Morgunblaðið - 03.02.2000, Blaðsíða 16

16 FIMMTUDAGUR 3. FEBRÚAR 2000
MORGUNBLAÐIÐ
AKUREYRI
Kaupfélagsstjóri KEA um áskorun 50 mjólkurframleiðenda í Eyjafírði
Spurt á röngum
„KEA hefur átt í viðræðum við nefnd
sem skipuð var af Búnaðarsambandi
Eyjafjarðar og ég tel því að þessi fyr-
irspum sé á röngum stað, hún eigi
heima hjá Búnaðarsambandinu og að
þetta sé mál framleiðenda,“ sagði
Eiríkur Jóhannsson, kaupfélagsstjóri
KE A, aðspurður um áskorun íimmtíu
mjólkurframleiðenda á svæði Mjólk-
ursamlags KEA þess efnis að félagið
láti af hendi nauðsynlegar upplýsing-
ar svo óháður aðili geti framkvæmt
verðmat á Mjólkursamlagi KEA og
mjólkinni sem eign framleiðenda í
viðskiptum við samlagið.
„Ef menn vilja fá nánari skýringar
er eðlilegast að þeir byrji á því að tala
við sína fulltrúa. Ef það gerist ekki
finnst mér þeir vera að lýsa van-
trausti á þessa viðræðunefnd og ég sé
enga ástæðu til þess,“ sagði Eiríkur.
Hann vildi að öðru leyti ekki tjá sig
um málið. Eins og komið hefur fram
eru framleiðendur almennt sammála
um að stofna sameiginlegt hlutafélag
um rekstur mjólkurstöðva á Akur-
eyri og Húsavík en ýmsir eru á því að
hlutur framleiðenda eigi að vera
stærri en rúm 30%.
Sigurgeir Hreinsson, bóndi á Hrís-
hóli og formaður Búnaðarsambands
Eyjafjarðar, segist gera sér grein
fyrir því að ekki séu allir mjólkur-
framleiðendur á samlagssvæði
Mjólkursamlags KEA tilbúnir til
þess að samþykkja fyrirliggjandi
samningsdrög um eignaraðild fram-
leiðenda í sameiginlegu hlutfélagi
þeirra og KEA. Og hann óttast að
ekki náist það 99% mark sem þarf til
að eignarhlutur framleiðenda verði
34% í félaginu en vonast til að það
verði mjög nálægt því.
Til að svo geti orðið þarf að liggja
fyrir bindandi viðskiptasamningur
við framleiðendur í Eyjafirði og Þing-
eyjarsýslu um að leggja inn í samlag-
ið að minnsta kosti 99% af þeirri
mjólk sem framleidd er á svæðinu.
Fyrir hvert prósentustig sem ekki
næst samkomulag um minnkar eign-
araðild bænda um 1%, þannig að ef
lagðir verða fram bindandi viðskipta-
samningar fyrir 95% mjólkurmagns-
ins mun framleiðendasamvinnufélag-
ið eignast 30% í hinu nýja félagi.
Samið í dag?
Sigurgeir sagði að á fundi viðræðu-
nefndar framleiðenda og fulltrúa
KE A í dag, fimmtudag, væri stefnt að
því að ljúka vinnu við samninginn
miðað við fyrirliggjandi samnings-
drög. I framhaldinu þurfi svo að
skoða hvemig staðið verði að kynn-
ingu á samningum meðal framleið-
enda. „Ég vonast til að okkur takist
að sannfæra bændur og að sem víð-
tækust sátt náist um þetta mál.“
Sigurgeir sagði að margir bændur
hefðu ekki gert sér grein fyrir því
hver hlutur þeirra ætti að vera, enda
málið mjög flókið. Hann sagðist efast
stórlega um að allir þeir sem skrifuðu
undir áskorunina til KE A væru í sér-
stökum óánægjuhópi en að þeir vildu
gjaman fá þetta mat fram. Þeir hefðu
heldur ekki vitað hvað í samkomulag-
inu fólst þegar þeir skrifuðu undir
áskorunina.
Ásvaldur Þonnóðsson, bóndi á
Stórutjörnum í Ljósavatnshreppi,
hefur eins og Sigurgeir átt sæti í
þeirri nefnd sem átt hefur í viðræðum
við KE A um þetta mál og hann segist
geta verið þokkalega sáttur við sam-
komulagið en mjög mikilvægt sé að
sem víðtækust sátt náist meðal
mjólkurframleiðenda. Hann er þó
ekki bjai-tsýnn á að 99% markið náist.
Asvaldur sagði það tvennt sem menn
væra tvístígandi yfir varðandi fyrir-
liggjandi samningsdrög annars vegar
varðandi eignarhlutinn og hversu
hratt hann minnkar ef ekki næst nán-
ast full samstaða meðal framleiðenda
stað
og hins vegar skuldastaða félagsins í
upphafi.
Samningsstaðan engin í dag
„Það er alveg klárt mál að afurða-
stöðin hefur verið byggð upp fyrir
það verðmæti sem orðið hefur til við
vinnslu mjólkurinnar. Og það er
margbúið að sýna fram á að þessar
mjólkurstöðvar hafa verið einhvers
konar mjólkurkýr fyrir kaupfélögin
og út úr þeim farið miklu meira af
peningum en góðu hófu gegnir að
okkar mati,“ sagði Ásvaldur.
Samningsstaða mjólkurframleið-
enda í Þingeyjarsýslu er mun lakari
en Eyfirðinga, eftir hremmingar
Kaupfélags Þingeyinga, að mati As-
valds. „Við fóram af stað fyrir um ári,
hópur bænda í Þingeyjarsýslu, eftir
að KÞ og KEA slitu viðræðum um
sameiningu og samstarf í rekstri og
þrýstum á KÞ um að halda áfram að
vinna að sameiningu mjólkurstöðv-
anna og að eignarhlutur bænda yrði
metinn í samlaginu. Við framleiðend-
ur töldum okkur eiga samlagið á
Húsavík að öllu leyti og létum vinna
álitsgerð þar að lútandi. Það sýndist
sitt hverjum varðandi það mál en ég
held að staða okkar hafi verið mjög
sterk þá en hún er engin í dag.“
Minning-
artón-
leikar um
Þorgerði
TÓNLEIKAR til styrktar
minningarsjóði Þorgerðar
Eiríksdóttur verða í Safnað-
arheimili Akureyrarkirkju á
laugardag, 5. febrúar, kl. 16.
Þorgerður lauk burtfarar-
prófi frá Tónlistarskólanum á
Akureyri og var nýkomin til
Lundúna í framhaldsnám er
hún lést af slysförum í febr-
úar árið 1972. Ári síðar stofn-
uðu aðstandendur hennar,
ásamt Tónlistarskólanum og
Tónlistarfélagi Akureyrar,
minningarsjóð til að styrkja
efnilega nemendur Tónlistar-
skólans á Akureyri til fram-
haldsnáms.
Árlegir minningartónleikar
eru helsti vettvangurinn til að
styrkja sjóðinn, auk þess sem
hann hefur tekjur af sölu
minningarkorta. Á tónleikun-
um koma fram nemendur og
kennarar við Tónlistarskól-
ann á Akureyri, aðgangur er
ókeypis en tekið er við frjáls-
um framlögum í sjóðinn.
Brotajárn á móttökusvæði Sorpeyðingar Eyjafjarðar
Morgunblaðið/Kristján
Heimir Bragason, blikksmiður hjá Blikk- og tækniþjónustunni, losar
blikkafganga í einn brotajárnshauginn. Heimir segist aldrei hafa séð
annað eins magn af brotajámi á svæðinu og nú.
Geðverndarfélag Akureyrar 25 ára
Mikil þörf
fyrir athvarf
s
Otrúleg-
ustu hlut-
um hent
GIFURLEGT magn af brotajámi
hefur safnast upp á móttökusvæði
Sorpeyðingar Eyjafjarðar ofan við
Krossanesverksmiðjuna, enda orðið
nokkuð langl síðan brotajámi var
skipað út frá Akureyri. Fyrirtækið
Hringrás hefur umsjón með svæð-
inu og sér auk þess um að pressa
jámið sem svo er flutt út til bræðslu.
Sveitarfélögin á Eyjafjarðar-
svæðinu hafa aðgang að svæðinu en
Sigurður Jónsson vaktmaður sagði
að þarna væri hreint ótrúlegustu
hiutum hent. „Það em dæmi um að
menn keyri bflana sína hingað og
skilji þá eftir. Nýlega kom maður
keyrandi hingað á bfl sínum, bakk-
aði honum inn fyrir girðingu, tók
undan honum dekkin og rafgeym-
inn úr og skildi hann svo eftir. Það
var ekki að heyra annað en vélin
væri í fx'nu lagi en eitthvað vantaði
upp á að allir gíramir virkuðu,"
sagði Sigurður.
Móttökusvæðið er aðeins opið á
miðvikudögum og laugardögum en
nokkuð er um að fólk skilji brota-
járn eftir utan girðingar þess á milli
og þá sérstaklega bflflök. Sigurður
sagði að mai’gir kæmu til að grúska
í brotajámshaugunum í leit að ein-
hvexju nýtilegu og að meðal grúsk-
aranna væm bflflökin sem skilin
hafa verið eftir utan girðingar ein-
staklega vinsæl.
GEÐVERNDARFÉLAG Akureyr-
ar efnir til afmælisfagnaðar á morg-
un, laugardaginn 5. febráar, og verð-
ur hann í Deiglunni, Kaupvangs
stræti og stendur frá kl. 14 til 16. Fé-
lagið var 25 ára gamalt 5. desember
síðastliðinn en tímamótunum er
fagnað nú.
Brynjólfur Ingvarsson geðlæknir
flytur ávarp á samkomunni sem og
nýráðinn fræðslufulltrái þess, ljóð
verða lesin og söngvar sungnir auk
þess sem léttar veitingar verða í
boði.
Vilja koma upp athvarfi
Rauði þráðurinn í sögu félagsins
hefur ætíð verið útgáfa á Geðfræðsl-
unni, fræðsluriti um geðheilbiigðis-
mál ásamt annari-i útgáfustarfsemi.
Fyrir rámum áratug beitti félagið
sér fyrir stofnun áfangaheimilis fyrir
geðsjúka og festi kaupa á húsi á Ak-
ureyri þar sem áfangaheimilið er
enn rekið með góðum árangri.
Félagið hefur nú tekið framkvæði
að því að koma á félagsmiðstöð eða
athvarfi fyrir geðfatlaða á Akureyri,
hliðstæðri Vin í Reykjavík og Dvöl í
Kópavogi. Akureyrardeild Rauða
krossins er reiðubúinn að taka þátt í
slíkum rekstri í samvinnu við Ákur-
eyrarbæ og þá er Öryrkjabandalag
Islands einnig reiðubúið til þátttöku
í stofnun slíks athvarf. Samningavið-
ræður standa nú yfir við Akureyrar-
bæ um samvinnu vegna þessa verk-
efnis.
Að mati forsvarsmanna Geðvernd-
arfélags Akureyrar er mikil þörf fyr-
ir athvarf sem þetta í bænum og
væntir félagið þess að unnt verði að
opna það seinni hluta sumars eða á
haustdögum.
REYKJAVÍK-AKUREYRI-REYKJAVÍK
Sex siujiu
Bókaðu í síma 570 jojo 0 j 4(0 7000
Fax 570 3001 * websalescDairicelamUs ‘www.fluYfelaY.is
...fljúfðufrekar
FLUGFELAG ISLANDS
Opið hús í Háskólanum á Akureyri
laugardaginn 5. febrúar 2000
Kennsludeildir háskólans, bókasafn og samstarfsstofnanir kynna Hljómsveitin Land og synir leikur og syngur órafmagnað
starfsemi sína í húsakynnum háskólans á Sólborg frá kl 11 -17. fyrir gesti á Sólborg kl. 13:00 og 14:00
ALLIR VELKOMNIR