Morgunblaðið - 05.10.2000, Blaðsíða 6
6 FIMMTUDAGUR 5. OKTÓBER 2000
MORGUNBLAÐIÐ
FRÉTTIR
Opinber heimsókn forseta íslands um Snæfellsnes- og Hnappadalssýslu
Nýsköpunar-
krafturinn
sterkasta aflið
Ólafur Ragnar Grímsson, forseti íslands, og
föruneyti hans, heimsóttu m.a. fískvinnslu,
ísverksmiðju og grunnskóla og kynntu sér
búskap og hárkarlavinnslu á Snæfellsnesi í
gær. Jóhanna K. Johannesdóttir og Þor-
kell Þorkelsson fylgdust með.
Morgunblaðið/Porkell
Dorrit heilsaði leikskólabörnum í Grindavík.
SÍÐARI dagur opinberrar heim-
sóknar forseta íslands um Snæ-
fellsnes- og Hnappadalssýslu hófst
á heimsókn í Eyrarsveit þar sem
sveitarstjórn Eyi'arsveitar og Björg
Agústsdóttir sveitarstjóri tóku á
móti forseta og fylgdarliði við
Grundafjarðarkirkju. Gengið var til
messu þar sem séra Karl Valgarður
Matthíasson stýrði morgunbæn og
forseti las guðspjall dagsins.
Næst var ferðinni heitið í Fisk-
vinnslu Guðmundar Runólfssonar
hf. Þar tóku þeir Móses Geirmunds-
son, Kristján Guðmundsson og
Runólfur Guðmundsson á móti for-
seta og kynntu honum starf fyrir-
tækisins.
Naut blíðunnar
á hafnarbakkanum
ísverksmiðjan Snæís hf. í Grund-
arfirði var því næst skoðuð. Þar
kynnti Kjartan Sigurjónsson um-
sjónarmaður starfsemi verksmiðj-
unnar. Forseti brá svo út af dag-
skránni og naut veðurblíðunnar á
hafnarbakkanum og skoðaði báta er
lágu bundnir við bryggju. Dorrit
Moussaieff dáðist að Kirkjufellinu
og sagði á íslensku að sig langaði að
ganga á fellið einhvern daginn.
Á leið sinni til næsta viðkomu-
staðar lét forseti svo stöðva bifreið
sína þar sem hópur leikskólabarna
var á gangi með fóstrum sínum, fór
út og spjallaði nokkra stund við
barnaskarann.
Forseti tók því næst hús á Grunn-
skóla Eyrarsveitar þar sem Anna
Bergsdóttir skólastjóri ávarpaði
samkomuna. Nemendur kynntu svo
skólann sinn, félagslíf og blómlegan
tónlistarskóla og leikskólabörn
fluttu lag. Sérstaka athygli vakti
fjarnámsdeild skólans þar sem
nemendur framhaldsdeildar stunda
fjarnám. Heimsóknin í Eyrarskóla
endaði í heimilisfræðistofu skólans
þar sem forseti og fylgdarlið gæddu
sér á veitingum sem nemendur
sjálfir höfðu útbúið.
Frá Grundarfirði var ekið að
Bjarnarhöfn í Helgafellssveit þar
sem Hildibrandur Bjarnason,
Brynjar Hildibrandsson oddviti og
sveitarstjórn Helgafellssveitar tóku
á móti forseta. Búskapur og há-
karlaverkun var kynnt og fengu
gestir að bragða á herlegheitunum,
kæstum hákarli nýkomnum úr
hjöllunum í hlíðinni og harðfiski.
Bóndinn sýndi svo bændakirkjuna á
staðnum og dýrgripi þá sem þar er
að finna. Altaristafla kirkjunnar er
frá 1640 og er gjöf frá hollenskum
sjómönnum sem lentu í sjávarháska
og hétu á kirkjuna.
Því næst var Stykkishólmur
heimsóttur. Bæjarstjórn Stykkis-
hólmsbæjar og Oli Jón Gunnarsson
bæjarstjóri tóku á móti forseta við
höfnina þar sem farið var um borð í
Brimrúnu, bát Sæferða og haldið í
siglingu um Breiðarfjörð í blíðskap-
arveðri. Léttur hádegisverður -
skelfiskur, ígulker og annað sjávar-
fang - var snæddur og var maturinn
eins ferskur og frekast var auðið
þar sem hann var fenginn með botn-
sköfu beint úr gullkistu fjarðarins.
Eftir skemmtilega og fróðlega
siglingu var haldið í Grunnskóla
Stykkishólms þar sem nemendur
mynduðu myndarlega fánaborg.
Gunnar Svanlaugsson skólastjóri
ávarpaði gesti og bauð þá velkomna.
Barnakór tók á móti forseta með
söng og nemendur elstu bekkjanna
kynntu starfsemi, félagslíf og blóm-
lega íþróttaiðkum nemenda.
St. Franciskusspítalinn var svo
skoðaður og gekk Jósep Blöndal yf-
irlæknir með forseta um sjúkrahús-
ið þar sem forseta gafst m.a. færi á
að spjalla við sjúklinga og óska
þeim góðs bata. Klaustrið og kap-
ella Franciskussystra var heimsótt
þar sem príorinnan, systir Antonia,
tók á móti forsetanum.
Rækjuvinnsla Sigurðar Ágústs-
sonar var svo skoðuð undir leiðsögn
Rakelar Ólsen, eiganda vinnslunn-
ar, sem einnig rekur hörpudisks- og
kavíarvinnslu. Rækjuvinnslan og
skrifstofur hennar eru reknar í upp-
gerðu húsi Tang og Riis sem mikil
bæjarprýði er að.
Hugmyndaauðgi og nýsköpun
Opinberri heimsókn forseta um
Snæpellsnes- og Hnappadalssýslu
lauk svo með fjölsóttri fjölskylduhá-
tíð í félagsheimilinu í Stykkishólmi.
í samtali við Morgunblaðið sagði
forsetinn að ferðin hefði verið afar
fróðleg og ánægjuleg. „Stundum
örlar á þeirri hugsun að aðalný-
sköpunarkrafturinn hjá okkur Is-
lendingum sé á suðvesturhorninu
og landsbyggðin sé á öðru róli. í
þessari heimsókn hér um Snæfells-
nesið hefur verið mjög áberandi og
ég skynjaði á mörgum sviðum hvað
mikil hugmyndaauðgi, sóknarvilji
og nýsköpun ríkir hér, hvort sem
það er í hátæknigreinum, sjávarút-
vegi eða nýtingu sagnaarfsins allt
frá landnámstíð, framsæknum hug-
myndum um umhverfisvæna ferða-
þjónustu á nýrri öld, skemmtilegri
nýtingu nálægðarinnar við náttúr-
una og mannlífið í skólunum til
sveita og í sjávarbyggðunum til að
þróa kennsluhætti sem óhugsandi
væru í þéttbýlinu. Allt þetta og ótal-
margt annað á þessum tveimur dög-
um hefur sannfært mig um það að
þessi nýsköpunarkraftur sem býr í
landsbyggðinni er kannski sterk-
asta aflið til þess að tryggja nýja
sókn í vexti landsbyggðarinnar á
nýrri öld,“ sagði Ólafur Ragnar.
d
eyral
á Súfistanum
fimmtudagskvöld
5. október kl. 20
Djöflamir eftir Dostojevskí
Aska Angelu eftir Frank McCourt
Bara sögur eftir Ingo Schulze
Æskumynd tistamanns eftir James Joyce
Mái og menning
maJogmenníng.is
Laugavegi 18 • Simi 515 2500 • Síðumúla 7 • Sfmi 510 2500
Franciskussystur tóku á móti forseta í kapellunni á Stykkishólmi.
Andlát
KRISTINN PÁLSSON
Huginn gerir út tog-
bátana Háey VE og
Smáey VE og frysti-
skipið Vestmannaey
VE.
KRISTINN Pálsson,
útgerðarmaður í Vest-
mannaeyjum, er látinn
74 ára að aldri.
Hann fæddist í Þing-
holti í Vestmannaeyj-
um 20. ágúst 1926, son-
ur hjónanna Þorsteinu
Jóhannsdóttur og Páls
Sigurgeirs Jónassonar.
Kristinn fór ungur að
stunda sjó og var lands-
þekktur útgerðarmað-
urogskipstjóri.
Eyjamenn og fleiri
kenndu Kristin einatt
við Berg, bátinn þar
sem hann var lengst skipstjóri og út-
gerðarmaður ásamt Magnúsi Bergs-
syni, tengdaföður sínum.
1973 stofnaði Kristinn útgerðar-
fyrirtækið Berg Hugin hf. og var
lengstum framkvæmdastjóri þess og
síðar stjórnarformaður. Bergur
Eftir að Rristinn lét
af sjómennsku lét hann
að sér kveða í fé-
lagsmálum, var t.d. fé-
lagi í Akoges og sat
lengi í stjórn ogjgegndi
formennslu í Utvegs-
bændafélagi Vest-
mannaeyja og Lífejris-
sjóði Vestmannaeyja.
Þá sat hann í stjórn
LÍÚ og starfaði lengi
að málum Isfélags Vestmannaeyja
sem stjórnarmaður og síðar stjórn-
arformaður.
Eftirlifandi eiginkona Kristins á
Bergi er Þóra Magnúsdóttir. Þau
eignuðust fjögur börn, sem lifa föður
sinn.
Andlát
BRIAN D. HOLT
BRIAN D. Holt, fyrr-
verandi ræðismaður, er
látinn, 79 ára að aldri.
Hann fæddist á
Norður-írlandi 17. apríl
1921, yngstur þriggja
sona hjónanna Johns
Thompson Holt, for-
stjóra og Cassie Camp-
bell Holt. Bræðumir
þrír hafa allir látist á
síðastliðnu ári.
Brian gekk í breska
flughermn 1939 og
gegndi herþjónustu til
1948.
Hann kom hann fyrst
til Islands 1944 og starfaði hér á veg-
um rannsóknadeildar flughersins
fram yfir stríðslok. Það kom í hlut
Brians að vera sá fulltrúi Breta sem
afhenti Islendingum Reykjavíkur-
flugvöll til umráða að stríði loknu.
Brian Holt lauk herþjónustu sinni
erlendis en sneri svo aftur til Islands
og hóf störf hjá Sambandi íslenskra
samvinnufélaga.
Árið 1951 réðst hann til breska
sendiráðsins á íslandi, fyrst sem
vararæðismaður en síðan sem ræðis-
maður. Því starfi gegndi hann uns
hann fór á eftirlaun 1982.
Á starfstíma sínum í breska sendi-
ráðinu greiddi Brian D. Holt götu
fjölmargra Islendinga í Bretlandi og
margir nutu liðsinnis hans eftir að
starfí hans í sendiráðinu lauk. Fyrstu
árin á eftirlaunum starfaði hann
jafnframt sem íslandsfulltrúi
breskra ferðaskrifstofa á Islandi.
Bretland og ísland
áttu þrívegis í erfiðum
deilum vegna land-
helgismála þann tíma
sem Brian starfaði í
sendiráðinu. 1959 var
hann sæmdur orðu
fyrir störf sín í þágu
Breta hér á landi og
eftir að hann hafði látið
af störfum fékkst und-
anþága frá hirð Breta-
drottningar til að hann
fengi að veita íslensku
Fálkaorðunni viðtöku.
Það sætti tíðindum, því
breskir ríkisstarfs-
menn hafa ekki mátt bera erlend
heiðursmerki írá því á dögum Elísa-
betar I. Hann vann einnig til heiðurs-
merkja fyrir herþjónustu sína, en á
stríðsárunum hlaut hann m.a. áverka
sem hann bar merki um til æviloka.
Brian D. Holt sat í um 25 ár í
stjórn Ánglíu, félags enskumælandi
manna á Islandi, og var formaður
þess um nokkurra ára skeið. Garður-
inn við heimili fjölskyldu hans við
Suðurgötu 6 hefur lengi verið orð-
lagður meðal Reykvíkinga og ber
Ijósan vott um þann fjölda vinnu-
stunda sem Brian helgaði garðrækt.
Brian kvæntist eftirlifandi eigin-
konu sinni, Guðrúnu Friðriksdóttur,
1946. Þau eignuðust tvo syni, sem
báðir lifa föður sinn.
Að ósk Brians D. Holt fer útför
hans fram í kyrrþey og án þess að
um hann verði birtar minningar-
greinar.