Morgunblaðið - 12.08.1999, Page 24

24 FIMMTUDAGUR 12. ÁGÚST 1999
MORGUNBLAÐIÐ
Opið kl. 10-19 alla daga
Natthagi
Garðplöntustöð Ölfusi,
sími 483 4840.
Nýjar tegundir og sjaldgæfar t.d. væturifs,
stjörnutoppur, möndluvíðir, göngustafur fjandans,
kóreuklukkurunni, gullklukkurunni, arnarkvistill,
linditré, stafafura (ný kvæmi frá ströndum
Kyrrahafsins) og íslenskt ræktaður hlynur, almur,
eik, beykl og margar flelri tegundir.
Sjón er dögu ríkari!
Starfsnám fyrir
leiðsögumenn
ferðafólks
Almennt leiðsögunám.
Nemendur eru búnir undir að leiðsegja ferðafólki um
allt land. Lágmarksaldur er 21 ár.
Gönguleiðsaga.
Nemendur eru búnir undir að stjórna gönguferðum um
láglendi og lægri fjöll. Umsækjendur þurfa að kunna á
áttavita og vera vanir lengri gönguferðum þar sem
gengið er með vistir á bakinu. Leggja skal fram
reynslulista með umsókn. Lágmarksaldur er 22 ár.
* Umsækjendur skulu hafa stúdentspróf eða sam-
bærilega menntun.
* Umsækjendur skulu auk íslensku hafa gott vald á
a.m.k. einu erlendu tungumáli.
* Umsækjendur skrái sig í viðtal og inntökupróf eigi
síðar en 10. ágúst. Inntökupróf fara fram á því er-
lenda tungumáli sem umsækjandi velur.
* Heimilt er að takmarka fjölda nemenda ef umsóknir
verða fleiri en skólinn annar.
* Kennsla fer fram tvö kvöld í viku og flesta laugar-
daga frá september 1999 til maíloka 2000. Kennslan
er bæði bókleg og verkleg.
Endurmenntun fyrir leiðsögumenn sem þegar hafa
lokið almennu leiðsöguprófi frá Leiðsöguskóla íslands.
Námskeiðið felst í upprifjun og kynningu á nýjum upp-
lýsingum. Kennsla ferfram á haustönn 1999.
Innritun fer fram 4.-13. ágúst nk.
Umsóknareyðublöð liggja frammi á
skrifstofu skólans, Digranesvegi 51,
Kópavogi (inngangur er frá Hávegi).
Nánari upplýsingar veitir umsjónarmaður
ísíma 544 5520 frá tí. 10.00-12.00.
LeiðsögusKóli íslands
MENNTASKÓLANUM í KÓPAVOGI
Digranesvegi 51, Kópavogi.
sími 544 5520.
íþróttir á Netinu
<g)mbUs
ÚR VERINU
Samþykkt um skipan stjórnar Skagstrendings hf. endurskoðuð
Stenst ekki reglur um
skráningu verðbréfa
ÁKVÆÐI samþykkta Skagstrend-
ings hf. á Skagaströnd þess efnis að
Höfðahreppur skuli eiga tvo menn í
stjóm félagsins stenst ekki reglur
um skráningu verðbréfa á Verð-
bréfaþingi Islands hf. Málið verður
tekið fyrir á stjómarfundi þingsins í
dag, en hluthafafundi Skagstrend-
ings, sem vera átti á morgun, var
frestað í gær.
I reglum um skráningu verðbréfa
á Verðbréfaþingi íslands, sem tóku
gildi 1. júlí sl., er m.a. gerð grein
fyrir skilyrðum fyrir skráningu
hlutabréfa. í 6. grein segir m.a.: „í
flokki hlutabréfa skulu allir hluthaf-
ar njóta sömu réttinda. Með flokki
hlutabréfa er átt við einsleit hluta-
bréf þar sem réttindi eigenda og
skilmálar hlutabréfa og samþykkta
em að öllu leyti hin sömu.“
Stefán Halldórsson, fram-
kvæmdastjóri Verðbréfaþings, seg-
ir að fyrmefnt ákvæði samþykkta
hafi samrýmst reglum þegar bréfin
vom skráð 1992 en geri það ekki
lengur því reglunum um skráningu
hefur verið breytt. „Bréf með þess-
ari tilhögun fengjust ekki skráð
nú,“ segir hann.
Að sögn Stefáns var ákveðið að
taka á málinu eftir að það varð að
ásteytingarsteini meðal stærstu
hluthafa fyrirtækisins og á fundi
sínum í dag fjallar stjóm Verð-
bréfaþings um hvemig taka skal á
máliriu. „Við emm þeirrar skoðunar
að það þurfi að taka á þessu til að
félagið uppfylli núgildandi skrán-
ingarkröfur, en stjómin fjallar um
með hvaða hætti það verður gert.“
Samherji óskaði eftir frestun
Eins og greint hefur verið frá
keypti Samherji hf. á Akureyri um
40% hlut í Skagstrendingi fyrir
skömmu. Höfðahreppur á um 21%
og Burðarás um 17%.
Stjórn skipa fimm manns og mið-
að við fyrmefnd ákvæði og eignar-
aðild liggur fyrir að Höfðahreppur
verður með tvo menn í stjóm, Sam-
herji tvo og Burðarás einn mann. I
liðinni viku var haft eftir Friðriki
Jóhannssyni, framkvæmdastjóra
Burðaráss, í Morgunblaðinu að fyr-
irtækið hefði aukið hlut sinn í Skag-
strendingi til að tryggja að það ætti
áfram stjómarmann. Auk þess væri
vilji fyrir því að Höfðahreppur ætti
ávallt tvo menn í stjóm. „Þegar við
keyptum hlut í Skagstrendingi
fyrst, var okkur fyllilega ljóst það
ákvæði í samþykktum félagsins að
Höfðahreppur skyldi hafa tvo full-
trúa í stjóm án tillits til eignarhluta.
Við virðum þessa afstöðu heima-
manna og viljum ekki standa að því
að breyta þessari samþykkt í and-
stöðu við þá.“
I gær óskaði Samherji eftir frest-
un á fyrmefndum hluthafafundi.
„Ég óskaði eftir frestun á þessum
hluthafafundi þar sem komið hefur í
Ijós að samþykktir Skagstrendings
standast ekki reglur Verðbréfa-
þings íslands," sagði Þorsteinn Már
Baldvinsson, framkvæmdastjóri
Samherja, við Morgunblaðið. „Þrátt
fyrir orð framkvæmdastjóra
Burðaráss í Morgunblaðinu um
daginn gef ég mér það að hluthafar
í Skagstrendingi sameinist um að
breyta samþykktum félagsins
þannig að þær uppfylli reglur Verð-
bréfaþings íslands."
Sameining ekki á dagskrá
Þegar Samherji keypti umrædd-
an hlut sagði Þorsteinn Már við
Morgunblaðið að sameining Skag-
strendings og Samherja væri ekki
fyrirhuguð og hann áréttaði það í
gær. „Það hefur komið skýrt fram
hjá Samherja og kom skýrt fram á
fundi Samherja með sveitarstjóm-
armönnum á Skagaströnd að Sam-
herji óskar ekki eftir því að fyrir-
tækin verði sameinuð í framtíðinni.
Engin slík áform eru uppi og engin
beiðni um það kemur frá Sam-
herja."
Óvissa um málefni skipverja Erlu og Odinicova
Kröfur frá Isfangi setja
strik í reikninginn
MIKIL óvissa ríkir um málefni
skipverja Erlu og Odinicova eftir
að kröfur frá ísfangi hf. á ísafirði
bárust í afla Erlu í vikunni. Genn-
edy Karmanov, skipstjóri á Odin-
icova, sendi framkvæmdastjóra ís-
fangs bréf í gær þar sem hann
óskaði eftir að fallið yrði frá kröfun-
um svo skipverjar gætu fengið laun
sín og farið heim. Óskað var eftir
svari samdægurs en framkvæmda-
stjóri Isfangs vildi ekki tjá sig um
viðbrögð fýrirtækisins.
Fyrr í vikunni var útlit fyrir að
áhafnir skipanna, sem Sæmundur
Árelíusson gerir út, gætu haldið
heim á leið eftir að Erla var kyrr-
sett í Kanada vegna óska þriggja
kröfuaðila. Til stóð að aflinn yrði
boðinn upp og hefði verðmætið
dugað fyrir launakröfum skipverja
skipanna og fargjaldi þeirra heim.
Samkvæmt heimildum Morgun-
blaðsins seldi Sæmundur óveiddan
afla Erlu fyrir síðustu veiðiferð tO
ísfangs og er krafa fyrirtækisins
byggð á þeirri sölu. Afli Erlu úr síð-
asta túr í flæmska hattinum var 130
tonn af rækju.
Að sögn Borgþórs Kjærnested,
fulltrúa Alþjóða flutningsverka-
mannasambandsins hjá Sjómanna-
félagi Reykjavíkur, myndi væntan-
legt verðmæti af uppboði aflans
duga til að greiða launakröfur
áhafna skipanna og fargjald heim á
leið. Borgþór segir að samkvæmt
kanadískum lögum hafi launakröf-
ur skipverja forgang fram yfir aðr-
ar kröfur sem berast í aflann og
bætir við að krafa ísfangs muni
koma til með að seinka því að sjó-
mennirnir komist heim. „Tíminn er
naumur fyrir skipverja Erlu. Þeir
hafa rafmagn og olíu á skipinu
þessa vikuna en inngrip ísfangs
kemur til með að seinka lendingu í
málinu um einhvern tíma. Skipverj-
ar á bátunum tveimur þurfa að
sætta sig við það hlutskipti að vera
strandaglópar á framandi stöðum
áfram. Það skiptir einnig máli að
skipið verður olíulaust á næstu dög-
um og missir aðgang að rafmagni
vegna þessarar tafar. Það þýðir að
aflinn mun liggja undir skemmdum
í lest skipsins og þá fær enginn eitt
né neitt greitt." Borgþór segir enn-
fremur að þótt aflinn yrði boðinn
upp myndi enginn bjóða í hann
vegna ótta við að fá kröfu frá ís-
fangi í bakið.
Skipstjórinn
þrýstir á ísfang
Gennedy Karmanov, skipstjóri á
Odinicova, sagði í samtali við Morg-
unblaðið að hann hefði orðið fyrir
miklum vonbrigðum með kröfu ís-
fangs og taldi að hún þýddi að enn
meiri töf yrði á því að mál hans og
skipshafnarinnar væru til lykta
leidd. Odinicova hefur legið í höfn
síðan í febrúar og hafa skipverjar
ekki fengið greidd laun í sex mán-
uði. Gennedy sendi bréf til Ólafs
Halldórssonar, framkvæmdastjóra
ísfangs, fyrir hönd áhafnar sinnar í
gær þar sem hann bað fyrirtækið
að falla frá kröfu í afla Erlu svo að
skipverjar gætu loksins fengið
greitt og farið heim. Skipstjórinn
krafðist þess að fá svar frá fyrir-
tækinu samdægurs. Ólafur Hall-
dórsson, framkvæmdastjóri ís-
fangs, vildi ekki tala við fjölmiðla
um málið og gaf ekkert upp um
hvort fyrirtækið léti af kröfum sfn-
um eða ekki.
Gennedy sagðist ekki vera von-
góður um að ísfang félli frá kröfum
í aflann og sagðist ekki skilja af
hverju fyrirtækið gerði ekki kröfu í
skipið í staðinn. í bréfinu sem
Gennedy skrifaði til ísfangs kemm-
fram að ef fyrirtækið fellur ekki frá
kröfunni þá munu skipverjar
þrýsta á að Erla missi skipaskrán-
ingu í Lettlandi, en skipið siglir
undir þarlendum hentifána, og að
skipverjar muni sjá til þess að afli
skipsins muni liggja undir
skemmdum.
Skiptar skoðanir
um réttmæti aðgerða
Ekki voru allir viðmælendur Morg-
unblaðsins á þeirri skoðun að bón
skipverja Odinicova á hendur ís-
fangi væri réttmæt. Töldu sumir að
ekki væri víst að lagalegar forsend-
ur væru fyrir þvi að skipverjar Od-
inicova gætu tengt baráttu sína við
mál skipverja Erlu. En Borgþór
Kjærnested segir að það sé fylli-
lega löglegt vegna þess að sama út-
gerð rekur bæði skipin.
Sumir viðmælendur bentu á að
þrátt fyrir ólán skipverja væri
krafa ísfangs réttmæt og ekki væri
hægt að draga þá ályktun að fyrir-
tækið væri með viljandi hætti að
reyna að koma í veg fyrir að skip-
verjar kæmust heim.
Börkur NK
enn ytra
BÖRKUR NK fór í vélaskipti
til Bretlands í mars og átti
framkvæmdum að vera lokið
í júní. Þær hafa dregist og er
nú miðað við 19. ágúst.
í Austurlimdi um liðna
helgi er haft eftir Freysteini
Bjarnasyni útgerðarstjóra
Síldarvinnslunnar í Neskaup-
stað að tafirnar séu óeðlileg-
ar og verið sé að íhuga mál-
sókn. Karl Jóhann Birgisson
sagði við Morgunblaðið að
verkið hefði tafist og því væri
þessi seinkun en mótmælti
því að sérstakar aðgerðir
vegna málsins væru fyrirhug-
aðar.