Morgunblaðið - 27.07.1999, Blaðsíða 20

20 ÞRIÐJUDAGUR 27. JÚLÍ 1999
MORGUNBLAÐIÐ
VIÐSKIPTI
Viðskipti með hlutabréf í Skagstrendingi hf. fyrir rúmar 823 milljónir króna
Samherji kaupir 37%
í Skagstrendingi
SAMHERJI hf. á Akureyri hefur keypt 37%
hlut í útgerðarfélaginu Skagstrendingi hf. á
Skagaströnd. Stærstur hluti bréfanna var
keyptur af Kaupþingi. í samtali við Morgun-
blaðið sagði Þorsteinn Már Baldvinsson, for-
stjóri Samherja hf., að Kaupþing Norðurlands
hefði einnig komið að viðskiptunum.
Síldarvinnslan í Neskaupstað hefur selt
Kaupþingi 25,6% hlut sinn í Skagstrendingi hf.
að nafnvirði 80.373.000 krónur og á nú engin
hlutabréf í félaginu.
Að sögn Þorsteins Más og Sigurðar Einars-
sonar, forstjóra Kaupþings, er kaupverð hlutar-
ins ekki gefíð upp en samkvæmt tilkynningu
um skráð utanþingsviðskipti fóru fram viðskipti
með 80.373.000 krónur á genginu 8 eða fyrir
tæpar 643 milljónir hinn 23. júlí í Skagstrend-
ingi. Alls voru tilkynnt utanþingsviðskipti með
bréf í Skagstrendingi hf. fyrir kr. 103.662.008
að nafnvirði, á meðalgenginu 7,95 sem samsvar-
ar að markaðsvirði 823.375.833 krónum, sam-
kvæmt hálffimm fréttum Búnaðarbanka Is-
lands í gær.
Sameining ekki fyrirhuguð
Þorsteinn Már segir viðskiptin ekki hafa átt
sér langan aðdraganda, en gengið var frá kaup-
unum í gær. Þorsteinn Már segir næsta mál á
dagskrá að hitta aðra hluthafa, þ.e. forsvars-
menn Höfðahrepps sem er næststærsti hluthaf-
inn í Skagstrendingi hf.
Þorsteinn Már segir sameiningu Skagstrend-
ings og Samherja ekki fyrirhugaða. „En það
verður að koma í ljós hvort um samvinnu verð-
ur að ræða, sem ég tel vel koma til greina. Við
þekkjum þetta fyrirtæki þokkalega vel og það
eru engar sérstakar breytingar sem við ætlum
að beita okkur fyrir. Við teljum þetta ágætlega
rekið fyrirtæki og Samherji og Skagstrending-
ur ættu að geta unnið saman á einhverjum svið-
um. Til dæmis eru bæði fyrirtækin umsvifamik-
il í rækjuvinnslu og við gætum miðlað hráefni á
milli okkar,“ segir Þorsteinn Már.
Aðspurður um breytingar á stjóm fyrirtæk-
isins segir Þorsteinn ekkert farið að huga að
því. „Að sjálfsögðu reiknum við með að hafa
einhver áhrif í stjórn. Við þekkjum ekki innviði
fyrirtækisins en það er mál sem skoðað verður í
framhaldi af þessu. Við munum ekki reyna að
hafa áhrif á hvort sami framkvæmdastjóri sitji
áfram,“ segir Þorsteinn Már.
Mikil viðskipti með hlutabréf í
Samherja í gær
Viðskipti með hlutabréf í Samherja hf. í gær
námu alls 107 milljónum króna í 46 viðskiptum
á Verðbréfaþingi íslands. í lok dagsins voru
hlutabréf í fyrirtækinu skráð á genginu 10,57
og er það 1,8% hækkun frá síðasta viðskipta-
degi.
Þorsteinn Már telur að kaup fyrirtækisins á
hlutabréfum í Skagstrendingi styrki Samherja
hf. „Þetta ætti að gera hlutabréf í Samherja hf.
að áhugaverðari fjárfestingarkosti en hvort
gengið komi til með að hækka áfram skal ég
ekki segja. Ég vona að það geti ríkt ákveðin ró í
kringum þetta mál,“ segir Þorsteinn Már.
Síldarvinnslan gat ekki hafnað
tilboði Kaupþings hf.
Björgólfur Jóhannsson, forstjóri Síldarvinnsl-
unnar hf. í Neskaupstað, segir aðalástæðu þess
að Síldarvinnslan hf. selur hlutabréf sín í Skag-
strendingi nú, að tilboði Kaupþings hafi ekki
verið hægt að hafna.
Ekkert varð af samstarfi Sfldarvinnslunnar
og Skagstrendings
„Onnur ástæða fyrir því að við seljum hluta-
bréf okkar í Skagstrendingi er sú að markmið
Síldarvinnslunnar með kaupum á hlutabréfum í
Skagstrendingi fyrir rúmu ári, var að freista
þess að ná samvinnu eða sameiningu við Skag-
strending. Veruleg vinna hefur farið fram í því
sambandi og sú niðurstaða fékkst í upphafi síð-
ustu viku að af sameiningu yrði ekki af hálfu
Skagstrendings og við vildum standa við gefin
loforð um það að ekki yrði þrýst á sameingu frá
okkar hendi,“ segir Björgólfur.
„Ég tel að sala okkar á bréfunum hafi verið
hið besta mál fyrir hluthafa í Síldarvinnslunni.
Þetta þýðir það að við eigum peninga í stað
hlutabréfa og getum eflt félagið. Hvort það
verður með fjárfestingum eða með því að lækka
skuldir höfum við ekki ákveðið," segir Björgólf-
ur.
Skagstrendingar ánægðir með
eignaraðild Samheija
Jóel Kristjánsson, framkvæmdastjóri Skag-
strendings hf., segir kaup Samherja á 37% hlut
í fyrirtækinu hafa mikla þýðingu. „Við sjáum
ýmsa samstarfsmöguleika við Samherja þar
sem fyrirtækin eru í svipuðum rekstri," segir
Jóel. „Tíminn verður að leiða það í ljós hvort
um miklar breytingar verður að ræða. Ég býð
nýja hluthafa velkomna og kvíði ekki breyting-
um.“
Versn-
andi af-
koma hjá
Ericsson
HAGNAÐUR sænska fjar-
skiptarisans Ericsson minnk-
aði um næstum helming á fyrri
hluta þessa árs frá sama tíma-
bili í fyrra, að því er fram kem-
ur á vefsíðu sænska blaðsins
Dagens Industri. í milliupp-
gjöri kemur fram að hagnaður
á fyrstu sex mánuðum ársins
nam 4,26 milljörðum sænskra
króna, sem samsvarar um 37,5
milljörðun íslenskra króna.
Munurinn milli ára er 44%.
Astæður fyrir lakari rekstr-
arniðurstöðu á þessu ári en því
síðasta eru einkum vandamál
er snúa að farsímum fyrirtæk-
isins. Bæði hafa komið upp
tæknileg vandamál í sambandi
við nýjar gerðir farsíma og
einnig vandamál við fram-
leiðslu þeirra. Afleiðingin hefur
orðið sú að Ericsson hefur orð-
ið undir í samkeppni við höfuð-
keppinaut sinn, Nokia, á mark-
aði fyrir farsíma í Kína sem er
einn mikilvægasti markaður
fyrir farsíma í heiminum.
Hins vegar jókst velta fyrir-
tækisins um 12% á fyrri helm-
ingi ársins frá í fyrra og veldur
því aukin sala á ýmsum fjar-
skiptabúnaði tengdum farsím-
um. Velta Ericsson á fyrri
hluta þessa árs var 92,4 millj-
arðar sænskra króna.
Þrátt fyrir minnkandi hagn-
að hækkuðu hlutabréf í Erics-
son í verði um tæplega 9% á
föstudag og aftur um meira en
4% í gær.
Hagnaður Guðmundar Runólfssonar nam 103,4 milljónum
króna fyrstu 6 mánuði ársins
38,7 milljóna hagnaður
af reglulegri starfsemi
Guðmundur Runólfsson hf.
Árshlutareikningur 1. jan.-30. júní 1999
Rekstrarreikningur 1999 1998 I
Rekstrartekjur Milljónir króna 332,1 257,3 I
Rekstrargjöld 256,7 213,5
Rekstrarhagnaður fyrir afskriftir 75,4 43,8
Afskriftir 26,9 27,0
Rekstrarhagnaður 48,5 16,8
Fjármagnsliðir (9,8) (5,1)
Tekiu- oq eiqnaskattur 0.4 0.4
Hagnaður af reglulegri starfsemi 38,3 12,1
Aðrar tekjur og gjöld 65,1 0,0
Hagnaður tímabilsins 103,4 12,1
Efnahagsreikningur 30. júní 1999 1998
Lffgfyyj
Fastafjármunir Milljónir króna 819,1 712,2
Veltufjármunir 227,8 246,5
Eignir samtals 1.046,8 958,7
| Skuldlr og eigið té: |
Langtímaskuldir 571,5 595,4
Skammtímaskuldir 96,7 88,3
Skuldir alls 668,1 683,7
Eigið fé 378.7 275.1
Skuldir og eigið fé samtals 1.046,8 958,7
Kennitölur og sjóðstreymi 1999 1998
Veltufé frá rekstri Milljónir króna 60,1 17,8
Veltufjárhlutfall 2,36 2,79
Eiginfjárhlutfall 36,18% 28,69%
Arðsemi eigin fjár 4,30 3,12
Helena Hilmarsdóttir, forstöðumaður
aðildar- og skráningarsviðs VPÍ
Hátt hlutfall ut-
anþingsviðskipta
áhyggjuefni
SJÁVARÚTVEGSFYRIRTÆKIÐ
Guðmundur Runólfsson hf. í
Grundarfirði skilaði 103,4 mOljóna
króna hagnaði á fyrstu sex mánuð-
um þessa árs. Til samanburðar var
12 milljóna króna hagnaður á sama
tímabili í fyrra og hagnaður alls síð-
asta árs var um 40 milljónir króna.
Stór hluti hagnaðarins nú fellur
undir óreglulega liði, sem námu
65,2 milljónum króna. Þar er um að
ræða niðurstöðu úr kaupum og sölu
varanlegra aflaheimilda á tímabil-
inu. Hagnaður af reglulegri starf-
semi fyrirtækisins fyrir skatta var
38,7 milljónir króna miðað við 11,6
milljónir í fyrra.
Að sögn Guðmundar Smára Guð-
mundssonar, framkvæmdastjóra
Guðmundar Runólfssonar hf., sýnir
uppgjörið að reksturinn sé almennt
betri en reiknað hafði verið með.
„Veiðar og vinnsla ganga mjög
vel og allir þættir eru í góðu lagi
hjá okkur. Við erum mjög ánægðir
með fyrri hluta ársins og höfum þar
af leiðandi væntingar um að síðari
hluti ársins verði sambærilegur. Ef
við náum því erum við í mjög góð-
um rekstri", segir Guðmundur.
Ekkert sem kemur á óvart
Ragnar Gunnarsson, verðbréfa-
miðlari hjá Bumham International,
segir að fljótt á litið komi ekkert í
uppgjörinu sérlega á óvart. Það
sýni að fyrirtækinu sé vel stjórnað
og hann telur að vænta megi jafn-
vel enn betri afkomu á seinni hluta
ársins.
„Forsvarsmenn fyrirtækisins
sögðu reksturinn hafa gengið vel.
Það er með sjávarútvegsfyrirtæki
eins og hverja aðra verksmiðju. Því
meira sem fæst inn, því meira fæst
upp í fasta kostnaðinn. Það verður
meiri framlegð, sem eykur hag
hluthafa," segir Ragnar.
í UMFJÖLLUN um ársfjórðungs-
skýrslu Landsbankans í Morgun-
blaðinu á laugardag kom fram að
Landsbankinn teldi það áhyggju-
efni hversu stór hluti, eða um 74%,
viðskipta með fyrirtæki sem skráð
eru á Verðbréfaþingi íslands, færi
fram utan þingsins.
Helena Hilmarsdóttir, forstöðu-
maður aðildar- og skráningarsviðs
Verðbréfaþings íslands, segist
geta tekið undir þetta með Lands-
bankanum.
„Þetta er áhyggjuefni því að
þessi viðskipti eru ekki grundvöll-
ur verðmyndunar á sama hátt og
viðskipti á þinginu. Þegar viðskipti
eiga sér stað á þinginu setja menn
fram sölutilboð og kauptilboð. Þeir
skiptast á skoðunum í gegnum
þingið. Þegar viðskipti eiga sér
hins vegar stað utan þings semja
menn um gengi sín á milli. Enginn
sér það raunverulega gerast, ekki á
samningsstiginu. Síðan eru við-
skiptin reyndar tilkynnt inn og
skráð sem utanþingsviðskipti.
Þannig fær markaðurinn upplýs-
ingar um viðskiptin og verðið,"
segir Helena.
Gerist oft í kjölfar útboða
„Utanþingsviðskipti á síðasta
ársfjórðungi geta að sumu leyti
skýrst af því að margir mjög litlir
eignarhlutar skipti um hendur, til
dæmis í kjölfar útboða. Þau við-
skipti fara nær undantekningar-
laust fram utan þings vegna þess
að lágmarksviðskipti á þinginu eru
með 130.000 krónur á markaðs-
verði. Allt sem er undir því taka
verðbréfafyrirtækin inn til sín og
það eru þá utanþingsviðskipti. Eðli
málsins samkvæmt þurfa allar
svona litlar tölur að vera í utan-
þingsviðskiptum. Þannig að við sjá-
um þetta oft gerast þegar eru stór
útboð, eins og hjá bönkunum og
Baugi.
Stórum viðskiptum oft haldið
utan við viðskipti á þinginu
Helena segir að önnur af helstu
ástæðum þess að utanþingsvið-
skipti eru stunduð í svo miklum
mæli sé að mjög stórum viðskipt-
um sé oft haldið utan við viðskiptin
á þinginu.
„Ef einhver setur fram á þinginu
mjög stórt kauptilboð í einhver
ákveðin bréf þá nær hann ekki að
kaupa þau bréf nema að fikra sig
áfram eftir hækkandi sölutilboðum
á móti. Utan þings semja menn um
gengið beint, hvort sem þeir miða
við verðið á þinginu eða hvað. Þá
valda þessi miklu viðskipti sem þeir
hyggjast eiga, ekki neinum verð-
breytingum á þinginu. Færu þeir
inn með stórt tilboð væru þeh'
kannski að hækka verðið eða lækka
það meira heldur en þeir kæra sig
um,“ segir Helena að lokum.