Morgunblaðið - 03.02.2000, Blaðsíða 23

MORGUNBLAÐIÐ
FIMMTUDAGUR 3. FEBRÚAR 2000 23
ÚRVERINU
Aflabrögð og gæft-
ir með besta móti
Tæpum 619 lestum af þorski var
landað hér í Bolungarvík í janúar af
átján bátum sem allir nema einn
teljast til smábáta.
Guðný ÍS var afiahæst með 114,5
tonn í 19 róðrum eða rúm sex tonn í
róðri, en Guðný er 75 smálestir að
stærð. Skipstjóri á Guðnýju er Jón
Pétursson. Aflahæstur smábáta var
mb. Guðmundur Einarsson sem er
aðeins 6 smálestir en aflaði þó 91,3
tonna í 23 róðrum eða tæpra fjög-
urra tonna í róðri. Skipstjóri er Guð-
mundur Einarsson. Næst kemur svo
Mímir, skipstjóri Finnbjörn Elías-
son, en hann aflaði 53,9 tonna í 17
róðrum.
Gæftir í janúar voru mjög góðar
sem sést best á því að róið var á
smábát 23 róðra á þessum árstíma. í
janúar í fyrra aflaði Guðmundur
Einarsson 54 tonna í 12 róðrum.
Rúmlega 113 tonnum af innfjarða-
rækju var landað í janúar. Sjö bátar
stunda rækjuveiðar frá Bolungar-
vík, aflahæstur var mb. Páll Helgi
með 27 tonn í 20 róðrum. Skipstjóri
á Páli Helga er Benedikt
Guðmundsson. Þá landaði mb.
Gunnbjörn 38,6 tonnum af blönduð-
um afla en hann er gerður út á botn-
vörpu. í janúar var skipað hér í land
um 280 lestum af frystri rækju til
vinnslu hjá rækjuverksmiðju Bakka.
Af þessu má sjá að það er mikill
gangur hjá þeim veiðiflota sem héð-
an sækir, þar sem uppistaðan er
smábátaútgerð.
Morgunblaðið/Gunnar Hallsson
Þessi glaðlegu hjón vinna við að beita línu á m/b Mími ÍS. Þau heita
Sompom og Velan og em frá Taílandi. Þau hafa búið í Bolungarvík í
nokkur ár, ásamt syni sínum sem nú er átta ára. Þau hjónin segjast beita
að jafnaði sex bala á dag þegar róið er og láta mjög vel af sér.
PiiHlHi* ||

Morgunblaðið/Snorri Snorrason
Freri RE kom til Reykjavíkur í fyrradag eftir gagngerar breytingar í Póilandi undanfarna mánuði.
Skipt um aðalvél í
Frera og skipið lengt
FRYSTITOGARINN Freri RE
kom til Reykjavíkur í fyrradag eft-
ir gagngerar breytingar á skipinu í
Póllandi. Næstu vikur verður sett
niður nýtt millidekk og er áætlað
að skipið fari aftur á veiðar um
miðjan mars en talið er að heildar-
kostnaður verði innan við 500 millj-
ónir króna.
Freri fór til Póllands í lok júlí á
liðnu ári og var áætlað að fram-
kvæmdum í skipasmíðastöðinni
Moska yrði lokið í desember. Hins
vegar tafðist verkið um rúman
mánuð en gert er ráð fyrir að
framkvæmdirnar, sem eftir eru,
Eftir að setja
niður nýtt
millidekk
taki um fimm vikur. Togarinn var
smíðaður á Spáni 1973 og því kom-
inn tími á lagfæringar, að sögn
Hjartar Gíslasonar hjá Ögurvík hf.,
sem gerir skipið út. Það var lengt
um rúmlega 10 metra, ný 5.000
hestafla aðalvél með viðeigandi
stýri og skrúfu var sett í skipið
sem og veltitankur, borðsalur end-
urnýjaður og fleira auk þess sem
skrokkurinn var sandblásinn og
skipið málað. Millidekkið verður
síðan sett niður hérna heima en
Formax hf. smíðar alla vinnslulín-
una.
„Vinnan í Póllandi var umtals-
verð og það er almenn ánægja með
skipið eftir heimsiglinguna," segir
Hjörtur. Hann segir að kominn
hafi verið tími á breytingar og
nauðsynlegt sé að eiga ný og góð
skip til að yrkja miðin. Hins vegar
hafi verið hagkvæmari lausn að
breyta en að láta byggja nýtt skip,
„en heildarkostnaður er innan við
500 milljónir króna,“ segir Hjörtur.
Nýjar vörur
Bómullarpeysur 2990 Kr.Stk
Flíspeysur 2990 Kr.Stk
Útsölulok
STAKIR JAKKAR, ÚLPUR, ULLARPEYSUR
UG FLEIRA MEÐ MIKLUM AFSLÆTTI
DRESS
MANN
11 \ii
l
Ath Sendum í póstkröfu.
Laugavegi 18b Sími 562-9730 Fax 562-9731 Grænt númer 800-5730
Kringlunni Sími 568-0800 Fax 568-0880 Grænt númer 8006880
LAUGAVEGI - KRINGLUIMNI