Árbók Hins íslenzka fornleifafélags - 01.01.1924, Page 35

35
gerist eða er látinn gerast 985 *) og þá er þingið lagt niður í Sunnu-
dal1 2 3), þvi Vopnfirðingar komu þá af vorþingi austan frá Þinghöfða
við Lagarfljót, öðru nafni Krakalækjarþingi8). A þessu sjáum við að
fjórðungsþingið4 *) í Sunnudal hefir ekki staðið nema um 20 ár8).
Þess er getið, að fjórðungsþingið4) í Sunnudal hafi verið lagt niður,
en það er hvergi tekið fram að það hafi verið sett annars staðar.
Var það óhugsandi, að fjórðungsþing4) hefði verið sett annaðhvort
hjá Þinghöfða eða á Lambanesi? Það lá að minsta kosti vel við;
það þing hefðu þá sótt Strandamenn og Vopnfirðingar og alt Ut-
Hjerað og Norður Firðir, alt suður í Mjóafjörð; en hinn hlutinn6 *)
hafi átt þingsókn að Kiðjafelli, sem vafalaust hefir verið flutt þang-
að frá Þing-Múla. Annars er það skoðun mín, að þing hafi verið
háð mjög skamma stund að Þing-Múla. Það mælir ýmislegt á móti
því, bæði lega staðarins og svo hefir snemma verið bygt þar, en
varla er hugsanlegt að fjórðungsþing hafi verið háð heima í túni á
bygðu bóli. Þess utan er miklu beinna sunnan undan Lónsheiði og
víðar þar að sunnan, að fara fyrir innan Skriðudal og út á hálsinn
milli Fljótsdals og Skriðudals og þar ofan í Fljótsdalsbotninn, þar
sem þingið var háð. í fjallinu inn og upp af Víðivallagerði í Fljóts-
dal er klif eða klettahjalli, sem þann dag í dag kallast Þingmanna-
klif, eitt af þessum þögulu og þó talandi minnismerkjum þessa lands
frá fornöldinni. I sambandi við þetta má minna á einn atburð í
Fljótsdælu. Það er vorið í Mjóvanesi, er Helgi hjelt Gunnar Þiðranda-
bana, þá var Helgi kvæntur í síðara sinni og átti fyrir konu Þór-
dísi toddu Helgadóttur frá Hofi í Vopnafirði. Þá var það að Helgi
fór upp undir Kiðjafell að helga þing og þá varð hann að treysta
á dygð og drengskap konu sinnar með sakamanninn; orðin fjellu
þó ekki líklega milli þeirra hjónanna um það mál, þótt reyndin
1) Bardaginn var eiðasta árið, sem sagan gerist, og er talinn i öllum elstu
annálunnm að hafa átt sjer stað vorið 989.
2) Það virðist hafa verið lagt niður 2 árum áðnr, þegar eftir víg öeitis Lýt-
ingssonar (987), eftir því sem segir í Vépnf.s.
3) Það, að þeir Þorkell Geitisson fara til Eyvindarár og þeir Bjarni Brodd-
Helgason til Mjóvaness, bendir til að þingið hafi verið háð þetta vor austan Lagar-
fljóts.
4) Hjer er ekki um fjórðungsþing, heldur vorþing að ræða. — Það mun óvist,
hvar fjórðungsþing hafi verið háð i Austfirðingafjórðungi og jafnvel hvort þau hafi
komist þar á nokkru sinni.
ö) Þess er hvergi getið, hvenær tókst upp þinghald i Sunnudal; það kann vel
að hafa verið fyrir 962.
6) Hjer er um 2 þing að ræða, af þeim 3, sem voru i Austfirðingafjórðungi.
Innan fjórðungs voru þau ekki sundurgreind af neinum ákveðnum landamörkum, svo
sem sýslur síðar.
3*