Eimreiðin - 01.09.1903, Blaðsíða 30

langt burtu frá þessum blessaba búgarði. Á þann hátt kem ég
engu illu til leiðar«.
Bóndi brosti í kampinn. »Deesa«, sagði hann svo, »nú hefir
þú sagt sannleikann og ég skyldi gefa þér frí á augabragði, ef
nokkur ráð væru með að nota fílinn meðan þú ert burtu. Pú veizt
að hann hlýðir engum nema þér«.
»Megi Ljós Himinsins lifa fjörutíu þúsund ár. Eg skal ekki
vera burtu nema tíu daga. Eftir þann tíma skal ég koma
aftur, upp á æru, sál og samvizku. Má ég með tilliti til þessa
örstutta tíma með náðarfylsta leyfi hins Himinborna kalla á hann
Moti Guj?«
Leyfið var veitt, og Deesa kallaði með hvellum rómi á hinn
stórvaxna fíl, er óðar vatt sér fram úr skugga trjánna, þar sem
hann hafði staðið og verið að ausa yfir sig ryki og mold, þangað
til húsbóndi hans kæmi aftur.
»Ljós hjarta míns, Verndari hins drukna, Fjall máttar og meg-
ins, hlustaðu nú«, sagði Deesa, standandi fyrir framan hann. Moti
Guj hlustaði og heilsaði með rananum.
«Ég ætla að fara burtu«, sagði Deesa.
Augun á Moti Guj tindruðu. Honum þótti eins gaman að
lystitúrum og eiganda hans; þá gat maður krækt sér í alls konar
góðgæti, sem óx meðfram veginum.
»En þú, klunnalega gamla svín, þú verður að vera eftir og
vinna«. Gleðibragðið hvarf, þó Moti Guj reyndi að sýnast ánægð-
ur. Honuni var meinilla við að rífa stubbana upp úr skóglendinu,
það meiddi hann í tennurnar.
«Ég ætla að vera burtu í tíu daga, Uppspretta ánægjuttnar,
haltu upp þessum framfæti ég ætla að skrifa það á hann, vörtótta
paddan þín, skriðin úr þornuðum forarpolli«, og Deesa tók tjald-
hæl og sló Moti Guj tíu sinnum á neglurnar. Moti Guj orgaði
og stóð ókyr.
»Tíu daga«, sagði Deesa, »verður þú að vinna og strita og
rífa upp tré og Chihun hérna á að stýra þér. Taktu Chihun upp
og settu hann á háls þér!« Moti Guj hringaði endann af ranan-
um, Chihun sté í hringinn og var sveiflað upp á háls fílnum.
Deesa rétti Chihun hinn þunga »Ancus«, járngaddinn, sem notað-
ur er við fíla, og Chihun lamdi í sköllótta kollinn á Moti Guj,
eins og væri hann tilfinningarlaus steinn.
Moti Guj grenjaði hátt.