Morgunblaðið - 18.02.2000, Side 14

14 FÖSTUDAGUR 18. FEBRÚAR 2000
MORGUNBLAÐIÐ
FRÉTTIR
Rannsóknarráð Islands fjárfestir í 225 rannsóknaverkefnum
Morgunblaðið/Þorkell
Tilkynnt var um ráðstöfun Rannsóknarráðs íslands í gær á um 288
milljónum í 225 rannsóknaverkefni.
Uthlutað var
288 milljón-

um í ar
UMSÓKNIR í TÆKNISJÓÐ

Verkefni/ rannsóknasvið Fjöldi um- Fjöldi styrkja Sótt um til RANNÍS, Veitt 2000, millj. kr. Meðal- styrkur, millj. kr.
I Framhaldsverkefni sókna millj. kr.
Iðnaður og efnistækni 8 6 26,0 12,8 2,13
Upplýsingatækni 2 1 5,8 3,0 3,00
Lífefni og auðlindir 19 16 71,6 36,7 2,29
SAMTALS 29 23 103.3 52,5 2,28
1 Ný verkefni ' I
Iðnaður og efnistækni 37 13 115,7 28,5 2,19
Upplýsingatækni 17 7 70,6 17,5 2,50
Lífefni og auðlindir 50 20 187,3 36,8 1,84
SAMTALS 104 40 373,6 82,8 2,07
UMSÓKNIR í VÍSINDASJÓÐ
Verkefni/ rannsóknasvið Fjöldi um- Fjöldi styrkja Sótt um til RANNÍS, Veitt 2000, Meðal- styrkur,
1 Framhaldsverkefni | sókna millj. kr. millj. kr. millj. kr.
Hugvísindi 20 19 28,7 15,8 0,78
Félagsvísindi Heilbrigðis- og lífvísind 11 33 10 33 32.1 80.2 11,0 31,4 1,10 0,95
I Náttúruvís. og umhverfisr. 27 27 47,9 29,0 1,07
SAMTALS 91 89 188,9 86,2 0,97
1 Ný verkefni l I
Hugvísindi 54 19 108,5 17,8 0,94
Félagsvísindi 35 15 62,7 10,5 0,70
Heilbrigðis- og lífvísindi 52 21 138,4 18,9 0,90
1 Náttúruvís. og umhverfisr. 51 18 118,7 19,3 1,07
SAMTALS 192 73 428,4 66,5 0,91
ÚTHLUTUN úr Tæknisjóði og
Vísindasjóði Rannsóknarráðs ís-
lands var tilkynnt í gær en alls bár-
ust 416 styrkumsóknir. Sótt var um
einn milljarð króna til verkefna en
samþykkt var að fjárfesta í 225
verkefnum og ráðstafa til þeirra
288 milljónum króna.
Þorsteinn I. Sigfússon, formaður
Rannsóknarráðs, sagði er úthlutun-
in var kynnt að ráðið hefði aðgang
að stóru neti sérfræðinga til að
meta umsóknir um framlög til verk-
efna. Alls uppfylltu 385 umsóknir
kröfur sjóðanna um styrkhæfni og
sagði Þorsteinn hafa verið sótt um
vegna umfangsmikilla og metnaðar-
fullra verkefna. Ákveðið var að fjár-
festa í 225 verkefnum og var valinn
sá kostur í Tæknisjóði að styrkja
verkefni með upphæðum sem gætu
komið þeim vel áleiðis. Meðalstyrk-
ur var þar 2,1 milljón króna en í
Vísindasjóði var reynt að styrkja
fleiri verkefni en færri. Meðalstyrk-
upphæð þar var 940 þúsund krónur.
Vilhjálmur Lúðvíksson, fram-
kvæmdastjóri Rannsóknarráðs,
sagði að sífellt meira fjármagni
væri ráðstafað til rannsókna og
þróunar hérlendis. Hlutfall styrkja
Rannsóknarráðs hefði árið 1986
verið um 8% af heildarfjármagni í
rannsóknum en væri nú komið nið-
ur í 3%.
Mörgum fullgiidum
umsóknum hafnað
Formenn úthlutunarnefnda sjóð-
anna, Jóhannes Torfason og Guð-
mundur Sigvaldason, sögðu báðir
slæmt að geta ekki veitt meira en
tæplega 300 milljónir til verkefna,
hafnað væri mjög mörgum umsókn-
um sem hefðu verið metnar fullgild-
ar. Sögðu þeir að fjárfesting í rann-
sóknum væri arðbær og
umsóknirnar bæru glöggt vitni um
hugmyndaauðgi. Guðmundur lýsti
reiði sinni í garð stjórnvalda fyrir
að ráðstafa ekki meira fé til rann-
sókna til að nýta mætti betur þá
krafta og fjármuni sem lagðir hafa
verið í menntun fólks. Það hefði
góðar hugmyndir sem leiddu einatt
til þekkingarauka og nýrra atvinnu-
tækifæra og þjóðfélagið nyti allt
hagnaðar af því.
A fundinum kynntu fjórir styrk-
þegar verkefni sín. Hildur Hrólfs-
dóttir, verkfræðingur hjá Iðntækn-
istofnun, sagði frá vistferlisgrein-
ingu á þorskflökum en með henni er
átt við aðferð sem metur umhverf-
isáhrif, t.d. í matvælaframleiðslu,
allt frá öflun hráefnis til neyslu.
Vinnur hún verkefnið með Helgu R.
Eyjólfsdóttur hjá Rannsóknastofn-
un fiskiðnaðarins.
Sigmar Guðbjörnsson, frá
Stjörnu-Odda hf., kynnti hugmynd
um staðsetningarkerfi fyrir sjávar-
dýr. Sagði hann miklar vonir
bundnar við slíkt kerfi í fiskirann-
sóknum, þar sem staðsetja mætti
fiska og fylgjast með ferðum þeirra.
Fornleifar og ónæmisgen
Steinunn Kristjánsdóttir forn-
leifafræðingur kynnti verkefni um
uppruna kristni á Islandi sem felur
í sér fornleifafræðilega rannsókn á
heiðnum og kristnum minjum frá
fyrstu öldum íslandsbyggðar. Er
markmið hennar að kanna upphaf
og þróun kristninnar hérlendis.
Verður byggt á úrvinnslu gagna frá
fornleifarannsóknum verkefnisins
„Mörk heiðni og kristni“ og skoðað-
ar verða niðurstöður eldri fornleifa-
kannana sem fjalla um heiðni og
kristni. Steinunn segir að niður-
stöður verkefnisins ættu að geta
nýst á mörgum sviðum hugvísinda.
Karl G. Kristinsson, dósent og yf-
irlæknir sýklafræðideildar Land-
spítala, gerði grein fyrir þróun og
útbreiðslu ónæmisgena í íslenskum
pneumókokkum, sem hann vinnur
ásamt Sigurði E. Vilhelmssyni líf-
fræðingi. Karl segir hlutfall sýkla-
lyfjaónæmis í heiminum háð því
hversu mikið sé notað af sýklalyfj-
um og að aðeins á Islandi hafi tekist
að draga úr því með minni notkun
sýklalyfja. Markmið verkefnisins er
að fylgjast með þróun og útbreiðslu
ónæmisgena pneumókokka og eiga
niðurstöður að gefa frekari innsýn í
samspil sýklalyfjanotkunar og
ónæmis pneumókokka sem nýtast í
baráttunni við sýklalyfjaónæmi.
Hækkun bréfa
Opinna kerfa
Gengi bréfa
fór yfir 200
GENGI hlutabréfa Opinna kerfa hf.
fór hæst í gær í 206, og er það í
fyrsta sinn sem gengi bréfa á Verð-
bréfaþingi fer upp fyrir 200, sam-
kvæmt upplýsingum frá VÞI. Næst-
mest viðskipti með bréf einstaks
félags á þinginu í gær, urðu með bréf
Opinna kerfa. Alls urðu þau 35 tals-
ins, fyrir tæpar 59 milljónir króna.
Hækkunin í lok dags nam 2,6%.
Tvö verðbréfafyrirtæki veltu fyrir
sér í morgunfréttum sínum í gær,
ástæðu hækkana á gengi bréfa Op-
inna kerfa að undanförnu.
I morgunpunktum Kaupþings
sagði að Stöð 2 hefði birt frétt í lok
janúar þess efnis að FBA, Opin kerfi
og Landssíminn hefðu keypt erlent
fjarskiptafyrirtæki. 31. janúar hafi
síðan fréttin verið dregin til baka.
„Athygli vekur hins vegar hin mikla
hækkun á gengi bréfa Opinna kerfa
áður en fréttin birtist. Að sama
skapi má velta fyrir sér hinum.miklu
hækkunum undanfarna daga,“ sagði
í morgunpunktum.
Fram kom í markaðsyfirliti við-
skiptastofu Landsbankans að í
nokkurn tíma hefði orðrómur verið á
kreiki þess efnis að félögin þrjú
væru að kaupa fjarskiptafyrirtæki.
Opin kerfi hefðu sent frá sér frétta-
tilkynningu sem dregið hefði nokkuð
úr þeim orðrómi.
Arðurinn ofmetinn
Heiðar Már Guðjónsson, hjá Is-
landsbanka F&M, segir að ef fjár-
festing félagsins í fjarskiptafyrir-
tækinu sé drifkraftur hækkana á
verði bréfanna, séu menn að ofmeta
þann arð sem hljótast muni af fjár-
festingunni. „Hvergi hefur komið
fram hversu hátt kaupverðið á
hlutnum í fjarskiptafyrirtækinu er.
Eins og ég horfi á þessi kaup, þá er
ekki þarna á ferðinni ýkja stór fjár-
festing hjá Opnum kerfum, því hlut-
ur þess í fyrirtækinu er 4%.“
Heiðar segh- erfitt að skilja
ástæðu hækkunarinnar öðruvísi en
að kaupin í fyrirtækinu hefðu haft
áhrif, en benti samt á að skýringuna
gæti einnig verið að finna í því að
Öpin kerfi ættu hlut í Tæknivali og
Skýrr. Bréf í þeim félögum hefðu
hækkað mikið að undanförnu.
Hann sagði að út frá arðsemi og
rekstrarhorfum þætti sér verð bréfa
í Opnum kerfum vera fullhátt.