Morgunblaðið - 27.07.1999, Blaðsíða 18

18 ÞRIÐJUDAGUR 27. JÚLÍ 1999
MORGUNBLAÐIÐ
LANDIÐ
GAMLI bærinn á Grænavatni.
Girt
fyrir
kýrnar
Húsavík - „Manstu þegar þú
myndaðir mig fyrir sjö árum, þá
var ég að reka kýrnar, svo
myndaðir þú mig seinna þegar
ég var farinn að moka flórinn,
nú er ég orðinn 13 ára og er að
girða með rafmagnsgirðingu
Bjarnhött, hólinn fyrir norðvest-
an fjósið. Þar verða kýrnar á
nóttunni en Óskar bróðir rekur
þær eftir mjaltir að morgni í
sömu hagana og ég gerði áður,“
sagði Jói á Reynisstað í Skaga-
firði, þegar fréttaritara bar að
garði. Morgunblaðið hefur birt
myndir af þessum duglega strák
áður og verður engin undan-
tekning þar á.
Gamli bærinn á Grænavatni
Laxamýri - Víða í sveitum landsins
eru og hafa verið gömul falleg hús
sem eru þess virði að halda við, en
mörg bæjarhús hafa verið rifin á
undanförnum árum og áratugum.
Eitt húsanna sem enn stendur
er gamli bærinn á Grænavatni.
Hann var byggður í byrjun aldar-
innar og í honum var búið fram
undir 1970.
Búið er að rífa fjós og baðstofur
sem voru bak við húsið en eftir
stendur frambærinn með tveimur
stórum íbúðum. Þarna bjuggu og
dvöldu um 30 manneskjur þegar
mest var og oft var þröng á þingi.
Innviðir hússins eru ótrúlega lítið
fúnir en ljóst er að mikið fjár-
magn þarf til þess að endurgera
alla bygginguna.
Bærinn er nú notaður sem
geymsla en mikill sjónarsviptir
væri að þessu mikla húsi, yrði
það rifið.
HLAÐA frá 1851 sem enn stendur á hlaðinu á Grænavatni.
Morgunblaðið/Atli Vigfússon
Morgunblaðið/Silli
Litlir bílar - Stórir bílar - Ódyrir bílar - Dýrir bílar
Veró frá 40.000.- til 4.000.000.- • Lánamöguleigar til allt aó 5 ára • Tökum notaða bíla upp í notaóa
ÞÚ KEMUR 0G SEMUR!
Opiö virka daga kl. 9 - 18 og laugardaga kl. 12 - 17
BÍLAKÚSIÐ
(í húsi Ingvars Helgasonar og Bílheima) Sævarhöfða 2-112 Reykjavík
Símar: 525 8096 - 525 8020 • Símbréf 587 7605