Morgunblaðið - 01.03.2000, Blaðsíða 52

52 MIÐVIKUDAGUR 1. MARS 2000
I DAG
MORGUNBLAÐIÐ
Drekinn tekinn
SKAK
F i n n 1 a n d
NORÐURLANDAMÓT
í SKÓLASKÁK
24.-27. febrúar 2000
JÓN Viktor Gunnarsson er einn af
okkar efnilegustu skákmönnum og
margir telja hann líklegasta stór-
meistaraefni okkar Islendinga. Um
síðustu helgi bætti hann enn einni
fjöðrinni í hattinn þegar hann varð
Norðurlandameistari í skólaskák í
- sínum aldursflokki, eins og fram
kom í síðasta skákþætti. Jón Viktor
hefur skýrt eina bráðskemmtilega
skák frá mótinu fyrir skákþátt
Morgunblaðsins.
Hvítt: Jón Viktor Gunnarsson
Svart: Kjetil Lie (Noregi)
I.e4 c5 2.Rf3 d6 3.d4
cxd4 4.Rxd4 Rf6 5.Rc3
g6 6.Be3 Bg7 7.f3 0-0
8.Dd2 Rc6 9.Bc4
Upphafsleikurinn að
hinni stórhættulegu
júgóslavnesku árás í
drekaafbrigðinu í Siki-
leyjarvöm sem oft leiðir
til mikilla sviptinga
9.Bd7 10.h4 Re5
U.Bb3 Da5 12.0-0-0
Hfd8 13.Kbl b5 14.h5
Annar möguleiki var
að leika 14. Rcxbð Dxd2
15.Bxd2 Rc4 og svartur
hefur þrýsting á drottn-
ingarvæng auk þess
sem flest endatöfl í
drekanum eru svörtum í
hag sökum góðrar staðsetningar
svörtu peðanna. Ég ákváð því að
velja hvassara afbrigði og lék h5.
14...Rxh5
Héma fer svartur út úr byrjuninni
með slæmum afleiðingum. Það hefði
* eflaust verið betra að leika 14...Rc4
og framhaldið hefði getað orðið eftir-
farandi 15.Bxc4 bxc4 16.Bh6 Bxh6
17.Dxh6 Hab8 18.Rd5 Rxd5 19.exd5
Da3 20.Rb3 cxb3 21.bxa3 bxc2+
22.Kal cxdl=D+ 23.Hxdl Bf5 24.g4
Hc2 25.gxf5 H8b2 og þó að svartur
sé einungis með hrók fyrir drottn-
inguna nær hann þráskákarafbrigði.
Þetta afbrigði er dæmigert fyrir
drekann, en víkjum nú aftur að skák-
inni.
15.Bh6 Bxh6 16.Dxh6 Hxc3
17.bxc3 Rc4?
Hér leikur Norðmaðurinn skák-
inni af sér. Betra hefði verið 17.RÍ6
og staðan er óljós. Hvítur er skipta-
mun yfir, en svartur er með ágætis
færi á drottningarvæng í staðinn.
18.Hxh5! Ra3+
Ef til vill hélt Norðmaðurinn í
fyrstu að hann gæti í 18. leik drepið
hrókinn á h5 með peði, en þá á hvítur
Dg5+ og síðan fylgir Bxc4 og hvítur
vinnur mann sökum leppunarinnar á
a5.
• > 19.Kcl gxh5
20.Bxf7+!
Leikurinn sem jarðar svartan.
20...Kxf7 21.Dxh7+ Kf8 22.Dh8+
Kf7 23.Dxh5+ Kf8 24.Hhl og svart-
ur lagði niður vopnin. Þessi skák
sýnir vel hversu illa getur farið fyrir
svörtum ef hann er ekki alveg klár í
júgóslavnesku árásinni í drekanum.
Anna Lilja kvenna-
meistari Hellis
Anna Lilja Gísladótt-
ir sigraði á kvenna-
meistaramóti Hellis
sem fram fór um síðustu
helgi. Þetta var í annað
sinn sem Taflfélagið
Hellir stendur fyrir
kvennameistaramóti og
Anna Lilja vann titilinn
einnig í fyrra.
Tefldar voru sjö um-
ferðir á mótinu og um-
hugsunartíminn var 15
mínútur. Anna Lilja
sigraði alla andstæðinga
sína og varð tveimur
vinningum á undan
næstu keppendum. Úr-
slit á mótinu urðu þessi:
1. Anna Lilja Gísladóttir 7 v.
2. Hallgerður Helga Þorsteinsd. 5
v. (13 st.)
3. Steinunn Kristjánsd. 5 v. (11 st.)
4. Eydís Arna Sigurbjörnsd. 4 v.
5. Klara Kristjánsdóttir 3 v.
6. Jónína Sveinbjarnardóttir 3 v.
7. -8. Bergþóra Rós Ólafsdóttir,
Sigyn Jónsdóttir 'á v.
Teílt var í Hellisheimilinu í
Þönglabakka 1.
Sævar efstur fyrir
síðustu umferð
Sævar Bjarnason bætti við sjötta
sigrinum í jafnmörgum skákum í
næstsíðustu umferð meistaramóts
Hellis sem tefld var á mánudaginn.
Hann sigraði Róbert Harðarson og
hefur eins vinnings forystu á Sigur-
björn Bjömsson. Röð efstu manna er
þessi fyrir síðustu umferðina:
1. Sævar Jóhann Bjarnason 6 v.
2. Sigurbjörn Björnsson 5 v.
3. Davíð Kjartansson 4'á v.
4. -7. Róbert Harðarson, Pétur
Atli Lárusson, Jóhann Hjörtur
Ragnarsson og Baldur Möller 4 v.
Frestaðar skákir geta haft áhrif á
þessa stöðu. í keppninni um meist-
aratitil Hellis stendur Davíð Kjart-
ansson best að vígi með 4'Æ, en helsti
keppinautur hans um titilinn, og nú-
verandi meistari Hellis, Björn Þor-
finnsson, er með 3 vinninga og á auk
þess eina frestaða skák til góða. Síð-
asta umferðin verður tefld í kvöld,
miðvikudaginn 1. mars, og hefst
klukkan 19:30. Teflt er í Hellisheim-
ilinu, Þönglabakka 1.
Linares-skákmótið hafíð
Linares-skákmótið er jafnan eitt
sterkasta skákmót ársins og svo er
einnig í þetta sinn. Mótið hófst 28.
febrúar og stendur til 10. mars. Úr-
slit fyrstu umferðar urðu þessi:
Kasparov - Shirov 1-0
Khalifman - Kramnik 0-1
Leko - Anand 'fir-'Á
Shirov tapaði fyrir Kasparov eftir
að hann lék illa af sér í jafnri stöðu.
Skákmót á næstunni
3.3. Hellir. Klúbbakeppni
3.3. SA.7 mínútna mót
4.3. SÍ. íslandsm. barnask.sv.
5.3. SA. 15 mínútna mót
5.3. Síminn-Internet. Mátnet
6.3. Hellir. Atkvöld
7.3. TR. Stofnanir og fyrirt.
Daði Orn Jónsson
Jón Viktor Gunnarsson
Jón Viktor
Gunnarsson
VEIMKATVDI
Svarað í síma 569 1100 frá 10-12 og 13-15
frá mánudegi til föstudags
Þjónusta
og gæði
HRAÐI er einkenni á öllu í
okkar ágæta neysluþjóðfé-
lagi. Þjónusta og gæði þess
sem við erum að kaupa á
hlaupum gætu verið betri.
Á mánudagsmorgni 21.
febrúar fór ég í Nýkaup í
Kringlunni til þess að kaupa
smurt brauð o.fl. þar sem ég
átti von á gestum um há-
degið.
Áður en ég bar þessar
veitingar fram komst ég að
raun um að dökkt brauð
sem var undir álegginu var
bæði þurrt og hart og skar
því svolítið utan af og henti.
Brauðsneiðarnar kosta kr.
249 sneiðin, með nautakjöti
o.fl., og með rækjum og
eggjum, sem er í sjálfu sér
viðunandi verð ef eitthvað
væri í þær varið annað en að
þær líta girnilega út. Sem
betur fór hafði ég annað til
að bjóða uppá en brauð-
sneiðarnar frá Ostabúðinni í
Nýkaupi í Kringlunni.
Nautakjötið reyndist svo
vera seigt og bragðlaust.
Eftir að gestir mínir voru
farnir hringdi ég í Ostabúð-
ina og spurði um þann sem
þar væri í forsvari. Sú
ágæta kona reyndist ekki
vera viðstödd og bar ég því
upp kvörtun mína við þann
sem svaraði í símann og
fékk þau svör að hjá þeim
væri ekki notað annað en
nýtt brauð undir áleggið.
Mér varð hugsað til þess
er ég var stödd í stórmark-
aði í London fyrir skömmu
síðan ásamt nokkrum vin-
konum mínum og við fórum
í kaffistofuna og fengum
okkur smárétti í sjálfsaf-
greiðslunni. Þegar við höfð-
um lokið við að borða kom
þjónn til þess að taka af
borðinu. Ein okkar, sem
hafði fengið sérgrænmetis-
rétt, sagði við hann að hún
væri með sviða í munninum
vegna þess að eitthvað hefði
verið í réttinum sem var svo
bragðsterkt. Rétt í því er
við vorum að standa upp og
tína saman innkaupapok-
ana birtist maður við borðið
og spurði kurteislega hvort
eitthvað væri að. Okkur
varð hverft við og héldum
að við hefðum gert eitthvað
af okkur. Nei, hann kom
beint úr eldhúsinu til þess
að athuga hvað hefði verið
að grænmetisréttinum. Bað
okkur afsökunar og kvaðst
mundi sjá um að þetta kæmi
ekki fyrir aftur.
Með þökk fyrir birting-
una,
Guðný Jóhannsdóttir.
Eftirminnilegt
helgihald
Á þessu merka aldamótaári
2000 eru hátíðahöld af
margvíslegu tilefni, menn
líta um öxl eins og maklegt
er við slík tímamót, gera
upp fortíðina og minnast lið-
inna atburða eða einstakl-
inga sem settu mark sitt á
liðnar aldir eða árþúsund.
Tvennt vil ég minnast á sem
minnst er á þessu ári, þús-
und ára kristnitökuafmæli
okkar Islendinga og 250 ára
ártíð tónsnillingsins Jó-
hanns Sebastians Bachs, en
þessa var minnst með eftir-
minnilegum hætti við heigi-
hald í Langholtskirkju um
nýliðin jól og áramót. Þá var
flutningur á Jólaóratoríunni
eftir Bach felldur inn í 6
messur frá jóladegi til
þrettánda. Flytjendur voru
Kór og Kammerkór Lang-
holtskirkju ásamt kammer-
sveit og einsöngvurum und-
ir stjórn Jóns Stefánssonar.
Jólaóratorían er frá hendi
tónskáldsins einmitt ætluð
til flutnings á þennan máta
og ég held að þátttakendum
og áheyrendum þessa flutn-
ings hafi mörgum fundist
sem þeir færðust nær Bach
og sæju verkið í nýju ljósi
þegar messugjörð hátíðis-
daganna rammaði inn
hverja kantötu fyrir sig.
Texti og tónar þessa mikla
verks leiða okkur 2000 ár
aftur í tímann að jötunni í
Betlehem og vekja til um-
hugsunar um gildi boðskap-
ar Krists fyrir nútíma-
manninn. Kirkjugestir
virtust sannarlega kunna að
meta þessa nýbreytni því að
óvenju margir lögðu leið
sína í Langholtskirkju yfir
hátíðirnar. Til dæmis vil ég
nefna að sunnudaginn eftir
nýársdag var víða fellt niður
helgihald en þá mættu á
fjórða hundrað manns til
messu í Langholtskirkju og
um 300 til aftansöngs á
þrettándanum, sem var
virkur dagm-. Vert er að
þakka /orsvarsmönnum
Esso og íslandspósts hlý-
hug og virðingu fyrir kristn-
um menningarverðmætum
sem þeir sýndu með því að
styrkja þennan flutning
rausnarlega. Ég er þakklát
fyrir að hafa fengið að vera
þátttakandi í þessu helgi-
haldi og finnst nú nánast
óhugsandi að haga ókomn-
um jólum með öðrum hætti.
Sigrún Stefánsdóttir.
Otrúlegt
næturlíf
Fyrr má nú rota en dauð-
rota hefð miðbæjar Reykja-
víkur með bjórstofum.
Finnst borgarstjóm, al-
þingismönnum og íbúum
borgarinnar að örva þurfi
drykkju til að auka menn-
ingu?
I morgun las ég í News
from Iceland á tölvunni að
opna eigi í vor tvo meiri-
háttar bari í hjarta bæjar-
ins, sem opnir verði allan
sólarhringinn.
Nágrannar mínir gáfu
mér mars eintak af Travel
and Leisure-tímaiitinu. Þar
las ég grein, skrifaða í létt-
um jákvæðum tón um unga
og „primitive" Island þar
sem búi ellefta ríkasta þjóð
jarðar og að flestir þeirra
trúi á álfa.
Mest var þó skrifað um
hið ótrúlega næturlíf í
Reykjavík. Nú þegar er bar
fyrir hvem 500 manna hóp
íbúa, menn, konur og börn.
Hér er stöðugt verið að
spyrja mig um Island. Mér
þykir leiðinlegt að þurfa að
vara fólk við að búa á hótel-
um í hjarta höfuðborgarinn-
ar.
Hallfríður G. Schneider,
U.S.A.
Um ófærðina
Góðir Islendingar. Við til-
kynnum hér með að vera
gangandi vegfarandi getur
valdið dauða, stórslysi og
vonleysi, þunglyndi og var-
anlegri líkamlegri og and-
legri bæklun.
Hvað er um að vera þeg-
ar gangandi vegferendur
geta ekki komist leiðar
sinna, vegna snjós og hálku,
hvemig getur það verið að í
svona góðæris samfélagi að
ekki sé gert meira í því að
moka gangstéttir svo fólk
komist leiðar sinnar. Auð-
vitað er mikilvægt að rutt sé
fyrir strætó en hvernig væri
að ryðja líka á gangstéttum
í hverfum borgarinnar og
auðvitað hjá strætóskýlum.
Undanfarið hef ég þurft
að nota strætó til að komast
leiðar minnar (sem undir
venjulegum kringumstðum
er frábær og afslappandi
ferðamáti) en til að komast
að næsta strætó skýli hef ég
þurft að klifra 1 metra fjöll
vaða í gegnum meira salt en
til er í sjónum, fara út í um-
ferðina með hjartað í hálsin-
um í þeirri von að bílamir
sem era að flauta og taka
fram úr mér keyri ekki á
mig. Og þegar ég loksins
kemst að skýlinu þá þarf ég
að klífa annað 1 metra fjall
og standa á tindi þess til að
bíða eftir strætó og vona að
meðan ég bíð að ég renni
ekki af tindi mínum og lendi
á næstu bifreið. Ég veit að
það eru margir sem taka
undir þetta með mér.
Hvemig væri að Reykja-
víkur borg færi nú að ganga
í að gera gangandi vegfar-
endum þann sjálfsagða hlut
að gera gönguleiðir greiðar
og hættu minni.
Auðvitað sér maður að
verið er að vinna í þessum
málum en það er ekki er
nóg. Að mínu áliti eiga
gangandi vegferendur og
strætó að ganga fýrir þegar
svona færð er eins og við
höfum haft síðustu daga.
Síðast enn ekki síst, væri
gott að þeir sem era að
keyra tækju tilit til þeirra
sem berjast áfram gang-
andi og þurfa að deila með
þeim akgreinum því gang-
stéttir era undir fjöllum.
Rut.
Víkverji skrifar...
BREYTTUR sýningartími kvik-
myndahúsanna er Víkverja
mjög að skapi. Ekki það að hann telj-
ist til fastagesta húsanna og þurfi að
skipuleggja allt líf sitt út frá sýning-
artímum þeirra en hann hefur þegar
prófað að fara í bíó klukkan 20 og
kann því vel. Þá getur fréttafíkillinn
nefnilega bæði séð sjö-fréttir og tíu-
fréttir ef svo ber undir. En það er
kannski ekki aðalatriðið. Eftir sýn-
ingu kl. 20 er nóg eftir af kvöldinu og
hægt að gera eitthvað annað því Vík-
verji er nefnilega nátthrafn og fer
sjaldnast í bólið fyrr en um eða eftir
miðnætti. Kannski helst ef einhver
reyfarinn á náttborðinu er nógu
spennandi.
Sýning klukkan 22 er líka góður
kostur því þá er hægt að ljúka vinnu-
deginum og borða í rólegheitum og
jafnvel ákveða í sömu rólegheitunum
hvaða mynd skal sjá í það skiptið.
Ekki er heldur vandi að halda sér
vakandi milli 22 og miðnættis (jafn-
vel fyrir þá sem ekki eru nátthrafn-
ar) meðan á sýningu stendur og
þannig eru mörg rök fyrir því að
þessi breyting sé heppileg. Liggur
nærri að spyija megi af hverju þetta
var ekki gert fyrr? Getur það verið
að fréttir RÚV kl. 20 hafi ráðið hér
miklu eins og einhver bíóstjórinn
nefndi? Kannski stjórnast líf okkar
svo mikið af fjölmiðlum.
xxx
AFRAM verður fjallað um fjöl-
miðla og fréttir á ríkissjónvarp-
inu. Víkverja leiðist nefnilega einn
háttur í klippingu á sjónvarpsfrétt-
um (hann heldur að minnsta kosti að
það sé klippingin) sem lýsir sér í eft-
irfarandi:
Fréttaþulur kvöldsins kynnir frétt
með tveimur setningum - og allt í
lagi með það. Viðkomandi fréttamað-
ur tekur síðan við og segir nokkrar
setningar um málið og á meðan koma
nokkur myndskeið sem tengjast
málinu - og allt í lagi með það. Næst
kemur síðan rödd einhvers viðmæl-
anda fréttamannsins og áfram renn-
ur hvert myndskeiðið á fætur öðru
um skjáinn, einhver myndskreyting
tengd málinu. Og það er ekki í lagi.
Viðmælandinn getur nefnilega talað
fram og aftur um málið löngu áður
en hann birtist sjálfur á skjánum. Og
þá fyrst kemur borðinn með nafni
hans. Ef maðurinn á „borðavélinni"
er þá ekki veikur. Þetta er sem sagt
ekki í lagi að mati Víkverja.
Víkveiji veit náttúrlega ekkert
hvort hann á að kenna klippara um,
íréttamanninum, fréttastjóra, vakt-
stjóra eða einhverjum öðrum um
þetta háttalag enda er það ekki aðal-
atriðið. En þetta ættu menn að laga.
í leiðinni mætti alveg íhuga hvort
ekki sé rétt að setja borðann með
nafni viðmælandans á skjáinn aftur
t.d. ef frétt er löng og viðmælandinn
birtist oftar en einu sinni. En nóg um
þetta.
xxx
FORVITNILEGT verður að sjá
hvernig reiturinn á kafla milli
Skúlagötu og Lindargötu eða jafnvel
Hverfisgötu verður í framtíðinni.
Eimskip, sem ræður yfir lóðinni,
virðist hafa huga á að skipuleggja
þar fjölbreytta byggð, blöndu af
íbúðar- og atvinnuhúsnæði. Víkverji
leyfir sér að skora á þá sem þarna
taka til hendinni að sleppa sér dálítið
lausum og láta sköpunargáfu og
frumlegheit njóta sín. Það hlýtur að
vera unnt þegar menn fá svo stóran
reit til meðferðar og það hlýtur líka
að vera vel tekið í það af hálfu borg-
aryfirvalda að leyfa mönnum að
„sprikla“ dálítið á þessu svæði. Mat
Víkverja er að borgin þarfnist meiri
ferskleika í skipulags- og bygginga-
málum og þarna gæti verið eitt tæki-
færið til að láta ljós sitt skína í þeim
efnum.