Morgunblaðið - 23.07.1999, Blaðsíða 4
4 FÖSTUDAGUR 23. JÚLÍ 1999
FRETTIR
MORGUNBLAÐIÐ
Reynir Ragnarsson, lögregluvarðstjóri á Vfk
Aðstandendur
Hellisbúans fjár-
festa í Skjá 1
Nýtt
sjónvarp
í haust
ÁRNI Þór Vigfússon og Krist-
ján Ragnar Kristjánsson, sem
stóðu fyrir uppfærslu leikrits-
ins Hellisbúans ásamt Bjama
Hauki Þórssyni, hafa ásamt
nokkrum öðrum fjárfestum
keypt 75% hlut í sjónvarpsstöð-
inni Skjá 1. Hólmgeir Baldurs-
son, stofnandi sjónvarpsstöðv-
arinnar, heldur eftir 25% hlut
og verður dagskrárstjóri. Ami
Þór tekur við starfi sjónvarps-
stjóra. „Við opnum nýtt sjón-
varp í haust,“ segir Árni Þór.
Árni Þór segir miklar breyt-
ingar í vændum. „Sjónvarps-
stöðin verður áfram endur-
gjaldslaus, það hefur verið
hennar aðalsmerki. Við mun-
um halda dagskránni að
nokkru leyti en líka bæta við
hana. Þá verður innlend dag-
skrárgerð aukin og ekki er
ólíklegt að fréttir bætist við,“
segir Ami Þór. Hann segir
ennfremur að ekki sé enn ljóst
hvers eðlis breytingar verði en
útsendingartími mun eitthvað
breytast.
Aðspurður segir Ami Þór að
fjárfestamir hafi keypt 50%
hlut Róberts Áma Hreiðars-
sonar lögmanns og 25% hlut af
Hólmgeiri Baldurssyni að auki.
Samningsaðilar em sammála
um að halda kaupverðinu
leyndu en fjöldi fjárfesta og
eignarhlutur á hvem er ekki
enn kominn í ljós. „Ásamt mér
og Kristjáni verða einn til þrír
fjárfestar í viðbót en ekkert er
hægt að fullyrða um það enn-
þá.“
Hafa einnig keypt
kaffihúsið Prikið
Að sögn Áma Þórs hafa þeir
Kristján ásamt Gísla Inga
Gunnarssyni og Eggerti S.
Birgissyni keypt kaffihúsið
Prikið á Laugavegi af Rydens-
kaffi. Gísli og Eggert ráku áð-
ur Kaffi Thomsen en hafa nú
selt þann rekstur og munu sjá
um reksturinn á Prikinu.
Árni Þór segir fastagesti
Priksins geta reitt sig á gamla
andrúmsloftið. „Við munum
stækka kaffihúsið töluvert og
tökum efri hæðina í notkun.
Upp úr miðjum ágúst opnum
við 120 manna kaffihús," segir
Ámi Þór. Afgreiðslutími kaffi-
hússins verður hefðbundinn og
matur boðinn frá morgni til
miðnættis.
NAFN Reynis Ragnarssonar, lög-
regluvarðstjóra í Vík í Mýrdal,
hefur oft borið á góma í frétta-
flutningi af umbrotunum í Mýr-
dalsjökli, en hann sá hinn ný-
myndaða sigketil í suðvestan-
verðum Mýrdalsjökli fyrstur
manna er hann flaug yfír jökul-
inn aðfaranótt síðastliðins sunnu-
dags. Varð hann líka fyrstur að
sjá sigketilinn sem myndaðist við
Gjálpargosið í Vatnajökli 1996.
Morgunblaðið náði tali af Reyni á
lögreglustöðinni í Vík síðastlið-
inn þriðjudag.
Reynir er mikill áhugamaður
um flug og hefur flogið sjálfur
frá árinu 1954. Flýgur hann nú
fjögurra sæta Aero Commander
100, en segist áður hafa átt Piper
Aztec. Kveðst hann oft fara í út-
sýnisflug yfír Mýrdalsjökul með
farþega, ekki síst ljósmyndara,
en segist hins vegar sjaldnar fara
á eigin vegum nema sérstakir at-
burðir eins og nýafstaðnar hrær-
ingar komi til. Þá fer hann eins
oft og kostur er.
Flýgur oft á dag yfír jökulinn
í umbrotahrinum
„Ég hef farið 7 ferðir yfír
jökulinn siðan umbrotin byrjuðu.
Þá fyrstu fór ég kl. 5 aðfaranótt
sunnudagsins og þá siðustu um
kl. 10 í gærmorgun."
Fátt nýtt var að sjá á jöklinum
í síðustu ferð Reynis yfir hann.
„Ástandið hafði Iítið breyst. Að-
eins var þó hægt að sjá meira sig
í nyrstu sigdældinni austan meg-
in í jöklinum. Alls eru þijár
dældir á því svæði. Þær eru ekki
nýjar, en það er fyrst núna sem
ég hef séð hringsprungur í
Fylgist
vel með
Mýr-
dalsjökli
úr lofti
kringum þær þannig að það er
sýnilegt að einhver hreyfing er í
þeim. Það eru fleiri svona sig-
dældir innar og norðar á jöklin-
um sem benda til þess að jarðhiti
sé undir honum, en þar er enga
hreyfingu að sjá og engar nýjar
sprungur.“
Reynir segir hinn nýja sigketil
í suðvestanverðum jöklinum hafa
verið tignarlega sjón. „Ég hef
alltaf gaman af því að fljúga
þarna yfír þegar svona er og er
eiginlega alveg friðlaus að kom-
ast í loftið þegar svona gott veð-
ur er. Það er enda allt annað að
sjá þetta úr lofti og nefna má að
ég flaug þarna yfir í gær með
Benedikt Bragason, sem selur
vélsleðaferðir á jökulinn. Hann
sagðist hafa haft mjög gaman af
að fá þetta sjónarhorn þar sem
það gæfí honum betri yfírsýn yfir
það svæði sem hann fer yfir.“
Nú virðist sem umbrotum í
Mýrdalsjökli sé lokið um sinn og
Reynir reiknar því með að flug-
ferðum hans þangað fari fækk-
andi í bili. „Meðan ekkert vex í
ánum læt ég mér líklegast duga
að fara einu sinni á sólarhring.
Það er þó oft sem smáhrina kem-
ur seinnipart sumars og að lok-
inni þeirri hrinu líður oft u.þ.b.
vika þar til önnur hrina kemur.
Það má því allt eins búast við ein-
hverri hreyfingu eftir nokkra
daga.“
Fylgist líka með jöklinum
í lögreglubúningi
Reynir fylgist ekki bara með
umbrotunum sem flugmaður
heldur einnig sem lögregluvarð-
stjóri. Segir hann lögregluna
vera hluta af því heildarviðbún-
aðarkerfi sem sett er í gang þeg-
ar hræringa verður vart. „Okkar
hlutverk er fyrst og fremst að
fylgjast með umferðinni þannig
að við vitum hveijir eru á ferð-
inni yfir Mýrdalssand og fleiri
staði. Það er ekki alltaf sem veg-
um er lokað, en við stöðvum þá
fólk og látum það vita af stöðu
mála og biðjum það um að fara
hikstalaust yfir sandinn án þess
að nema staðar og melda sig svo
hinum megin. Við skráum sem
sagt þá sem fara þarna inn og út
og vitum alltaf hveijir eru á
sandinum á hverjum tíma.“
Ekki verður Reynir var við að
íbúar Víkur fínni til hræðslu
vegna umbrotanna í jöklinum.
„Ég hef ekki orðið var við neitt
slíkt. Fólk hefúr vitaskuld and-
vara á sér og fylgist vel með, en
það er orðið svo vant þessum
vangaveltum um Kötlu og hefur
allt sínar áætlanir um hvert eigi
að fara og hvað eigi að gera fari
allt af stað.“
Morgunblaðið/Rax
REYNIR Ragnarsson við flugvél sína á flugvellinum í Vík. Hann sá hinn nýja sigketil á Mýrdalsjökli
fyrstur manna.
Einn með öllu!
Til sölu Land Cruiser Diesel, árgerð ‘99
Silfurgrár, sjálfskiptur, 33“ breyting, dráttarkúla, spoiler, toppgrindar-
bogar, geislaspilari, rafmagnsrúöur og -speglar, samlæsing, ekinn 18
þúsund km. Verð kr. 3.700.000. Bein sala eöa skipti á Toyota Avensis
koma til greina. Upplýsingar í sfma 896 4911 og 699 0859 alla helgina til
kl. 20.00 á kvöldin.
Neskirkja stendur
fyrir útimessu
HALDIN verður útimessa frá
Neskirkju næstkomandi sunnudag
ef veður leyfir, en vegna vinnu við
breytingar á kirkjunni og uppsetn-
ingu nýs orgels hefur hún verið
lokuð í sumar. Verður kirkjan opn-
uð á ný 19. september er hið nýja
orgel verður helgað.
Að sögn séra Halldórs Reynis-
sonar, prests í Neskirkju, er meg-
intilgangurinn með því að halda
útimessu sá að viðra andann, en
helgihald hefur í sumar farið fram
í safnaðarheimili kirkjunnar. Verð-
ur messan á sunnudaginn haldin á
Ægisíðu á hefðbundnum messu-
tíma, kl. 11. Séra Halldór tekur þó
fram að messuhaldið þar sé háð
því að veður leyfi það.
Undanfarna mánuði hefur verið
unnið við breytingar á Neskirkju
og nú er verið að setja þar upp og
fínstilla nýtt orgel. Er það fram-
ieitt í Bandaríkjunum í smiðju
Fritz Noack, þýskættaðs org-
elsmiðs. Þaðan kemur einnig nýtt
orgel Langholtskirkju og verða
bæði orgelin helguð sama dag, þ.e.
19. september í haust. Segir Hall-
dór orgelin vera 34 radda og mun
kostnaður við þau hlaupa á tugum
milljóna. Smíðavinnu við þau lauk í
vor í Bandaríkjunum, en þá voru
þau tekin niður aftur og send hing-
að til lands.
Því má að lokum bæta við að
séra Halldór mun á næstunni
halda í ársleyfí og segist hann
munu eyða því í nám og störf bæði
innanlands og utan. Mun séra Örn
Bárður Jónsson leysa séra Halldór
af.
WfrJíiíi&tjEíUIAÉÆ
Tólf bana-
slys á fyrri
helming'i
ársins
TÓLF banaslys hafa orðið í
umferðinni á árinu sem nú er
rúmlega hálfnað. Jafngildir
það nærri tveimur banaslys-
um á mánuði. Samkvæmt
upplýsingum frá Umferðar-
ráði höfðu orðið fimmtán
banaslys á fyrri helmingi síð-
asta árs, en alls létust 27
manns í umferðinni í fyrra,
sem er óvenju há tíðni
banaslysa. Þarf að leita aftur
til ársins 1991 til að finna
jafnháa tíðni.
Flest banaslysin, sem orðið
hafa á liðnum árum, hafa orð-
ið í bifreiðaslysum, en
banaslys þar sem ekið hefur
verið á gangandi vegfarendur
eru næstalgengust.
Ökumenn bifhjóla eru þriðji
algengasti vegfarendahópur-
inn sem látið hafa lífíð í um-
ferðarslysum en á síðastliðn-
um tíu árum hafa alls fjórtán
manns látist í bifhjólaslysum,
þar af ellefu ökumenn og þrír
farþegar. Þá hafa fjórir reið-
hjólamenn látið lífið á sama
tímabili.
Handtekinn
fyrir þjófnað
LÖGREGLAN í Hafnarfirði
handtók mann á fertugsaldri
seinnipartinn í gær fyrir
þjófnað í Ostahúsinu við
Strandgötu. Hafði maðurinn
stolið nokkur þúsund krónum
úr sjóðvél búðarinnar og stal í
leiðinni osti og ostahnífi og
hljópst á brott. Lögreglan
náði-honum um 20 mínútum
síðar og fann á honum þýfið
auk smávægilegs magns af
ætluðu amfetamíni og hassi.
Maðurinn var yfirheyrður á
lögreglustöð vegna málsins og
var sleppt að ioknum yfir-
heyrslum.
Lögreglan stöðvaði enn-
fremur fór eins réttindalauss
ökumanns sem var ölvaður
undir stýri í þokkabót í um-
ferðinni í Hafnarfirði í gær.
Meðal annarra verkefna
sem komu við sögu lögregl-
unnar í Hafnarfirði í gær var
harður árekstur og bílvelta
við Engidal skömmu fyrir
klukkan 18, en engin slys á
fólki hlutust af þrátt fyrir
eignatjón.
Þá voru fjölmargir bifreiða-
eigendur í Hafnarfirði á
óskoðuðum bifreiðum boðaðir
í lögboðna skoðun.
Jarðskjálftar
undir
Mýrdalsjökli
JARÐSKJÁLFTI, sem átti
upptök undir Mýrdalsjökli,
varð skömmu fyrir ldukkan
níu í gærmorgun sem mældist
2,8 stig á Richter-kvarða. Um
svipað leyti varð jarðskjálfti
undir Eyjafjallajökli sem
mældist 1,8 stig, samkvæmt
upplýsingum frá Veðurstofu
íslands. I kjölfarið fylgdi
fjöldi smáskjálfta undir Mýr-
dalsjökli.