Morgunblaðið - 12.12.2000, Qupperneq 13

MORGUNBLAÐIÐ
ÞRIÐJUDAGUR 12. DESEMBER 2000 13
FRÉTTIR
Fjölmennur hópur samstúdenta sótti aðventumessu í Fella- og Ilólakirkju.
Skólafélagar hittast
á jólaföstunni
Morgunblaðið/Sverrir
ÚTSKRIFTARÁRGANGUR ársins
1955 frá Menntaskólanum í Reykja-
vík hefur haft það fyrir sið í um 20
ár að hittast snemma á jólaföstunni
í messu hjá skólabróður sínum,
Hreini Hjartarsyni, presti í Fella- og
Hólakirkju. Ekki var brugðið út af
vananum í ár og það var fjölmennur
hópur menntskælinga sem heim-
sóttu kirkjuna annan sunnudag í að-
ventu og hlýddu á sérstaka tónlist-
armessu og gæddu sér á kaffi og
kökum í safnaðarheimilinu á eftir.
„Þessi hópur hefur alltaf verið
sérstaklega samheldinn og hist á
hverju ári frá útskrift," segir
Eh'einn og hlær við þegar hann við-
urkennir að umræðuefnið hafi
breyst lítillega í gegnum áratugina.
„Fyrstu árin var talað um hverjir
væru búnir að trúlofa sig, næstu ár-
in þar á eftir var farið að tala um
börnin og nú er svo komið að barna-
börnin, gönguferðirnar og eilífð-
armálin eiga hug okkar allan."
Sérstök skemmtinefnd starfar til
að skipuleggja ferðir og samkomur
sem hópurinn sækir. Nefndina situr
einn úr hverri bckkjardeild, valinn
til fimm ára í senn. Guðrún Hall-
dórsdóttir, formaður skemmti-
nefndarinnar, segir að þrátt fyrir
að sumir samstúdentanna séu bú-
settir erlendis komi það ekki f veg
fyrir að þeir hitti gömlu skólasystk-
inin, heldur leggi fólk bara Iand
undir fót til að geta tekið þátt í há-
tíðunum.
„Nefindin sér til þess að við hitt-
umst alla vega einu sinni á ári - en
oftast að minnsta kosti þrisvar. Þeg-
ar við vorum (jörutíu ára stúdentar
notuðum við tækifærið og hittumst
mörgum sinnum til að athuga
hvernig við ætluðum að halda upp á
herlegheitin.“
Aðventmessan hjá séra Hreini er
að sögn Guðrúnar fastur liður í jóla-
undirbúningi skólasy stkinanna og
kærkomin stund til að hitta alla
gömlu félagana. „Það hefur verið
okkur dýrmætt að geta hist og við
þetta hafa skapast með okkur eig-
inleg systkinabönd en trúföstustu
vinimir eru oft þeir sem maður
kynntist á táningsárunum," segir
Guðrún og hlakkar til næsta fundar
á nýju ári þegar hópurinn ætlar að
líta á sýningu Herranætur, leik-
félags Menntaskólans í Reykjavík.
Fauk út
af við
Hafurs-
fell
ÁÆTLUNARBIFREIÐ frá
Hópferðabílum Helga Péturs-
sonar fauk út af veginum á
sunnanverðu Snæfellsnesi í
gærmorgun.
Mikið rok var og undir
Hafursfelli skall sviptivindur
á bílnum sem þeyttist út af
veginum.
Snarræði bílstjórans,
Sverris Ulfssonar, þegar
hann hreinlega ók út af veg-
inum kom í veg fyrir veltu og
meiriháttar skemmdir, að því
að talið er.
Þegar aðstæður höfðu verið
kannaðar komst bíllinn, lítils-
háttar skemmdur, upp á veg-
inn aftur og gat haldið áfram
akstri til Reykjavíkur.
Enginn slasaðist í þessum
sviptingum en með bílnum
voru tveir farþegar.
Urskurður um
umgengni móð-
ur óhaggaður
HÆSTIRÉTTUR hefur fellt dóm
undirréttar úr gildi og dæmt að ekki
skuli ógilda úrskurð barnaverndar-
ráðs Islands í máli móður sem vildi
aukinn umgengnisrétt við tvær dæt-
ur sínar. Þeim hafði verið komið í
fóstur þegar önnur var rúmlega
tveggja ára og hin 9 mánaða.
Móðirin eignaðist tvær dætur,
1990 og 1992, með þáverandi eigin-
manni sínum. Vegna erfiðleika á
heimilinu samþykktu hjónin að dæt-
umar færu í varanlegt fóstur, eða til
16 ára aldurs. Samkvæmt fóstur-
samningum áttu dæturnar, sem fóru
hvor á sitt heimilið, rétt á umgengni
við foreldra sína tvisvar á ári í tvo
tíma í senn. Eftir skilnað foreldr-
anna 1995 breyttist umgengnin
þannig að foreldrarnir komu hvort í
sínu lagi.
I september 1996 óskaði móðirin
eftir aukinni umgengni við dæturn-
ar. Bamavemdamefnd Reykjavíkur
úrskurðaði í júlí 1997 að umgengni
við hvora dóttur skyldi sem fyn1 vera
tvisvar á ári í tvær stundir í senn.
Hún skaut úrskurðinum til barna-
verndarráðs íslands, sem staðfesti
umgengnistíma en ákvað að fyrri
umgengnistíminn skyldi vera sam-
eiginlegur með þeim systrum og var
konunni heimilað að taka með sér
núverandi eiginmann og son þeirra.
Móðirin vildi fá þessum úrskurði
hnekkt og höfðaði mál. Hún hélt því
fram að ekkert hefði komið fram,
sem réttlætti svo takmarkaða um-
gengni. Löggjafinn hefði metið það
svo, að böm í varanlegu fóstri skyldu
hafa umgengni við kynforeldra sína.
Augljóst væri, að slík umgengni ætti
ekki að vera svo lítil, að áhrifa henn-
ar gætti nánast ekki. Tilgangur með
fóstri, hvort sem það væri tímabund-
ið eða varanlegt, væri sá, að bamið
færi aftur til kynforeldra sinna.
Framkvæmd barnavemdaryfirvalda
hefði aftur á móti orðið á þann veg að
þrengja umgengnisrétt. Væri það
andstætt alþjóðasáttmálum, sem Is-
land er aðili að, svo sem samningi
Sameinuðu þjóðanna um réttindi
barnsins og mannréttindasáttmála
Evrópu. Þá sagði móðirin barna-
verndaryfirvöld hafa brotið meðal-
hófsreglu stjórnarfarsréttar með því
að úrskurða umgengni svo knappa.
Málið rannsakað ítarlega
Hæstiréttur sagði það ekki vera
hlutverk dómstóla að kveða á um
inntak umgengnisréttar, en þeir
ættu úrskurð um það, hvort ákvarð-
anir barnaverndaryfirvalda væru
byggðar á lögmætum grunni. „Gögn
málsins bera með sér, að barna-
verndamefnd Reykjavíkur hafði
rannsakað mál þetta ítarlega, áður
en hún kvað upp úrskurð sinn 1. júlí
1997. Skýrslur félagsráðgjafa og sál-
fræðings, sem kannað höfðu allar að-
stæður, lágu fyrir, og virðist undir-
búningur allur hafa verið faglegui- og
traustur," segir Hæstiréttur og vísar
til samdóma álits allra kunnáttu-
manna um að hagsmunir telpnanna
mæltu með því, að umgengnisréttur
skyldi vera óbreyttur.
Rétturinn féllst ekki á, að með
vistun barns í varanlegt fóstur til
sjálfræðisaldurs væri almennt að því
stefnt, að fósturbarn hyrfi til for-
eldra sinna að nýju, heldur að bamið
fengi gott uppeldi og aðbúnað hjá
fósturforeldmm allt til sjálfræðis-
aldurs. Lögum samkvæmt ætti barn
í fóstri rétt á umgengni við kynfor-
eldra og aðra, sem því væm nákomn-
ir. Bamavemdarnefnd ætti úrlausn-
arvald um umgengni barna í fóstri
við kynforeldra sína, og samkvæmt
lögum gæti nefndin úrskurðað að
umgengnisréttar nyti ekki við, ef
sérstök atvik yllu því, að umgengni
barns við foreldra væri andstæð hag
þess og þörfum. Það væri því ekki
efnislega ólögmætt að takmarka um-
fang umgengnisréttar.
Þá vísar Hæstiréttur til að í
barnarétti sé það grundvallarregla,
að hagsmunir barnsins séu í fyrir-
rúmi við allar ákvarðanir, sem það
snerta. Telpumar hafi verið settar í
fóstur eftir að önnur vægari úrræði
höfðu verið reynd, eins og skylt sé
lögum samkvæmt. Málið hafi hlotið
traustan undirbúning og m.a. verið
rætt á sex fundum barnavemdar-
ráðs áður en úrskurður þess var
kveðinn upp. Verði ekki annað séð en
hann hafi verið faglega unninn og
undirbúinn og brjóti ekki í bága við
lögeða alþjóðasamninga.
Enn eitt umferðarslysið á Reykj anesbraut
Sex slös-
uðust í
bílveltu
SEX slösuðust, þar af einn alvarlega,
þegar b£U valt á gatnamótum Reykja-
nesbrautar og Grindavíkurvegar
snemma á sunnudagsmorgun. Um
var að ræða fólksbíl gerðan fyrir
fimm manns en sex ungmenni á leið
heim úr gleðskap í Reykjavík vora í
bílnum þegar hann valt. Sá yngsti í
bílnum var fæddur 1986 en sá elsti
1961. Að sögn lögreglu í Keílavík er
ekki ljóst hver tildrögin vora en ekki
var hálka á veginum og aðstæður góð-
Ljósmynd/Hilmar Bragi Bárðarson
Bíllinn er talinn ónýtur eftir slysið.
ar. Flestir fengu að fara heim eftir að- Hann var fastur inni í bílflakinu og
hlynningu og skoðun á sjúkrahúsi en var meðvitundarlaus þegar að var
ökumaðurinn er meira slasaður. komið. Málið er í rannsókn.
Lœrðu að njóta tónlistar:
‘IónCistamámsHgið ItigóCfs
Tónlist er samofin öllu lífi manns, en samt kunna
fœstir að njóta hennar tilfulls. Námskeið Ingólfs
hafa veitt mörgum innsýn í töfraheim hœstu listar.
r
Ur þakkarbréfi: „Þessum lokuðu dyrum lauk hann
upp fyrir mér á frábœran, hrífandi hátt og ég
öðlaðist nýtt mat á gildi fagurlista til aukinnar
lífsnautnar og gleði. “ K.H.
AÐEINS EITT NÁMSSKEIÐ FRAMUNDAN
þriðjudagskv. 30. jan.-2 7. feb. 2001 - 5 skipti 2 klst.
kl. 20-22 í Safnaðarsal Háteigskirkju. Nokkrir
komast enn að sépantað núna í síma 562 0400:
Frá MOZART til Mahlers + létt Vínartónlist.
Námsskeiðið er styrkt af LISTASJÓÐI
HEIMSKL ÚBBS.