Morgunblaðið - 20.10.1999, Síða 24

24 MIÐVIKUDAGUR 20. OKTÓBER 1999
MORGUNBLAÐIÐ
ERLENT
AP
Madeleine Albright, utanríkisráðherra Bandaríkjanna, ásamt Sama Banya, utanríkisráðherra Sierra
Leone. Hún er með í fanginu þriggja ára gamalt barn, sem misst hefur annan handlegginn vegna stríðs-
átakanna í landinu.
Madeleine Albright í sex daga Afríkuferð
Hét stuðningi við upp-
byggingu í Sierra Leone
Bamako, Abuja. Reuters.
MADELEINE Albright, utanrík-
isráðherra Bandaríkjanna, ræddi
við stjómvöld í þremur AMkuríkj-
um í fyrradag og kom til þess fjórða
í gær. Mun hún alls koma til sex
ríkja í Afríkuferðinni, sem lýkur í
Tansaníu þar sem hún verður við-
stödd útför Julius Nyerere, íyrr-
verandi forseta landsins.
Albright hóf Afríkuferðina í Gu-
ineu þar sem hún átti viðræður við
Lansana Conte, forseta landsins,
sem hún þakkaði fyrir að hafa skot-
ið skjólshúsi yfir hundruð þúsunda
flóttamanna frá Sierra Leone og
Líberíu. Því næst lá leið hennar til
Freetown í Sierra Leone þar sem
hún átti fund með forsetanum,
Ahmad Tejan Kabbah, og leiðtog-
um tveggja helstu skæruliðahreyf-
inganna í landinu, Foday Sankoh
og Johnny Paul Koroma. Að sögn
bandarískra embættismanna sagði
hún þeim, að það væri í þeirra valdi
að stöðva manndrápin í landinu og
tilkynnti, að skuldir Sierra Leone
við Bandaríkin, tæplega fimm mili-
jarðar kr., yrðu afskrifaðar ef
stjórnvöld fylgdu efnahagsáætlun-
um IMF, Alþjóðagjaldeyrissjóðs-
ins. Auk þess myndu Bandaríkin
láta rúmlega fjóra milljarða kr. af
hendi rakna til uppbyggingar í
landinu að loknu borgarastríðinu.
Albright lauk mánudeginum með
því að koma við í Malí en í gær kom
hún til Nígeríu þar sem hún ætlaði
að vera í tvo daga. Þar mun hún
ræða við Olusegun Obasanjo for-
seta en hann var kjörinn í embættið
í maí. Var þar með bundinn endi á
15 ára herstjóm í landinu. Nígería
er fjölmennasta ríki í Afríku. A
fimmtudag fer Albrighttil Kenía og
þaðan til Tansaníu.
Opinberir starfsmenn í Þýskalandi
Mótmæla niður-
skurðaráformum
stjórnar Schröders
Reuters.
Lögreglumenn í Berlín voru meðal þeirra
opinberu starfsmanna sem mótmæltu niður-
skurðaráformum ríkisstjómar Gerhards
Schröders.
Berlín. Reuters.
Gerhard Schröder,
kanzlari Þýzkalands,
stóð í gær frammi fyr-
ir nýrri mótlætis-
bylgju, er allt að
100.000 opinberir
starfsmenn tóku á
götum Berlínar þátt í
mótmælum gegn
sparnaðaráformum
ríkisstjórnarinnar.
Þessi nýjustu mót-
mæli koma í kjölfar
þess að kanzlarinn
virtist ætla að sveigja
frá þeirri einörðu
miðjustefnu sem hann
hefur fylgt fram að
þessu, til að friða há-
væran vinstriarm
Jafnaðarmanna-
flokksins.
Schröder hefur lýst
stuðningi - með lyrir-
vörum þó - við nýja
áætlun hins áhrifa-
mikla verkalýðsfélags
IG Metall um að
lækka eftirlaunaaldur
í því skyni að bæta atvinnuhorfur
ungs fólks. Hugmyndum af þessu
tagi hafði Schröder lýst sem efna-
hagslegri fásinnu nokkrum dögum
áður. Hann hefur líka fallizt á að
taka tillögu vinstrimanna í flokkn-
um um sérstakan „milljónamær-
ingaskatt" á dagskrá flokksþings í
desember, þrátt fyrir að hafa áður
lýst yfir andstöðu sinni við slíkan
skatt.
„Meginvandi þessarar ríkis-
stjórnar er ekki handvömm í vélar-
rúminu, heldur sú óvissa sem ríkir
um stefnu skipstjórans," skrifaði
viðskiptatímaritið Handelsblatt í
leiðara og tók þar með undir gagn-
rýni Der Spiegel, sem segir
Schröder hafa virzt svo ákveðinn
og stefnufastan í sumar, en núna
væri hann hopandi, sýndi fát og
reyndi að slá hlutum á frest.
Gagnrýni frá talsmönnum
vinstrivængs SPD á „Blair-lega“
miðjustefnu Schröders hefur öll
færzt í aukana eftir röð ósigra
flokksins í kosningum til hérað-
sþinga á undanförnum vikum.
Saksóknarinn í málum
Bills Clintons segir af sór
Aðstoðarmaður
Starrs tekur við
rannsókninni
Washington. Reuters.
KENNETH Starr hefur látið af
störfum sem sjálfstæður saksóknari
og helsti aðstoðarmaður hans,
Robert Ray, hefur verið skipaður í
hans stað til að ljúka rannsókninni á
málum Bills Clintons Bandaríkja-
forseta og eiginkonu hans.
Ray sór embættiseiðinn íyrir
luktum dyrum í dómsal í Washing-
ton á mánudag og lofaði að ljúka
rannsókninni með „skjótum, ábyrg-
um og hagsýnum hætti“. Hann hét
því einnig að rannsóknin yrði „ítar-
leg og sanngjöm“.
Rannsókn Starrs stóð í rúm fimm
ár og kostaði rúmar 47 milljónir
dala, andvirði 3,3 milljarða króna.
Hún beindist í fyrstu að viðskiptum
Clintons og eiginkonu hans þegar
hann var ríkisstjóri Arkansas á síð-
asta áratug en varð æ umfangs-
meiri. Starr rannsakaði m.a. hvort
Clinton hefði framið meinsæri og
lagt stein í götu réttvísinnar til að
leyna sambandi sínu við Monicu
Lewinsky, fyrrverandi starfsstúlku
í Hvíta húsinu. Rannsóknin varð til
þess að fulltrúadeild Bandaríkja-
þings höfðaði mál á hendur forset-
anum til embættismissis en öld-
ungadeildin sýknaði hann í febrúar.
Rannsókn tveggja
mála enn ólokið
Ray á að ganga frá lokaskýrslu
um rannsóknina og rannsaka tvö
mál sem hafa ekki enn verið leidd til
AP
Robert Ray ásamt konu sinni,
Kristen, eftir að hann sór
embættiseið sem eftirmaður
Starrs.
lykta. Annað þessara mála snýst um
hvort Hillary Clinton hafi borið
ljúgvitni um brottvikningu starfs-
manna ferðaskrifstofu Hvíta húss-
ins, en hitt um hvort Nathan Lan-
dow, auðugur verktaki frá
Maiyland sem safnaði fé fyrii- de-
mókrata, hafi reynt að hafa áhrif á
vitnisburð KatMeen Willey, sem
sakaði forsetann um kynferðislega
áreitni.
Starr varði störf sín í afsagnar-
bréfinu en kvaðst telja heppilegra
að nýjum manni yrði falið að stjóma
rannsókninni þar sem hún hefði ver-
ið „persónugerð" um of, einkum
vegna deilunnar um málshöfðunina.
Rússnesk stjórnvöld eru andvíg öllum
breytingum á ABM-samningnum
Yarað við nýju vígbún-
aðarkapphlaupi
RÚSSAR hafa varað við nýju víg-
búnaðarkapphlaupi í heiminum
vegna tillögu Bandaríkjastjórnar
um breytingar á samningnum sem
takmarkar varnir gegn langdræg-
um eldflaugum (ABM). Rússar
segja að ABM-samningurinn sé
undirstaða þeirra afvopnunar-
samninga sem gerðir hafa verið á
síðustu 25 árum og að þeir kunni
að þurfa að smíða ný kjarnavopn
verði honum breytt.
Tillaga Bandaríkjastjórnar hef-
ur valdið miklu uppnámi meðal
stjórnmálamanna og yfirmanna
hersins í Rússlandi. Þeir segja að
verði tillögunni haldið til streitu
grafi hún undan öllu því sem
áunnist hefur í afvopnunarmálum
frá því ABM-samningurinn var
undirritaður árið 1972. „Allir þeir
samningar sem hafa verið undir-
ritaðir eða undirbúnir verða í
hættu - þ.e. START-1, START-2
og viðræðumar um START-3,“
sagði Vladímír Jakovlev, yfirmað-
ur kjarnorkuherafla Rússlands.
Bandaríkjastjórn vill breyta
ABM-samningnum þannig að
Bandaríkin og Rússland geti kom-
ið upp varnarkerfum til að verjast
hugsanlegum kjarnorkuárásum
ríkja eins og Norður-Kóreu. Hún
hefur boðist til að aðstoða Rússa
við að koma upp eigin varnarkerfi
en stjórnin í Moskvu hefur ekki
enn svarað því tilboði.
Rússar segja að Bandaríkja-
menn ýki hættuna á kjarnorkuár-
ásum nýrra kjarnorkuvelda og
óttast að markmið þeirra sé að
byggja upp varnir gegn hvers
konar kjarnorkuárásum. Það
myndi þýða að rússnesku kjarna-
vopnin yrðu gagnslaus.
Bandaríska þingið staðfesti
START-2 samninginn árið 1996
en hann hefur ekki verið staðfest-
ur í Dúmunni, neðri deild rúss-
neska þingsins, vegna andstöðu
kommúnista og þjóðernissinna,
sem segja hann stofna öryggis-
hagsmunum landsins í hættu.
Samkvæmt samningnum á að
fækka kjarnavopnum ríkjanna um
helming og hvoru þeirra verður
leyft að halda 3.000-3.500 kjarna-
oddum.
Verði samningurinn staðfestur í
Dúmunni greiðir hann fyrir nýj-
um samningi, START-3, sem
kveður á um að kjarnaoddunum
verði fækkað í allt að 2.000 á
hvort ríki.
Rannsóknafe
í eigin neyslu
París. AFP.
FYRRVERANDI yfirmaður
franskrar krabbameinsstofnun-
ar var dæmdur í gær í fjögurra
ára fangelsi og til að greiða háa
sekt fyrir að hafa dregið sér
hundruð milljóna ísl. kr. af fé,
sem gefíð var til krabbameins-
rannsókna.
Jacques Crozemarie veitti for-
stöðu mjög stórri hjálpar- og
krabbameinsstofnun, ARC, og
var hann fundinn sekur um að
hafa misfarið með 2,3 til 3,4 millj-
arða króna. Svarar það til
tveggja þriðju þeirra framlaga,
sem stofnuninni bárust frá 3,5
milljónum manna. Var hann
einnig dæmdur til að greiða um
17 milljónir íslenskra króna í
sekt.
Rétturinn fann einnig24 menn
aðra seka um svik, þar á meðal
Michel Simon, forstjóra eignar-
haldsfélagsins IDH. Var hann
dæmdur í þriggja ára fangelsi og
til að greiða sömu sekt og
Crozemarie. Dómar yfir öðrum
voru minni. Voru þeir Crozema-
rie og Simon sagðir hafa staðið
saman að fjárdrættinum.
Sagt er, að Crozemarie hafi
notað féð, sem hann stal, til að
endurnýja húseignir sínar, í
ferðakostnað og í laun fyrir þjón-
ustufólk og til að halda uppi hjá-
konum.