Morgunblaðið - 23.07.1999, Blaðsíða 51
MORGUNBLAÐIÐ
FÖSTUDAGUR 23. JÚLÍ 1999 51
BRÉF TIL BLAÐSINS
Pönnukökur, peysuföt
og Kjarnaskógarhátíð
Frá Kjarnaskógi.
Frá Sigríði Guðmarsdóttur:
UNDANFARIN fjögur ár hef ég
borðað mikið af pönnukökum. Eg
hef setið margar dagsstundir í húsi
einu á Hraíhagili með öðru fólki og
við höfum skipulagt hátíðarhöld í
tOefni 1000 ára kristni í Eyjafirði.
Og borðað pönnukökur með rjóma.
Raunar hefur nefndin verið til
miklu lengur, því að ellefu ár eni
síðan kristnitökunefnd var sett á
laggimar í Eyjafjarðarprófastdæmi
og í jafnlangan tíma hefur aurum
verið safnað til að halda hátíð.
Nú er komið að því að fara í há-
tíðarskapið. Kristnihátíð var form-
lega sett á Akureyri fyrir réttum
þremur mánuðum og hátíðarbylgja
fer nú um allar sveitir landsins.
Sumir fagna í ár, aðrir næsta ár og
loks verður þjóðfagnaður á Þing-
völlum. Hátíðarhöldum í Eyja-
fjarðarprófastdæmi var tvískipt.
Annars vegar unnu Kirkjulistavika
í Akureyrarkirkju og kristnitöku-
nefndin í Eyjafjarðarprófastdæmi
sameiginlega að vikudagskrá. Nú
höfum við tekið upp þráðinn að
nýju í kristnitökunefndinni og
hyggjumst halda hátíð fyrir alla
fjölskylduna í Kjarnaskógi næsta
sunnudag, 25. júlí.
Um morguninn verður lítið bæn-
arjóður vígt efst í skóginum. Séra
Bolli Gústavsson, vígslubiskup í
Hólastiftij mun vígja bænarjóðrið
en forseti Alþingis, Halldór Blöndal,
flytur ávarp. Skógræktarfélag
Eyjafjarðar hefur útbúið h'tinn og
fallegan lund umhverfis bjarg eitt
sem gengur undir nafninu Kirkju-
steinn. A steininum er lítil sylla,
eins og altari sem náttúran hefur
sjálf höggvið út. Blágrýtishella var
felld inn í steininn með ritningar-
versi úr 2. Samúelsbók 22. kafla:
„Guð minn er hellubjarg mitt, þar
sem ég leita hælis.“ Margir eiga leið
um Kjarnaskóg, sumir koma í fjöl-
skylduferðir þangað, aðrir leita sér
huggunar í fegurð náttúrunnar. Það
er von okkar sem að bænarjóðrinu
standa að þessi litli helgidómur geti
borið Guði vitni og orðið einhverjum
athvarf og trúarlind á erfiðum
stundum.
I Kjarnaskógi verður frumflutt
nýtt útileikrit eftir Böðvar Guð-
mundsson sem samið var sérstak-
lega af þessu tilefni. Leikfélagið
Sýnir flytur verkið og heldur síðan í
leikfór um landið. Á fjölskylduhátíð-
inni verður líka útiguðsþjónusta
með léttum sálmum við undirleik
rafsveitar og lúðrasveitar. Þar
verða tónleikar, þar sem m.a.
Tjarnarkvartettinn kemur fram.
Einnig mun danshljómsveit koma
fram og rokk-prófasturinn Hannes
Öm tekur nokkur lög með fríðu
föruneyti. Þess má einnig geta að
prófasturinn leikur rullu í leikritinu,
þannig að menn eru vel nýttir. Rat-
leikur verður í skóginum með
spurningum um kristnisögu og öðr-
um laufléttum fróðleiksmolum,
brúðuleikhús og margt fleira skýtur
upp kollinum. Hátíðin berst vítt og
breitt um skóginn og teppi til að
sitja á er ómissandi þáttur af útbún-
aði hvers hátíðargests. Við ætlum
ekki að halda margar ræður, heldur
að leika okkur og þakka Guði fyrir
þúsund ár. Og það er mikilvægt að
hugsa til þess að 1000 ára samfylgd
kristni og þjóðar er ekki aðeins há-
tíð þjóðkirkjunnar eða prestanna.
Við höldum upp á kristniafmæli, há-
tíð allra þeirra sem hafa lært að
meta og treysta nafni Jesú Krists,
eða langar til að kynnast honum.
Hvers vegna heldur maður há-
tíð? Hvers vegna að borða allar
þessar pönnukökur og brjóta svona
mikið heilann? Hvers vegna hafa
svo margir lagt okkur lið, hjálpað
til við það að hátíðin yrði sem best
og skemmtilegust? Hvers vegna
leggja svo margir mikið á sig? Eg á
mynd uppi á vegg af nokkrum for-
mæðrum mínum sem voru fátækar
konur í peysufötum. Þær létu
mynda sig í sínu fínasta pússi, þótt
það kostaði heilmikið. Það gerðu
þær vegna þess að þær vildu eiga
spariminningu. Það var þeim tákn
um reisn, góða tíma, minningu til
að taka með sér inn í óvissa fram-
tíð. Við eigum öll slík spariaugna-
blik, minningarleiftur frá jólum, af-
mælum og hátíðum, sem voru
öðruvísi en hversdagurinn og vega
þyngra í minningaferðatöskunni.
Okkur í kristnitökunefndinni lang-
ar til að hátíðin verði slíkt spari-
augnablik. Við viljum að hún verði
stund sem við getum fagnað og
glaðst yfir saman, minnst hins
góða og þakkað handleiðslu á erfið-
um stundum í sögu þjóðar og ein-
staklinga. Og við bjóðum öllum
sem eiga heimangengt og langar að
vera með okkur þennan dag í
Kjarnaskógi að koma. Með teppi.
Það hafa margir lagt hönd á
plóg. Mig langar til að nota þetta
tækifæri og þakka öllum þeim sem
hafa hjálpað til við að gera kristni-
tökuafmælið í Eyjafirði eftirminni-
legt, hátíðlegt og skemmtilegt, ein-
staklinga, stofnanir og fyrirtæki.
Sérstaklega vil ég geta Akureyrar-
bæjar sem hefur stutt okkur með
miklum myndarskap.
Kristin þjóð, til hamingju með af-
mælið. Vertu velkomin í Kjarna-
skóg!
SIGRÍÐUR GUÐMARSDÓTTIR,
formaður kristnitökunefndar
Eyjafjarðarprófastdæmis.
Kringlunni
588 8090
„Geta bara étið
það sem úti frýs“
Frá Þórunni Ragnarsdóttur:
ÉG RAK upp stór augu þegar ég
flétti forsíðu íþróttablaðsins í Morg-
unblaðinu laugardaginn 17. júlí
1999, það gat ekki verið að ég væri
vöknuð. „Geta bara étið það sem úti
frýs „ var fyrirsögnin á viðtali sem
Björn Ingi Hrafnsson tók við
Bjarna Jóhannsson, þjálfara ÍBV,
þar er Bjarni að tala tÚ þeirra sem
gagnrýna leikskipulag liðsins. Ég
varð hálfill að sjá hvemig þjálfari
liðsins míns talaði til okkar stuðn-
ingsmanna sinna. Ég hreinlega veit
ekki hvað þessir menn halda að þeir
séu orðnir. Ef að ég sem stuðnings-
maður má ekki orðið gagnrýna leik
eða leikskipulag minna manna og
hafa mína skoðun held ég að það sé
best fyrir alla unnendur þessa leiks
að finna sér annað áhugamál, þetta
er jú hluti af „programmet".
IBV er það lið sem hefur nú síð-
ustu ár getað státað sig af frábæmm
stuðningsmönnum, sem hafa getað
gert nánast hvaða knattspymuvöll
sem er að sínum heimavelli. Ein-
hvem tímann hefði verið talið að sá
árangur sem ÍBV hefur náð væri
ekki hægt að ná nema með hjálp
stuðningsmanna, en nú er greinilega
komið annað hljóð í strokkinn. Þess-
ir menn sem stjóma liðinu verða að
gera sér grein fyrir því að það er
mikil hjálp í því að hafa góða stuðn-
ingsmenn og það þarf ekki mikið að
hafa fyrir því að halda stuðnings-
mönnunum en ég er ekki viss um að
þeir líði svona framkomu.
Ég hef alltaf haft stórt ÍBV-
hjarta en nú eru tilfinningamar í
garð liðsins orðnar blendnai-. Þetta
hefur alltaf verið gaman en nú er
gamanið búið. Er ekki nokkur mað-
ur að þessu lengur af því að hann
hefur gaman að þessu, er þetta allt
gert einungis fyrir aurana? Mér
finnst mjög mikilvægt að stjórnar-
menn og þjálfari ÍBV-liðsins fari
núna að hugsa sinn gang áður en
þeir mála sig algjörlega út í hom.
Ef þjálfarinn getur ekki tekið
gagnrýni held ég að hann sé ekki á
réttri hillu í lífinu, hann ætti að leita
sér að nýrri vinnu.
Með íþróttakveðju,
ÞÓRUNN RAGNARSDÓTTIR,
Sörlaskjóli 5, Reykjavík.
U|JÍÖ 5 I rivM.|n« iKhjmmi
-5°C
skóm qg |CI a\
fra rttA Odidas
6.900
^ töppurinn/ v Uíívíit
n