Eimreiðin - 01.09.1903, Blaðsíða 75

235
Greinar þessar, sem flestar eru frá árunum 1901 —1902, eru liprar og vel samd-
ar. Þýðingarnar á kvæðunum virðast vera vel gerðar, þótt þær auðvitað geti eigi
jafnast við frumkvæðin, Kvæði Jónasar, ísland, þýðir höf. á þessa leið:
Island! alsæle oy, fagre og fonnkvite mor vaar!
kor er no fornfrægdi di med fridom og daadsterke tid?
Skiftande alt er i verdi, for dine fagraste stunder
lyser som ljoneld um nott langt inn i ti<ii som kvarv.
— Landet var lokkande vænt og ljossveipte jokul tindar,
himmelen blaanande hog, havet var skinande bjart o. s. frv.
MYNDUN MÓBERGSINS Á ÍSLANDI. í sænska tímaritinu »Geol. Fören. i
Stockholm Förhandl.« Bd. 24 (1902) hefir Helgi Pjetursson ritað grein um myndun
móbergsins á íslandi. í grein þessari svarar hann ritdómi, sem próf. Porv. Thor-
oddsen hafði ritað í tímariti þessu um sama efni (sbr. Eimr. VII, 159).
H. P.
UM GRÍMSEY (»Et Besog paa Grims0«) hefir prófessor Porvaldur TJioroddsen
ritað mjög skemtilega og fróðlega grein í »Geografisk Tidsskrift« (1901 —1902), þar
sem hann segir frá ferð sinni þangað í júní 1884. En jafnframt er í greininni full-
komin lýsing á eynni, bæði landslagi, loftslagi, jurta- og dýralífi, og ennfremur á
atvinnuvegum og lifnaðarháttum eyjarskeggja. í*ar er og saga Grímseyjar rakin frá
elztu tímum og til vorra daga.
SAGAN OKKAR (»Vor Historie«) heitir bók, sem vér finnum ástæðu til að
benda lesendum Eimreiðarinnar á. Hún er eftir sagnfræðinginn, ríkisþingmann Joha?i
Ottosen og hefir smámsaman komið í hinu fjölkeypta og ágæta vikublaði »Frem«,
en er líka gefin út sem sérstök bók. í*að er saga allra Norður!anda frá elztu tím-
um og er stutt yfirlit yfir hina helztu viðburði í sögu íslands þar einnig með. Af
sögu þessari eru nú út komin tvö bindi og endar hið fyrra á Kalmarsambandinu
(1397), en hið síðara á falli Karls tólfta (1718). Framsetningin er einkar ljós og
meðferðin á efninu öll hin bezta. Auk þess er bókin prýdd fjölda af myndum og
landsuppdráttum til skýringar (um 200 myndir í hvoru bindi). Oft er og skygnst
langt út fyrir Norðurlönd til skýringar eða samanburðar, svo bókin kemur allvíða
við. Fyrir þá, sem vilja fá sér handhægt og glögt yfirlit yfir sögu Norðurlanda,
mun tæpast völ á heppilegri bók en einmitt þessari, sem líka hefir þann kost, að
hún er ekki eingöngu viðburðasaga, heldur einnig þjóðhátta, bókmenta og lista.
UM VÍSURNAR í HALLFREÐARSÖGU hefir prófessor Finnur Jónsson skrif-
að ritgerð í »Arkiv f. nord. Filologi« og sýnir þar fram á, að margt í þeim sé úr
lagi fært, en að oftast megi finna hið rétta með nákvæmum samanburði á handrit-
unum. En sumstaðar neyðist maður til að ætla að vísupartar séu aflagaðir í öllum
handritum, og þá verði ekki komist hjá getgátum. Allar skýringar prófessors Finns
virðast mjög sennilegar og eru vísurnar nú mun aðgengilegri eftir en áður.
V G.
UM FÆREYJAR, ÍSLAND OG GRÆNLAND (DET HÖJE NORD: Fær-
öernes, Islands og Grönlands Udforskning ved Daniel Bruun. Köbenhavn 1902)
hefir höfuðsmaður Daníel Bruun ritað mikla og merkilega’ bók, 256 bls. að stærð
(í stóru broti). Bókin er auðvitað í 3 köflum: Færeyjar, ísland og Grænland. En
höf. hefði átt að rita þrjár sérstakar bækur um þetta efni, því það er að sumu leyti