða rannsókn-
ar sem gerð var á um 500 Dönum.
Nokkrum þeirra var gefinn allt upp
í 12 daga gamall fiskur án þess að
þeir hefðu vitnesku um aldur aflans.
Niðurstaða rannsóknarinnar var því
sú að ef rétt er staðið að kælingu
fisksins um leið og hann er veiddur
skiptir það neytandann ekki máli þó
fiskurinn sé allt upp í tveggja vikna
gamall þegar hans er neytt.
I rannsókninni vora þátttakend-
um gefin bæði þorsk- og rauð-
sprettuflök sem fengið höfðu bestu
meðhöndlun. í þeim tilfellum sem
fiskurinn var merktur veiðidegi
settu þátttakendur fyrir sig ef langt
var um liðið frá því fiskurinn var
veiddur. Aðrir þátttakendur veltu
því hinsvegar ekki fyrir sér og átu
fiskinn með bestu lyst. Rannsóknin
er liður í átaki til að fá Dani til að
borða meira af fiski.