Eimreiðin - 01.05.1908, Blaðsíða 80

i6o
»sögulegur réttur« (Norðmanna), að íslenzk tunga, eins og hún var töluð í fornöld,
kallist nu (á dönsku eða norsku) »oldnorsk«, en ekki »oldnordisk«, sem Danir hafi
búið til. Snorri telur þó tunguna hafa verið talaða um Norðurlönd öll (og nefnir
hana jafnvel »danska tungu«).
í*ar sem höf., svo sem réttmætt er, finnur mjög að því við Dani, að þeir
afbaki öll íslenzk orð og heiti og geti aldrei stafað þau rétt, mætti ætla, að hann
gerði sig ekki sekan í hinu sama; en íyrir slíku vottar þó, t. d. er hann segir, að
skraddari heiti á íslenzku »kÍ0ðjasmiður«(!), eða talar um »Hið samlinaða gufuskipa-
fjellag« o. íl. smávegis, sem þó sumt getur stafað af prentvillum.
Eigi er það rétt, að akfæri séu alls ekki notuð á íslandi, og enn eigi það,
að »tveir skógar« séu þar aðeins teljandi, við Hallormsstað og í Fnjóskadal, því að
Núpsstaðarskóg ber einnig að tilgreina. En orsök þessarar ónákvæmni er sjálfsagt
fákunnátta þeirra, er hafa »frætt« höf. um hagi landsins.
En þótt þannig séu fáeinar villur í bókinni, er hún samt svo vel og skynsam-
lega rituð, að ánægja er að lesa hana. Andar úr henni þýður blær skilnings,
virðingar og vináttu — og við hljótum við lestur hennar að styrkjast í þeirri vissu,
er höf. og landar hans hafa rótgróna eigi síður en við, að séu nokkrar af Norður-
landaþjóðunum enn að mun skyldar, þá eru það Norðmenn og Islendingar.
G. Sv.
UM LANDSRÉTTINDI ÍSI.ANDS og réttarkröfur íslendinga gegn Dönum
hélt cand. mag, Bjarni Jónsson frá Vogi allýtarlegan fyrirlestur í Stokkhólmi 7. apríl
þ. á„ og fluttu öll hin stærri blöð Svía (að minsta kosti í höfuðstaðnum) útdrátt úr
þeim fyrirlestri 8. og 9. apríl og gerðu góðan róm að honum.
V. G.
EIMSKIPASAMBAND MILLI AMERÍKU OG ÍSLANDS. Svo segja fróðir
menn, að sendiherra Bandaríkjanna í Kaupmannahöfn hafi lagt til við stjórn sína
og þing, að veitt yrðí fé til að koma á beinu eimskipasambandi milli Ameríku og
íslands, og ekki talið vonlaust, að . þeirri tillögu muni bráðlega sint, með því að
frumvarp um ýmsar þesskonar styrkveitingar til að efla verzlun Bandaríkjanna liggi
nú einmitt fyrir þingi þeirra. V- G.
UM ÍSLANDSFERÐ sína og rannsóknir og viðburði á henni sumarið 1907,
hélt hr. Spethmann fyrirlestur í Landfræðisfélaginu í Lubeck 9. jan. þ. á., og er
útdráttur úr þeim fyrirlestri pientaður í »Vossische Zeitung« 12. jan. 1908, Sem
kunnugt er, druknuðu tveir af félögum hans í gígvatni í öskju, málarinn Rudolf og
dr. V. Knebel. sem var foringi fararinnar. Varð því för hr. Spethmanns heldur en
ekki söguleg, og skýrir hann í fyrirlestri sínum frá þessum atburðum. Eftir lát
félaga sinna (í júlí) hélt hann einn uppi rannsóknum fram í september, og kveður
nokkurn vísindalegan árangur hafa orðið af þeim. Ekki kveðst hann geta gefið
landsbúum neitt sérlega góðan vitnisburð, þótt nóg hafi verið af þeim látið í mörgum
ferðamannabókum. Kvenfólkið sé reyndar mjög fallegt, en karlmennirnir veki nánast
óbeit hjá manni, enda sé ekki neitt gott upplag í þeim. feim sé alt of gjarnt til
að féfletta alla útlendinga. V. G.