Dagblaðið Vísir - DV - 06.06.1984, Blaðsíða 15

DV< MIÐV'IKUDAGUR 6f fftJNH984.
15
„ALLT ER HRINGUR”
Finnbjörn Finnbjörnsson: — Málaði
heilan húsvegg á Bergstaðastræti
til að auglýsa kvikmynd sina.
DV-mynd GVA.
Litli f iskimaðurinn
er í takmörkuðu
upplagi
Hann er litaglaður hann Finnbjörn
Finnbjörnsson, höfundur grafísku
kvikmyndarinnar Innsýn, sem sýnd
hefur verið í Regnboganum að undan-
fömu. Enda ekki skrýtiö því faðir hans
og alnafni er málarameistari og það
sama má segja um afa hans, Finn-
bjöm Finnbjörnsson, sem starfaði á lsa-
firðL
Finnbjöm er 27 ára gamall og var í
heil þrjú ár að gera kvikmyndina og
efni hennar skilgreinir hann á eftirfar-
andi hátt: „A bak við litina og formin
liggja grundvallarsannindi eins og þau
að allt sé hringur, að ekki sé til bein
lína, allt komi aftur, árstíðir sem
annaö,” segir Finnbjöm og hefur þar
með lýst hluta lifsskoðunar sinnar.
Finnbjörn dvaldi í San Fransisco 1978
til 1980 og lagði þar stund á teikni-
myndagerð í einkaskóla. Einnig
málaöi hann hús fyrir hvem sem hafa
vildi, svona líkt og faðir hans og afi
höföu gert norður við heimskautsbaug.
Þama úti gerði hann reyndar aðra
grafíska kvikmynd sem var bæði
lengri og þyngri en Innsýn og hefur þó
sumum þótt hún nógu löng og þung.
Staöreynd málsins er einf aldlega sú að
sýningarnar hafa ekki gengið eins vel
og skyldi þó að hér sé á ferðinni alger
nýjung í íslensku menningarlífi. „Ætli
þaö sé ekki með þetta eins og annað
nýtt hér á landi, það tekur fólk svo
langan tíma 'að sætta sig við fyrirbærin
en ég er aftur á móti sannf ærður um aö
ég fæ næga áhorfendur eftir 20 ár
þegar ég dreg kvikmyndina fram úr
pússi mínu. Ætli áhugaleysi almenn-
ings gagnvart kvikmyndinni megi ekki
helst skýra með því að ég réðst í óraun-
hæft fyrirtæki. Það var alltaf verið að
benda mér á að þetta gengi ekki en ég
skellti viö skolieyrum og hélt áfram í
heil þrjú ár þar til allt var tilbúiö. En
maður lærir af reynslunni og næsta
mynd sem ég geri verður styttri, hrein
„action”-mynd, líklega fimm mínútur
að lengd og tilvalin til sýningar sem
formynd á venjulegum kvikmynda-
sýningum. Eg er viss um að slík mynd
mundi ganga vel, það er bara spuming
hvenær ég hef fjárhagslegt boimagn til
að standa i slíku. Skuldasúpan er orðin
— segir Finnbjöm
Finnbjörnsson,
höfundur graf ísku
kvikmyndarinnar
Innsýn
djúp og ég get litiö annað en hrært i
henni á meðan aðsóknin er ekki meiri
en raun ber vitni,” segir Finnbjöm og
ber sig karlmannlega. Hann á þó hauk
í horni þar sem er eiginkona hans,
Margrét Björgólfsdóttir, en þaö er ein-
mitt hún sem framleiðir morgungull,
heilsufæði á heimsmælikvarða eins og
sumir segja. Þau eru bamlaus og bíl-
,laus og „..ennþá fátæk”, eins og Finn-
björn segir.
-EIR.
A vegum Listasmiðju Glits er nú
verið að undirbúa útgáfu á nýjum
flokki iistaverka sem gefin verða út í
mjög takmörkuöu upplagi.
Fyrsta verkið verður skúlptúr eftir
Ragnar Kjartansson myndhöggvara
sem nefnist Litli fiskimaðurinn. Verk-
ið, sem er 32 cm á hæð, er brennt í
steinleir. Aðeins verða gefin út 15 tölu-
sett eintök af þessu verki og er verð á
hverju eintaki kr. 14.800.
Hér er því tilvalið tækifæri fyrir
listaverkasafnara að fjárfesta í þessu
sérstæða verki eftir þjóðkunnan lista-
mann sem þekktur er fyrir verk sín úr
sjávarútvegi.
Umhverfisfræðsla
áÞingvöllum
TjaHstæöi og hjólhýsasvæði í
þjóðgarðinum á Þingvöllum verða
opnuð þriðjudaginn 12. júnL Sama dag
verður tekin upp reglubundin
umhverfisfræðsla með gönguferðum
alla daga vikunnar.
Starfsmaður þjóðgarðsins verður
staddur daglega klukkan 8.45 að
morgni við hringsjá á vestari brún Al-
mannagjár. Fer hann síðan með gest-
um á Lögberg, norður með Köstulum,
suður með öxarár heim á Þingvalla-
stað. Verður sungin miðmorgunstíð í
kirkjunni og siðan spjallað við gesti
um staöinn til klukkan 10.30.
Á föstudögum og laugardögum
klukkan 14 er í boði gönguferð frá
Köstulum að Skógarkoti og þaðan inn á
Leira undir leiðsögn. Sömu daga
klukkan 16 verður gengið frá Velland-
kötlu upp Hrafnagjárhalllinn aö
Klukkustíg. Einnig undir leiðsögn.
Á laugardagskvöldum klukkan 20.30
verður klukkutima kvöldvaka í Þing-
vallakirkju og á sunnudögum klukkan
14ferframguðsþjónustaþar. -KÞ.
Skáld aðvarar
kunnáttulausa
„Þetta er bara meinlaus ábending,
það er leiöinglegt að þurfa að fara í
mál eftir á við einhverja kunnáttu-
lausa menn sem hafa notaö texta mina
i óleyfi til söngs, svo eitthvað sé
nefnt,” sagði Stefán Hörður Grímsson
skáld en í blöðum hafa birst auglýsing-
ar frá skáldinu þar sem hann bendir á
að engum sé heimilt.. „án þess aðhafa
fengið til þess skriflegt leyfi undirrit-
aðs að setja tónlist til flutnings eöa
birtingar við ljóð eða annan texta eftir
undirritaðan,..”
Stefán Hörður sagðist ekki hafa lent
í því sjálfur aö textar sínir væru mis-
notaöir á þennan hátt en hann vissi
dæmi þess hjá öörum og þvi bæri að
líta á auglýsinguna sem fyrirbyggj-
andi aðgerð. „Eg nenni ekki að hafa
peninga af mönnum sem gera eitthvað
íógáti,”sagðiskáldið. -EIR.
Nú þegar Rannsóknarlögreglan er
hætt aö leita aö fingraförum á kex-
pökkunum, og búið er að henda því
sem eyðilagðist í brunanum í Glæsi-
bæ, þá heldur SS í Glæsibæ bruna-
útsölu að Hallarmúla 4.
Allur dósamatur, barnamatur,
bökunar- og hreinlætisvörur og
margt fleira á hlægilegu verði.
Jafnvel verðið á kaffi, sykri, hveiti
og öðrum nauðsynjavörum hefur
verið lækkað.
Semsagt full búð af vörum á
ótrúlega lágu verði og það er
engin lygi að segja að lækkunin
sé alveg stórkostleg.
Opið virka daga kl. 9-19 nema
föstudaga kl. 9-20 og laugardaga 1
kl. 9-16.
Reykingar bannaðar á staðnum.
SLÁTURFÉLAG T>f F SUÐURLANDS
HALLARMÚLA 4