Morgunblaðið - 01.11.2000, Blaðsíða 34

34 MIÐVIKUDAGUR 1. NÓVEMBER 2000
LISTIR
MORGUNBLAÐIÐ
Kúrekar í geimnum
KVIKMYIYDIR
Bíóhöllin, Bíóbnrgin
n g K r i n g I u b í ð
GEIMKÚREKAR
„SPACE COWBOYS" ★ ★%
Leikstjóri: Clint Eastwood. Aðal-
hlutverk: Clint Eastwood, Donald
Sutherland, James Garner, Tommy
Lee Jones, James Cromwell. Hand-
rit: Ken Kaufman og Howard
Klausner. Warner Bros. 2000.
ÞAÐ tekur svolítinn tíma að
venjast því að horfa á síðasta
kúrekaleikarann, Clint Eastwood, í
geimnum í nýjustu mynd hans,
Space Cowboys eða Geimkúrekum.
Hann er svo jarðbundinn og hefur
alltaf verið það að maður tekur
hann kannski ekki beint alvarlega
í geimbúningi úti á meðal stjarn-
anna.
Kannski er það líka vegna þess
að Clint er alltaf Clint sama hvað
hann leikur, hvort sem hann er
kúreki eða Dirty Harry, og hann
er líka einkanlega Clint í þessari
mynd og virkar svolítið ankanna-
lega sem geimfari.
En út á það gengur grínið að
nokkru leyti. Þeir eru heldur ekk-
ert sérstaklega geimfaralega vaxn-
ir, leikararnir rosknu sem hann
hefur fengið í lið með sér, Donald
Sutherland, James Garner og
Tommy Lee Jones, en það er part-
ur af öllu gamninu og með þeim
gengur grínið á vissan hátt upp.
Þetta er mynd um hið ómögulega
og óhefðbundna, mynd sem brýtur
öll boðorð um ellina og sýnir að
aldurinn er einkanlega afstæður
og hvað er betra en að fá fjóra dá-
indisleikara til þess að segja okkur
það og skemmta í leiðinni? Dæmið
gengur að vísu ekki alveg upp en
tilraunin er góðra gjalda verð.
Geimkúrekar segir frá því
hvernig bandaríska geimvísinda-
stofnunin beitir vægast sagt frum-
legum meðulum til þess að forða
því að gamalt gervitungl hrapi til
jarðar. Fjórir tilraunaflugmenn af
gamla skólanum, sem áttu að
verða fyrstu bandarísku geimfar-
arnir á sjötta áratugnum en sá
draumur rættist aldrei, eru fengn-
ir til þess að fara út í geiminn og
bjarga þvi sem bjargað verður.
Þeir ganga í gegnum strangt æf-
ingaprógramm og er svo skotið út
til stjarnanna.
Myndin hikstar nokkuð lengi
framan af. Það er vandræðagangur
á stjörnunum enda hlutverkin með
eindæmum yfirborðskennd; þetta
eru allt saman ótrúlegir töffarar
og Clint þeirra mestur. Mennirnir
virðast fyrst og fremst vera að
leika sjálfa sig enda er það sáralít-
ið sem handritið gefur þeim úr að
moða. Geimfarinn sem Tommy
Lee Jones leikur er líklega einna
skýrast mótaður af aðalpersónun-
um fjórum en saga hans er samt
hroðvirknislega unnin.
Þegar myndin er komin út fyrir
lofthjúp jarðar og við tekur sagan
um björgunarleiðangurinn hressist
hún nokkuð við enda taka þá við
tæknibrellur og geimævintýri og
Clint fer æ meira að líkjast sjálf-
um sér þegar hætturnar steðja að.
Brellur allar eru unnar af miklu
hugviti og gamla kúrekaleik-
stjóranum tekst að mynda raun-
verulega spennu í geimnum.
Hér er þó brokkgeng mynd á
ferðinni. Það er ákveðið ánægju-
efni að sjá gömlu stjörnurnar leika
saman og skemmta sjálfum sér en
þær hefðu mátt skemmta áhorf-
endum meira.
Arnaldur Indriðason
Hvað heldur hann
lengi út?
Mikil vinna, andlegt álag og
slysahætta einkenna störf
lögreglumanna.
Til þess að halda fullum lífeyri þurfa
íslenskir lögreglumenn að starfa
þar til þeir ná 70 ára aldri.
í nágrannalöndum okkar er fullt tillit
tekið til þess álags sem hvílir á
lögreglumönnum. Þar eru starfslok
lögreglumanna miðuð við 58 til 62 ára
aldur og þeir halda fullum lífeyri eftir
það.*
Álag á íslenska lögreglumenn er ekki
minna en á starfsbræður þeirra
erlendis.
Landssamband lögreglumanna
telur eðlilegt að starfslok
lögreglumanna séu miðuð við 60 ár
og þeir njóti óskerts lífeyris eftir
það.
.
. ”, .? ■
■ i
‘ *
5Ƨ LANDSSAMBAND LÖGREGLUMANNA
1 (Noregi er starfsaldur lögreglumanna miðaöur við 58 ár og i Danmörku 60 ár. [ Englandi fara lögreglumenn á fullan lífeyri eftir 30 ár f starfi.
-----»-M-------
Tónleikar í
Grundar-
fjarðarkirkju
TÓNLEIKAR verða í Grundarfjarð-
arkirkju í Stykkishólmi á laugardag,
og á sunnudag, hvorirtveggju kl. 17.
Þetta eru þau Ildikó Varga mezzó-
sópransöngkona frá Ungverjalandi
sem ætlar að ílytja ungversk þjóðlög
og óperuaríur eftir Gluck, Mozart,
Thomas, Saint-Saéns og Rossini, og
Pawel Dziewonski frá Póllandi sem
ætlar að flytja hornkonsert nr 1 í D-
dúr KV 412 eftir Mozart. Þetta er
ungt fólk og hefur menntast í sínum
heimalöndum, en hefur einnig sótt
menntun til annarra landa.
Ildikó kennir einsöng og píanóleik
í Stykkishólmi, en Pawel hefur tekið
við lúðrasveitarkennslu af Daða Þór
Einarssyni. Pawel hefur starfað sem
hornleikari í Kraká og Varsjá í Pól-
landi.
----------------
Með söng í
hjarta
SÖNGFÉLAG FEB í Reykjavík
heldur tónleika í Salnum á fimmtu-
dag kl. 20.
Þetta er 14. starfsár kórsins og
verður efnisskráin mjög fjölbreytt.
Undirleikarar á tónleikunum eru
Halldóra Aradóttir á píanó og Grett-
ir Björnsson á harmónikku. Sérstak-
ur gestur Söngfélagsins á tónleikun-
um er Sveiflukvartettinn. Kórstjóri
er Kristín S. Pjetursdóttir.
------^#-4------
Nýjar bækur
• Ut er komin skáldsagan Inga og
M/ra eftir sænska rithöfundinn Marí-
anne Fredriksson.
Aður hafa tvær skáldsögur hennar
komið út í íslenskri þýðingu, Símon
og eikm’nar, sem kom út í fyrra, og
metsölubókin Anna, Hanna og Jó-
hanna, sem hlaut mikið lof og seldist
upp á skömmum tíma er hún kom út
hér á landi fyrir tveimur árum. Inga
og Míra segir frá tveimur konum
með afar ólíkan bakgrunn sem kynn-
ast fyrir tilviijun. Önnur er sænsk
kennslukona á miðjum aldri, hin er
flóttakona frá Chile sem flúði á sínum
tíma ógnarstjóm Pinoehets og settist
að í Svíþjóð. I fréttatilkynningu seg-
ir: „Inga og Míra er áhrifarík og á
stundum átakanleg frásögn um vin-
áttu tveggja kvenna, drauma þeirra
og sorgir, vonir og vonbrigði. Inga
hin sænska og Míra hin suður-
ameríska eru ólíkar - í þeim mætast
kalt norðrið og heitt suðrið - en þær
verða engu að síður nánar vinkonur.
Vinátta þeirra krefst einlægni og
hreinskilni og því opnast sár sem
ekki voru eins gróin og vonir stóðu
til. Og fyrr en varir verða þær að
horfast í augu við liðna atburði, hvor
með sínum hætti.“ Þýðandi bókarinn-
ar er Sigrún Ástríður Eiríksdóttir.
Útgefandi er Vaka-Helgafell. Bók-
in var pren tuðí Odda hf. og er 254
bls. að lengd. Ragnar Helgi Ólafsson
hannaði bókarkápu. Leiðbeinandi
verð er 3.990 krónur.