Morgunblaðið - 20.08.1999, Síða 10

10 FÖSTUDAGUR 20. ÁGÚST 1999
MORGUNBLAÐIÐ
FRÉTTIR
Orsakir elds-
voða í gas-
grilli ókunnar
RANNSÓKN stendur enn yfir á
því með hvaða hætti eldur kviknaði
í gasgrilli á svölum húss við Báru-
götu á miðvikudagskvöld. Að sögn
Sigurðar Pálssonar hjá OLÍS, sem
flutti umrætt grill inn og seldi, eru
algengustu orsakir eldsvoða af
völdum gasgrilla mistök þegar
slanga er skrúfuð á gaskútinn.
Hann segir bæði þurfa að gæta að
því að slangan sé nægilega þétt
skrúfuð á kútinn og að fullherða
ekki þannig að gengjur inni í
gaskútnum skemmist, nóg sé að
gera þetta með handafli.
Árni Oddur Þórðarson, eigandi
hússins við Bárugötu, telur að teng-
ingar við gasgrill sitt hafi verið
gallaðar. Hann metur það svo að
sér hafí ekki orðið á nein mistök við
samsetningu á gasgrillinu, hann
hafí farið varlega að öllu. Árni Odd-
ur segir varasamt að herða slöng-
una of fast á gaskútinn því hægt sé
að herða svo fast að slangan losni.
Morgunblaðið/Brynjar Gauti
Jónas Þór Guðmundsson
býður sig fram til formanns SUS
Sambandið haldi
hugmyndafræði-
legri forystu
JÓNAS Þór Guð-
mundsson lögmaður er
í framboði til embættis
formanns Sambands
ungra sjálfstæðis-
manna. Nýr formaður
verður kjörinn á þingi
SUS sem fram fer í
Vestmannaeyjum um
helgina.
I samtali við Morg-
unblaðið leggur Jónas
áherslu á mikilvægi
þess að Samband
ungra sjálfstæðis-
manna sé leiðandi afl
ungs fólks í þjóðmála-
umræðu á Islandi.
Hann kveðst hlynntur
kvótakerfinu sem hann telur þó
ekki gallalaust. Að mati Jónasar
geta nýting og verndun hálendisins
vel átt saman og hann aðhyllist
frelsi í viðskiptum með hlutafé
banka.
Vel sé búið að
aðildarfélögunum
Aðspurður hvaða áherslur hann
myndi leggja sem formaður Sam-
bands ungra sjálfstæðismanna
sagði Jónas:
„Mikilvægast er að SUS sé leið-
andi afl ungs fólks í þjóðmálaum-
ræðunni á íslandi. Sambandið
þarf að halda hugmyndafræðilegri
forystu og láta meira að sér kveða.
Stórefla þarf tengsl SUS við aðild-
arfélögin og efla samband þeirra á
miili. Veita þarf ungum sjálfstæð-
ismönnum um land allt þá aðstöðu
og þann stuðning sem til þarf til
að þeir geti rækt starf sitt og
komið baráttumálum sínum á
framfæri. Það er fyrst og fremst
hjá aðildarfélögunum sjálfum sem
nýliðun verður í Sambandi ungra
sjálfstæðismanna og því er afar
mikilvægt að vel sé að starfi
þeirra búið.“
Jónas var inntur eftir afstöðu
sinni til kvótakerfisins.
„Ljóst er að kvótakerfið hefur
valdið deilum meðal þjóðarinnar
og mikilvægt er að sátt náist. Ég
hef verið hlynntur því að tak-
marka sókn í auðlindina með kvót-
um. Aðrar aðferðir hafa ekki gef-
ist nógu vel. Hitt er ljóst að kerfið
er ekki gallalaust eins og það er
nú og skiptar skoðanir
eru um leiðir til úr-
bóta. Ég bind vonir
við störf auðlinda-
nefndar og nýjan sjáv-
arútvegsráðherra,
Árna Mathiesen, og að
þessum aðilum takist í
samvinnu við aðra að
setja fram tillögur
sem leiða málið far-
sællega til lykta.“
Jafnvægl milli
nýtingar og
verndunar
En hver er afstaða
frambjóðandans til
virkjunarmála á há-
lendinu?
„Það gefur augaleið að við ís-
lendingar verðum að nýta þær auð-
lindir sem hér er að finna. Þetta er
nauðsynlegt til að við getum lifað
sómasamlegu lífi í landinu. Hitt
skiptir ekki síður máli að gætilega
sé farið og að við umgöngumst
náttúruperlur af nærgætni og ber-
um virðingu fyrir landinu okkar.
Þarna þarf því að finna eitthvert
jafnvægi milli nýtingar og vernd-
unar vegna þess að þessi atriði
geta að mínu mati vel farið saman
sé rétt að málum staðið.“
Sölu ríkisbankanna
verði hraðað
Jónas var spurður um afstöðu
sína til einkavæðingar bankanna.
„Ríkið á auðvitað ekki að standa í
rekstri sem einkaaðilar eru fullfær-
ir um að sinna, enda hefur saga
bankanna sýnt okkur að ríkisrekst-
ur á þessu sviði hefur gefist mis-
jafnlega vel. Ég er þess vegna
hlynntur því að sölu ríldsbankanna
til almennings verði hraðað,“ sagði
frambjóðandinn.
Um dreifða eignaraðild að bönk-
um hafði Jónas þetta að segja:
„Almennt er ég fylgjandi frelsi á
þessu sviði sem öðrum. Sem fæst-
ar hömlur eiga að vera á viðskipt-
um með hlutafé í bönkum eins og
öðrum fyrirtækjum. Frelsi í við-
skiptum er eina leiðin til að stuðla
að aukinni hagræðingu og auknum
hagvexti. Ég held að reynslan hafi
kennt okkur að það fyrirkomulag
er farsælast til lengri tíma.“
Jónas Þór
Guðmundsson
Sigurður Kári Kristjánsson
er í framboði til formanns SUS
Hagkvæmnisrök
ráði í virkjunar-
málum hálendisins
SIGURÐUR Kári
Kristjánsson lögfræð-
ingur er annar tveggja
frambjóðenda til for-
manns Sambands
ungra _ sjálfstæðis-
manna. I samtali við
Morgunblaðið sagðist
hann vilja breyta ýmsu
í starfsemi SÚS, hann
sagðist vera hlynntur
kvótakerfinu og einka-
væðingu bankanna og
sagðist hallast að hag-
kvæmnisrökum í um-
ræðunni um virkjun há-
lendisins.
Aðspurður um hvað
hann myndi leggja
áherslu á sem formaður
SUS sagðist Sigurður Kári í grófum
dráttum vilja gera þrennt.
„í fyrsta lagi vil ég gera samband-
ið pólitískara en það er í dag. Ég vil
að það taki meiri þátt í þjóðmálaum-
ræðunni og teymi vagninn í umræð-
unni um þau mál sem ungir sjálf-
stæðismenn standa fyrir. í öðru lagi
vil ég virkja starfsemi aðildarfélaga
SUS um allt land. Það veitir ekki af,
því sumstaðar hefur reynst erfitt að
halda uppi starfseminni á stöðum
sem eru mannfáir. Þá lít ég svo á að
það sé skylda SUS, sem landssam-
bands, að hjálpa til þannig að starf-
semin í þessum félögum geti gengið.
Leiðin til þess er annars vegar að
sameina krafta þeirra félaga sem
starfa á sama svæði með því að halda
sameiginlega fundi og uppákomur.
Hins vegar myndi ég vilja að reglu-
lega, einu sinni til tvisvar á ári,
myndu forráðamenn allra aðildarfé-
iaganna hittast á helgarfundum og
fara yfir stöðuna og stilla saman
strengina. í þriðja lagi vil ég efla
tengslin við yngri kynslóðina, því ef
það eru ekki ungir sjálfstæðismenn
sem ná eyrum ungs fólks, sem eru að
koma út úr skólum og staðsetja sig í
pólitíkinni, þá gerir það enginn.“
Styð kvótakerfið heilshugar
Aðspurður um afstöðu sína til
kvótakerfisins sagðist Siguður Kári
vera hlynntur því.
• „Ég er þeirrar skoðunar að þetta
sé besta fiskveiðistjómunarkerfið
sem völ er á, a.m.k. enn sem komið
er, og við eigum að standa vörð um
það. Það er hins vegar ekki loku fyrir
það skotið að það megi breyta þessu
kerfi til betri vegar, t.d.
mætti kanna hvort gera
þyrfti einhverja breyt-
ingu á þeim framsals-
reglum á kvóta sem
gilda í sjávarútvegi. I
grunninn er ég hins
vegar mjög hlynntur
kvótakerfinu, því það
hefur ekki verið bent á
neinar leiðir sem myndu
skila þjóðinni meiri ár-
angri og arði en kvóta-
kerfið hefur gert og mun
gera og á meðan svo er
styð ég það heilshugar.
Það er ekki að ástæðu-
lausu að þjóðir víðsvegar
um heim eru að taka
upp okkar kerfí, annað-
hvort í óbreyttri eða lítið breyttri
mynd, til þess að reyna að ná ein-
hveijum arði út úr sjávarútvegnum.“
Varðandi hugmyndir um virkjanir
á hálendinu sagðist Sigurður Kári
vera þeirrar skoðunar að láta ætti
hagkvæmnisrökin ráða.
„Auðvitað verða menn að horfa til
tilfinningalegra sjónarmiða um
helstu þjóðgarða og staði sem eru
fjölsóttir af ferðamönnum, en ef þeir
hagsmunir sem eru í húfi með virkj-
un eru meiri en verndunarsjónar-
miðið aðhyllist ég frekai- virkjun. í
flestum tilvikum eru það s.s. hag-
kvæmnisrökin sem gilda hjá mér, en
ég væri hins vegar ekki tilbúinn til
þess að sjá álver rísa á Þingvöllum."
Vill einkavæða bankana
Aðspurður um afstöðu sína til
einkavæðingar bankanna sagðist
Sigurður Kári vera hlynntur henni.
„Ég styð einkavæðingu bankanna
heilshugar og vil sjá hana gerast eins
hratt og mögulegt er. Ég er þeirrar
skoðunar að á þeim sviðum þar sem
einstaklingar geta rekið fyrirtæki
betur eða jafnvel og ríkisvaldið eigi
þeir að fá tækifæri til þess og ríkið á
ekkert að vera að standa í slíkum
rekstri. Ef bankarnir eru í einkaeigu
er aðhald stjórnenda meira og bank-
arnir betur reknir.
Ég er hlynntur dreifðri eignarað-
ild en vil svo sem ekki að reglur eða
lög séu sett um það hvernig eignar-
aðildinni eigi að vera háttað. Eg er
þeirrar skoðunar að við eigum að
einkavæða bankana og þeir eigi að
eignast þá sem tilbúnir era til að
greiða hæsta verðið.“
Sigurður Kári
Krisljánsson
Stór
og lítill
HANN er stór og hrikalegnr
tröllkarlinn á Arnarstapa á Snæ-
fellsnesi. Sveinn Bjarki ákvað
samt að tylla sér við hliðina á
honum til að dást að útsýninu.
Sjóprófum
vegna
hjólabáts-
ins lokið
SJÓPRÓFUM vegna hjólabáts,
sem Mýrdælingur ehf. á Vík gerir
út og rak vélarvana í átt að Reynis-
dröngum fyrr í vikunni, lauk í gær í
Héraðsdómi Suðurlands. Sjóprófin
vora haldin að ósk Siglingastofnun-
ar íslands. Skipstjórar beggja
hjólabátanna gáfu skýrslu, tveir af
farþegum bátanna og fyrirsvars-
maður Mýrdælings sem gerir bát-
ana út.
Málið fer hefðbundna leið til Sigl-
ingastofnunar, rannsóknanefndar
sjóslysa, tryggingafélaga og Ríkis-
saksóknara, sem tekur ákvörðun
um hvort ákært verði í málinu eða
það rannsakað frekar.
Gísli D. Reynisson, skipstjóri
annars hjólabátsins í ferðinni af-
drifaríku, segir það ekkert launung-
armál að sá er stýrði bátnum sem
missti vélaraflið sé án skipstjórnar-
réttinda. Hann líti svo á að hann sé
skipstjóri beggja bátanna en sá er
stýrði vélarvana bátnum hafi verið
sér til aðstoðar. Hann segir jafn-
framt að tilmæli hafi verið um að
fleiri en einn væra í áhöfn bátsins
þegar fjölmennt sé í ferðum. Rekst-
ur fyrirtækisins beri það hins vegar
ekki. Gísli segir að útgerð bátanna
sé lokið að sinni, a.m.k. þetta ferða-
mannatímabil, en stjórn félagsins
eigi eftir að ákveða hvert framhald-
ið verði.
----------------
Andlát
ANNA
ÓLAFS-
DÓTTIR
ANNA Ólafsdóttir 15 barna móðir
frá Öxl í Breiðuvík lést 11. ágúst
síðastliðinn, 82 ára að aldri. Hún
verður jarðsungin í dag.
Anna var fædd 14. maí árið 191?
í Geirakoti í Fróðárhreppi. Hún
var dóttir hjónanna Ólafs Gíslason-
ar og Ólafar Einarsdóttur, sem þar
bjuggu.
Anna giftist Karli Eiríkssyni ár-
ið 1938 en þau kynntust er hún fór
sem kaupakona að Görðum í Staða-
sveit. Karl var fæddur 21. nóvem-
ber árið 1910, hann andaðist 81 árs
gamall árið 1992.
Hjónin bjuggu allan sinn búskap
að Oxl í Breiðuvík þar sem þau
stunduðu bústörf. Þau áttu miklu
barnaláni að fagna; eignuðust sam-
an 15 böm á 19 áram, frá árinu
1940 til ársins 1959. Engir fjölbur-
ar eru í hópi barnanna, sem öll lifa
foreldra sína.